اخوانى فى اح المنتديات الخاصة بالعملية التعليمية
وجدت راى مشرف ومدر رياضيات فى الاختبار
والصراحة انا من المؤيدين لوجهة نظرة جدا
وكان رأية كالتالى
السلام عليكم ورحمة الله وبركاته :هذا رأي كتبتة في احد المنتديات تعليق علي المتحان الرائع والذي شعرت انة اول مرة منذ زمن انة امتحان رياضيات
الخوة المحترمين \ اعضاء المنتدي
الامتحان ليس بنار هو امتحان عادي جدا واعتقد ان كل من قال ان الامتحان يحل في 4 ساعات او من قال اتحدي واضع الاسئلة ان يحل الامتحان او اي شئ من هذا القبيل اعتقد ( وانا عارف اني حفتح النار علي نفسي ولكن هذة كلمة لوجة لله ) لا يعرف شئ عن الرياضيات وكما سبق وقلت انهم ياخذون المنهج ( سبوبة للقمة العيش كما قيل لي وان العيال بعد هذا الامتحان حتفلق منا) والله هذا ماسمعتة اي ان العملية ليست فهم وتدريس محترم ( مثل ايام زمان ) ولكنها سبوبة لقمة عيش ( شفتوا احنا وصلنا الي اي مستوى ) ولقد افرغت اعمال المسئولين السابقين هذة النوعية من الطلبة والتي لاهم لها طول العام الا الجلوس علي مقاهي الانترنت واللعب طول السنة ثم بعد ذلك يبكوا ويشتكوا ان الامتحان صعب وكذلك افرز نظام التعليم من المدرسين من لا يصلح لاي تدريس وكلنا نعلم ذلك ولكننا ندفن رؤوسنا في الرمال واصبح المدرس مثل الطالب كل همة السبوبة وسوف ينعكس ذلك علينا بعد زمن هو قريب فسنجد المهندس الذي يبني مبني فنجد المبني ينهار لانة غش في سنيين تعليمة وامتحانات يحلها بتاع الفجل ( والله هذا ما اسمعة ) والدكتور الذى يذهب الية مريض بمرض معين يخرج من تحت يدية الي الاخرة لانة لايدري كيفية الكشف علي المريض وتخيلوا ايها المحترمين ان احد الطلبة من اقاربي وهو الان علي وشك التخرج من كلية الطب كان وهو في السنة الرابعة لايعلم كيفية قياس الضغط وكذلك كيف ننتظر من مهازل الامتحانات ان يخرج اناس علي مستوي نثق في اماناتهم سواء مدرس او مهندس اوطبيب او محامي يحكم بي الناس بالعدل ( وهو اصلا غاشش في الامتحانات )
ارجوكم ارحمونا من تلك المهازل التي افرزت تلك النوعيات من طلبة او مدرسين وقولوا كلمة حق لوجة الله ولاتخشوا في الله لومة لائم وللعلم انا شخصيا حليت الامتحان في وريقات معدودة واعف من جيراني من حل المتحان كاملا دون اخطاء لانهم طلبة مجتهدون وكان المدرس الذ يعما معهم محموعتة وهذا ما رايتة لا تزيد عن خمس طلاب ( مش 30 او 40 او..0 9 وكان يتابع كل منهم بدقة ( مش زى اخوانا الي يصحح وهو لا يدري هل الايجابة سليم ام لا و ولي الامر الذي لايدري يجد ان كل المسائل التي حلها ابنة او بنتة صحيحة ويعتقد ان الابن عبقري ولايدري ان ايجابات ابن اغلبها خاطئة ولا يعرف ان الاستاذ لن يدقق في التصحيح لان امامة ( كوم من الطلبة ) ( علشان هي سبوبة وليس تعليم ) ولذا انا ادعوا لهاذا الاستاذ المحترم بكل خير لانة معلم وليس تاجر. وشكرا لكم جميعا

والله حلينا الامتحان انا واصحابي بس الوقت ماكفاش اراجع دي هي غلطة الامتحان واللي منه لله فيها

الوقت ما ينفعش خالص علي فكرة بس المدرس ده في كلامه نسبة كبيرة من الصدق :::: بس علي فكرة الحت الامتحان مش تمام في حتة انه حدف امتحان صعب مرة واحدة ما كان يمهدلوا من السنة الفاتت او القبلها علشان الناس تاخد حذرها بس ما يرميش امتحان كله صعب كيده مرة واحدة غلط جداااا : و الوقت ساعتين ؟! ديه افكار اول مرة نشوفها ::::: يعني عايزين وقت نفكر فيها :::: و علي فكرة الامتحان مشكلتوا بس الوقت : و ان المسألة بتطول جداا مما بيؤدي الي لخبطة ::::::: تقبل مروري

