مشاهدة النسخة كاملة : انقذووووني :(
Eng esra 05-02-2013, 03:00 PM السلام عليكم ورحمة الله وبركاته
انا عندي مشكلة وارجو انكو تلاقولي حل انا طالبة ف تلتة ثانوي وجيبة ف تانية مجموع 97 ومردتش ادخل احياء عشان التنيسيق وكدة غير اني مابعرفش احفظ فادخلت رياضة وكنت تمام اوي فيها هيا وباقي المواد بس م شهر واحد كدة وانا حالي اتقلب مابقتش طايقة ادخل اي معلومات زيادة وبنام كتير اوي وبضيع ف الوقت بطريقة رهيبة ومش مركزة نهائيا ده غير اني مابقتش اصلي زي الاول وبقطع وحالتي زفت خالص ومفيش جدول مذاكرة راضي يمشي معايا نهائيا وحسة اني هضيع وحلمي وحلم اهلي اني ادخل هندسة هيضيع مع العلم ان اهلي ديما بيسافرو كتير وده مساعدني اكتر ع النوم واللي انا فيه ده ياريت حد يساعدني
alea2009 05-02-2013, 05:19 PM بسم الله الرحمن الرحيم
وعليكم السلام ورحمة الله وبركاته
استعينى بالله سبحانه وتعالى وأكثرى من الدعاء وحاولى تنظمى جدول ومعلش ياريت تتعبى دلوقتى علشان ترتاحى بعدين وكمان علشان متندميش على الوقت اللى بيضيع وهى الثانوية العامة كده مع انهم سنتين فبيكون فيه ملل وتعب فحاولى تحلى مسائل كتير وإن شاء الله تدخلى كلية هندسة وربنا يقدرلك الخير
وإت شاء الله تلاقى حد يفيدك أحسن منى .
Ghada shalaby 06-02-2013, 01:55 AM صدقينى يا حببتى كل دآ بسبب بعدك عن ربنـآ وانتى لو قريبة من ربنا والله عمره أبدآ ما هيضيعلك تعبك .. ارجعى صلى بانتظام تانى وان شاء الله هتلاقى ربنا أحن عليكى من أى حد :)
وان شاء الله هتجيبى هندســـة
Muhammad Karim 06-02-2013, 07:06 AM السلام عليكم ورحمة الله وبركاته
انا عندي مشكلة وارجو انكو تلاقولي حل انا طالبة ف تلتة ثانوي وجيبة ف تانية مجموع 97 ومردتش ادخل احياء عشان التنيسيق وكدة غير اني مابعرفش احفظ فادخلت رياضة وكنت تمام اوي فيها هيا وباقي المواد بس م شهر واحد كدة وانا حالي اتقلب مابقتش طايقة ادخل اي معلومات زيادة وبنام كتير اوي وبضيع ف الوقت بطريقة رهيبة ومش مركزة نهائيا ده غير اني مابقتش اصلي زي الاول وبقطع وحالتي زفت خالص ومفيش جدول مذاكرة راضي يمشي معايا نهائيا وحسة اني هضيع وحلمي وحلم اهلي اني ادخل هندسة هيضيع مع العلم ان اهلي ديما بيسافرو كتير وده مساعدني اكتر ع النوم واللي انا فيه ده ياريت حد يساعدني
اولا : انا اعـرف ناس كتير كانو جايبين مجـموع كويس جداْ في سنة تانية فوق 98% وعلمـي رياضـة ومش دخـلو هندسـة ولا حاسبات حتي مع ان الهندسة السنة الى فاتت واخدة من مجمـوع 94.5 % بس للاسف مش طالوها .. عارفـة لية ؟؟؟؟؟؟
اقولك لية ….لان كل واحـد فيهم قال في نفسـة انـة خلاص كدا كدا ضامن يدخـل هندسـة وهيبقـي مهندس قد الدنيا ماهو معدي ال 98 % وعلمـي رياضـة وكل واحـد فيهم لما تسأليـة انت مش بتذاكـر ليـة وتهتم شوية زي ما كنت بتذاكـر ف تانية ؟؟ يقـولك ياعم اعتبرني هنقص 5 درجات عربي و5 فيزياء و10 انجليزي يعني قـول كدا هجيب 90 % يقـولك عادي هدخـل هندسـة برضو وانا هتعب نفسـي لية كفاية المزاكـرة الى ذاكرتها ف تانية ثانوي ..بس للاسـف بيتصدم صدمـة عمرة ف اخر السنـة لما يلاقـي نفسـة بينقص ضعف الى كان مقدرة لنفسـة ويلاقي نفسة جايب 80 % ومش طايل حاسبات ولا اي حاجـة ..والله العظيم الكـلام دا حصل بجـد السنـة الى فاتت مع اصحابي ….
