ممنوع الدخول لمرضى الضغط


النهاردة كنت في مصلحة الضرائب بخلص شوية اوراق من هناك

المهم انى وصلت الساعة 8 صباحا

مش لقيت ولا موظف هناك خالص وبدأو سيادتهم يوصلوا من الساعة 30و9 بالظبط

المهم الموظف المحترم اللى كنت مستني وصوله بالسلامة وصل المكتب بالظبط الساعة 10 صباحا

المهم خلصت شوية الاوراق بعد معاناة وتعالى وتكبر وغرور من سيادته لانه رفض يبص في اى ورقة غير بعد ما يفطر وكمان يشرب النيسكافيه والسيجارة المارلبورو الحمراء

المهم

وانا في المكتب دخلت انسة تقريبا 22 سنة وطبعا سيادته ساب الورق خالص ووقف بنفسه يسلم عليها ...اخبارك ايه ...عاملة ايه ...يارب تكونى كويسة النهاردة ...

كل ده وانا ماسك نفسي بالعافية وعمال اشتمه في سري طبعا
هههههههههههههههههههههههههه

اتضح ان بسلامتها لسة متعينة جديدة في مصلحة الضرائب نظام تعاقد

المهم يا سادة بعد ساعتين من العذاب في مكتب الموظف المبجل رحت اختم الورق من مكتب جنبه ... دخلت لقيت موظف الختم عنده نفس الانسة الموظفة الجديدة دي وعمال ضحك وهزار وكانه لقى لقية في مكتبه ...واول ما دخلت عليه قالها يا........ تعالى علشان تقبضى اول مرتب ليكي وعقبال يا ستي الشهر الجاي ...والف الف مليون مبروك عليكي الوظيفة وان شاء الله تكوني مبسوطة معانا هنا....

المهم انتم عارفين لقيت اسمها مكتوب وجنب اسمها مرتبها ....

تعرفو اول مرتب لحضرتها كام ؟؟؟؟؟؟؟؟؟؟؟؟؟؟؟

وحياة ربنا

وحياة ربنا

وحياة ربنا

وحياة ربنا


1936 ج

والله

والله

والله

والله

ده اول مرتب ليها















والدولة الظالمة بنت الظالمة اللى احنا عايشين فيها


بتقبضنا

548 ج



بعد 6 سنين خدمة في التدريس


وكل شوية حضور من الساعة كذا للساعة كذا

ودفتر التحضير يا استاذ خلى بالك منه

والنهاردة عندنا لجنة يا استاذ

وعندك حصتين النهاردة احتياطى

وعندك يومين اشراف في الجدول

وكمان انتداب لمعهد تاني

وعندك خصم في المكافأة علشان الضرائب

وراعي شغلك يا استاذ وخلي عندك ضمير شوية

واخر السنة لازم تغشش العيال علشان صورة المعهد

وف الاخر ولاد الظلمة يدوك مرتب 548 ج

وهي اول مرتب ليها نظام تعاقد 1936 ج

حسبي الله ونعم الوكيل في الازهر وفي التعليم وف الحكومة وفي الرئاسة وفي الدولة الظالمة بنت 60؟؟؟؟؟؟؟؟؟؟؟؟؟؟؟؟؟؟؟؟؟؟؟؟



بس خلاص بعدها نزلت مش شايف طبعا قدامي

لحد ما وصلت اول محل عصير قصب وشربت كوباية عصير وركبت اول سرفيس وطول الطريق وانا في السرفيس بقول حسبي الله ونعم الوكيل

بعد المذاكرة والتعليم والتفوق والسهر طول الليل يبقى حالى كدة




انا عارف انك هتقول يا عم قول الحمد لله


والله العظيم بحمد ربنا دايما



بس احنا فعلا في دولة ظالمة وبنت ظالمة



ومحدش يزعل من كلامي

:slap1qk6:

لو اشتغلت 60 سنه مش 6 برده مش هتاخد زي الانسه
وبعدين اللي بتقول عليه بخصوص حضور الموظفين انا روحت الشهر العقاري
والله العظيم الشغل بدء الساعة 10
بس انا لما بلوم علي الحكومة بقصد حكومة مبارك
لانك يا اخي لما بتمسك تلميذ مش من اول يوم بتخليه شاطر في كل الجوانب
شوف المدرس المصري لما بيروح اي دولة بيجي بيعمل ايه وللعلم ان المدرس المصري مش بياخد 1/8 من المدرس الاصلي في الدوله.
ربي اني لما انزلت الي من خير فقير

