مشاهدة النسخة كاملة : بالأرقام.. نكشف أجور مقدمى برامج التوك شو


seryo
24-02-2013, 12:52 PM
http://almesryoon.com/permalink/98820.html#.USnv5h2Tz4Y
علمت "المصريون" أن إدارات عدد من القنوات الفضائية بدأت خطوات جادة لمراجعة الخسائر التي تتعرض لها، وخفض أجور مقدمي البرامج لديها بعد أن تراجعت شعبية عدد كبير منهم.
وتتجاوز رواتب عدد من أبرز مقدمي برامج التوك شو، أكثر من 100 مليون جنيه سنويًا، بحسب مصادر مطلعة بقنوات دريم، والمحور، وأوربت، وسي بي سي، وإم بي سي مصرية.
حيث يبلغ راتب الإعلامي عمرو أديب مائة وعشرون ألف دولار شهريًا علاوة على نسبة من الإعلانات والاشتراكات.
أما باقي مذيعي برامج التوك شو، وعلى رأسهم الإعلامي محمود سعد، فقد أصبح راتبه السنوي ستة ملايين جنيه في قناة النهار بعد أن كان يتقاضى من التليفزيون المصري أكثر من عشرة ملايين، ونسبة من الإعلانات في الوقت الذي كان يقدم فيه برنامج آخر على قناة أزهري لصاحبها الشيخ خالد الجندي، وكان يتقاضى عنه راتبًا قدره عشرة ملايين جنيه أيضًا.
أما معتز الدمرداش مقدم برنامج مصر الجديدة على قناة الحياة فهو يتقاضى راتبًا قدره أربعة ملايين ونصف المليون جنيه.
ويتقاضى لاعب النادي الأهلي السابق محمود الخطيب الذي يقدم برنامج عشرة على عشرة في قناة الحياة سبعة ملايين جنيه.
وتتقاضى لميس الحديدي عن برنامجها في قناة cbc راتب يتجاوز الستة ملايين جنيه ونسبة من الإعلانات.
كما يتقاضى خيري رمضان زميلها في نفس القناة راتبًا قدره ثلاثة ملايين ونصف المليون جنيه.
وفي قناة دريم التي يطل منها وائل الإبراشي طوال أيام الأسبوع ماعدا الخميس والجمعة ببرنامج العاشرة مساء، فيصل حجم راتبه السنوي إلى خمسة ملايين جنيه.
وتحصل الإعلامية منى الشاذلي مقدمة برنامج "جملة مفيدة" على قناة mbc مصر ضعف ما كانت تتقاضاه من "دريم" أي أن أجرها عشرة ملايين جنيه سنويًا.
أما عمرو الليثي مقدم برنامج 90 دقيقة على قناة فهو يتقاضى راتبًا يصل في جملته إلى أربعة ملايين ونصف المليون جنيه سنويًا.
:006et4::006et4::006et4::006et4::006et4::006et4::0 06et4::006et4::006et4::006et4::006et4::006et4::006 et4::006et4::006et4::006et4::006et4:

شريف منير
24-02-2013, 01:27 PM
وايه يعنى! .. أنا (معلم خبير) .. تعيين سنة 1990 أتقاضى ما يقرب من ألف وخمسمائة جنيه شهرياً مع نسبة سنوية من الاعانات والتى تسمى بمكافأة الامتحانات !! والحمد لله على كل حال.

hishmet
24-02-2013, 01:30 PM
الحمد لله رب العالمين أنا مدرس أديلي 25 سنة ومرتبي حاليا 1450 جنيه شهريا
بصراحة مش لاقي تعليق

الاستاذه امانى
24-02-2013, 03:14 PM
حسبنا الله ونعم الوكيل

*تائبة فى رحاب الله*
24-02-2013, 03:30 PM
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
بصراحة مش قادرة اعلق والله والله فى مرتبها ميعديش 300 جنيه ؟؟؟والله معرف عايشين ازاى دول ولا بيشربوا ولا بياكلوا ازاى ده دروس عيل من ولادهم فى الشهر توصل 300 جنيه؟؟!!!
حسبى الله ونعم الوكيل ويقلك نحن من الشعب
ربنا ينتقم منهم ويفضحهم