طب والقصـة الى انت بتقـولها دي اية دخلها بالمـوضوع ياعم ؟؟؟؟؟؟ …هقـولك انا بقـولك الكلام دا عشان لا قدر الله لو كنتي بتفكـري ف حاجة زي كدا فتشيليها من دماغك نهـائي وان كان دا الي منعك من المزاكـرة ف ياريت تلغية من دماغك نهائي..
ثانياْ : لية مبتصليش زي الاول ؟؟؟؟ الصـلاة دي فرض على المسلم واجب علية يؤدية في ميعادة .."ان الله لايبارك في عمل يلهي عن الصـلاة "..ولما نلاقـي نفسنا كنا بذاكـر وتمام الحمـد لله وبنقفل الامتـحانات ونيجي يوم النتيجة نلاقـي نفسنا ضايعين وجايبين مجموع زي الزفت ويستغرب يا ربي منا كنت بذاكـر وبقفل الامتحانات كلها ..طب كنت بتصـلي ؟؟؟ يقـول لا ..طب منتظر اية من واحد مش بيصـلي غير الفشل والضياع …
ثالثا : انا عمـري ف حياتي ماعملت جدول مذاكـرة بس المادة الى امسكها الصراحـة كنت بخلصها مزاكرة وحل واشوف المسائل الى جت عليها في الامتحانات السابقـة واحلها تاني واي مسألة تقف معايا ..اوديها للمدرس يحلها ولو مش فهمتها اخلية يشرحها تاني وتالت ورابع وعاشر لحد ما افهمهـا وكل دا بفـلوسي …
وربنا يوفقك يارب
Eng esra 06-02-2013, 08:00 PM شكرا ياجماعة ع نصايحكو الغالية دي وبأذن الله هعمل بيها وربنا يستر
beta777 06-02-2013, 11:59 PM لاسف يا اسراء المصيبة انى زيك وكنت جايب 97% في تانية وجاتلى درجة في التظلم بقيت 97.56% وبردو اهلى دخلونى رياضة وجيت ع شهر 12 رحت حضرت احياء لانى كرهت الرياضة وقولت اكيد الاحياء هى اللى هتخلينى اذاكر و انا بردوا بقيت اقطع في الصلاة ومش عارف وانا كرهت الرياضة وبقالى كتير سايبها وخايف احول احياء اهلى هيتصدموا بصراحة انا بأسف على حالى مش عارف المشكلة منى ولا من اهلى انا كرهت العيشة ع الى عايزها وكرهت الهندسة ع الطب لو لقيتى حل البعتيل ارجوكى لو سمحتى ابوس ايدكم حد يساعدنى انتى بتقولى انقذونى وانا بقول الحقونى انا كاره كل شئ واانا عارف ان محدش هينقذنى غير نفسي بس ارجوكم ساعدونىىىىىىىىىىىىىىىىىىىىىىىىىىىىىىىىىىىىىىىىىىىى ىىىىىىىىىىىىىىىىىىىىىىىىىىىىىىىىىىىىىىىىىىىىىىىىىى ىىىىىىىىى
Eng esra 07-02-2013, 04:55 PM هيا المشكلة طبعا بعد الصلاة والبعد ع ربنا ان حتة الارادة والعزيمة اللي المفروض تكون عندنا مش موجودة اساسا والواحد دايخ كدة مش دريان بنفسو فانفسي حد يقولنا نعمل ايه ع خطوات وحد يكون فاهم الموضوع اللي احنا فيه ده ويفهمنا نتعامل معاه التعامل الصح ازاي عشان انا مش عايزة اندمممممممم ف الاخر
ابانوب ايليا 07-02-2013, 09:59 PM السبب فى كده هو الاحساس بالملل وده شئ طبيعى
الاحساس بالملل ده دليل على ان الطالب ذاكر بقدر مناسب وانه قطع جزء كبير نحو هدفه ولما الملل يهاجم الطالب اثناء المذاكرة ياخد راحة بسيطة لجسده وعقله ويستغلها فى التفكير ويسأل نفسه : انا حسيت ليه بملل؟ اكيد علشان انا تعبت فى المذاكرة ولو سبت الملل يتغلب عليا حيضيع مجهودى اللى من شدة تعبى فيه اصابنى الملل وبالتالى يضيع هدفى اللى حلمت بيه من الطفولة وضيعت اللى عملته فى سنة تانية
