بدات الوزارة ترسل المتابعين الى المدارس لسؤال الطلاب عن الدروس الخصوصية واخذ اسماء المدرسين من افواه الطلاب الذين ياخذون دروسا عند المدرسين والتحقيق معهم وخاصة في إدارة العجوزة التعليمية حيث يأتي من وقت لاخر متابع ويدخل الفصول ويسأل الطلاب عن الدروسالخصوصية ومن ثم التحقيق مع المدرس
و بدلا من ان يوفروا عيشة كريمة للمعلم للاسف شرعوا في اهانته ومحاربته وزارة فاشلة تستغل الظروف والاحداث التي تمر بها البلد لاهانة المعلم وكرامته في سؤال طالب عن المعلم فهل وصلنا الى هذه المرحلة من الاهانة ؟ شئ عجيب وغريب في هذا التوقيت .

والله كلام فارغ سواء المدرس يعطى دروس او لا
انه يضع المعلم تحت رحمة الطالب وانه بكلمة من الطالب يتم التحقيق معه سبحان الله ده بدل ما يسن قوانين تحمى المدرس من اهانة وتعديات اولياء الأمور ويرفع مرتبه

ولى أمر الطالب هو الذى يجرى وراء المدرس علشان يقبل ابنة او بنتة فى الدرس لدرجة ان ولى الامر احيانا يبحث عن واسطة لهذا الامر

احنا هنضحك على بعض ولا ايه؟
ما يجرموها رسمى والكل يعرف راسه من رجليه
النهارده الطلبة بتوع 3 اعدادى مفيش ولا واحد في المدرسة
وكله بسبب ان مفيش اعمال سنة
وطلبة الثانوى مش بيسمحو للمدرسيين يشتغلو في الفصول
والبلد من خراب لخراب وربنا يلطف بينا وبولادنا من اللى جاى

ندعوا دائما للشفافية والمثل وعندما يقترب الامر منا نهرول ونزعل ونشكى ونبحث عن الكرامة
يا سادة:المعلم المحترم لا ينتظر رد طالب أو سؤال متابع،المعلم المحترم يحترم نفسه والقانون وقواعد العمل وأخلاقه

يا ســــــــــــــــــــــــــــــــادة
معلم مساعد بياخد 658 جنيه وعنده بيت مفتوح وعيال بتتعلم وبتاكل وبتلبس وبلاش تاخد دروس عشان حرام حكاية الواد ياخد درس خصوصي لأنه بيطلع من الفصل اللي فيه 60 طالب على الأقل فاهم كل كبيرة وصغيرة في الدرس ومش محتاج مساعدات خارجية ولا داخلية ولا إخوانية الحمد لله على النعمة

هو المعلم أبو 658 جنيه ده هاينهب ولا الفلوس بتاعة المرتب دي مش ماليه عينه يا ســــــــــــــــــــادة؟
لو مش مكفياه الفلوس وزيادة وبيحوش منها كمان في نظر الوزير وحبايب الوزير ها يجيلوا كل يوم والتاني متابع يسأل على الدروس ليه بجد؟
هو البيه المتابع مش برضو كان فى الأصل مدرس وشغال دروس علشان يكفي بيته وعياله ولا كان برضو مستقيم من المدرسة عالبيت عالمدرسة واحنا مش واخدين بالنا؟
الناس دى لما بتقعد على الكرسي بتتغير معرفش ليه؟ سواء غنيم أو جمال الدين أو بدر البدور الله يرحمه أو الجمل أو بهاء الدين أو شفيق يا راجل

حرموها رسمي على الكل بس اغنوا المدرس قبل ما تروحوا تتابعوا هو بيدى دروس ولا بيدى حقن
هو صحيح في انتخابات برلمانية قريب ولا المتابعة دي بريئة ولوجه الله ؟ ده مجرد سؤال برئ يا ســـــــــــادة

كل مدرس يعامل الطالب على هوى الطالب
والا
الطالب اول ما ياتي المتابع حيقول له انا باخذ درس عن الاستاذ س
واثبت يا استاذ س بقى

الوزير لا يحس بمعاناة المدرسين من مرتبهم الصغير لان مرتبهم اضعاف مضاعفه لمرتب المدرس

احنا هنضحك على بعض ولا ايه؟
ما يجرموها رسمى والكل يعرف راسه من رجليه
النهارده الطلبة بتوع 3 اعدادى مفيش ولا واحد في المدرسة
وكله بسبب ان مفيش اعمال سنة
وطلبة الثانوى مش بيسمحو للمدرسيين يشتغلو في الفصول
والبلد من خراب لخراب وربنا يلطف بينا وبولادنا من اللى جاى
كلام صح 100%
كلام صح 100%

ما يتابع زي ماهو عايز ويسال زي ماهو عايز اولا
هل فية قانون يمنع الدروس الخصوصية اين هذاااااااااا القانون ومن الذي يطبقة
هل ذلك سيطبق ع كل موظفي الدولة ممنوع اي موظف في الدولة من ممارسة اي عمل اخر لزيادة دخلة بعد الانتهاء من عملة سواء عمل تجاري اواي عمل او مشروع مش كدة ولاية