التوفيق
24-02-2013, 04:22 PM
حسبنا الله ونعم الوكيل

أ/ سعيد موسى
24-02-2013, 04:39 PM
دول ناس غلابه مساكين ايه 5مليون و9 مليون !!!!
احنا مرتباتنا اكثر منهم بكثير
اكتر مدرس واللى طالع معاش وحاصل على دكتوراه يصل الى 1800ج
يعنى 4 ارقام وهؤلاء الغلابه رقم واحد 5 او 6 أو 7
السؤال المهم هو المليون كام صفر ؟؟؟
والسؤال الاهم بيعدوا الفلوس ازاى ؟؟؟
هل كل شهر هذا العذاب فى عد الفلوس احنا عند مكافأة الامتحانات
بنحتاس وكل واحد ماسك فلوسه ويعدها مرة واتنين ويغلط ويدى لزميله يعد تانى
ويجيله صداع فى كيفيه الصرف
طب لو احنا كنا مكانهم اكيد سوف نصاب بلوثه عقليه ندخل بيها السرايه الصفرا
بقول اييييييه الحمد لله على الستر

عادل فراج
24-02-2013, 04:41 PM
الحمد لله رب العالمين ..انا مدرس بقالى 32 سنه فى التربيه والتعليم وبقبض 2300 جنيه والله فيهم البركة عن كل الذى نقرأه ..الحمد لله ان احنا يوم القيامة مش حنتحاسب على فلوس كتيرة يارب سلم

الباشا الأصلي
24-02-2013, 05:48 PM
الذي يحزن ليس هؤلاء فهم يتقاضون رواتبهم من القطاع الخاص الذي يخضع لقانون العرض والطلب ، ولكن مازال هناك بعد الثورة موظفون بالحكومة وقطاع الأعمال يتقاضون رواتبهم من المال العام بمئات الآلآف بل وهناك من يتخطى راتبه المليون جنيه شهريا وهم كثر

ahmed772007
24-02-2013, 05:58 PM
بلد ماشيه بالعكس

والغريب ما الواحد يجي يتكلم ويقول حق المعلم يقولوا انتوا اصحاب رسالة بس للاسف مش بتنتجوا
الاغبياء دول لو فكروا هيعرفوا ان الاستثمار في العقول اهم بكتير من اي استثمار
وسلملي على الحد الادني ......... اللي هيقتصر فقط على تطبيق حد اقصى
مش عارف الواحد يضحك ولا يعيط ولا يعمل ايه بالضبط في البلد دي ؟؟ قولولي الواحد يعمل ايه عشان قربت اتجنن

hishmet
25-02-2013, 12:51 AM
أنا قرأت تعليقات الإخوة الأحباب المشاركين وبصراحة من كتر حزني بكيت بدون دموع والله العظيم .
يا أحباب تمسكوا بحبل الله ولا تفتنوا بالدنيا ، واسالوا الله العفو والعافية
اللهم إنك تحب العفو فاعفوا عنا ، اللهم حاسبنا برحمتك ولا تحاسبنا بعدلك ، اللهم أهد قومي فإنهم لا يعلمون ، وصلي اللهم علي سيدنا محمد وعلي ىله وصحبه وسلم تسليما كثيرا

kalass
25-02-2013, 05:21 AM
هى مش القنوات الفضائية ( الخاصة ) هى اللى بتدفع لهم والا انا غلطانة؟! يعنى ده مال خاص والا ايه؟! طيب بد ما احنا بنقارن مرتبات المدرسين بمرتبات المذيعين تعالوا نقارن مرتبات المدرسين بمرتبات العاملين فى نفس الوزارة ( مال عام ) اظن دى السكة الصح وقتها نكون بنطالب بعدالة اجتماعية لكن مقارنة العام بالخاص ومهنة بأخرى ممكن يفسر على أنه أررررررررررررررررر ((((انا مرتبى 700ج))))))

aliasdhade
25-02-2013, 09:30 AM
انا عاوز اعرف ايه الميزة في الخبر ده وبدل من نسخر منهم نطالب الرئيس بتطبيق الحد الادني والاقصي للأجور والكل ساوسيةوولكن النية خبيثة في هذا الخبر لكرة القنوات الفضائية الخاصة ومحاولة تشويه الاعالاميين فيها وربنا يخلي مثيري الفتنية

أ / طارق عتمان
25-02-2013, 11:17 AM
جزاكم الله خيرا

الحمد لله الذي عافانا مما ابتلاهم به

وفضلنا علي كثير ممن خلق تفضيلا