وبالتالى فأن حرب الطالب مع الملل صعبة وبالعزيمة والاصرار يتفوق عليها
بالتوفيق وبالنجاح الباهر والى هندسة بأذن الله:)
*طالبة حزينة * 07-02-2013, 11:10 PM صدقينى يا حببتى كل دآ بسبب بعدك عن ربنـآ وانتى لو قريبة من ربنا والله عمره أبدآ ما هيضيعلك تعبك .. ارجعى صلى بانتظام تانى وان شاء الله هتلاقى ربنا أحن عليكى من أى حد :)
وان شاء الله هتجيبى هندســـة
100 %
;)
دكتورة أورام المستقبل 07-02-2013, 11:53 PM ربنا يهديكى وإنشاء الله ترجعى تانى تذاكرى تانى
أنا صحيح لسة ف أولى ثانوى وكنت كده ف الترم الأول لدرجة إن شكلى بقى زى المدمنة من كتر النوم
أكيد مستغربة مش مهم المهم إنك متوترة زيادة لأنك مش بتفكرى ف نفسك بس إنتى بتفكرى ف العيلة كمان
دا غلط كبييييييير لأنهم مش هيفيدوكى لا لما بإذن الله دخلتى الهندسة أو لا قدر الله تجارة ف الحالتين هيفرحوا
بس أهم حاجة تفكرى ف نفسك ،معلش كونى أنانية شوية لأنك طول ما انتى بتفكرى إنك ممكن تخذليهم
لا قدر الله دا ممكن يحصل وتدخلى ف مشاكل نفسية انتى ف غنى عنها وخاصة دى فترة مراهقة الضغط النفسى لوحده موجود و كبير فما بالك بالإجهاد العصبى والذهنى وأرجوكى إنك ترجعى تصلى صدقينى هتفرق معاكى كتير
ربنا يوفقك
كتير
ابونرمين 08-02-2013, 07:38 AM عليكى بالصيام والصلاة وكثرة الدعاء،،،والله المستعان
aly_sha3ban 08-02-2013, 11:28 AM بسم الله والحمد لله
أولا كلامى ده موجه للشباب اللى ردوا على الموضوع :
هى عارفه انها مقصرة فى الصلاه وبعيده عن ربنا وعارفه ان ده سبب من أسباب المشكلة بس الموضوع مش بايدها وهى وصلت لمرحله أضعف من انها تقاوم
بصى يا باشمهندسه .. و أنا فى الثانوية مريت بنفس اللى انتى مريتى بيه بل أسوء ... كنت جايب أقل منك كمان :(:( ودخلت رياضة وكانت كل الظروف مهيأه إنى أبقى زيك وأكتر وبالغعل وصلت لنفس الحاله اللى انتى بتعانى منها .... بس لما قعدت أفكر قولت هو الحل ان انا أفقد الأمل و أستسلم للأمر الواقع وأقعد أستنى الامتحانات تخلصنى زى ما تخلصنى:040vk0::040vk0: .. المهم أنا قولت الحل انى أصفى زهنى ..قعدت من كل الدروس لمده أسبوع وماذكرتش فيها حاجه وطبعا بعدت عن التليفزيون و النت لأن دول هيشتتوا تركيزى أكتر .. المهم الاسبوع كان أسبوع عباده بالمعنى الصحيح ( قرآن - صلاة - سماع خطب وأناشيد حماسيه وابعدى عن الاغانى ( الاغانى هتعيشك فى عالم من احلام اليقظة:bosyht9::bosyht9: غير انها فيها كلام كتير من الناحية الشرعيه ) وكمان سماع تنمية بشرية .. انتى عارفه زى مابيقولوا الصقر بيعمل ايه بعد الاربعين (ابحثى عنها فى جوجل ) وطبعا قعدت أدور على حوافز للمذاكر واستحضرت صورة أهلى قدامى..:049gc0::049gc0::049gc0:
ورجعت بعد الاسبوع ده شخص تانى والحمد لله حققت اللى كان نفسي فيه ودخلت كلية الهندسة :D عقبالك .
أهم حاجه دورى على صاحبه ليكى تكون كويسه وملتزمة هتساعدك كتير جدااااااااااا :friendsxs3::friendsxs3:وعرفيها مشاكلك زى النوم بحيث انها على طول تتواصل معاكى فإن الشيطان مع الواحد وهو من الاثنين أبعد :ph34r::ph34r:..