مع احترامى لجميع الاراء يعنى عايزين تفهمونى ان كل الطلبه دى مش بيزاكرو كويس ومش بيفهمو وبيحفظو لا طبعا يعنى لما واحد يكون جيب السنه اللى فاتت 204.5 من 205 وميجاوبش فى الامتحان ده ويغمى عليه وجاوب كل الاسئله سواء وزاره او دليل او كتب خارجيه وبعدين طول السنه ينبهوا كتاب الوزاره كتاب الوزراه وفى الاخر انت بتقول انه من لامى والمعاصر و100% يبقى ايه بيغشو الطلبه حرام والله لا فعلا المتحان صعب وطلاب كتير متفوقين قالو نفس الكلام ده والمدرسين كمان بس بجد حسبى الله ونعم الوكيل زى مدمرو نفسيه الطلاب وجابو لهم الاحباط

تمام جدااااااااااااااا

اخوانى فى اح المنتديات الخاصة بالعملية التعليمية
وجدت راى مشرف ومدر رياضيات فى الاختبار
والصراحة انا من المؤيدين لوجهة نظرة جدا
وكان رأية كالتالى


كلام مش مظبوط بالمرة
سبونا نزاكر فيزياء
No Comment

حرام عليك ياراجل الامتحان اصلا كان صعب و الوقت مكانش مساعد خالص

و الله لما يعلمونا صح و يفهمونا و يشرحوا لنا صح و بحق ربنا
يبقى يجيب الامتحان بحق و حقيقى زى ما بتقول
لكن يفضلوا يشرحوا لنا اللى فى كتاب الوزارة و النماذج
وشبه يحفظوه لينا و يلغوا العقل والتفكير
و فجأة من غير سابق انذار يجيبوا الامتحان بيقول فكروا و ابدعوا
يبقى حرام
لما يحسنوا النظام التعليمى يبقوا يحسنوا الامتحانات

و الله لما يعلمونا صح و يفهمونا و يشرحوا لنا صح و بحق ربنا
يبقى يجيب الامتحان بحق و حقيقى زى ما بتقول
لكن يفضلوا يشرحوا لنا اللى فى كتاب الوزارة و النماذج
وشبه يحفظوه لينا و يلغوا العقل والتفكير
و فجأة من غير سابق انذار يجيبوا الامتحان بيقول فكروا و ابدعوا
يبقى حرام
لما يحسنوا النظام التعليمى يبقوا يحسنوا الامتحانات
اويدك بشدة

والله مش احنا اللى بنعلم نفسنا لما يعلمونا الصح يبقوا يجيبوا امتحان صعب وبعدين مش معقول طلبه مصر كلها اغبياء ومش بيفهموا
ولو عايزين يجيبوا امتحان صعب مكنوش يلزمونا بكتاب المدرسه
وبعدين الواحد مش ناقص استفزاز اللى ربنا كرمه وعرف يحل
بلاش يتكلم ويوفر كلامه لنفسه وبعدين هما يعنى جاين يحسنوا نظام التعليم علينا احنا ما طول السنين اللى فاتت كل الطلبه كانوا زينا ودخلوا هندسهو اتخرجوا كمان يبقى كل مهندسين مصر مش بيفهموا
اللى عايز يحسن التعليم يبدأ من اول الحضانه ويطلع جيل من الاول بيتعلم صح مش بعد مايدخل ثانوى
اللى بيعملوا ده بيفكرنى بمثل بيقول( بعد ما شاب ودوا الكتاب )
والتعليم مش هيتصلح بأمتحان صعب
بجد حسبى الله ونعم الوكيل

ماينفعش يجرب فينا ماينفعش يضرب الدروس الخصوصية بامتحان يضيع مسقبلنا حراااااااااااااااااااام عليكم
كل حاجة باظت حتى الاصلاح مش عارفين نعملو مظبوت كوسة وواسطة وغلاء دماااااااااااااااااار
مصر عليها العوض
منه لله واضع الامتحان بتفكيره السطحي والسازج منه لله

ايوة كدا
ربنا يفتح عليك يا مستر
سامعين الناس العاقلة بتقول ايه

خلاص كل الناس بقت عاقلة والامتحان جميل طب انا نفسى اشوف اللى قال الامتحان جميل ده حيجيب كام

وانا كماااااااااان عايزه اشوف الناس العباقره دول حيعملو ايه بما ان كل الطلبه اغبيااااااااااااااء كده