هنروح بعيد لية شوف المرتبات فى التربية والتعليم
وعلشان يخصوا منهم فى مرتبات عمل مظاهرة امام محافظة الشرقية
ورافضوا تصحيح ورق الاجابة الشهادة الاعدادية
للدرجة انا محافظ الشرقية قرار تاجيل تصحيح الشهادة الاعدادية الى اجل غير مسمى

متفق معاك بس ايه الحل؟

الله يخرب بيت اللى عينا في سلك التعليم اصلا

لو كنت مجرد موظف عادي كنت زماني دلوقتي كويس


حسبي الله ونعم الوكيل في الدولة الظالمة دي

ظالمة بس

دى حاجة تانية بس اللسان يستعفف

متفق معاك بس ايه الحل؟

الحل حد ادنى واقصى يا استاذى هم مش قالو حنعمل كده لما تقولو نعم للدستور بردو ولا كله طلع ف الهجايس زى اللى قبله واللى قبله

الحل حد ادنى واقصى يا استاذى هم مش قالو حنعمل كده لما تقولو نعم للدستور بردو ولا كله طلع ف الهجايس زى اللى قبله واللى قبله

ما هو كله بيقول ومحدش بينفذ ومش باينلها بيان
البلد دى لا نافع فيها ثورة ولا غيره
الغنى بيزداد غنى والفقرى بيسف تراب كل يوم اكتر من اللى قبله
ومفيش مسئول بيحط ايده على مشكلة ويحلها .. كله مسكنات وكدب
والى الله المشتكى

أهم ما في الموضوع أنك شربت قصب
يعني روقت دمك
الهم فينا احنا دلوقتي مفيش قدامنا قصب و ممكن غيرك ميلقيش اللي يشرب بيه القصب
و الشئ الأخير
تفتكر هو المشكلة بس في المرتب بالنسبة للمعلم
في حاجة اسمها كرامة المعلم و كرامة التعليم
يعني معلم لا يهان من طالب و لا من رئيس و لا من موظف في أي حته و لا من ولي أمر و لا من ظابط شرطة (باشا) ..ولا من ...ولا من
يعني معلم يعمل في بيئة تعليمية جيدة مش معاهد و مدارس اشبه بالسجون ، يعني يلاقي الكل يحترمه و يقدره ..
يعني معلم تخدمه مؤسسته ليصبح أكثر قدرة على العطاء في عمله على الاقل و اقصد تنمية خبراته في مجال تخصصه .

كل هذا بالاضافة للمرتب الممتاز ، وليس الجيد هنا تكون كرامة المعلم
المهدرة في مصر بصفة عامة و أضعافها في الازهر
قل حسبي الله و نعم الوكيل
ثورة كأن لم تكن..ثورة سنقرأها في الكتب كأنها قصة خيال علمي ، و ضحاياها من الشباب سيذهبون في طي النسيان.

اول راتب 1936 ج وتعتبره مبلغ مهووووول !!!!!!
اخى الفاضل اكيد دى موظفة بدون مؤهل !!!!
سوف احكى لك الاغرب ماسح احذيه يعلم اننى مدرس طلب منى شهاده محو اميه
واخد بالك اخى سمسم محو اميه !!!
سألته لماذا ؟؟؟ قال للعمل شرطى فى الداخليه
قلت له كم الراتب قال 1250ج وحوافز 800ج
قلت اللى قالك كدا بيكذب عليك
قال اخوه اتعين من شهر وهذا هو راتبه !!!!!
يعنى اول تعيين 2050ج ومحو اميه وياريتها اصليه دى كمان مزورة
ومستخسر فى الموظفه ال 1936ج
انا شربت جردل عصير قصب من زماااااااااااااااااااااان
اسوء عمل ممكن تعمل به هو التدريس
راتب صفر
جهد صفرين
قله قيمه 50صففففففففففففففففففففففر
اللهم ارفع مقتك وغضبك عنا

عندكم حق و في الاخر لو الواحد فينا ادي درس عشان يحسن حياته يقولو عيدو دروس و مش رحمين حد مع ان نسبة المدرسين اللي بتدي دروس و الدنيا مرتاحه معاهم لا تتعدي 10 في المائه و الباقي بيدي كام حصه يساعدوه في الحياه انا اقسم بالله لو اخدت زي الانسه او العسكري ده هروح شغلي قبل ميعادي بساعه و امشي بعد ساعه و اقعد اهشك و ادلع الطلبه و اطبطب عليهم لغاية ميتعلمو (حسبي الله و نعم الوكيل)