يااااارب تعملى اللى قولتلتك عليه وتكونى استفدتى وقررتى تغيرى حياتك للأبد:022yb4:
نسألكــــــم الدعاء
:):):):):):):):):):):):):):):):):):):):):)
yolanda 08-02-2013, 12:57 PM يا سلاااااااااااااااااااااااااااااااااااام علي الموضوع ده في الجون
و الله أنا موقفي زيك تمام جيبت في تانية 99 % و السنة دي مش عارفة ايه الي بيحصل مش بس عشان زهقت و مش قادرة اذاكر كمان الأحياء و الفزياء صاعبين جدا و ملهمش حل خصوصا الي مش بياخد درس كل لما أحاول معاهم أحس إننا فشلت و مش قادرة و الله شكلها السنة دي .... علي الحال ده مش هعرف أجيب مجموع !
Eng esra 08-02-2013, 03:10 PM السبب فى كده هو الاحساس بالملل وده شئ طبيعى
الاحساس بالملل ده دليل على ان الطالب ذاكر بقدر مناسب وانه قطع جزء كبير نحو هدفه ولما الملل يهاجم الطالب اثناء المذاكرة ياخد راحة بسيطة لجسده وعقله ويستغلها فى التفكير ويسأل نفسه : انا حسيت ليه بملل؟ اكيد علشان انا تعبت فى المذاكرة ولو سبت الملل يتغلب عليا حيضيع مجهودى اللى من شدة تعبى فيه اصابنى الملل وبالتالى يضيع هدفى اللى حلمت بيه من الطفولة وضيعت اللى عملته فى سنة تانية
وبالتالى فأن حرب الطالب مع الملل صعبة وبالعزيمة والاصرار يتفوق عليها
بالتوفيق وبالنجاح الباهر والى هندسة بأذن الله:)
فكرة كويسة اني اسال نفسي دي وجربتها امبارح ونجحت الحمدلله شكرااا ياابانوب
Eng esra 08-02-2013, 03:11 PM عليكى بالصيام والصلاة وكثرة الدعاء،،،والله المستعان
حاضر ان شاء الله
Eng esra 08-02-2013, 03:15 PM بسم الله والحمد لله
أولا كلامى ده موجه للشباب اللى ردوا على الموضوع :
هى عارفه انها مقصرة فى الصلاه وبعيده عن ربنا وعارفه ان ده سبب من أسباب المشكلة بس الموضوع مش بايدها وهى وصلت لمرحله أضعف من انها تقاوم
بصى يا باشمهندسه .. و أنا فى الثانوية مريت بنفس اللى انتى مريتى بيه بل أسوء ... كنت جايب أقل منك كمان :(:( ودخلت رياضة وكانت كل الظروف مهيأه إنى أبقى زيك وأكتر وبالغعل وصلت لنفس الحاله اللى انتى بتعانى منها .... بس لما قعدت أفكر قولت هو الحل ان انا أفقد الأمل و أستسلم للأمر الواقع وأقعد أستنى الامتحانات تخلصنى زى ما تخلصنى:040vk0::040vk0: .. المهم أنا قولت الحل انى أصفى زهنى ..قعدت من كل الدروس لمده أسبوع وماذكرتش فيها حاجه وطبعا بعدت عن التليفزيون و النت لأن دول هيشتتوا تركيزى أكتر .. المهم الاسبوع كان أسبوع عباده بالمعنى الصحيح ( قرآن - صلاة - سماع خطب وأناشيد حماسيه وابعدى عن الاغانى ( الاغانى هتعيشك فى عالم من احلام اليقظة:bosyht9::bosyht9: غير انها فيها كلام كتير من الناحية الشرعيه ) وكمان سماع تنمية بشرية .. انتى عارفه زى مابيقولوا الصقر بيعمل ايه بعد الاربعين (ابحثى عنها فى جوجل ) وطبعا قعدت أدور على حوافز للمذاكر واستحضرت صورة أهلى قدامى..:049gc0::049gc0::049gc0:
ورجعت بعد الاسبوع ده شخص تانى والحمد لله حققت اللى كان نفسي فيه ودخلت كلية الهندسة :d عقبالك .