حاجه مستفزه والله

خلاص يا جماعه اللى حصل حصل
على فكره انا من اكبر المتضررين من الامتحان
بس انا اعرف ناس حلت الاربع اسئله صح وكان عندهم وقت يراجعوا لولا انهم فكروا فى السؤال الخامس
وقتها بس عرفت ان الغلط من عندى

tweety12 (http://thanwya.com/vb/member.php?u=60569)
انا معاك في كل كلامك وانت لخصت كل الكلام اللي انا عايزة اقوله...
الاستاذ الفاضل اللي ابدى رايه ....ياريت حضرتك تبص ع المدارس الثانوي سواء كانت حكومة ولا خاصة
وبص عالمدرسين اللي لو عندهم ضمير وبيتعبوا نفسهم في المدرسة او حتى بيشتغلوا شغلهم العادي اللي زي كل السنين اللي فاتت اللي اتعودنا عليها سواء في اعدادي او اولى ثانوي ...
احنا مش هندخل في كلام كبير ووجع دماغ بس من الاخر...
التعليم مبقاش تعليم ويمكن اللي قدنا لحق اتاسس كويس على حاجات كويسة كتير ... لكن..
اذا النظام فضل عالحال دة يبقى على عقول الجيل اللي جاي السلام وعالدنيا السلام
وسلملي عالمراكز والدروس الخصوصية...؛)

انا جايبه 95% السنه اللى فاتت ومقفله الرياضه السنه اللى فاتت واجى السنه دى معرفش احل التفاضل يبقى معناه ايه

حسبى الله ونعم الوكيل

السنة الي فاتت إمتحان الرياضه ده يعتبر مش إمتحان لأنه سهل جداً وحتى بتوع أدبي كثير منهم قفلوه وده مش مقياس لرياضه 2
بس للأسف الظاهر إن المستشار الي حط الإمتحان محتاج السراية الصفرا
حسبي الله ونعم الوكيل

السنة الي فاتت إمتحان الرياضه ده يعتبر مش إمتحان لأنه سهل جداً وحتى بتوع أدبي كثير منهم قفلوه وده مش مقياس لرياضه 2
بس للأسف الظاهر إن المستشار الي حط الإمتحان محتاج السراية الصفرا
حسبي الله ونعم الوكيل

أنا إتخنقت
المنتدى ماله اليومين دول ؟
لما أكتب رد ما بيظهر متكرر مرتين ليييييييييييييييييه؟؟؟؟

طيب انا عايزة اعرف الناس اللي بتجيب 50 من 50 دي بتجيبها ازاي وعايزة اشوف السنه دي في حد هيجيب 50 ولا ايه النظام واللي جاب ال50 جابها ازاي

السلام عليكم ورحمة الله وبركاته

إمتحان جميل ورائع أدام الله علينا أمثال هؤلاء في وضع الإمتحانات

ممكن أقول حاجة بس حدش يزعل أنا رأيي من رأي الأستاذ....أنا يا جماعة حليت الامتحان و راجعت و لقيت أني تقريباً هجيب النهائية بس المشكلة الحقيقية في الامتحان أنك مينفعش تحل غير 4 أسئلة و طبعاً الخامس كان رخم شوية بس بردو يتحل علي فكرة....و ربنا كون في عون الجميع و محدش يزعل مني

this kiiliopatra musn't tallk because she is 3abkaria

نماذج اجابه كل ماده والنتيجه التقريبيه لها

www.pop4negom.yoo7.com

كلام غير منطقى بالمرة ومش هرد عليك عشان مش فاضى
عليه العوض ومنه العوض

عنده حق و ده رأى أخويا كمان بس برده المفروض يراعوانا شوية

مش فاهمة ..

ازاي بنصلح في الحاجة من اخرها ..

يعني ازاي لما نيجي نصلح نظام تعليم نصلحه بالامتحان ..

احنا لو علي الكلام ده حضرته أصلا احنا مش محتاجين امتحانات صعبة احنا محتاجين اساسا اننا نتعلم صح نتعلم عشان نفهم مش عشان نمتحن .. لكن عمر التعديل ما بيتاخد من الاخر ..

اعدل النظام وهاتلهم امتحان يتماشي مع النظام بتاعك ..
لكن طول السنة بناخد اسلوب لا يمت للابتكار بصلة وعايزنا نبتكر في الامتحان ؟؟
ده بأي منطق يعني ؟؟
يعني يكفي أصلا التوتر اللي بنبقي فيه ده كافي تماماااااااا انه يخليك تتصدم ومتعرفش تحل

انا مسألة في التفاضل والله قعدت احل فيها ساعة بحالها في الامتحان ومجاتش واول ما خرجت من اللجنة عرفت .. ده لأني اتصدمت اصلا يبقي لازم نبقي فاهمين احنا بنتعلم بأي اسلوب عشان نهيء نفسنا ..