امال لو سمعت البنوك هتقول اية

عندكم حق و في الاخر لو الواحد فينا ادي درس عشان يحسن حياته يقولو عيدو دروس و مش رحمين حد مع ان نسبة المدرسين اللي بتدي دروس و الدنيا مرتاحه معاهم لا تتعدي 10 في المائه و الباقي بيدي كام حصه يساعدوه في الحياه انا اقسم بالله لو اخدت زي الانسه او العسكري ده هروح شغلي قبل ميعادي بساعه و امشي بعد ساعه و اقعد اهشك و ادلع الطلبه و اطبطب عليهم لغاية ميتعلمو (حسبي الله و نعم الوكيل)

ههههههههههههه مش بعيد والله

نسيبي في البنك يقبض أكتر من 8000 جنيه (الله يسهله)
واحده جيراني كانت في تالته اعدادي بمجموع 140 يعني مرفوعه وانا جبت 245 من 280 وهي اخدت دبلوم تجاره واتعينت في الضرائب مرتبها دلوقتي اكتر من خمسة أضعاف مرتبي وبتطلع من بيتها للشغل الساعة 9
كأنك بتشتغل في دولة تاني وهما بيشتغلو فمصر والأمثلة كثيرة
وعلشان تاخد الـ50 % لازم القانون ياخد مجراه من تشريع فالشورى وتستنى دورك عند قرار السلطة التنفيذية ( معلش قال يعني ما يعرفوش ان في تعليم أزهري فالبلد فتم اقرارها على التربية والتعليم فقط)
العدل أساس الملك
عند هؤلاء الشرطة والجامعة وغيرهم الزيادات كالبرق وعندنا لابد من تشريع وقرار وميزانية وتشريع اخر للخمسين التانية لو كان في ثم الاستهانه بدور المعلم والتقليل من شأنه ماليا أدبيا ومهنيا في مجتمعه وكذلك بالمعامله الغير لائقة من قبل الجميع السلطة:stickjo4::stickjo4::stickjo4: والطالب:049gc0: :049gc0:والمجتمع:040vk0::040vk0:
الخلاصة إن استمر الوضع فسوف نصل إلى أسوأ من النتائج التي وصلنا إليها من قبل
فالمقدمات تشير إلى النتائج
أهلك من كان قبلكم.....

وتوته توته خلصت الحدوته ولا عزاء لمدرسى الازهر والتربية والتعليم علما بانه لن تقوم للدولة قائمة الا بالتعليم

هذا حصاد تركة دولة مبارك التي أصلت الظلم ، ووضعت القوانين الظالمة التي قسمت المجتمع لطبقات يحقد بعضها على بعض ، بظلم اجتماعي بين ، وغير معقول ، ونحن الآن ندفع الثمن دولة على شفا الانهيار ، بسبب قيادة يدها مرتعشة ، والتحديات أكبر بكثير من قدراتها ،بل ومن قدرات غيرها ، وآخرون ظلمة ولصوص يحاولون افشال إي خطوة لإصلاح البلد ، وينشرون الفوضى العارمة ، ليضطر الناس لاختيار الرجوع للخلف ، حيث الثبات على الظلم الاجتماعي ، وبقاؤهم على مكتسباتهم وتورثهم للوظائف والمرتبات ، ونهب الخزينة العامة والأراضى والشقق والمنتجعات ،وتورثهم كل هذا لأولادهم .

يابخت محلات العصير كله عايز يشرب بعد قراءة هذا الموضوع

اهكذا يكون تفاوت الارزاق------------- سبحانه

فين شعارات الثورة التي حلمنا يهاااااااااااا؟؟؟؟؟؟
عيش - حرية - عدالة اجتماعية

اشكركم جميعا اخوتي الاعزاء على هذه الردود المحبطة جداااااااااااااااااااااااااااااااااااااااااااااااا ا

الحمد لله اني حسيت ان فيه ناس محبطين ويائسين زيي بالظبط


بس ياترى

لحد امتى هنفضل كدة

بلا كرامة

بلا قيمة

بلا هدف

بلا مبدأ

بلا تقارب

بلا اهتمام

بلا مرتبات تكفينا في ظل جنون التجار والاسعار



اللهم ارحمنا فانك بنا راحم

وحسبي الله ونعم الوكيل

حسبي الله ونعم الوكيل

حسبي الله ونعم الوكيل

طول ما فيه فساد فى البلد وتفاوت فى المرتبات بين الموظفين والرشاوي وقلة الاهتمام بالتعليم يبقى عمرنا ما هنتقدم
ده امين الشرطه بالدبلوم ياخد جامعه مفتوحه ويبقى ظابط شرطه


