ممنوع الدخول لمرضى الضغط


النهاردة كنت في مصلحة الضرائب بخلص شوية اوراق من هناك

المهم انى وصلت الساعة 8 صباحا

مش لقيت ولا موظف هناك خالص وبدأو سيادتهم يوصلوا من الساعة 30و9 بالظبط

المهم الموظف المحترم اللى كنت مستني وصوله بالسلامة وصل المكتب بالظبط الساعة 10 صباحا

المهم خلصت شوية الاوراق بعد معاناة وتعالى وتكبر وغرور من سيادته لانه رفض يبص في اى ورقة غير بعد ما يفطر وكمان يشرب النيسكافيه والسيجارة المارلبورو الحمراء

المهم

وانا في المكتب دخلت انسة تقريبا 22 سنة وطبعا سيادته ساب الورق خالص ووقف بنفسه يسلم عليها ...اخبارك ايه ...عاملة ايه ...يارب تكونى كويسة النهاردة ...

كل ده وانا ماسك نفسي بالعافية وعمال اشتمه في سري طبعا
هههههههههههههههههههههههههه

اتضح ان بسلامتها لسة متعينة جديدة في مصلحة الضرائب نظام تعاقد

المهم يا سادة بعد ساعتين من العذاب في مكتب الموظف المبجل رحت اختم الورق من مكتب جنبه ... دخلت لقيت موظف الختم عنده نفس الانسة الموظفة الجديدة دي وعمال ضحك وهزار وكانه لقى لقية في مكتبه ...واول ما دخلت عليه قالها يا........ تعالى علشان تقبضى اول مرتب ليكي وعقبال يا ستي الشهر الجاي ...والف الف مليون مبروك عليكي الوظيفة وان شاء الله تكوني مبسوطة معانا هنا....

المهم انتم عارفين لقيت اسمها مكتوب وجنب اسمها مرتبها ....

تعرفو اول مرتب لحضرتها كام ؟؟؟؟؟؟؟؟؟؟؟؟؟؟؟

وحياة ربنا

وحياة ربنا

وحياة ربنا

وحياة ربنا


1936 ج

والله

والله

والله

والله

ده اول مرتب ليها















والدولة الظالمة بنت الظالمة اللى احنا عايشين فيها


بتقبضنا

548 ج



بعد 6 سنين خدمة في التدريس


وكل شوية حضور من الساعة كذا للساعة كذا

ودفتر التحضير يا استاذ خلى بالك منه

والنهاردة عندنا لجنة يا استاذ

وعندك حصتين النهاردة احتياطى

وعندك يومين اشراف في الجدول

وكمان انتداب لمعهد تاني

وعندك خصم في المكافأة علشان الضرائب

وراعي شغلك يا استاذ وخلي عندك ضمير شوية

واخر السنة لازم تغشش العيال علشان صورة المعهد

وف الاخر ولاد الظلمة يدوك مرتب 548 ج

وهي اول مرتب ليها نظام تعاقد 1936 ج

حسبي الله ونعم الوكيل في الازهر وفي التعليم وف الحكومة وفي الرئاسة وفي الدولة الظالمة بنت 60؟؟؟؟؟؟؟؟؟؟؟؟؟؟؟؟؟؟؟؟؟؟؟؟



بس خلاص بعدها نزلت مش شايف طبعا قدامي

لحد ما وصلت اول محل عصير قصب وشربت كوباية عصير وركبت اول سرفيس وطول الطريق وانا في السرفيس بقول حسبي الله ونعم الوكيل

بعد المذاكرة والتعليم والتفوق والسهر طول الليل يبقى حالى كدة




انا عارف انك هتقول يا عم قول الحمد لله


والله العظيم بحمد ربنا دايما



بس احنا فعلا في دولة ظالمة وبنت ظالمة



ومحدش يزعل من كلامي

:slap1qk6:

خلى بالك دى ممكن كمان يكون معاها مؤهل متوسط ..

خلى بالك دى ممكن كمان يكون معاها مؤهل متوسط ..



انت بتقول فيها والله ده اكييييييييييييييييييييييييييييييييييييييييييد


حسبي الله ونعم الوكيل في التعليم وسنينه

الدولة ذنبها ايه
الذنب ذنب النظام والاشكال اللى بتحكمنا
الدولة مظلومة زيك

السلام عليكم
كفار قريش كانوا اذكى من اى وزير أو رئيس فى مصر لانهم كانوا بيفهموا وبيقدروا كل حاجة وكان عندهم بعد نظر وفهم (لما الرسول الكريم جاء بالدعوة عادوه وعذبوا اصحابه مع انه كان ممكن يقولوا ده بيقول كلام حلو سيبوه ) طبعا هما عارفين خطورة الكلام ده عليهم وانه هيغير وجه الحياة للأبد
انما فى مصر بتلاقى الجهل مزروع داخل اكبر الرؤوس تلاقى اكبر راس بتقولك المعلم لازم يكون منتج ويضيف للدخل القومى (آه و الله شوفوا العبط) يعنى اللى بيعملوه المعلمين فى المدارس من بناء العقول مالوش لازمة عند سيادتهم وكمان جايبين كل الفاشلين من كل الكليات يشتغلوا مدرسين وبيقولولك ده التعليم باظ وعجبى؟
الدولة المتخلفة لا تنظر الى من علم سادتها وكبرائها بعدفضل الله تعالى نظرة احترام وتبجيل والله العظيم مهما قالو هما بيكرهوا المدرسين عارفين ليه ؟ لانهم حاسين بالنقص تجاههم وعارفين انهم عاملين فيهم جميل ؟وده طبع اللئيم البخيل وللأسف كل الرؤوس الكبيرة فى مصر بتفكر بالطريقة دي
بس احب اقول لكل معلم محترم انت فعلا وريث للانبياء وانت مستعلى عليهم مش بعصايتك ولا بالشتم ولكن بانسانيتك احمد الله انهم بيتزلوا داخلياً لما يشفوك وانت ماشى فى الشارع وبيكونوا نفسهم يردولك الجميل بس مش قادرين لان كبارات بلدك بايعيين كرامتك ؟ وانت ساكت بس سكوتك كرم منك عليهم وده اللى مجننهم هيفضلوا مهما كانوا يحترموك رغماً عنهم والسلام

