::::::: دبـــلــه ::::::: [الأرشيف] - بوابة الثانوية العامة المصرية

مشاهدة النسخة كاملة : ::::::: دبـــلــه :::::::

سيلفانو

12-02-2013, 01:41 PM

https://encrypted-tbn1.gstatic.com/images?q=tbn:ANd9GcTot-zqG9CB5SeCaMtzEZC8pPjkRMsN3NJyzf2mZOT6BGRXKMNj5Q

دبله وفرحه و مبروك
وناس كتير بتهنى

وماتت فيا شكوك
بتقول انها منى

خلصت حكايتنا فلحظه
غمضت فيها عنيا

لما اتخيلت عنيها
فعنين غير عينيا

لما شوفت ايديها
فايدين غير ايديا

وكل اللى عندى ليها
أبارك بحسن نيه

خلاص انا هرحم نفسى
من حيرة فكرى وقلبى

من توهه كنت عايشها
فحب كان مش حبى

ومالبدايه انا حاسس
انها مش باقيه جمبى

يا حب انا عيشته ليلاتى
وكان مالك كل اوقاتى
وقولت مش هيموت
الا فيوم وفاتى

موتك غيرت ميعاده
وانا واقف دلوقتى حداده
واقف من غير صوت
وقلبى وقفت دقاته

الله يباركلك عمرك
ولا ليله تدوق فيها مرك
والفرحه تبقا قدرك
مهما طال الزمان

عمرى مهبقالك حاقد
انا بس هكونلك بارد
ولا تانى هراهن ولا ازايد
على حب كان يا ما كان

دبله وفرحه و مبروك
وناس كتير بتهنى

وماتت فيا شكوك
بتقول انها منى

خلصت حكايتنا فلحظه
غمضت فيها عنيا

لما اتخيلت عنيها
فعنين غير عينيا

لما شوفت ايديها
فايدين غير ايديا

وكل اللى عندى ليها
أبارك بحسن نيه

MR:NoOoR

مـــــلك

12-02-2013, 06:24 PM

http://www.qarieh.com/public/group/5e/6c/02/267f4_5bc3.jpg?c=6dbe

كانت ( فرح ) العمر

12-02-2013, 11:39 PM

رووووووووووووعة

تسلم ايدك

دمت متميز ومتالق

ضياء الدين سعيد

14-02-2013, 10:13 AM

هذا هو الحب أخي نور
التضحية من أجل من نعشق
وأن نتمنى لهم السعادة سواء بين يدينا أو مع شخص أخر لم تجبر على إختياره

تذكرت كلمات أغنية يوم زفافك

حاجه واحده طمنتني
خلتني امشي من سكات
شفت في عنيكي ابتسامه
فيها معنى الماضي مات
دانا لو بموت من بعد منك
لازم تعيشي بعد مني

دمت مبدعاً أخي العزيز
في إنتظار جديدك

لك مني خالص ودي وتحياتي وتقديري ،،،،

سيلفانو

15-02-2013, 05:57 PM

مشكور كل من مر على كلماتى البسيطه وابدى رأيه
دمتم بكل الخير جميعا
فى حفظ الله