بلاوي بتحصل في لجنة الامتحان عندنا [الأرشيف] - بوابة الثانوية العامة المصرية

كركركوكو

13-06-2008, 02:46 PM

السلام عليكم

موضوع بسيط جدا عن حجات بتحصل معانا في لجنة الامتحان ممكن تكون ظريفه وممكن تخنق الواحد

اول حاجه وانا قاعد المهم صورنا موجوده معاهم في استماره وبيتم مراجعة الطلبه كل لجنه
كلام جميل

في طالب كان متصور وهو مش مربي لحيته
المهم المراقب قاله
س: اسمك
ج : ...........
تاريخ ميلادك
ج :............
المهم تأكد ان بياناته صحيحه
قاله اللجنه الجايه تيجيني حالق لحيتك
المهم الواد قاله ليه
رد عليه وقاله من غير ليه تحلقها وخلاص

المهم قولت لها ياباشا احنا في لجنة امتحان مش في امن الدوله

تخيلوا يرد عليا ويقولي ايه

وانت كمان ياحبيبي اسمك وبياناتك ايه
رديت عليه
قالي طيب اللجنه الجايه تيجي لابس البدله
قولت له البس براحتي
قالي انت صورتك عندنا ببدله تيجيني ببدله

المهم من كتر ما انا مستغرب ضحكت
وقولت (عشت ياريس )
قالي ايه
قولت له لا ولا حاجه

حاجه غريبه جدا جدا

اي واحد بيحصل معاه حاجه زي كده ممكن يتفضل يحكيها لنا عشان نعرف ان التعليم في بلدنا ..........

sh2awa _ 91

13-06-2008, 02:54 PM

هههههههههههههه
طيب انا هقولك على حاجة حصلت معايا اول يوم يا كريم ,
انا اسمي الحقيقي شيري هو غريب شوية بس هعمل اية يعني ,
المهم عمونا الحاج الي بيمضي على الورق بيقولي اية دة هو احنا في النادي هنا !! اية شيري دة ,
قولتله اسمي شيري راح قايلي يا سلام !! انتي بتهزري في ثانوية عامة !! وهو شكله اصلا معقد نفسيا ومتبهدل جامد
قولتله يا مستر والله اسمي شيري ممكن تسيبني بقى عشان عايزة اركز واكمل الامتحان راح قايلي يا سلام هو الموضوع بالساهل وريني رقم جلوسك , قولتله برا في الشنطة , راح نادهلي رئيس اللجنة وعملي مشكلة ومش اقتنع الا اما شاف رقم الجلوس .
حاجة شلل اطفال .؟.

كركركوكو

13-06-2008, 02:59 PM

ههههههههههههههههههه
والله فعلا بلاوي بتحصل
يلا بقي ربنا يشفي
مشكوره علي المرور الجميل يا شيري

sh2awa _ 91

13-06-2008, 03:03 PM

ههههههههههههههههههه
والله فعلا بلاوي بتحصل
يلا بقي ربنا يشفي
مشكوره علي المرور الجميل يا شيري

ههههههههههههه
العفو يا كريم
وربنا يشفي ففعلا

hend ere

13-06-2008, 03:08 PM

ههههههههههههههههههههههههههههههههههه
ايه ده ربنا معاكم دى ناس معقده
وبعدين هو فى حد هيمزح فى الامتحان وهيكتب اسم غير اسمه ولا هيكتب دلعه
المهم ربنا يشفى كل مريض

sh2awa _ 91

13-06-2008, 03:09 PM

ههههههههههههههههههههههههههههههههههه
ايه ده ربنا معاكم دى ناس معقده
وبعدين هو فى حد هيمزح فى الامتحان وهيكتب اسم غير اسمه ولا هيكتب دلعه
المهم ربنا يشفى كل مريض

هههههههه انا عارفة !! لأ والي يغيظ اكتر انه مش عاجبه الاسم ومعترض . يعني انا اعمل لسيادته اية اغيره مثلا !! ناس عجيبة
ويقولي هو في هزار في ثانوية عامة .

hend ere

13-06-2008, 03:12 PM

سيبك منه وعلى فكره انت اسمك جميل واكيد انت مش محتاجه تعرفى ده
اكيد انت عارفه

أسيل رزق

13-06-2008, 03:20 PM

تصوروا إكتشفت إن الامتحانات بقت بتبدأ9،30:mad:

شعارهم ( ليه تنفع الطالب ما دام ممكن تضره )

حاجة تخنق كل إمتحان على دا الحال

ويقولولنا أى شكوى اتصلوا على الخط ساخن

المراقب بعد ربع ساعة يوزع ورق الاجابة ببرود متناهى وينتحايل عليه يجبلنا ورق الاسئلة وناقص نقوم نبوس جزمته وبكل تناكة يقول فى إيه مش كفاية جاينلكو من العباسية

ههههه البنت اللى جبتى بتقولى بصوت واطى (( مهو وااااااااااضح )):D

ويتكرم الباشا ويدينا ورق الامتحان .. تعب نفسه أوى

والساعة 12 إلا خمسة يلم الورق

يوم العربى ده كان زى الفل

وأنا أصلا بطيئة جداًً مكملتش النحو وكروت النصوص على الآخر وده يشد الورقة منى

زعقتله ورحت معيطة .. (( أول مرة أعيط فى لجنة الامتحان ))

حسبنا الله ونعم الوكيل

كركركوكو

13-06-2008, 03:22 PM

لا تتعجبي اختي في الله
انها مصر

جزاكم الله كل الخير

hend ere

13-06-2008, 03:23 PM

صراحه احنا بيوزعو علينا الورق فى الميعاد الساعه 9
وبيستلمو الورق على ميعاد التسليم الحمدلله يعنى
وربنا يوفق الجميع

كركركوكو

13-06-2008, 03:27 PM

طيب احنا بقي ماشيين معانا بنظام بصراحه
يعني بيسيبوا لنا اللجنه نصف ساعه
عشان يمشوا بدري
وهي دي مصر

أسيل رزق

13-06-2008, 03:29 PM

وعندنا الغش من السنة اللى فاتت شغال الله ينور

كل ده علشان عندنا 6 مدارس خاصة بيمتحنوا معانا

والواحد بيستحرم يعمل كده وآخر السنة يلاقى زمايله بالغش جايبين 95 و 96 %

ويارتهم بيغشوا من بعض لا بيفتحوا الكتب والملازم و يدوها كوبى بست حتى بينقلوا الفصلة

مش بيتخيلوا مثلا إنهم هايتحسبوا على اللجان اللى بيسبوها دى

THE SMART BOY

13-06-2008, 03:32 PM

سبحان الله يبقى انت اكييد اكيد فى مصر

sh2awa _ 91

13-06-2008, 03:33 PM

يا جماعة انتم زعلانين من اية !!
طيب انتم متخيلين بقى بنت في امتحان العربي تمتحن على الارض ..
والله ما بهزر هنا في مدرسة اسمها السادات
البنت دخلت اللجنة لقت اسمها مكتوب في الكشف بس مش في ليها ديسك تكتب عليه والمستر بتاعها قالها مش لينا دخل عشان الامتحان كان خلاص دقيقة وهييبدأ وطلبت منه تكلم باباها يجيبلاها كرسي وطربيزة مش وافق ..
والخبر دة قريته في الجرنال على فكرة !!
بزمتكوا دي بني ادمين دي ...
حسبي الله ونعم الوكيل والله .

