علمي علوم و لا علمي رياضة ؟؟؟ انا تعبت من كتر التفكير ,,, اختارت علمي علوم و في ناس قالتلي انت بتجازف و الأحياء صعبة في حفظها ( مع إني بحب الاحياء ) و قولت أختار رياضة 2 علشان أسهل بالنسبة لي , بس أنا نفسي أطلع طبيب و خايف أخش علمي علوم و ملحقش طب ,,,,, والله تعبت من كتر التفكير مش عارف أعمل ايه ,,,,, بعد لما شوفت التنسيق السنة اللي فاتت جالي إحباااط ,,,


الخلاصة : أنا بحب الأحياء بس الرياضة 2 أسهل ,,, أعمل ايه ؟؟:078111rg3::078111rg3:

ومين قالك إن الاحياء صعبة الجزء بتاع تالتة سهل جداً....وعلى العكس رياضة 2 صعبة جداً وامتحاناتها اصعب....ده غير ان التنسيق حينزل كتير السنة الجاية

الموضوع أنا كماان حيراااان ييه خصوصا بعد النظام الجديد !!!!!!:mad::mad::mad:

انا العكس بقى بحب الرياضيات جدا
بس هخش علمى علوم باذن الله وربنا يوفقنا
بس بيتهيالى نصلى استخآرة وربنا هيقدم اللى فيه الخير ان شاء الله

انا العكس بقى بحب الرياضيات جدا
بس هخش علمى علوم باذن الله وربنا يوفقنا
بس بيتهيالى نصلى استخآرة وربنا هيقدم اللى فيه الخير ان شاء الله
.
.
.
وأنا زيك يا أختي والله بعشق الرياضيات ....بس مش شايف نفسي كمهندس وحلمي أكون دكتور

علمي رياضة وبس الرياضة دي مادة المتعة مش حفظ وصم زي الاحياء مع اني عارف ان رياضة 2 صعبة لكن ربنا يسترها معانا

والله انا شاطرة و الحمد لله وباعمال السنة والدروس مش في كل المواد جبت 104 من 112 ومحتارة انا بعشق الرياضة 2 وعقدتي رياضة واحد يعني مثلاً قفلت الميكانيكا ونقصت نص في التفاضل وحساب المثلثات الحمد لله ونقصت في الجبر 1.75 بقى عندي احباط نوعاً ما وكنت خايفة ومتوترة انا بدرس الميكانيكا بس ربنا ستر وقلت خلاص علمي رياضة ونفسي اكون مهندسة ان شاء الله وعندي 16 شهادة في علوم الكمبيوتر والنت اول اما شوفت رياضة واحد الترم التاني كرهت نفسي والدنيا كلها وعجبتني الاحياء وقررت ان ادخل احياء ويا عيون يا صيدلة ولكن اهلي رفضوا وقالوا علمي رياضة لان احياء اصعب من رياضة2 وقالوا ان زمان اللي كان يفشل وعايز علمي يبقى رياضة واللي مجموعة عالي يدخل علوم فانا محتارة وعايزة اللي يفدني اعمل ايه وياريت تقولولي الكليات المتاحة من الشعبتين وكمان ايه اللي هندرسة في 3 ثانوي نظام جديد وربنا يكركمكوا

ربنا يستر و نعدى على خير

علووووووووووووووووووم اساحبي

انا حيراااااااااااااان فى نفس المشكله

مفيش أجمل من الرياضيات أنا هدخلها أن شاء الله

انا من راى انكم تشوفوا اللى انتوا عايزينه واللى هتقدروا عليه لان انا لا حظت ان كلام الناس هو اللى بيحكمكم وده اكبر غلط وانتوا لو حطيتوا هدف قدامكم ومصمم عليه مستحيل حد هيقدر يوقفك او حتى يخليك عاجز على انك تعمل اللى نفسك فيه وصلى لربنا وارمى حملك عليه وهو مستحيل هيسيبك