أهم حاجه دورى على صاحبه ليكى تكون كويسه وملتزمة هتساعدك كتير جدااااااااااا :friendsxs3::friendsxs3:وعرفيها مشاكلك زى النوم بحيث انها على طول تتواصل معاكى فإن الشيطان مع الواحد وهو من الاثنين أبعد :ph34r::ph34r:..
يااااارب تعملى اللى قولتلتك عليه وتكونى استفدتى وقررتى تغيرى حياتك للأبد:022yb4:
نسألكــــــم الدعاء
:):):):):):):):):):):):):):):):):):):):):)
بص ياباشمهندس هيا فكرة جميلة جدا حتة اني اغيب اسبوع كامل دي م الدروس صعبة شوية للان المدرسين عندنا بيمشو اللي بيغيب اكتر م حصة ده غير ان ف دروس مهمة هتفوتني ف الديناميكا والفيزيا ومش هلاقي حد يعملها فانا هحاول اكتر م الصلاة والدعاء والكلام اللي حضرتك قولتو بجانب الدروس ده وربنا ان شاء الله هيعني وشكرا لحضرتك جدا
Eng esra 08-02-2013, 03:16 PM ربنا يهديكى وإنشاء الله ترجعى تانى تذاكرى تانى
أنا صحيح لسة ف أولى ثانوى وكنت كده ف الترم الأول لدرجة إن شكلى بقى زى المدمنة من كتر النوم
أكيد مستغربة مش مهم المهم إنك متوترة زيادة لأنك مش بتفكرى ف نفسك بس إنتى بتفكرى ف العيلة كمان
دا غلط كبييييييير لأنهم مش هيفيدوكى لا لما بإذن الله دخلتى الهندسة أو لا قدر الله تجارة ف الحالتين هيفرحوا
بس أهم حاجة تفكرى ف نفسك ،معلش كونى أنانية شوية لأنك طول ما انتى بتفكرى إنك ممكن تخذليهم
لا قدر الله دا ممكن يحصل وتدخلى ف مشاكل نفسية انتى ف غنى عنها وخاصة دى فترة مراهقة الضغط النفسى لوحده موجود و كبير فما بالك بالإجهاد العصبى والذهنى وأرجوكى إنك ترجعى تصلى صدقينى هتفرق معاكى كتير
ربنا يوفقك
كتير
شكرا يادكتورة ع نصيحتك الغالية وربنا يوفقك ان شاء الله
Eng esra 08-02-2013, 03:19 PM يا سلاااااااااااااااااااااااااااااااااااام علي الموضوع ده في الجون
و الله أنا موقفي زيك تمام جيبت في تانية 99 % و السنة دي مش عارفة ايه الي بيحصل مش بس عشان زهقت و مش قادرة اذاكر كمان الأحياء و الفزياء صاعبين جدا و ملهمش حل خصوصا الي مش بياخد درس كل لما أحاول معاهم أحس إننا فشلت و مش قادرة و الله شكلها السنة دي .... علي الحال ده مش هعرف أجيب مجموع !
لازم نعمل بنصايح اخواتنا اللي ادهولنا ف الموضوع لانهم اكبر وادرى وحاسيين بينا ده غير ان لازم ثقتنا بربنا تكون عالية اوووووووي وان مهما كانت النتيجة فربنا اكيد عايزلنا الخير حتى لو النتيجة ماعجبتناش بس المهم نعمل اللي علينا وربنا يعينا
هاوى إبداع 08-02-2013, 04:00 PM نصحتي ليك
ترجعلي تصلي زي الاول وملكيش دعوه بالباقي ^^
ف رعاية الله
toubaaa 08-02-2013, 08:05 PM خدى يومين متفتحيش فيهم كتاب خالص متفكريش فى اى حاجه تخص المذاكره ولو تعرفى تغيري مكانك تروحى عند حد من اهلك حد بترتاحيله من اصحابك يبقي افضل متفتحيش غير كتاب ربنا وصلى بخشوع وادعى كتير وكل اللى بتشتكى منه قوليه لربنا زى ما قولتهولنا كده ربنا بس هو اللى فى ايده يساعدك فهو من اضحك وابكى وبعد ما تحسي ان نفسيتك ارتاحت غيرى الجدول اللى ماشيه عليه فى المذاكره ابداى باسهل ماده واكتر ماده بتحبيها وحاولى متذاكريش فى نفس المكان على طول يعنى غيرى مكان مذكرتك وقللى ساعات المذاكره لحد ماتعرفى تعدى الحاله اللى انتى فيها دى حاولى كده وجربي ...وربنا يعينك
|