ثانكس اوي ياhend ere ربنا يخليكي دا من زوقك يا قمر

كركركوكو

13-06-2008, 03:38 PM

والله ياشقاوه خلاص الواحد هيتجنن من اللي بيحصل ده
حرااااااااااام والله
حسبي الله ونعم الوكيل
حسبي الله ونعم الوكيل
حسبي الله ونعم الوكيل

السمنودي

13-06-2008, 03:53 PM

الثانويه العامه حاجه عاديه ياشبابدبس الاعتماد علي النفس مش الدروس والكلام الفاضي

reda_mafia50

13-06-2008, 04:50 PM

احنا بقا بيعملوا كل شويه يجبونا ورق ونمضى كل الامتحان كده تقولوا بمنضى كمبيالات مش عارف ايه نظام ده وفين هو نظام المتطور انا خايف يكون هو ده

sh2awa _ 91

13-06-2008, 04:54 PM

احنا بقا بيعملوا كل شويه يجبونا ورق ونمضى كل الامتحان كده تقولوا بمنضى كمبيالات مش عارف ايه نظام ده وفين هو نظام المتطور انا خايف يكون هو ده

ههههههههههه هما بس بيضمنوا نفسهم عشان لما يجوا يحاسبوهم على فلوس الكهربا بتاعت المراوح .. يبقى في دليل انهم مش السبب وان الشعب هو السبب .
شعب مبذر !! ماله الحر يعني وحش الحر :D:D:D:D
شكلنا هنطلع من البلد دي بالشلل الرعاش :huh:

ZAHIMR

13-06-2008, 07:09 PM

هههههههههههههههههههههههه
جااااااااامدة
لية يعنى هو انت رايح فرح

انا لو منك البس اسود فى اسود

reda_mafia50

13-06-2008, 07:12 PM

هههههههههههههههههههههههه
جااااااااامدة
لية يعنى هو انت رايح فرح

انا لو منك البس اسود فى اسود

من هذااااااااااااااااااااا :o

MohammeD el_SadaT

13-06-2008, 07:54 PM

كركركوكو

13-06-2008, 07:59 PM

هههههههههههههه
جامد والله ياسادات
خلي بالك انا مش ثانوي عام
انا ثانوي صنايع
يعني احنا برده متشردين بس ده امتحان مش بنكلم حد في الامتحان
بنصبر لاخر يوم ونظبط اي حد
بس لقيت الموضوع غريب شويه قولت اعرض عليكم بلاوي من ببلاوي الزمن

مشكور ياباشا علي المرور

from_sinai

13-06-2008, 08:02 PM

انا بأه من سينا
وطبعا المراقبين جايين من بلاد تانيه خالص
وال ايه اكل الاستراحه مش عاجبهم
يقوم واحد منهم يقول لزميلنا والله الاكل هنا مش ولا بد يعنى لو تقدر تعمل حاجه كده من اللى بنحبها
واهو هنفيد بعض هههههههههههههههههههههههههههههههههههههههههههههههههه هههه

Ra2oF

13-06-2008, 08:09 PM

:احنا بقا بيعملوا كل شويه يجبونا ورق ونمضى كل الامتحان كده تقولوا بمنضى كمبيالات مش عارف ايه نظام ده وفين هو نظام المتطور انا خايف يكون هو ده

زينا بالذبت و المشكلة ان الحوار ده زاد في امتحان التفاضل و التكامل بتاع 3 :( و رئيس اللجنة حضرتوه مش عجبوا الورق أم قطعوا و خلانا نمضيه تاني :mad: :mad: حاجة تقرف و الله يعني الامتحان مصيبة و نقصين نضيع وقت . انا مكنتش همضي و قلت مينفعش كيده بس المراقب كان طيب قال اه و الله مش هتعرفوا تركزوا كيده .؟...انا حصل معايا موقف من 3 سنين ايام الشقاوة في 1 ثانوي قبل نظام التقسيم المواد علي ترمين و كيده كنا بناخد 15 مادة مرة واحدة المهم انا ذاكرت كله و جيت علي الفلسفة و انا بكرههها و بكره الحفظ هبا دخلت اللجنة و كان معايا ورق مراجعة لقيت العيال شغالة علي الديسك و علي الحيطة الله ينور و انا مكنتش عارف حاجة اومت اديتها علي الحيطة و علي الديسك و ورق في الديسك و الله عملتها مكتبة و جلنا مراقب ::: و اقام قال اه ده انا طبعا مرديتش لقيتوا وش قلب احمر (خفت ليتحول ) و قام زققني و شد الديسك و كل ما يهزو ينزل ورق أم قالي : الله يخربيتك عاملي مكتبة :mad: و قام جبلي استيكة و اعت امسح كل النا كتبته علي الحيطة و مسك القلم بتاعي و اعد يشخبط علي الديسك :D:D انا الحاجة الوحيده الفرحتني ان هو اخد الديسك برة و قال للمشرف غيرهولي رئيس اللجنة قالوا لا :D :D :D ايام ربنا ما يرجعها

أسيل رزق

13-06-2008, 08:11 PM

والله كل اللى أنا قريته ده إن دل يدل على إن إنتم اللى فرطو فى حقكم من الأول أنا المراقب كان بيدخل علينا اللجنه إن صوته على وزعق لواحد مننا كنا ممكن نرميه من الدور الرابع أنا المره الوحيده اللى مدرس جه يغتت عليا غتت عشان اسمى فى الآخر السادات قعد يقولى دا مش اسمك أنا هعمل أنا معرفش ايه روح بصص له من فوق لتحت ومطلع البطاقع حططها على الدسك وقايله يلا هوينى ولو سمعت نفسك جنبى تانى متلومش الا نفسك

وعليها معداش من جنبى تانى

يعنى عايزنى أقوم ازعق للمراقب

دا انا مش بعرف ازعق لواحدة صحبتى

اجدع حاجة بعملها اعيط :D

ههههههههه بتفكرنى بولد السنة اللى فاتت كان فى اللجنة اللى جنبنا هههههه ضرب مدرس بالحزام و والمدرس ولا عمله حاجة

ههههههههههه بس بصراحة صعب عليا المدرس ده اوى كان شكله وحش بيضرب من عيل ادام الفين بنى ادم :(

انت كده جرأتنى يا محمد اروح الامتحان بخرزانة وماطوة أرن غزال زيادة فى الاحتياط :D

سـهيـلـة

13-06-2008, 10:33 PM

انا اختى وهى فى 2 ثانوى و3 ثانوى كانت بتمتحن فى لجنة خاصة علشان هى منتقبة

FearMaster

13-06-2008, 10:47 PM

يا معلم يبقي انت اكيد في مصر
بس بيني وبينك احنا عندنا في المدرسة اللجان حلوة عارف ليه؟؟؟؟
لان يا معلم عندنا المديرة بتصرف لكا استاذ شاي و بسكوت طول الامتحانات وطبعا الاستاذ مش ينفع ينكر الجميل و طبعا مش هي اللي بتدفع لا بتلم تبرعات من الطلبه و ماله وانا باعمل اعادة قيد اتقلب مني 35 جنية تبرع بس بيني وبينك جاي بفايده مع اني مش غشيت ولا حاجة بس اكيد في يوم هاتزنق
وعموما انا واحد صاحبي كلم الاستاذ عالموبايل في اللحجنة و حلل امتحان التفاضل كله بس مش عرف ينقلة رسمة حساب المثلثات فحلله المسىاله بس
سلام

ZAHIMR

13-06-2008, 10:57 PM

من هذااااااااااااااااااااا :o

؟؟؟؟؟؟؟؟؟؟؟؟؟

xXx ALI xXx

13-06-2008, 11:02 PM

بخرزانة وماطوة أرن غزال زيادة فى الاحتياط

ايه الحاجات ديه .... ايه التشرد الاطفالى ده .... ماطوة ... وارن غزال كمان ...
هو احنا بنمتحن ولا بنحارب يا جماعه ... هههههههه

بس نفس النظام ده بيحصل عندنا ... وانا كل ما الواد اللى ورايا يخبطنى فى ضهرى عشان اقوله حاجة المراقب يقولى خلى عندك دم وساعد زمايلك .... والله والله قلتله نعم يا روح امك ده انا عاوز حد يساعدنى .... الراجل بصلى وهو مذهول .... و سكت زى الكلب ولا قدر يفتح بقه

احمد رضا

14-06-2008, 12:44 AM

عليكم السلام ورحمه الله وبركاته
ازيك ياكريم
بص ياصاحبي علشان اقولك المفيد
ف البلد دي حقك ضايع ضايع
وبالله عليك ياخي اتكلم بواقعيه واسمعني بواقعيه
ساعه ما يكون فيه حاجة زي كدا
نفض
نفض
ثم نفض
اعمل عبده هريسه
اللي مش فاهم حاجة ف اي حاجة
لان لو شديت مع شوية الكلاب اللي ماسكين عضمه دول
ممكن تتأخر عن امتحانك
ففكك ياعم والله شوية كلاب علي الولف الكبير بتاعنا
عايزين عضمه ويشبعوا فيها مص
كبر دماغك ياكريم
بلد عايزه الحرق

retag allah

14-06-2008, 02:56 AM

والله كل اللى أنا قريته ده إن دل يدل على إن إنتم اللى فرطو فى حقكم من الأول أنا المراقب كان بيدخل علينا اللجنه إن صوته على وزعق لواحد مننا كنا ممكن نرميه من الدور الرابع أنا المره الوحيده اللى مدرس جه يغتت عليا غتت عشان اسمى فى الآخر السادات قعد يقولى دا مش اسمك أنا هعمل أنا معرفش ايه روح بصص له من فوق لتحت ومطلع البطاقع حططها على الدسك وقايله يلا هوينى ولو سمعت نفسك جنبى تانى متلومش الا نفسك