اصل احنا مستقبلنا مش حقل تجارب هو

راى واضحححححححححححححححححححححححححححححححححححححححححححح

مينفعش يبني الجيل الجاي علي حساب الجيل ده

استفزاز بلا حدود

ياخي ايام زمان ايه بس اللي هتقارنها بالنهاردة .. هو زمان كان فيه دروس خصوصية ؟؟ لأ طبعا .. ليه .. عشان كان فيه تعليم صح مايخليش حد محتاج درس .. وبالتالي كان بييجي امتحان صح بيقيس قدرات الطالب ( اللي متعلم صح ) .. انما دلوقتي التعليم مابقاش مجاني .. يعني الدولة مش بتعلمنا أصلا .. اللي معاه يدفع دروس خصوصية .. بعد كده يبهدلونا في الامتحانات .. واللي معاه يدفع كليات خاصة :mad:
--------------------------

والامتحانات زمان كانت صعبة تمام .. والمجاميع كانت 80% .. تمام .. بس كان الطب بياخد من كام ؟؟ .. 98% ؟؟ .. والهندسة كانت من كام ؟؟ .. 95% ؟؟ لأ طبعا .. يبقى بلاش كلام فاضي
--------------------------

وبعدين الأستاذ المحترم كان بيتكلم عن التعليم والاعتماد ع الفهم والاستنتاج مش حفظ أفكار المسائل والاستهتار طول السنة .. بعد كده دخل في المهندسين اللي طالعين يهدوا ابراج عشان كانوا بيغشوا في الامتحان .. طب ايه علاقة ده بصعوبة الامتحانات !!!!!!!!
--------------------------

خلص الكلام كله .. انا زهقت وهـ هاجر هجرة غير شرعية :p
حد جاي معايا ؟؟ :rolleyes::cool:

لم أعتمد أبدا على حفظ الأفكار الخاصة بالمسائل من قبل ودائما كنت أعتمد على نفسي في الوصول


إلى الافكار ..!


لكن في الامتحان ....لا أعرف ماذا حدث ...ربما شل الامتحان تفكيرى .لأأ أعرف .

سلكت سبل غريبة في حل المسائل وتقريبا لم أحل شيء ..لا أعرف ..كيف ولا أعرف كيف..!


المهم بكل المقاييس الامتحان صعب/لا لأفكاره/ ومن استطاع حله .لم يستطع ذلك لذكاءه ,صدقوني الذكاء ليس له -علاقة بالتعليم المصري-..

بل ربما لأنه عود نفسه على حل المسائل الصعبة والتي كان يقال عنها أنها لا تأتي في الامتحانات.




وانا شخصيا كنت أحلها كنوع من التحدي /أًصل للفكرة ثم لا أكمل الحسابات/


أما بالنسبة لأن الامتحان يختبر الذكاء ؟!

لا أفهم ما العلاقة بين الفهم و الذكاء ..وحل أسئلة أطول من "السنة السوده" في ساعتين ..


أهذا ما يرونه الذكاء ..!


القدرة على الكتابة بسرعة .و الحسابات بسرعة ..و عدم فقدان التركيز عندما ...يصدمك الامتحان..!



.إن كان هذا هو الذكاء فالذكاء غبي لا يعرف كيف يُبدع ولكنه يعرف فقط كيف يُسرع.!

و السرعة لا تصنع شيء .!ولا تخترع قاعده

ونفس الموضوع تكرر في الميكانيكا والاستاتيكا..والله لو المسائل مكتوبة أمامي ..لأستغرق نقلها أكثر


من ساعتين ..!

/أعلم لأني بطيء إلى حد ما في الكتابة ./.و التوتر يزيد البطئ بطئا
/


المهم امتحانات الرياضيات هذا العام ...قافية ..لتعليم ..يهدف إلى أتقان الغباء ...تمام الاتقان ..

مصر ضاعت وتضيع وستضيع

ياعم روح موت اجرى تلاقيك انت اللى حاطط الامتحان بس متنكر وبعدين لو هو استاذ وفاهم جاى يصغرنا قدام نفسنا يعنى
طظ فى التعليم وطظ فيك انت كمان

المصيبة ان كل واحد حاطط نفسه مقياس بيقيس عليه الباقيين !!
انت ماحليتش .. غيرك حل !