مشاهدة النسخة كاملة : موبايلي اتسرق في اللجنه , تعمل ايه لو مكاني ؟
arabSquad 15-06-2008, 02:43 PM السلام عليكم
الموضوع حيرني حبتين قلت آخد رأيكم
الموضوع بإختصار ان في يوم امتحان التفاضل واخد معايا الموبايل , ففي اللجنه المراقبين بيقولوا اللي معاه موبايل يدهولنا , وبيحطوه في المجله بتاعت الفصل" شيء كدا مربع خشبي و ازاز " ما علينا ..
فالمهم قلت اديهوله لإنه الموبايل باين اوي في جيبي وبدل ماجيب لنفسي الكلام , المهم بعد ما طلعت من الامتحان .. كان التفاضل ومش هحيكلوا كنا طالع عينا ازاي من الامتحان ..
فلقيت صاحبي معدي قمت ماشي معاه ونسيت الموبايل في اللجنه , وطبعاً نازلين مخنوقين من الامتحان ومافتركتش إلا بعد ما طلعت من المدرسه ... رجعت جري اول ما افتكرت الموبايل ونحيه بوابه المدرسه لقيت واحد صاحبي بيقولي الحق موبايلك فوق
طلعت قلبت الدنيا مالقتهوش .. سألت رئيس اللجان والمراقبين وغيره بس مافيش فايده
المهم لما رجعنا يوم الانجليزي " السبت " سألت صاحبي اللي قالي موبايلك فوق عن الموبايل .. قالي انه هو وواحد صاحبه معايا في اللجنه وولد تالت لقوا الموبايل , فالاتنين قالوا ننزل الموبايل لرئيس اللجان على اساس صاحبه يرجع يسأل عنه , بس التالت قال لا بلاش , احنا نحطه جوه المجله اكيد صاحبه هيجي يلاقيه هنا
على فكره الموبايل Nokia 5610 , فعلشان كدا معموله حوار حبتين ولو انه الموضوع مش قالقني للدرجادي علشان الامتحانات بس برضه حرام يروح بالسهوله دي
ايه رأيكم , ولو مكاني تعملوا ايه في الليله دي :D
كووول جيرل 15-06-2008, 04:06 PM بصراحه انت غلطان كنت اعمله سيلنت او اقفله خالص عشان لو حد كلمك قله انه مقفول
و ممكن يكون صاحبك ده بيشتغلك
و ممكن يكون رئيس اللجنه ده واحد معندوش ضمير و ده بحتمال 90%
لان مش فيه حد دلوقتى عنده ضمييييييييييييييير
عوضك على ربنا بقى
اميرة ولكن حزينة 15-06-2008, 04:28 PM حصلت معيا اول يوم وكان عايز يعملى محضر غش ونا والله قفالة
بكل ثقة رديت وقلتلة عايز تعملى محضر غش وضميرك سمحلك انك تعملى محضر وانت شايفة مقفول اتفضل اعمل بس على فكرة انا عمرى مهسمحك عارف لية لانك هتكون ظلمنى قالى انتى بجحة قلتلة انا اكتر واحدة عرفة حدودى فين وعرفة انا بعمل اية واول مرة حد يقلى الكلمة ديت انت تقلى كدة لو كنت فعلا بستخدمة فى اساليب تانية انا لافتحتة ولا عملت حاجة ولا حتى بصيت لغيرى وسئل المراقبين راح ماشى وسيبنى وبعدها مجاش تانى يمتى
rora_rora 15-06-2008, 04:36 PM أنا شخصيا مش باخده اللجنة خاااااااالص
thesailor 22-06-2008, 01:16 PM استعوض ربنا فيه
هي كدة الدنيا مبقاش فيها (فركة)
Ra2oF 22-06-2008, 03:46 PM انا مبخدوش ::: بس هي حصلت لواحد في المدرسة ::: بس عموما قدر الله و ماشاء فعل انسااااااااااااااااااااااه :)