وعليها معداش من جنبى تانى

والله هو ده الكلام بس انا للاسف معرفش اعمل كده
احنا بقي في الانجلش بدنا نحل علي 9.30علي مالورق جه قلت للمراقب طيب اناهقعد لغايه12.30قالي بقولك ايه روحي مش فاضيينلك
محبيتش اتخانق عشان اعرف احل يلا هي دي مصر يا شباب

sh2awa _ 91

14-06-2008, 04:15 AM

والله كل اللى أنا قريته ده إن دل يدل على إن إنتم اللى فرطو فى حقكم من الأول أنا المراقب كان بيدخل علينا اللجنه إن صوته على وزعق لواحد مننا كنا ممكن نرميه من الدور الرابع أنا المره الوحيده اللى مدرس جه يغتت عليا غتت عشان اسمى فى الآخر السادات قعد يقولى دا مش اسمك أنا هعمل أنا معرفش ايه روح بصص له من فوق لتحت ومطلع البطاقع حططها على الدسك وقايله يلا هوينى ولو سمعت نفسك جنبى تانى متلومش الا نفسك
وعليها معداش من جنبى تانى

ههههههههههههه وانتا عايزنا نعمل كدة عشان تتسحب وراقتنا وناخد استمارة 55 اسعاف !!
انا ليا سياسة تانية خااااااااااااااااااااااالص
مش هو استخف دمه معايا !! طيب انا اسمي شقاوة يعني بعيد عنك معترف بيا في جامعة الاشتغال الخاصة !! ومعايا شهادة في رفع االضغط :D
لكن لو عملت معاه الحكاية دي علني انا الي هروح فيها مش هوا :p

حقوق عين شمس

14-06-2008, 04:21 AM

احنا كنا بنثبت المدرسين بالسلاح السنه اللى فاتت فى مدرسه السلام شبرا

0o03aneda0o0

14-06-2008, 04:28 AM

يا سلام علي الامتحانات وجمالها
اولا المراقبين يوم ما بيكلمونا بيقولولنا
‏"يا جماعة ميصحش كده غشوا بصوت واطي" !!
يوم العربي بنتين عراقيتين قاعدين جنبي استلموني يا رحمة ارجوكي وحياة والدك ووالدتك وانا طبعا حاجه من اتنين يا عملة هبله وكأني مش سامعه يا ابصلهم واقولهم وعلامات الأسي علي وشي : بجد يا جماعه انا اسفه مبغشش لحد ما المراقب جالي قالي هو انتي حليتي الامتحان كله قلتله لأ قالي طيب محتاجه حاجه قلتله لأ قالي طيب حليتي النحو قلتله اه قالي طيب وريهولي كده بصيتله بحاجب نص مرفوع وفتحت الورقه بكل سذاجه وطبعا عرفت بعدها انه كان وسيط للغش

يوم التفاضل قالوا يا جماعه ظبطوا الديسكات ع مزاجكوا وبتاع صحابي قالولي يا رحمة يا ريت نساعد بعض وبتاع قلتلهم بصوا يا جماعه انا لو سقطت ف الماده دي بسبب اني مغشتش فأكيد علشان ربنا كاتبلي الخير في الدرجات الي هنقصها دي (وقد كان)
المهم البنتين قعدوا جنب بعض قدامي ولقيت واحد قاعد ورايا علي طول مصري وجنبي واحد عراقي
وما شاء الله
طول الامتحان
يا انسة .. لو سمحتي .. من فضلك .. السؤال معرفش رقم كام
وأساسا امتحان التفاضل مكانش ناقص
وانا قاعده عامله فيها مش سامعه حاجه لحد ما لقيت الواد الي ورايا قام عمال يخبط ع ديسكي ويقولي علي فكره يعني لو انتي عارفه حاجه يا ريت تساعدينا
ساعتها طفح بيا الكيل وقمت قلت للمراقب بصوت جامد لو سمحت مينفعش كده انا مش عارفه اركز قام المراقب قالهم وبكل برود يا جماعه عيب دي لجنة غشوا بصوت واطي وقام شوية جالي وقالي ع فكره لكل مسأله مفتاح قلتله نعم؟ قالي زمايلك دول ف عرض اي اجابه مش لازم تغششيهم قوليلهم بس مفتاح الحل قلتله يا مستر من فضلك انا مش عارفه احل ربع الامتحان حتي قالي معلش ونصيبك عند ربنا وحوارات هابطه كده وما الي ذلك
شوية الواد الي جنبي نقحت معاه يشرب سجاير وانا اساسا مبستحملهاش واصلا هو كان يوم اسود
وحوارات الامتحانات دي كتير معايا آخرها مدرس كان بيمسك ورقتي ويمشي يغشش العيال منها اول ما خدتها منه مرضتش اديهالو تاني قامت المراقبه شتمتني وقالت اني بنت مش محترمه ازاي المدرس يقولي هاتي ورقتك واقوله لأ !

بس بأمانة لجنة الانجليزي اول اللجنة مدرس جه قالي انتي لغات قلتله لأ عربي قام قالي ما شاء الله طيب كملي وانا بحل البنات كانوا بيسألوني وهو واقف واعتذرتلهم قام قال للجنة يا جماعه محدش يكلم البنت دي سيبوها تركز اهو مدرس اخيرا نصفني مع انه كان مستغربني لأني كنت والله العظيم الوحيده الي لا حاولت تغش ولا تغشش وقام جه سألني انتي جايبه كام وكده وقعد يدعيلي شوية ربنا يكرمه
ع فكره حاجه بايخه اوي حكاية الغش دي لأن اللجنة بتبقي دوشه بجد ودي حاجه فعلا مزعجه بتقلل التركيز أوي
وربنا ما يوريكوا الي انا فيه قولوا امين
شكرا كركر ع الموضوع

حقوق عين شمس

14-06-2008, 04:30 AM

sh2awa _ 91

14-06-2008, 04:37 AM

اللى عايز يسلك فى لجنه امتحان يزعل اللى يكلمه يعنى اللى قعده على الارض كانت قلبت الدنيا وكاانوا هيجيبولها

اللى عايزاه انا عن نفسى كنت مخلتش حد فى اللجنه يحل كنت اقطع وش المراقب اساسا

واللى بيقولها الاسم مش عاجبه كانت تنفضله تقوله مش زنبى رقم جلوسى عندك هى توريله البطاقه وتنفضله

واللى بيقوله تعالى بالبادله والله كان قاله هو كده لو كان عاجبك والله مكان هيعرف يعمله حاجه

احنا كنا بنمشيهم على العجين لو حد يسمع على مدرسه السلام الثانوى شبرا الخيمه

والحمد لله داخلنا الجامعه اهه عقبالكم يا رب

مشاهد من الثانويه

ههههههههههههههههههههه
في حد في مصر كلها مش سمع عن مدارس شبرا
واللى بيقولها الاسم مش عاجبه كانت تنفضله تقوله مش زنبى رقم جلوسى عندك هى توريله البطاقه وتنفضله

باقولك لما قولتله رقم الجلوس برا في الشنطة راح نادهلي رئيس اللجنة :d عالم فاضية والله هو شكله كدة مضروب او متخانق ومعقد نفسيا على الصبح .
بس بردوا مش سيبت حقي يعني :d

عاشقـــ الانمى ـــة

14-06-2008, 05:02 AM

هههههههههههههههههههه
أنا اتعقدت منها من قبل مدخلها
استرها معايا يار ب دا أنا غلبانة

حقوق عين شمس

14-06-2008, 05:02 AM

انا فى حقوق عين شمس وحقق عنى بعدين والله مرة جابلنا رئيس اللجان معرفش يعمل حاجه
جاب الحرس الظابط الواد قعد يشتم وكان هيضربه و معرفوش يعملوا حاجه اعملوا اللى عايزينه
بس موتوا على ورقت الاجابه لو اطنطط متديهالهوش وهو ميقدرش يشدها لو اتقطعت هيروح فى داهيه