ماهم بيدو دروس علشان ام المرتب مش بيكفى اسبوع واحد يا غنيم يا اخوانى

يارب لطفك ورحمتك

مع الاسف حافظين مش فاهمين

المعلم اللى بيدي دروس للطلبة اللى عنده فى الفصل معندوش ضمير و مش محترم

قد الدروس ادى بره و متديش للطالب عندك فى الفصل

الناس من الاسلوب ده معدتش عندها ضمير

و يا ريت نفتكر اننا فى الاخر هنقابل ربنا و هيسالنا عن أعمالنا

و نفتكر الحديث الشريف
أخرج الإمام مسلم في صحيحه بسنده عن سليمان بن يسار قال: تفرق الناس عن أبي هريرة فقال له ناتل أهل الشام: أيها الشيخ حدثنا حديثا سمعته من رسول الله صلى الله عليه وسلم, قال: نعم سمعت رسول الله صلى الله عليه وسلم يقول: (إن أول الناس يقضى يوم القيامة عليه رجل استشهد فأتى به فعرفه نعمه فعرفها, قال: فما عملت فيها؟ قال: قاتلت فيك حتى استشهدت, قال: كذبت, ولكنك قاتلت لأن يقال جريء, فقد قيل, ثم أمر به فسحب على وجهه حتى ألقي في النار, ورجل تعلم العلم, وعلمه, وقرأ القرآن فأتي به فعرفه نعمه فعرفها, قال: فما عملت فيها؟ قال: تعلمت العلم وعلمته, وقرأت فيك القرآن, قال: كذبت ولكنك تعلمت العلم ليقال عالم, وقرأت القرآن ليقال هو قارئ, فقد قيل, ثم أمر به فسحب على وجهه حتى ألقي في النار, ورجل وسع الله عليه, وأعطاه من أصناف المال كله فأتى به فعرفه نعمه فعرفها, قال: فما عملت فيها؟ قال: ما تركت من سبيل تحب أن ينفق فيها إلا أنفقت فيها لك, قال: كذبت ولكنك فعلت ليقال هو جواد فقد قيل ثم أمر به فسحب على وجهه ثم ألقي في النار ).

ردا على العضو المحترم nogah177
أوافق على ان كل مدرس يجبر الطلبه على اخذ دروس عنده او عند غيرة ليس عنده ضمير و غير جدير بالاحترام و لكن لا أوافق على ان كل من يعطى درس غير محترم لان :
1- علميا درجة استيعاب الطلبه ليس بمستوى واحد فهناك سريع الفهم و هناك بطئ الفهم.
2- المادة العلمية و خصوصا الكيمياء و الفيزياء تحتاج الى شرح وافي و ربما لا يتسع الوقت لذلك فى المدرسة.
3- ما العيب فى ان يعيد المدرس نفس الشرح بنفس الجودة فى المدرسة و فى الدرس ولكن مقابل اجر فى الدرس مادامت طريقة الشرح لا نختلف فى الاثنان.

طلاب كوريون يغسلون اقدام مدرسيهم
http://www.slaati.com/wp-content/uploads/2013/02/1488.jpg

في اليابان ..هل تعلم أنه يتم تدرس مادة من أولى ابتدائي إلى سادسة ابتدائي اسمها طريق إلى الأخلاق يتعلم فيها الطلاب الأخلاق والتعامل مع الناس .
هل تعلم أن اليابانيين بالرغم من أنهم من أغنى شعوب العالم إلا ِأنهم ليس لديهم خدم ! فالأب والأم هما المسئولان عن البيت والأولاد.
هل تعلم أنه لا يوجد رسوب من أولى ابتدائي إلى ثالث متوسط؛ لأن الهدف هي التربية وغرس المفاهيم وبناء الشخصية، وليس فقط التعليم والتلقين.
هل تعلم أن الأطفال في المدارس يأخذون فرش أسنانهم (المعقمة) وينظفون أسنانهم في المدرسة بعد الأكل؛ فيتعلموا الحفاظ على صحتهم منذ سن مبكر؟
هل تعلم أن مدير المدرسة يأكل أكل الطلاب قبلهم بنصف ساعة للتأكد من سلامة الأكل! وعندما سئل عن هذا الحرص قال: هؤلاء الطلاب هم مستقبل اليابان.
هل تعلم أن الأطفال اليابانيين ينظفون مدارسهم كل يوم لمدة ربع ساعة مع المدرسين مما أدى إلى ظهور جيل ياباني متواضع وحريص على النظافة.

ومتنساش كمان ان لو احد المسؤلين هناك كذب مرة واحدة ع الشعب فا نة يقدم استقالتة فوررررررررررررا

الوزير كان قال لريهام السهلى على المحور ان عياله بتاخد دروس خصوصا اللى فى الثانوية .... مين بقا اللى هايسألهم
ان شاء الله.. يقدر أى حد يسأل سيادته عيالك بتاخد دروس فين وهوا يبلغ عنهم وعن اللى بيدلهم درس
تخبط فى تخبط ... امال شغالين عندنا فى موضوع التعليم المتميز ليه..؟؟
انا باعتقد انهم بيحالوا يضيقوا من ناحية الدروس علشان نسكت عن ال 50% التانية ونقول اهوه الدروس ماشية وخلاص.
ولا يكونوا ناويين يقولوا ان المعلم مالوش فى الحد الادنى علشان كادر الوهم و الهم و الغم اللى زفتوه ب50% جت ناقصة
والتانية لسة ما جتش وأهوه عمال يقول سيتم صرف ال50% الأولى وباين عليه مش فاهم أى حاجة مش واخد باله اننا صرفنا
الأولى وما صرفناش التانية....

[COLOR="black"] ايه اللى بيعملوه فى المدرس حرام عيهم والله المفروض يحسن المستوى المادى للمدرس وبعد كده يجرم الدروس الخصوصية
ميشفوا الموظف فى الضرائب او الكهرباء او المحكمة او البترول او او او بياخ كام
وازاى المعلم عايش وازاى الموظف الاخر عايش هيلاقو فرق كبير ليه الظلم فين الكرامة فين حرية عدالة اجتماعية:excl:

الصبر جميل يا ناس نصبر شوية بقالنا اكثر من ثلاثين سنة صبر