يا جماعة أنا معايا معلم أول أ يعني بقي له 27 سنة خدمة بيقبض بعد ال27 سنة 1500جنيه وكان فرحان بيهم أو حامد ربنا علي ما رزقه وكان بيفنطهم كل شهر بند للدروس الخصوصية لإبنه في الثانوية العامة 400 جنيه وبند للإيجار والكهربا والماء والغاز والتليفون حوال 400 مثلهم لأنه إيجار قديم يتبقي منهم كام 700 جنيه بيدفع منهم كورسات لإبنه إللي في تجارة انجليزي وبقول البنت إللي في إعدادي بأدبر لها فلوس الدروس شهر مرة وساعات أتأخر علي المعلم ما يكلمنيش لأن المعلم دا ما بيديش دروس خصوصي و يتبقي من كل دا يا دوب يأكل عيش حاف وطبعا بند اللبس لأولاده الثلاثه دا عامل له جمعية عشان يقدر يدبر لهم ملابس في كل عيد وبيقول أنا وزوجتي عندنا لبسنا والحمد لله والله يا إخواني قمصانه الياقة بالية ويصعب علينا عايزين نساعده لكن نخاف أن تأخده العزة والكرامة وخصوصا أنه معلم أول أ في مقام مدير والأدهي من دا عندما خصموا مننا الشهر دا خصموا منه ال400 جنيه ضرايب ومش عارف قد إيه أثروا عليه وشعرنا كأنه يريد أن يبكي هي دي كرامة المعلم التي تطيح بها التربية والتعليم حد الكفاف لأي معلم ومع إزدياد مسئولياته لا يتناسب المرتب مع الحياة الكريمة هوا دا المعلم إللي مش بيدي دروس التربية والتعليم تريد الكل مثله لأنها جرمت الدروس ماش لكن طبقوا الحد الأدني والأقصي حتي يشعر المعلم بآدميته مثل باقي موظفين الدولة الفئة الوحيدة التي خصم منها ضرايب لكي يوفروا للكادر ما يعطوه لنا باليمين يسرقوه منا باليسار ولنا الله ومطلوب منا أن نفعل كل التكليفات المطلوبة من أي معلم وكيف يتقنها وباله مشغول بتوفير لقمة العيش لكي يستر نفسه وأولاده

والله العظيم زميل لنا معلم خبير (ثانوى عام) لغة عربية شغال على توك توك (عمل شريف) وأكيد يوجد آلاف من المعلمين الشرفاء مثله.. المهم , من كام يوم رأيته يقوم بتوصيل بائعة طماطم .. أنا مش عارف احنا هنفضل كده لحد امتى ؟؟؟!!

البؤسااااااااااااااااااااااااااااااااااااااااااااا اااااااء

متى نقوم بثورتنا الحقيقية ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

حسبنا الله ونعم الوكيل .

مفيش فلوس مفيش فلوس مفيش فلوس علشان احنا مدرسين ملناش هيبة

لكن الهيئة والكهرباء يصرفوا مكافآت ومرتبات علي مزاجهم الفلوس موجودة والدنيا جميلة

لكن المدرسين يشربوا من البحر !!!!!!!!!!!!!!!!!!!!!!!!!!!!!!

قارن بينك وبين موظف في الهيئة أو في الكهرباء من حيث المرتب ؟؟؟؟؟؟؟؟؟؟؟؟؟

هتعرف أنت آيه ، وهو آيه ، وسلملي علي الدولة وعلي فلوسها !!!!!!!!!!!!!!!!!!!!!!!!!!!

علي فكرة موضوع وزارة منتجة وغير منجة دة كانت حجة للسرقة لسه امبارح علي قناة الجزيرة لما كانوا بيناقشوا الحد الادني والاقصي للاجور الاستاذ الفاضل قال في احدي الشركات كانت الخسارة 30 مليون ووزعوا علي العاملين ارباح 250 مليون ولما الجهاز المركزي للمحاسبات قال ده غلط غيروا المسمي بدل ارباح خلوها مكافأة والجهاز سكت وراحت الفلوس علي الدولة علشان دي مكافأة مش ارباح شوفتوا الخيبة القوية اللي احنا فيها احنا بينضحك علينا كل يوم النظام لم يتغير كل الحكاية ان مشي محمد حسني وجة محمد مرسي