ربنا معااااااااااااااكوا

انا عموما سديت ودنى عن كل اللى بيخوفونى واخترت حلمى اللى مش هتخلى عنه ومقررة من زمان انى رياضة ولسة لحد دلوقتى الحمد لله مفيش حاجة قدرت تحبطنى
الاحياء سهلة فى 3 ثانوى جدا التكاثر لذيذ وخدنا اغلبه فى 3 اعدادى واولى ثانوى هو بس بتوسع حبتين والدعامة والحركة حلو بردو هو فيه شوية حفظ بس مش صعب والباب التانى بتاع علم الوراثة ده بقى تحفه وكله فهم وتشغيل مخ وبردو خدنا جزء كبير منه فى تالتة
انا لما سلمونى كتاب الاحياء سنتين افتكرت ان ده مقرر علينا فتالتة فذاكرتهم لوحدى لحد ما اكتشفت انهم مش علينا يعنى لانى مكنتش باخد درس ومش بروح المدرسة وصدقنى الاحياء حلوة جدا متخافش منها
انت اختار اللى بتحبه وعندك هدف فيه عشان يبقى عندك دافع انما الرياضة مش سهلةة زى ما انت متخيل محتاجة حد عنده هدف انه يدخل هندسة ووهيشد فيها انما انت مش هتقدر تذاكر عشان هندسة وانت نفسك فى طلية طب فاختار اللى بتحبه وادخل علوم وسيبك من الكلام
اصلا التنسيق هينزل باذن الله وافتكر ان اللى دخلو طب مش احسن منك فحاجة ولا عقلهم وقدراتهم مش عندك ربنا خلقلك امكانيات زى ما خقلهم بالظبط فقوى ايمانك بربنا واستعين بيه وان شاء الله خير

انا عندى نفس المشكله و نفسى ادخل هندسه بس بجد خايفه من الميكانيكا و كل الناس بتقول ان رياضه 2 صعبه فى الاسئله لكن الاحياء اسهل والله مش عارفه اخد قرار

انا عندى مشكلة مش عارف احلها اذاى
انا بحب مذاكرة الرياضة وبعشقها بس مش ضامنها
والاحياء بتخنق من الحفظ بس حاسس لو داخلتها هضمنها بس انا بتخنق بسرعة

انا ان شاء الله علمى علوم ومفيش مشكلة بالنسبة للاحياء هى المشكلة فى التنسيق وده غير ان احنا هناخد 9 مواد هنذاكر كل ده ازاى ؟؟ :(

ششششششششششششششششششششششششككككككككككككككرررررررررررر رررررا

انا عندى مشكلة مش عارف احلها اذاى
انا بحب مذاكرة الرياضة وبعشقها بس مش ضامنها
والاحياء بتخنق من الحفظ بس حاسس لو داخلتها هضمنها بس انا بتخنق بسرعة

انا نفس المشكله والله:(:(

ربنا يوفقنا جميعا بس اخر قرار انهم 6 مواد بس وبالنسبه لعلمى علوم الكيميا والفيزيا والاحياء نص مواد كده النظام بقى اسهل بكتيييييييير واللى عايز يدخل رياضه هيدخل واللى عايز علوم هيدخل واللى هيذاكر بجد ان شاء الله هيجيب مجموع لان كده الموضوع اسهل من الاول كمان

يا جدعان محدش ينصح حد بحاجة كل واحد و بيحب حاجة انت لو بتحب الاحياء ادرس اللي بتحبه ملكش دعوة بتنسيق و مش تنسيق التنسيق هيبقي على الكل مش عليك بس ادرس الحاجة اللى بتحبها عشان تجيب مجموع حلو فيها

بصوا ياجماعة بالنسبة لرياضة 2 الجميل فيها ان اللى كان شاطر فى اولى وتانية ثانوى فى الجبر والتفاضل هيسلك فى الجبر2 والتفاضل والتكامل وانا كده بالظبط
بس المشكلة بقى انى لما اخدت ميكانيكا فى 2 ثانوى الترم اللى فات مكنتش سالك فى مسائل القضيب والكرة ومن الاخر منتش بعرفارسم صح وده معناه انى هواجه مشاكل كبيرة جدا فى الهندسة الفراغية والاستاتيكا فى 3
ياريت لو كلامى غلط حد يصحح
وياريت المدرسين الافاضل فى الرياضة يفيدونا
الموضوع مش انت بتحب ايه
المشكلةفى انك عارف قدراتك ومينفعش تدخل شئ مش مضمون حتى لو كنت بتحبه

