اهلا بكم اخوتى الاعضاء

اليوم اطرح موضوعا نقاشيا هاما احتاج فيه لأرائكم عن

الثانوية العامة وحظوظ كل طالب فى تحقيق نتيجة التفوق.

سؤال مهم يخطر ببالى (هل يستطيع كل طالب ان يلتحق

بكليات القمة مثل الطب بأنواعه والصيدلة والهندسة وغيرها

ان بذل كل جهده فى المذاكرة؟)

بفرض ان طالب يدعى فلان كان طموحه ان يلتحق بكلية

الطب فذاكر واجتهد وبذل كل مايملك من جهد وتعب ...هل من

الممكن ان لا يتحقق حلمه؟

والسؤال الاكثر اهمية هل هناك فعلا فرق بين القدرات

العقلية للطلاب؟ بمعنى ان هناك طالب اذكى من الاخر وهناك

من هو اكثر ذكاءا ومن هو اكثر منه ذكاءا وهناك من هو الاكثر

ذكاءا بين جميع الطلاب فهل هذا صحيح؟ واذا اراد صاحب

اقل القدرات العقلية بينهم ان يصبح مثلهم

فماذا يفعل ؟؟؟؟؟؟؟؟؟

هل يستطيع كل طالب ان يلتحق

بكليات القمة مثل الطب بأنواعه والصيدلة والهندسة وغيرها

ان بذل كل جهده فى المذاكرة؟
لا مش شرط لو الطالب عايز يلتحق بأى كلية يقدر لو بذل أقصى مجهوده
و ممكن بردو يذاكر أوى بس ميدخلش الكلية اللى طول عمره حلم بيها
و يدخل كلية تانية و يكون ربنا كاتبله الخير فى الكلية ديه و يقول كويس ان هو داخلها

هل هناك فعلا فرق بين القدرات

العقلية للطلاب؟
اه فى فرق فى القدرات
بس ممكن واحد يبقى ذكى بس مبيذاكرش
و واحد تانى قدراته ضعيفة بس هو حاول و اجتهد و بقا أحسن من الذكى


ياما بنشوف دكاترة فاشلين و مهندسين فاشلين
و فى بيدخلو طب و مبيقدروش يكملوا فيها
و مش لازم كلنا ندخل كلنا كليات قمة
أهم حاجة المجال اللى هاتتخصص فيه بعد كده
و تحاول تثبت نفسك فيه

مبدئى فى الحياة ان الثانوية العامة دى بداية وليست نهاية

واضح من كلام حضرتك ان اللى بيحكمك كلام الناس وممكن تبدل رغباتك مش انت عايز ايه والمفروض اعمله؟؟

وطبعا ف فروق فردية بين الافراد............................ والدليل
وخلقنا بعضكم فوق بعض درجات.....

بس برده فيه ان الله لا يغير ما بقوم حتى يغيروا ما بانفسهم............
يعنى اللى عايز حاجة هيعملها......

اه انا عندي فرصة سنان ومعجون :d
بص بصراحه يعني
مش كل طالب يقدر يدخل الكليه ال بيحلم بيها لمجرد مذاكرته
الثانويه العامه بتحكمها قواعد كثيره منها :
1- التأسيس العلمي المنهجي الصحيح في الأسره
بمعنى اني انا مكنتش بحل رياضه خالص ف تانيه ثانوي بس عشان فاهم رياضه من صغري قفلت الماده مع ان امتحاننا كان صعب
2- الاجتهاد والمذاكره المنتظمه بقواعد ملزمه له ولأسرته
3- التركيز الجيد جدا ومعرفة كيفية تجميع الدرجات
4- القدرات العقليه وفروقاتها بين الطلبه
5- المثابره المستمره والعمل على تحقيق الهدف
.............
وأحد اسباب ارتفاع مجموع كليات القمه
هو التفكير التقليدي للطلبه ولأهاليهم بدخول ابنائهم قل كلية الهندسه او الطب او الصيدله او ما إلى ذلك
وبذلك تجد الجميع يتكالبون عليها فترتفع نسبة دخولها
وقد يسألني احدكم فلماذا اذا دخلت كلية الهندسه؟؟
بصراحه عشان اهلي كان دا تفكيرهم اني لازم ادخل هندسه وعشان احقق امل والدي الله يرحمه اما انا في نفسي كنت افضل كثيراً كليات مثل اقتصاد وعلوم سياسيه وإعلام وحقوق وقد يتعجب كثير منكم
ولكن هذه هي رغباتي الشخصيه
....................
ااما القدرات فبالطبع هناك فرق واضح بيِّن بين الطلاب في قدراتهم وهذا يشكل فارقا كبيرا بينهم
فهناك من يذاكر 10 ساعات ولا يستطيع تحصيل ما ذاكره زميله في 3 ساعات
لسببين القدرات العقليه والتركيز والمنهجيه في المذاكره