السبب اللي بيقولوه فى تفاوت المرتبات ان فيه وزارات ذات ربح زي الضرائب والماليه والبترول والبريد
لكن احنا وااسفاه موظفين فى وزارة مش هدفها الربح دي ياعيني بتدفع من جيبها
يعني هما بيقولولنا المفروض نحمد ربنا انكم بتقبضو اصلا
وربنا يصبرنا على ما نحن فيه

يارب الصبر من عندك يا كريم

اللهم عليك بالظالمين

اللهم عليك بولاة امورنا

حسبنا الله ونعم الوكيل

ربنا يعديها الفترة دى على خير ان شاء الله

يارب صبرنا يا رب

جزاكم الله كل خير اخوتي الكرام على مروركم الكريم

الأخوة الأفاضل:نحن جميعا نحمل أسمى و أ فضل وأعظم رسالة هى رسالة الأنبياء والرسل عليهم جميعا الصلاة والسلام..أرجوا ألا تحملوا أنفسكم أكثر من ذالك ..فان هذا الذى نحن فيه انما هو من موروثات الاستعمار..ويطبقونه حرفا حرفا...المهم استعينوا بالله تعالى واصبرو..واشفقوا على أنفسكم حفاظا على صحتكم وهى أغلى شيء من الأموال التى يأخذها هؤلاء.....اياكم وأن تحزنو وأنتم الأعلون فى الدنيا والأخرة...احذروا السكر.. والضغط ..والقولون العصبى.. والتهاب المرارة..وضعف الفكر من كثرة التفكير.. وغير ذالك ..حفظنا الله جميعا من كل سوء...اذا جلستم مع هؤلاء وأمثالهم فى مناقشة علمية عرفتم قدركم ومكانتكم...استعينوا بالله واصبروا..وقليل تؤدى شكره خير من كثير لا تطيقه...الدنيا غير كاملة مع أحد الا أهل القرأن.. وأهل العلم.....تقبلوا منى ...وشكرا.

اشكر حضرتك جدا استاذنا الكريم دكتور السيد عزازي

بس لما نروح نشتري كيلو لحمة الجزار مش هيطلب مننا نصبر ...كيلو الباذنجان النهاردة بكام اللى احنا دايما بناكله في ايامنا السودا دي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ استاذي الفاضل ده الباذنجان ....مش الكافيار

اسف على الاحباط ولكم مني جزيل الشكر والاحترام

[QUOTE=Mr_HalEeM;5123305]طول ما فيه فساد فى البلد وتفاوت فى المرتبات بين الموظفين والرشاوي وقلة الاهتمام بالتعليم يبقى عمرنا ما هنتقدم
ده امين الشرطه بالدبلوم ياخد جامعه مفتوحه ويبقى ظابط شرطه


السبب اللي بيقولوه فى تفاوت المرتبات ان فيه وزارات ذات ربح زي الضرائب والماليه والبترول والبريد
لكن احنا وااسفاه موظفين فى وزارة مش هدفها الربح دي ياعيني بتدفع من جيبها
يعني هما بيقولولنا المفروض نحمد ربنا انكم بتقبضو اصلا
وربنا يصبرنا على ما نحن فيه
[/QUOTوزارة التربيةو و التعليم تنتج عققول أخى الكريم ....تانى شئ هما الأولاد اللى بيتعلموا ..أبناء مين أليسوا أبناء من يعملون فى تلك الوزارات ..تالت شئ الوزارت المنتجة دى بتنتج لمين أليس لكل الشعب ..يعنى مثلا وزارة زى البترول ...البترول اللى بيطلع ده أليس من حق الشعب كله ..وألا يتقسم على اللى شغالين فى البترول فقط ..هما فعلا يستحقوا يأخذو منه ولكن بعقل وعلى قدر مجهودهم

أخى الفاضل :أنا مثلك تماما فى كل شىء ..لكن هل نضع أيدينا على الخدود ونولول ونندب الحظ...أم يصبر بعضنا بعضا انتظارا لفرج الله تعالى..حفاظا على صحتنا جميعا من الأمراض المترتبة على الحزن والهم...وشكرا..

]لن اقول شئ غير حسبنا الله ونعم الوكيل

حسبنا الله ونعم الوكيل

لا حول ولا قوة الا بالله .وان لله وان اليه راجعون

واحد مرتبه 1900 بالدبلوم

واهنا تعليم عالى ولا ناخذ حتى نصهم

حسبى الله ونعم الوكيل فى هذه الدوله

بارك الله تعالى فيكم اخوتى الكرام وجزاكم الله خيرااااااااااااا


وربنا يصبرنا جميعا