اللى عايز اى مهم يخش هناااااااا (http://pop4negom.yoo7.com)

وده ايميلى اى خدمه انا تحت امركم
pop4negom ياهووووووو

sh2awa _ 91

14-06-2008, 05:03 AM

هههههههههههههههههههه
أنا اتعقدت منها من قبل مدخلها
استرها معايا يار ب دا أنا غلبانة

ههههههههههههههههههههههههههههه
تفائلي يا تيمون
تفائليييي الدنيا لذيذة واي حد يكلمك نص كلمة صفري بس وانا ولا اعرفك :D

SENDRILLA

14-06-2008, 06:40 AM

يا جماعه بجد حد يجيبلي اي حاجه للضغط
:D
انا خلاص اعصابي في الحضيض
ايه اللي بيحصل عندكم ده
هو انا بمتحن في المريخ ولا حاجه
احنا مفيش في قاموس لجنتنا حاجه اسمها غش
ورق الاجابه بيتوزع 9 الا عشر دقايق عشان نسطر
والاسئله 9 الا دقيقه عشان ع اخر اللجنه تبقي 9 و دقيقتين ولا حاجه
والورق بيبتدي يتلم اول ما الجرس يضرب
والمدرسين بيمضو في اول اللجنه عشان مش يعطلونا
والمستر اللي بيدخل يتأكد من البيانات وكده يعد يهزر معانا وانتي تعرفي اللي في الصوره دي ومش عارف ايه
وبيجيبولنا ميه ساقعه كل عشر دقايق
الحاجه الوحيده اللي مش صح ان المروحه بايظه
قامو جابولنا مروحه مكتب المديره
وهي تولع بقي مش مشكله
:D
مع العلم اني في مدرسه حكوميه مش خاصه ولا حاجه
واللي اتفرج اول امبارح ع نشرة 6 او 9 شاف شكل المدرسه وشكل اللجان واحنا بنمتحن
مع انهم صوروا ع غفله من غير مقدمات يعني
الواحد محسش بالنعمه اللي هو فيها غير لما سمع كلامكم
بجد ربنا يكون في عونكم
ده انا ع كده المفروض اطلع الاولي ع الجمهوريه
امال بجيب درجات هباب ليه انا مش عارفه
وبعك في الامتحانات ليه برده مش عارفه
ده انا لو كنت في لجنه من لجانكم كنت سقطت في سنتي دي
انا اصلا لو في نمله معديه جنبي بعد اتفرج عليها واسيب المذاكره
ياللا يا جماعه برنا يوفقنا جميعا
الحمد لله الذي عافاني مما ابتلي به غيري

FearMaster

14-06-2008, 06:41 AM

قلتلكوا يبقي انت اكيد في مصر
يعني امال ليه بيقولوا اللي يشرب من النيل لازم يرجع ليه؟؟؟؟؟؟؟؟؟؟؟؟؟؟؟؟؟؟؟
ماهو فيها جرعات مصرينن
شقاوة علي خنقة و سذاجة و رخامة اهمال كل اللي يعجبك جينات مورثة و السبب النيلبس في ناس تقلت في الشرب اوي بقي
برب

السندباد المصري

14-06-2008, 09:13 AM

حسبي الله ونعم الوكيل

thesailor

14-06-2008, 09:26 AM

لازم تدبحلهم القطة من اول يوم في اللجنة قولهم اخوك امن دولة قولهم اي حاجة ابوك مثلاً مخابرات اي حاجة
هايعاملوك احسن معاملة ودي نصيحة جامدة جدا وعملت بيها ناي كتييييييييير

كركركوكو

14-06-2008, 02:09 PM

بلد عايزه الحرق
طيب والبلد مالها
ششعب عايز الحرق
طيب والشعب ماله
حكومه عايزه الحرق
طيب والحكومه مالها

يبقي انا اللي عايز الحرق
طيب وانا مالي

حسبي الله ونعم الوكيل

dengwan

14-06-2008, 02:10 PM

يا جماعة الثانوية دى عايزة قلب لازم تكون بارد مع المراقب و رئيس الدور حتى لو انت مش بارد تبقى غلس بدل هو ميرزل عليك و يخنقق ترزل انت علية و يخلية يسيبك انا كان خنقنى المراقب فى امتحان التفضل و حساب المثلثات و النهردة فى امتاح الانجليزى

بس اا مرحمتهوش لاغايط اما جبلى رئيس الدور و جالى رايح رئيس الدور جايب تختة و قاعد قدامى بالظبط بس انا مرحمتهوش قعد اغش بس المشكلة ان الغش سهل بس مافيش حد تعرف تغش منه يعنى كل كان فى اللجنة فى امتحانالانجليزى بيقول no comment

Helstakov

14-06-2008, 02:59 PM

لا واسعه دي

the black rose

14-06-2008, 03:58 PM

تزاكر جامد ومتنجحش يبقي انت اكيد في مصر ولما تتخرج ومتشتغلش يبقي انت اكيد في مصر ولما تشتغل ومتكسبش يبقي انت اكيد في مصر ولما تحب وتفشل يبقي انت اكيد اكيد في مصر ولما تخطب ومتتجوزش يبقي انت اكيد في مصر عظيمه يا مصر يا ام الدنيا ...

لامارحسنى

14-06-2008, 07:33 PM

ياجماعه اى حد عنده امتحانات الجبر بتاعت نماذج المركز القومى ياريت يبعتها لانى محتجاها

لامارحسنى

14-06-2008, 07:37 PM

ياجماعه لو سمحت اى حد يقولى هما بيعملو كده ليه لو مش عايزين حد يدخل ثانويه عامه خلاص يقولو من الاول انا اتعقدت بجد خلاص حرام

لامارحسنى

14-06-2008, 07:40 PM

انا معايا نماذج الفرنساوى لو حد يدينى الجبر واديله:( الفرنساوى

فنكوشه المنكوشه

14-06-2008, 07:48 PM

هههههههههههههههههههههههههه مراقب معتوه :d
بص في لجان الامتحانات دي يا غالب يا مغلوب
وامشي علي مبدا خدهم بالصوت لايغلبوك :d
انا السنه اللي فاتت كنت مش زي العبيطه كنت عبيطه فعلا
واي حد يسالني علي حاجه كنت اقوله لدرجه اني واقسم بالله مغششه واحده النحو بالكامل ولما سالتها علي حاجه في الالماني جاوبتني غلط :dجت في الرياضه حليتلها سؤال كامل لغبائي ودا لاني كنت عامله فيها البت الكسوفه ولو مراقب كلمني اخاف ارد عليه وبتاع
لكن السنه دي وحش اعد :dلا بغش ولا بغشش واللي ورايا كانت هتبوس رجلي عشان ارد عليها ولا عبرتها بئا انا ادح واسهر طول السنه وفي الاخر اديها السؤال ببساطه وفي امتحان الانجليزي المراقب عاوز ياخد الورقه قبل الوقت ب 10 دقايق مع اني كنت خلصت مردتش اديهاله الا الساعه 12 بالديقيقه وعلي فكره
انتي يا رحمه غلطانه ازاي تسمحي للمراقب ياخد ورقتك بكل بساطه كدا دا انتي كنتي تعمليله قضيهه :)وتزعقيله كمان ولا يهمك اللي بيبقوا شخصيتهم قويه ادام المراقبين بيحملولهم احترامهم انما اللي بيخاف بيدووه بالشوز لا مؤاخذه :d
بالنسبه للصوره دي والموضوع دا تقدر تقول انه معتوه وانا لو من الولد دا مش هحلق :dوميقدرش يفتح شفاتيره معايا:d

HaZeM TaKeR

14-06-2008, 07:54 PM

تعليم ايه ربنا يسترها علينا وعلى العلم انى فى مدرسة حكومى
فى امتحان التفاضل المراقب بيقول للى قداى الالة الحاسبة دى مش نافعة
قالوا ازاى مكتوب يمكن استخدام الاله قالوا مش دى القديمة قولتله هوه ايه قديمة
ايه هوه الامتحان ناقص قالى ليه هوه انت فاكرنى مدرس العاب ولا زراعة قولتله يا عم
وانا مالى هاتلى رئيس اللجنة راح قعد ما قامش وابلة كدا دخلت كلته شمتين كان شكله زبالة
يلا مش مهم الامتحانات بتاعت المركز الثقافى اهى ههههه
http://www.nceee.edu.eg/forum/default.asp

