السلام عليكم ورحمة الله وبركاته
بصراحه وبدون زعل

انتم وحشتوني جدااااااااااا
وبجد انا مقصرا من نحيتكم زي ماانتو بردو مقصرين
هنبقا نعاتب بعض بعدين:mad:وهنتكلم عن النداله كتير

المهم دلوقت ندخل في الموضوع

السيد / عبقرينو مان - مدير افضل موقع تعليمي علي مستوي المواقع
تحيه طيبه وبعد....،

كنت اود ان اطمئن علي صحة حضرتك الغاليه
اتمني ان تكون بخير يمد الله في صحتك بالعافيه ... ويجعلك دائما من اصحاب فعل الخير
اسمحلي خمس دقائق من وقت حضرتك الغالي:)
بم تفسر ( امتحان التفاضل و .........)
الحدث الاكبر الذي يحدث سنويا ... واصبح كابوس كل اسره مصريه:(
انت تعلم سيدي لماذ يحدث ذلك واريد ان استفاد من خبرتك لاحوذ بشرف التحدث مع سيادتك ولكنني اريد جواب سريع لكي اصبح علي درايه كامله بالموضع حتي استطيع الالمام والاشمام بالموضوع بحيث استطيع الكتابه عنه

سيدي لم يتطلب الامر منك الا دقائق
اريد اجابه واريد ان احصل علي معلوماتك عن الموضوع ورايك الشخصي
انني في حاجة الي هذه المعلومات
وانتم بحاجة الي قلمي ليعلن الحق
وعندي سوال لحضرتك
لماذا كل مسئول يقف عاجز عن مد العون لنا ؟
لماذا يتركون من يتحكم بنا بهذه الطريق؟
انني اري ليس من المعقول ان فرد من المجتمع ان يتحكم في اعصابنا
ياسيدي واحده من اقاربي الان بسبب الامتحانات وصعوبتها بعد جهد من التعب تري ان الامتحان كان ليس منطقي ( انها الان مريضه )
كيف ياسيدي مدرس واحد يفعل في ابناءنا هذا واخواتنا
هل يعقل ان يعدي الموضوع كالم يكن
انني اعلم ما يحدث سيتخلو عن السوال الصعب وكانه لم يكن
فلماذا اصبحنا بمثل هذه الصوره
اذا كان مدرس من المدرسين جلس اربع ساعات ليحل السول ولم يستطع فبماذا بالطالب ماذا يفعل
الان ابناءن يعانون من اللام بسبب تلك المهزله
من الجاني ؟
مدرس
نعم مدرس
المدرس الذي يبث فينا روح التفاؤل - يعلمنا فن التعامل - يعلمنا العزيمه علي النجاح
والان اصبح المدرس الان يلعب بنا جميعا وحتي لا يعاقب
الا من العدل ان نحرر غقولنا واقلامنا لكتابة الحق

ياسيدي عذرا لاطاله
ولككني رايت بعض طالبات الثانويه الان في المستشفيات وتحدثت معهم
لا حول ولا قوة الا بالله
الاباء يعجزون الان مما يحدث ابناءهم امامهم يعانون ولا يستطيعو حتي انقاذهم

الا اتركك لترد عليا

واترك الاعضاء الطلبه ان يتركو اراءهم لان من حق كل طالب ان يدافع عن حريته

واترك من هم اكبر سننا وعلما ....المدرسين الافاضل ليردو عليا
وخصوصا عمو عصام


مفتوح للنقاش
هام جداااااااااااااااااااااا
اللي عايز حقه يضع بصمته هنا

ثااااااااااااانكس اوي على الموضوع الجاااااااااااااااااامد دة والي اصلا الناس طلع عينها منه انا 2 ثانوي امتحانا مش كان صعب اوي هو متوسط اما الي حصل في 3 ثانوي دي مهزلةبمعنى الكلمة الي حط الامتحان دا يا اما مريض نفسي يا اما مريض نفسي
لأن حرام الي عمله في الناس دة بجد حرام , تعليم اية بس الي هو بيتكلم عنه !!
هو نفسه مش يقدر يحل الامتحان دة في 4 ساعات , وجايب 60 % للطالب المتميز !! يعني هو شايف ان المناهج عدلة اوي عشان يتفلسف في الامتحانات علينا .
وفي حد هنا في السايت بيقول الامتحان سهل وان الي مش د رياضة داخلها ليه !! وهقول ربنا يشفي ...
وربنا مع الناس

انا مش معاكى ان الامتحان بتاعنا جه سهل امبارح فيه ناس بتقول انه صعب وانا منهم وفيه قله قليلة بتقول انه سهل!!! بس الاغلب بيقول انه كان صعب

انا هاتكلم عن نفسى بس
بصراحة انا شايفة ان الامتحان بتاعنا ( تفاضل 1 )
كان فيه نقط سهلة اوى زى السؤال الاول كله مافيهوش اى حاجة
والسؤال التانى الجزئيتين بتوعه عاديين جدا
وعدوا عليا ياما اوى طول السنة
---
السؤال التالت الجزئية الاولى فيه بردو عادية وعدت عليا ياما
الجزئية التانية فيها تفكير بسيييط جدا ولما فكرت فيها رسمتها صح تماما
وبالتالى حليتها صح (( لان مشكلتها بالنسبة للطلبة كانت الرسمة ))
---
السؤال الرابع الجزئية الاولى عادية جدا ومافيهاش اى حاجة
الجزئية التانية محتاجة تفكير جااامد ويمكن اول مرة تعدى عليا
بس الى حد ما مقبولة (( لو مكانش فيه غيرها حاجة صعبة فى الامتحان ))
---
السؤال الخامس الجزئية الاولى مقبولة
الجزئية التانية من خواص اخدناها ف الهندسة ف تالتة اعدادى
وقوانين حساب مثلثات اخدناها ف اولى ثانوى
وطبعا قليل اوى مننا اللى بيفتكر الحاجات القديمة
انا شخصيا ماحليتش حاجة ف السؤال الخامس
---
يعنى انا شايفة ان السؤال الرابع (ب) او السؤال الخامس (ب)
مكانش ينفع يكونوا متواجدين ف نفس الامتحان
وف سؤالين مختلفين
لو واحد منهم كان مش موجود
او الاتنين كانوا ف سؤال واحد :D
مكانش هايبقى فيه اى مشاكل
وف المجمل الامتحان كان متوسط
ولا هو صعب اوى ودمار
ولا هو سهل وتافه
---
وزى ما قولت انا بتكلم عن نفسى :)
وبالنسبة للطلبة اللى اتكلمتى عنهم وف المستشفيات ف ربنا يشفيهم
قدر الله وما شاء فعل وان الله لا يضيع اجر من احسن عملا
---
وباشكرك جدا على فتح المجال للنقاش

بارك الله فيكم
شكرا
تم اضافة ردودم الي المقاله
انتظر التفاعل وباقي الاراء

لا الرياضه ( 1 ) و ( 2) صعب اوى
وربنا يستر فى الاحصاء