انصحك تدخل ادبى احسن وربنا يوفقك فى اختيارك

علمىىىىىىىىىىىىىىىىىىىىىىىىىىىىىىىىى

انا بردو عندى نفس المشكله و محتاره ادخل احياء ولا رياضه بس مشكلتى انا انا بخاف من منظر الدم فلو دخلت احياء وودخلت بعدها طب هيبقى مصيرى ايه وف نفس الوقت انا بعشق حاجه اسمها رياضه سواء رياضه 1 او 2 ومحتاااااااره جدا اعمل ايه وكلوو بيقولى ان هندسه للبنات مش حلوه وادخلى طب او صيدله ومبقتش فاهمه اى حاااجه خالص

مفيش حاجه اسمها هندسة للبنت وحشة او حلوة
وبما انك بتخافى من منظر الدم صعب تكونى كويسة ف الطب لان ده عامل برده مش كويس
وبما انك بتحبى الرياضه اعتمدى وادخلى رياضه 2 وبعدين جميلة المادة دى بس لازم تحبيها
هتحسى انها تقيلة وكبيرة بس جمييييييييييلة اووووووووووووى والله
وحاليا انا فيها

وربنا يوفق الجميع

بس اكيد منظر الدم بقى وفى خوف جواكى وكده صحيح لو دخلتى طب ايه هيكون الوضع معاكى
وانتى معرضه لحاجات انتى لسه مش عارفها
صح ولا ايــــــ ـــه

بس بصراحة ف الاول والاخر صاحب الشأن لازم يكون ليه كلمه واختيار وقرار نهائى

اه تسمعى النصيحة وتشوفى انتى بنفسك او تشوف انت بنفسك
هل انت كويس ف الرياضه وميولك لايه فيهم احياء ولا رياضه
والنظام هيختلف السنة الجاية مش هيكون فى مواد ادبى عليكوا ولا حفظ ولا كلام من ده

وربنا معاكوا

احنا لو قعدنا نسمع كلام الناس مش هنحقق حاجه ومفيش حاجه ا بدا بتبقى صعبه لو توكلنا على الله والى بيسال انا علمى علوم ولا رياضه معنى كدخ انه مش محدد هدفه لازم الاول نحدد الهدف وبعدين نتوكل على الله ومفيش حد هيتفق مع رائ واحد تانى الى بيحب الاحياء هتبقى بالنسله سهله والى بيحب الرياضه هتبقى بالنسباله سهله ومهما اى حد فينا يعمل فالى عاوزه ربنا هو الى هيكون وانا مرت بالتحربه ديه وفضلت شهر محتاره لايه الحمدالله ما توكلت على الله وهدخل علمى رياضه وربنا يساعدنى انى احقق حلمى

أنا نويت على علوم إن شاء الله

انا برده محتاااااااااره اووووووووووى انا بموووووووووووووووووووووووووووووت فى الرياضيات الى حد كبير جدا وكويسه فيها وكمان كويسه فى الاحياء طول عمرى حلمى ادخل علمى رياضه وادخل تربيه رياضه لان اهلى مش عايزين هندسه
بس انا كتبت علوم وشايفه انها كويسه لو دخلت صيدله بس انا خايفه اوى لاندم على رياضه لان انا من عشاقها بجد مش عارفه اعمل ايه اكمل علوووووم على امل انى ادخل صيدله ولا احول رياضه وادخل تربيه

احسن حاجه تعملها واول حاجه المفروض نعملها كلنا اننا منسمعش لـ كلام حد
ده مستقبلنا واحنا اللى هنختار وتأثير الناس علينا ممكن يضرنا
عشان كده لازم كل واحد يشوف مستقبله ايه اللى هو عايز يشتغله بعد كده
وعلي الأساس ده يشوف هيدخل علمي علوم ولا رياضه
مفيش حاجه صعبه ابداً طالما قدامنا هدفنا :)

انا كتبت علوووووووووم مع اني بميل اني ادخل رياضة 2 بس مش واثق من مستوايها فيها
مع نفسي ادخل هندسة بس ادخل الكلية اللي ضمناها احسن

أنا عن نفسي دخلت علمي علوم و بعدين دراسة الاحياء و الرياضيات حتبقي أخلي من غير ما تطبق علينا في المدرسة

انا نفسى ادخل رياضة وايدى كتبت علوم :p

انا كتبت علمى رياضه بس خايفه لان عدى صغير اووووى مختار رياضه 15 فى المدرسه رياضه و105 علوم