اميرالجمال

14-06-2008, 08:53 PM

هاااااااااااااى شباب انا بقى فى لجنتى شدين على الاخر وما بيسبوش حد يبص حتى جمه ده حتى امتحان التفاضل ولاانجليزى كان ارخم ما يمكن

ีundertaker_2000

14-06-2008, 09:20 PM

انا بقه رئيبس الدور مصتقصنى فى اخر عشر دقايق فى حساب المثلثات والتفال جه وقالى بطل خش بئه والا انت حر وانا اصلا كلمتش ولا عملت حاجه بس علشان كان فاضل عشر دقاقي ويخلص وان مخلصتش وكل شويه يخش فاضل عشر دقايق فاضل خمسه لما خنقنى اما انهارده فى الانجليزى كان قاعد معانا فى اللجنه لما المراقبين اتخنقوا وكانوا عايزين يطردوا بس طبعا مئدروش يفتحوا بئهم يعنى مش مكفيه غلاسه الامتحان لا هو نفسه غلس

قولوى اعمل فيه ايه

arabSquad

14-06-2008, 09:32 PM

هههههههههههههههههههه
أنا اتعقدت منها من قبل مدخلها
استرها معايا يار ب دا أنا غلبانة

امال لو ماكنش اسمك timon و Bomba

قضيها هاكونا ماتاتا :D

sh2awa _ 91

14-06-2008, 09:45 PM

ههههههههههههه اية يا جماعة الي بيحصل دة :D
عظيييييمة يا ايجيبت :lol: بلد البامية !!
طيب عارفين النهاردة كانت اللجنة عندنا جاااامدة طحن تخيلوا لما يكون مستر من الناس اللذيذة الي بيكون كويسين في اللجان مش حوار الغش يعني لأ قصدي دمه خفيف وبيخلي جو اللجنة هادي بدل شد الاعصاب وواقف معاه ميس خنيييييييييييييييييقة شاربة ازازة بالكيز على الصبح والاتنين واقفين زي حرس الحدود وعاملين فيها توم وجيري ههههههههههه
ارحمنا يا رب :D

ีundertaker_2000

14-06-2008, 09:54 PM

بجد انا اتخنقت من السنويه الزفت واللجنه والامتحانات

ربنا يستر فى الى جاى

sh2awa _ 91

14-06-2008, 09:58 PM

بجد انا اتخنقت من السنويه الزفت واللجنه والامتحانات

ربنا يستر فى الى جاى

طيب والي اتخنق من البيج بوس يعمل اية :D
انا عن نفسي بقيت مش طايقة اسمع اسمه :mad:
ربنا يستر
لأن شكلي كدة هتحبس بسبب قتل مواطن
( هو مش مواطن اوي يعني او ممكن يكون مواطن بس اخد ترقية :D)

:D:rolleyes::D

ีundertaker_2000

14-06-2008, 10:03 PM

طيب والي اتخنق من البيج بوس يعمل اية :D
انا عن نفسي بقيت مش طايقة اسمع اسمه :mad:
ربنا يستر
لأن شكلي كدة هتحبس بسبب قتل مواطن
( هو مش مواطن اوي يعني او ممكن يكون مواطن بس اخد ترقية :D)

:D:rolleyes::D

هو خد ترقيه زياده عن الزوم يا شرى وربنا يستر لانى شكلى هشترك معاكى لما تنوى قوليلى

Eng M-Adel

15-06-2008, 12:11 AM

والله فعلا الى يشوف بلاوي الناس تهون عليه بلوته
اسوء موقف شوفته يوم امتحان التفاضل والمثلثات لما لقيت زميلى بيعيط واللجنة شده جدا وفى الأخر واحد عيط بردوه ومنع عن التسليم
حسبي الله ونعم الوكيل

HaZeM TaKeR

15-06-2008, 06:27 AM

يا جماعة موضوع تسريب الامتحانات زاد عن حده خالص
من اول يوم والامتحانات بتتسرب وبرنامج 90دقيقة مشدد على الموضوع ده
وهييجى النهاردة تانى وهيتكلم فى نفس الموضوع وبعد ما الكل اتاكد من التسريب فعلا
لابد من الغاء الامتحان او يعملوا اى حاجة ويرحمونا هههه والمضحك فى الموضوع انهم قعدوا
يتصلوا بوزير التعليم امبارح من اول الحلقة لاخرها ولا هوه هنا ولا رد ولا قالهم بتقولوا ايه لو هما موافقين على التسريب
يبقى يتحملوا اللى هيحصل فى باقى المحافظات وربنا يستر علينا

sh2awa _ 91

18-06-2008, 06:23 AM

هو خد ترقيه زياده عن الزوم يا شرى وربنا يستر لانى شكلى هشترك معاكى لما تنوى قوليلى

بس كدة من عونيا ههههههههه

يا جماعة موضوع تسريب الامتحانات زاد عن حده خالص
من اول يوم والامتحانات بتتسرب وبرنامج 90دقيقة مشدد على الموضوع ده
وهييجى النهاردة تانى وهيتكلم فى نفس الموضوع وبعد ما الكل اتاكد من التسريب فعلا
لابد من الغاء الامتحان او يعملوا اى حاجة ويرحمونا هههه والمضحك فى الموضوع انهم قعدوا
يتصلوا بوزير التعليم امبارح من اول الحلقة لاخرها ولا هوه هنا ولا رد ولا قالهم بتقولوا ايه لو هما موافقين على التسريب
يبقى يتحملوا اللى هيحصل فى باقى المحافظات وربنا يستر علينا

u r in egypt
:cool:

Golden Eagle

18-06-2008, 08:54 AM

سبحان الله
إيه يا عم الكلام ده ؟
الظاهر أني بامتحن في الجنة
مافيش عندنا الكلام ده خالص و الله
ناس محترمه ماحدش بيغش ( إحنا أصلا ً في مدرسة إسلامية فاللي يطلب الغش يتهزئ لو طلب )
ما فيش صوت ( لأن معظم الإمتحانات صعبة )
بالإضافه إلي المية و الحاجات دي
و لكن
مافيش مراوح و إحنا في أسيوط الجو عندنا ناااااااااااااااااار نااااااااااااااار ناااااااار ( أغنية حكيم )
ربنا يوريكم من اللي عندنا ( اللجنه مش الجو )

وعد العيون 2010

19-06-2008, 03:49 AM

يا جماعة عادي جدا
انا كنت في 3 ثانوي من سنتين و التالتة جاية ان شاء الله
بامانة في 2 ثانوي جبت 92 بمجهودي هي مكانتش 92 هي كانت 91.92
المهم اني عملت بأمانة و مش غشيت من حد
في 3 بقي كان العجب العجاب
كنا لجنة علمي يعني من الهالومة الي موجودة كلها تلاقي 6 في اللجنة الواحدة علمي بسسسسسسسسس
المهم
امتحان التفاضل كان جايلنا جوز ما يعلم بيه الا الله
هم دول من النوع الي بيشجع علي الغش
المهم
كانت في حاجات ف الامتحان مش عارفها و كدة
فجيت كلمت الواد الي جنبي في الدكة التانية
قلتله يا حسني انت عارف السؤال الفلاني ؟ و بالراحة بقي من غير صوت عشان محدش ياخد باله
قمت لقيت المراقب ضحك كدة و قال ضموا علي بعض عشان تسمعوا كويس
و خرجنا الامتحان ده مراجعين النتايج سوا
احنا ال 6 كنا مراجععين النتايج مع بعض جوا الامتحان و خارجين مع بعض في نفس الوقت
يعني هتشوفوا من ده كتيييييير
اما بالنسبة للاقفال الي هتشوفوها في اللجان
ده شئ طبيعي
لانه الوزارة بتعمل كوكتيل مراقبين
المنوفية بييجوا عندنا و بتوعنا بيروحوا هناك
المهم
ركزوا انتوا بس
سيبوكوا من اللجان و من قرف اللجان
و ان شاء الله نسمع سمع خير
و الي اللقاء في الاجازة

lily2222

19-06-2008, 05:19 AM

عفوك ورضاك

19-06-2008, 05:34 AM

ههههههههههه هما بس بيضمنوا نفسهم عشان لما يجوا يحاسبوهم على فلوس الكهربا بتاعت المراوح .. يبقى في دليل انهم مش السبب وان الشعب هو السبب .
شعب مبذر !! ماله الحر يعني وحش الحر :D:D:D:D
شكلنا هنطلع من البلد دي بالشلل الرعاش :huh:

هو كمان مركبين مراوح
ده انا مسمعتش على تركيب المراوح غير في الجرايد
وقلت كلام جرايد
اديه طلع صح !!!
وعلى كده بقه الديسكات اتغيرت ؟

M.H.Seadawy

19-06-2008, 05:39 AM

من الآخر يا جماعه
الي يدخل اللجنة يقعد في دسكه ولا يتكلم مع الي جنبه ولا يعبر أي حد
حتى لو في خناقه جنبك او وراك
أنا عن نفسي بعمل كده عشان أنا في وش السبورة
بس بصراحه بعد إمتحان التفاضل والتكامل لما خلصت وبصيت وراي إتصدمت بالمناظر الي كنت شايفها
ربنا يسترها من عنده

ABSG

19-06-2008, 05:50 AM

طيب انا بقى حدحكم عليه فى امتحان الجيولوجيا كان عندنا رسمتين فرسمتهم وايدى اتخت من الالم الرصاص ومن كتر اندماجى فى الامتحان حطيت يى المتسخه على اسى وشغاله فى الحل تطب عليه رئيست الجان وتشد ايدى وتقلى كده وسختى الاشرب وهوه لونه فاتح"كل المعلومات طارت من كتر الخضه وخصوصا انى فى اول تخته بجوار الباب و وعلى كده حجات كتيييييييييييييير من السنه الى فاتت والسنه دى

M.H.Seadawy

19-06-2008, 05:56 AM

ههههههههههههههههه
معلش الظاهر إن أغلب أعضاء هيئة التدريس ما عندهمش الخبرة في كيفية معاملة الطلاب أثناء الإمتحانات

M.H.Seadawy

19-06-2008, 06:07 AM

M.H.Seadawy

19-06-2008, 06:17 AM

معلش المنتدى بيعلق معايا على طول وبيظهر ردين متكررين

ABSG

19-06-2008, 06:31 AM

الى طلاب الصف الثانى الثانوى نسبت النجاح فى اللغه العربيه ضعيفه وفى الصف الثالث مرتفعه لكن الي معديين 20 قليلون ربنا يستر ونكون منهم

اما بقى داخل لجان التعليم منزلين نشره بعدم الرئفه مع اى طالب بجد مدرسى بكلمه بيقلى التصحيح زباله والى بياخت تاااااااااااااااريخ حيجى خريطه فى الامتحان ذكرو الخرائط الموجوده فى الكتاب المدرسى كويس ويااااااااااريت تحفضوها من دلوقتى علشان مفيش وقت" فى مدرس كبير فى اسكندريه قال الكلام ده وجت نشره بالتاكيد على الطلبه فى موضوع الخرايط

"" ركزو وربنا يوفـــــــــــــــــــــــــــــــــــــــــــــــ قنا جميعا ويسترها معانه""

Mido_Gamal

20-06-2008, 01:35 AM

فعلا بتحصل بلاوى

ادعووووووووولى

عندى امتحان علم نفس يوم الأحد

3 ثانوى

lily2222

20-06-2008, 05:43 AM

االلى بيقفوا فى الجان مسمعوش عن معاملة البنى ادمين ويجيبوا للواحد فزع

ahmed_20005

20-06-2008, 07:08 AM

ويبقي انت اكيد اكيد في مصر

نيرو سوفت

20-06-2008, 04:29 PM

هههههههه انا عارفة !! لأ والي يغيظ اكتر انه مش عاجبه الاسم ومعترض . يعني انا اعمل لسيادته اية اغيره مثلا !! ناس عجيبة
ويقولي هو في هزار في ثانوية عامة .

المفرووووووووض كـــــــــــنتى تقوليله هبقى اغيرلكـ اسمى المرة الجاية
المراقبيين كــلهم دماغتهم تعبانة خالص :)

ozomaz

20-06-2008, 05:24 PM

يا جماعه الغش فى لجان لجان بس ولا ايه فى الثانويه وممكن اشرح لكم كيفيه التعامل مع المراقب اليضايق فى حصص خاصه

everyone0

22-06-2008, 09:35 AM

Eng M-Adel

22-06-2008, 01:12 PM

انا بقي عندي في اللجنة واحد قاعد ورا كان بيغش من ال وراة فا المراقب ما كانش عجبو و كل شوية يقولو بطل فا بعديها دخل رئيس اللجنة و قال للمراقب لو هو مديقك اسحب الورقة احسن ما يتعملوة محضر غش فا المراقب سحب الورقة راح رئيس اللجنة سئل الطالب انتة خلصت ? فا الطالب قالو لا فاضلي سوئالين فا لراح رئيس اللجنة خاد الورقة من المراقب و اداها للطالب و قال للمراقب لما يخلص خدها هههههههههه

هههههههه
والله نفس الى حصل عندنا فى اللجنة بتاعت اللغة الألمانية بس المراقب سحب الورقة وقالوا انا هعملك محضر وراح نده مدير الدور ومدير الدور راح نده السيكيورتي والسيكيورتي ندهت لمدير اللجان الى فى المدره ومدير اللجان طلب مراقب عام اللجان واخدوه ودخلوا اللجنة فبيسألوا الأستاذ ايه الى حصل قلهم الطالب ده مشاغب وعامل زيطه فى اللجنة فسأل الواد قله خلصت ؟
قال : اه بس لسه مراجعتش
قام اخد الورقة من الأستاذ وأداها للطالب وقاله خد راجع ونام
وتحيا مصر

rApE_N_rUn

22-06-2008, 07:23 PM

ههههههههههههههههه
انا بقى الحمد لله مغشتش لحد دلوقتى غير واحدة فى التشووز فى الانجليزى ،،،،
المهم انا مش بحب اغش ولا اغشش ،،
لقيت واد مطلع عليا كاتر وبيقولى لو مغششتنيش هشرحك ،،
ولقيت المراقب بيقولى لو مغششتهوش هاخد منه الكاتر وهشرحك ،،
قلتله يا عم انا فى مدرسة مش ى كلية الطب وبتتعلموا التشريح عليا ،،
المهم لقيت مدير الدور بيقولى بص ادامك ،،
قلتله اومال انا باصص فين .. قالى انت باصص تحت الديسك .. قلتله وانت مالك .. قالى اتفضل حل .. ببص لقيته اخد الورقة واداها لواحد تانى فى لجنة تانية علشان ينقل منها .. ببص فى الديسك لقيت ازازة كانز فاضية كانت من اليوم اللى قبله قمت جايب الغطا بتاعتها وقمت كسرو وهدته بيه واخد الورقة منه وكان غطا الكانز فى ايدى وهو بيسلم عليا ايده اتفتحت .. لقيت وكيل الوزارة قدامى وعملى محضر خروج عن سلوك اللجنة قمت اتصلت بعمى عميد فى الشرطة لقيت وش وكيل الوزارة احمر وقطع المحضر

متروق فيزياء

23-06-2008, 01:16 AM

والله اللعظيم عندنا فى المنصورة خصيصا فى مدرسة الملك الكامل
موبايلات مفتوحة على البحرى وانا كنت واحد من اللى حاطط موبايلة على الديسك
اما فى مدرسة التجريبية والله واحد صاحبى بيقولى ان نموذج الاجابة دخلهم فى امتحان العربى وكانت هيصة

funnet

23-06-2008, 05:04 AM

[اخر امتحان لي علي الارض المصرية كنت في الصف الثالث الاعدادي من حوال ثلاث سنين
النظام كان اللجان كله متظبطة بمعني اصح كبار البلد زي العمدة وشيخ البلد دافعين
وكان في استاذ من المدرسة يحل الامتحان ويوصل لكل الطلاب
وكان فى مجموعة انا منها كانوا بيقعدهم فى لجنة لواحدنا (عشان مش عايزين نغش)
بس المشكلة في النص التاني من نفس السنة ماعرفوش يظبطوا المراقبين
كان في اللجنة اللي انا فيها مافيش حد خالص يفهم غيري انا راح كل واحد مطلع المطوة وحطها قدامه
المراقبين خافوا وسابوا اللجنة وابتدا الهجوم عليا روحت اتصلت ببابا وقولتله راح كلم العيال وقلهم هايدكوا الامتحان بعد ما يخلص
واستمرت الامتحانات علي هذا النظام
بس انا صراحة بعد الموضوع ده كنت عايز اسيب البلد واهو ربنا كرمني
وعمار يا مصر