اهلا بكم اخوتى الاعضاء

اليوم اطرح موضوعا نقاشيا هاما احتاج فيه لأرائكم عن

الثانوية العامة وحظوظ كل طالب فى تحقيق نتيجة التفوق.

سؤال مهم يخطر ببالى (هل يستطيع كل طالب ان يلتحق

بكليات القمة مثل الطب بأنواعه والصيدلة والهندسة وغيرها

ان بذل كل جهده فى المذاكرة؟)
ليس شرطا لقد يكون الخير له اساسا فى كلية تانية وليس فى كلية القمة المهم ان يعمل الى عليه وبختصار
(ان الله يحاسب على العمل وليس النتيجة)
ربنا حيحسبك على مجهودك مش على نتيجتك

بفرض ان طالب يدعى فلان كان طموحه ان يلتحق بكلية

الطب فذاكر واجتهد وبذل كل مايملك من جهد وتعب ...هل من

الممكن ان لا يتحقق حلمه؟
اه طبعا ممكن ميتحقش بس برضه مش ننسا
(عسى ان تكرهو شئا وهو خيرا لكم

والسؤال الاكثر اهمية هل هناك فعلا فرق بين القدرات

العقلية للطلاب؟ بمعنى ان هناك طالب اذكى من الاخر وهناك

من هو اكثر ذكاءا ومن هو اكثر منه ذكاءا وهناك من هو الاكثر

ذكاءا بين جميع الطلاب فهل هذا صحيح؟

اه طبعا الفروق الفردية شئ معترف بيها

واذا اراد صاحب

اقل القدرات العقلية بينهم ان يصبح مثلهم

فماذا يفعل ؟؟؟؟؟؟؟؟؟

ان يعوض ذللكب المجهود وعلفكرة فى الثانوية ناس كتير بتكون ذكية ومش بتجيب مجموع لانها بتعتمد عىل ذكائها فقط دون بذال المجهود الكافى وقد يكون ناس ذكائها عادى وشم قوى لكن بجتهاد اكتر تجيب دى اشياء نسبية

"إن الله لا يضيع أجر من احسن عملا"
وكل واحد بياخد نصيبه في الدنيا اللي ربنا كتبهوله مش الي هو عايزه
وشكرا عالموضوع والردود الجميلة

حياناً يكون الطالب متميز و ذكي عنده القدرة و المهارة بس ميدخلش الكليه الي بيحلم بيها عشان التعليم عندنا مش مبني علي القدرات دي بس مبني علي مهارات الحفظ و الصم

يعني مثلا مواد زي الأحياء أو الفلسفة أو العربي و خاصة الأدب كل المطلوب في الامتحان إنك تكتب الكلام بنصه عشاد تاخد الدرجة النهائية

و لو أنت فاهم بس أنسي المجموع العالي و أنا و الله بتكلم عن واقع و حقيقي زي ما حصل في أمتحانات السنين الماضية و ناس كتير نقصت درجات عشان عبرت بأسلوبها !!!!