Grand_Dreams

23-06-2008, 11:38 AM

انا برده حصل معايا حاجه زى ده بس مش جامده
انا متصوره بالنظارة وانا دلوقتى لبسه عدسه المهم يقولى انت هنا بالنظاره قولته طب اجيبلك النظاره منين دلوقتى
غير كده انا كنت وجه كان كبير الحجم فى الصوره انا اصلا كان وزنى كبيره السنه ال فاتت السنه ده انا يعنى خسيت اوى يقولى الراقب انتى وجهك ده ال فى صوره مش دلوقتى قولتله طب اعمل ايه دلوقتى يعنى
الصراحه يوميها قرفت اوىاوى

the black rose

23-06-2008, 09:34 PM

اللى يعيش ياما يشوف!!!!!!!!!!!!!!:eek:

reda_mafia50

23-06-2008, 09:42 PM

لما جابوا ساعات اول مره اشوفها فى اللجنه تانى الامتحان مفيش ساعات خالص كل واحد اخد ساعه وماشى اصلا كل حاجه غليت كل واحد يخودله ساعه يجهز بيه لفرح

amrzamalkawy

24-06-2008, 01:24 AM

عمار يا مصر

**تسابيح**

24-06-2008, 01:31 AM

بجد انا من ساعة ما قرأت الموضوع
وانا مبطلتش ضحك حاجات غريبة
اشمعني عندنا ف اللجنة ناس ملتزمة
هو بيبقي نفسهم يغشوا بس ياعيني
مبيعرفوش بس انا الحمد لله مبحبش الغش
انا هقولك موقف بس كان مع واحدة قاعدة وراية
المهم ان البنت متصورة ف استوديو مخليها ملكة
جمال الكون بجد وربنا مخليها جميلة اوي
وطبعا المراقب مش من بلدنا
المراقب بيشوفنا جيه عندها وقعد نصف ساعة
ومش مصدق بيقول طب ازاي انا عايزة افهم
تبقي دي صورتك ؟؟؟؟؟؟؟؟؟؟
وقاعد نصف ساعة علامات الدهشة ع وشه
اخر ما زهق راح لرايس اللجنة وجابة
عشان يتاكد
البنت اخر ما زهقت كانت عايزة تقوم له
واحدة قالت له يامستر حصل نفس الموقف
ف الامتحان اللي فات مع المستر الثاني
ولسه رجليه مكسورة (بيتريقوا عليه)
راح الاستاذ قالها خلاص يابنتي انا عندي عيال
خاف ع عياله
هههههههههههههههههههههه

barbrosa

24-06-2008, 03:44 PM

طيب انتم اسمعوا دى
يوم لجنة التفاضل كان معاى واحد صاحبى فى لجنتى قاسم سنة تانية وسايب منها رياضة 1 ودلوقتى هو لازم يمتحن الرياضة 2 السنة دى فلما شاف امتحان التفاضل قعدنا نبص لبعض انا وهو واصبنا بحالة هستيرية من الضحك فراح المراقب قعد جنبى وقالى
.: انا كان ممكن اسيبكم من الاول لكن انتم ضحكتم عليا :. ههههههههه اصلى هو شكله متلخبط على الاخر فافتكرنا بنضحك على شكله خخخخخ وبعدين المراقب التانى راح لزميلى وقعد يزعق فيه ويقولى انت مش محترم ومجنون وسحب منه ورقة الاجابة
لكن صاحبى ده مخه ضارب فى المسائل دى راح مسك فى خناقه والمراقب لما شاف كده قاله .: تعالى اضربنى ياد احسن :. راح صاحبى قاله مضربكش علشان انت فى بلدنا راح المراقب قاله ايه .: طيب تعالى عند الباب اضربنى :. ههههههههههه
طيب هو عند الباب بره البلد ولا ايه !!!! راح صاحبى قاله .: عند الباب فى بلدنا بردوه :. هههههه وبعدين كملنا اللجنة انا وهو نضحك خخخخخ وكان يوم متنيل بستين نيلة بعد ما خلصنا
يلا مافيش اكتر من كده اقوله :} .... طيب هو ماله الضياع انا جبت السنة اللى فاتت 93.5 % والسنة دى هاجيب 66.5 % ههههه
هم يضحك وهم يبكى :{

كركركوكو

24-06-2008, 04:15 PM

كل ده بيحصل فعلا اللي يقرأ بلاوي الناس تهون عليه بلوته
شكرا للجميع علي المرور الكريم

محمد الشونى

24-06-2008, 04:27 PM

ههههههههههههههههههههههههههههههههههههههههههههههه لا كان يقوله تعالالى بره اللجنة

bahtity

24-06-2008, 04:37 PM

لالالالالالالالالالا والا حكاية الاقرار الجديدة اللى طالعة دى المراقب يخش بعد ساعة كده من الامتحان بيقول حد شاطب لو اى حد شاطب يكتب اقرار وبعد كده يكتب الطلبة على اقرار وبعد ما يخلص كتابة يقول على فكرة يا جماعة الاقرار ده مش فى صالحك طب ياعم الحاج مادام هو مش فى صالح الطالب نبه قبل ما يكتب مش كفايه بتضيع وقته فى كتابة الاقرار ده.

bahtity

24-06-2008, 04:44 PM

islam_zamalkawy

24-06-2008, 05:33 PM

ههههههههههههه
أنتوا اللي خلتوهم ياخدوا عليكوا
أنا من أول يوم المراقبين طبعا عندنا في الطبري الحجاز مفيش كراسي والدكك مكسرة والواحد لو بيسطر بإيده هيسطر أحسن من المسطرة
المهم مفيش كراسي للمدرسين والمراقب جي يقعد جنبي في أول يوم روحت قايله بزوق بعد إزنك مش عارف أقعد رغم إن أنا كنت عارف أقعد بس مبطيقش مدري يقعد جنبي في الإمتحان
فرد عليا المراقب بيقوللي حل وأنت ساكت يلا وبلاش كلام فاضي مفيش كراسي أعملك إيه
روحت مزعق وقولتله وإنت جاي اللجنة عشان تراقب ولا تقعد ثم البشر دي كلها مش لاقي مكان جنبها وجاي تقعد جنبي لقيت رئيس اللجنة جاي بيقوللي فيه إيه قلتله أنا مش هتكلم إسأله من ساعتها رئيس اللجان بيحترمني كل إمتحان
وتاني موقف في إمتحان الجيولوجيا فضل المراقب رخم مبيغششي حد ولما الواد قاله هطلع أشرب سيجارة
المدرس قاله معاك سجاير إيه الواد قاله مالبورو المدرس قاله هات سيجارة الواد إداله إثنين عشان يسيبنا نغش
وهي دي بلدك ومحدش يتريق على مصر :D

مشربتش من نيلها طب جربت تغنيلها ولا ليك صورة:rolleyes:

مع إن اللجان عندنا صعبة بغباء ومفيش مراوح والشمس محطوطة جوه اللجنة :mad:
وشكرا على الموضوع الرائع ده

asmaag

24-06-2008, 07:06 PM

طيب انتو عارفين احنا عندنا فى الصعيد بيجى المراقب وهو صعيدى طول اللجنه عمال يقول الصعايده
اصلا ملهمش تعليم وطبعا الدماغ الصيدى بتطلع وعينك متشوف الا النور
زى ما يكون هو من .........

asmaag

24-06-2008, 07:10 PM

طيب انتو عارفين احنا عندنا فى الصعيد بيجى المراقب وهو صعيدى "اصلا" طول اللجنه عمال يقول الصعايده
اصلا ملهمش في التعليم وطبعا الدماغ الصيدى بتطلع وعينك متشوف الا النور............
اصلها حاجه بتنرفز ......ميجيش فى الامتحان وانا مش طايقه روحى ويعيرنى انى صعيديه هواحنا ملناش حقوق ولا ايه زى ما يكون احنا ملناش وجود

barbrosa

24-06-2008, 10:26 PM

Asmaag
شوف اقولك على حاجة يا صاحبى انا صعيدى زييك لكن لو قريت اللموقف بتاعى انا وصاحبى هتشوف ان المراقبين كانوا هيسيبونا لكن احنا اللى اتعاركنا معاهم علشان اللماضة اللى فى وشهم ..... قصدى من الكلام ده ان متسيبش حد يتحكم او يتامر او يقول عليك كلمة كده ولا كده فيك علشان انت محتاجله .... يولع هو والامتحان ببساطة كده :D

كركركوكو

24-06-2008, 10:45 PM

طيب انتو عارفين احنا عندنا فى الصعيد بيجى المراقب وهو صعيدى طول اللجنه عمال يقول الصعايده
اصلا ملهمش تعليم وطبعا الدماغ الصيدى بتطلع وعينك متشوف الا النور
زى ما يكون هو من .........

لالالالالالالالالالالالا
طبعا اختلف معاك مليون في الميه
انا من الفيوم يعني صعايده
واول مره اسمع الكلمه دي
ده اولا يعني

ثانيا المدرس بيقولك كده كيف ليس للصعايده تعليم وهو مدرس يعني اتعلم وبيعلم
بصراحه مش مصدق وفي تناقد في الكلام

ganash

26-06-2008, 09:02 AM

والله أحنا صابرين خالص لغيه أخر يوم لما نخلص ونطلع بره بتبقى مجزره هههههه

sh2awa _ 91

26-06-2008, 09:10 AM

هههههههههههههه
لا اله الا الله
طيب في موقف انا مش حكيته هنا فحكيه

انا lefthanded فبالعقل كدة بكتب بالشمال بقالي 17 سنة

تيجي الميس في اللجنة تقولي اتصرفي واكتبي باليمين الي وراكي شايفة ورقتك
يا طنط اتهدي في جامب اكتب باليمين ازاي مش هعرف تقولي هعملك محضر غش !!!!
عالم غريبة اوييييي .
قولتلها طيب انا عايزة رئيس اللجنة هنا يشوفلنا حل ولما دخل هوا نفسه مش كان عارف يرد عليها يقولها اية ..

ربنا يشفي والله

كركركوكو

26-06-2008, 10:18 PM

ههههههههههههههههههههه
اتعلمي الكتابه باليمين عشان الثانويه
هي دي مصر

sh2awa _ 91

27-06-2008, 05:43 AM

ههههههههههههههههههههه
اتعلمي الكتابه باليمين عشان الثانويه
هي دي مصر

هههههههه انا بقول كدة بردوا :d

eslam.moshakes

27-06-2008, 12:46 PM

Iلما تذاكر ومتنجحش يبقى انت اكيد فى مصر لما تتخرج ومتشتغلش يبقى انت اكيد فى مصر
لما تخطب ومتتجوزش يبقى انت اكيد فى مصر عمار يمصر نموت نموت ويحيى المرقبين
ولازم نجوع عشان هما يكلو بجد هما تعبونا واخرتها عليهم شكلها هتبقى وحشه قووووى:mad:

sh2awa _ 91

27-06-2008, 12:51 PM

ههههه لما تلاقي ان كل احلامك بتضيع منك يبقى انتا شوووووووووووووور الشوووووووووووور في مصر
لما تلاقي انك غريب في بلدك يبقى تلاتين شور انتا في مصر
............

احنا لو اتكلمنا من هنا ليوم اقيامة مش هنخلص الي جوانا ...

حسبي الله ونعم الوكيل فيهم واحد وااااااااحد

memsh

27-06-2008, 01:03 PM

طبعا موضوع اكتر من رائع ويدل على اننا فى بلد زى الفــــــــول اقصد (الفــــــل )
بس هانقول ايه طبعا ومش هانغيره ، المراقب من دول يحس انا جاى يراقب فى الجامعه الامريكيه والواد بقه ايه مخلص وجاى عشان يخلص فى عمله اتارى اخلاصه ده محسوب علينا بغباوته ،،،،،،
يلا بقه ربنااااااااااااااا يتوب علينااااااااااااااااا

hazemselmy

27-06-2008, 02:47 PM

عماااااااااااااااااااااااااااااااااااااااااااااااا ااااااااااااااااااااااااااااااااااااااااااااااار يامصر

ีundertaker_2000

27-06-2008, 04:15 PM

the black rose

27-06-2008, 05:04 PM

the black rose

27-06-2008, 05:08 PM

ีundertaker_2000

27-06-2008, 05:11 PM

do2do2

27-06-2008, 07:44 PM

هههههههههههههههههههه

هيا حاجة تتضحك بجد

dody_love

28-06-2008, 09:51 PM

والله حاجات تكسف انا بقى المدرسه اللى كانت واقفه عليا كانت شكلها طيبه بس جات واحده تقوللها انها عامله كوسه النهارده والاسعار عاليه ؟قالتلها اه ياختى منهم لله انا بعملها بكذا وبعدين كذا ...........الخ لحد نص ساعه ولما بصتلها قالتلى انا مضايقاكى و ما ردتش عليها فسكتت حوالى نص ساعه وبعدين ما قدرتش تمسك نفسها ....لوك لوك لوك والبنات كانت ساكته وكلمتها مره واتكلمت تانى وقلت مش هبقى انا اللى بتكلم :confused::confused:واقوللها كل مره اسكتى ......
انا علمى رياضه وعكيت فى التفاضل والميكانيكا والفيزياء والاحصاء والجبر بعد ما كان عندى امل انى انفع بعد ما جيبت94%السنه اللى فاتت خايفه من الملحق :(:(:(:(:( وعجبى حسبى الله ونعم الوكيل

pgpgp

29-06-2008, 11:21 PM

الحمد لله أنا ماعنديش ولا حاجة من اللى انتوا بتقلوها دى إحنا اللجنة عندنا زى الفل وكل واحد فى حاله ومافيش حد بيغش ولا بيغشش بس بمناسبة المراقبين أحب احكيلكوا على موقف حصل معايا فى ثالثة اعدادى وطبعا المراقبين مابيبقوش من البلد
كنا فى آخر امتحان فى الترم الثانى - امتحان العلوم - لقيت المراقب عامل نفسه مرسال بين البنات فى اللجنة يعنى ياخد السؤال من واحدة ويديه لواحدة تانية قرب ناحيتى وكان عايز يشوف ورقة الاجابة بتاعتى قولتله عايز إيه يا أستاذ ؟ قالى عايز يشوف الورقة .. قولتله لأ مش هاتاخدها .. قاللى لأ هأخدها قولتلى لأ مش هاتاخدها وأصريت انى ما وريهوش الورقة بتاعتى لحد آخر اللجنة وأنا بأسلم الورقة فى الآخر قاللى أهو أنا خدتها روحت قولتله بس خلاص مش هتعرف تغشش حد ......أنا من رأيى إنه حرام أن الواحد يغشش حد وفى الآخر التانى يجيب أكتر منه بس أرجع وأقول ان ربنا عمره مايسمح إن الغشاش يبقى زى الملتزم
معلش أنا طولت عليكم.............................شكرااااااااااااا اااااااااااااااااااااااااااااااااااااااااااااااااا ااااااااااااااا

كركركوكو

30-06-2008, 02:55 PM

طيب الحمد لله الامتحانات خلصت اهيه
انتظروا موضوع جديد عن بلاوي بتحصل في بلادي مصر
جزاكم الله كل الخير
والسلام عليكم ورحمة الله وبركاته

RANCY

30-06-2008, 03:14 PM

هااى انا اسمى اسماء........ هقولكوا على موقف معايا فى اللجنه .فى 2 اساتذه مراقبين عليا فى التفاضل الاتنين ما شاء الله مقلبظين والحمد لله واحد منهم قاعد فى اول الفصل والتانى فى اخر الفصل .الاول بقى طول اللجنه نااايم وعلى فجأه كده يروح صاحى ويقول بص ادامك يابنت والنصيبه بقى ان انا اول ديسك ادامه وطبعا كل شويه يرعبنى والتانى بقى فى الاخر قاعد صاحى بس شكله كان بيحلم .وكل ما رئيس الدور يدخل يروح الاستاذ الاول يصحى ويشور على اى واحده ويقوله انها بتغش طبعا كدب .........انا بقى فى نفس الوقت عاوزه اضحك وبرده عاوزه اعيط من صعوبه التفاضل لما خرجت بره اللجنه بعد الامتحااان بحكى لصحابى اللى هما فى لجنه تانيه وكلنا بقى ضحكنا وبعد نصف ساعه كلنا عيطنا . شوفتوا بقى المراقبين الكفء ...................... وفى الاخر هى دى مصر