(الدنيا ساعة فاجعلها طاعة) 24-06-2008, 10:20 PM أول حاجة قول رضيت بقضاءك يارب
تانى حاجة دور عليه لأنك لازم تاخد بالأسباب
لأن الموبايل مش هيجيلك لوحده ويقوللك أنا أهه
حاول تعمل كده وربنا يقدم اللي فيه الخير إن شاء الله
eyes_smile 25-06-2008, 05:45 AM استعوض ربنا فيه
وقول حسبى الله ونعم الوكيل فى اللى سرقه
وربنا مش هسيبلك حقك ومش هيهنى اللى سرقه عليه
انا برده كنت باخد الموبايل وكانوا بياخدوه منى بس قبل نهاية اللجنة بخمس دقايق يرجعوا الموبايلات لاصحابها تانى
مش يسيبوها كده الطلبه تاخدها وهم مروحين...علشان المفروض دى امانه
يعنى المراقبين غلطانين برده...المفروض زى ما اخدوا الموبايل منك يرجعوه فى ايدك تانى
عالعموم قول الحمد لله على كل شئ محدش عارف لو كان استنى معاك كان ممكن يحصل حاجه كده ولا كده لقدر الله
goda2 26-06-2008, 01:10 AM انا صحيح باخده معايا بس بحطه فى الشنطه وبعدين فى الدرج الى قبللى بحط الشنطه
بس عوضك الله
وبعدين خاد الشر وراح على رأى ماما
وانساااااااااااااااااه لان معدش فى امان خالص
LA STELLA 26-06-2008, 01:29 AM انا اذا موبايلى اتسرق هفرح ههههههههه
لانها عدة مش اد كدة
واللى هياخدها هيبقى جنى على نفسه
عن نفسى بقى ،،
انا باخد الموبايل معايا اه بس ببقى قافلاه من قبل ما ادخل باب المدرسةوشايلاه فى الجيوب الخفية اللى فى الشنطة
ولما يقولوا اللى معاه موبايل ولا كأنى هنا
لانها حصلت ولموه منى اول يوم السنة اللى فاتت
وقعدت ادور عليه
:D:D
عاشقـــ الانمى ـــة 26-06-2008, 04:27 AM بصراحة ربنا يعوضك
nanes 26-06-2008, 12:44 PM معلش ربنا يعوضك
بصراحه انا مش برضه اديهلهم ..ببقى قافلاه في الشنطه ولا كأن في حاجه
لأن واحد اعرفه برضه طلع لقى موبايله مسروق واتقهر عليه ياعيني .......
واضح ان معدش في حد في الدنيا عنده ضميير
ثانويه2008 26-06-2008, 06:08 PM حسبى الله ونعم الوكيل وان شاء الله ربنا حيرزوقك بموبايل جديد ونصيحه منيى اعمل زى ما انا بعمل مباخذش موبايلى معايا الامتحانات خالص
ana 3ayzo 3aMoOoR 26-06-2008, 08:09 PM دي مــش لجنة دي تشكيل عصابي يابني
** ضي القمر ** 26-06-2008, 11:01 PM ربنا يعوضك
كلنا لها
انا كمان باخد الموبايل معايا وبحطه فى جيب البنطلون وعادى جدا
بس لو ضاع
اكيد فى الاول هتهزق من بابا
وحبة كلام حلو عن الاستهتار وعدم الاحساس بالمسؤلية
بس فى النهاية هيجيب ليا غيره
انه بيقلق لو اتاخرت 5 دقايق زيادة عن مواعيدى
المهم سيبك من ده كده
ربنا يعوضك خير
اعتبر ان ربنا فداك بيه عن حاجة تانية
eng*moon light 27-06-2008, 12:10 AM قدر الله ما شاء فعل
ربنا يعوضك
shree 27-06-2008, 11:08 PM علش ربنا يعوضك بواحد افضل منه وحاول تدور عليه بالراحة هتلاقية ان شاااء الله
موني دياب 28-06-2008, 05:03 AM معلشي ان شاء الله تلاقيه
انا باخد موبايلي وبحطه في جيب الجيبة واقفله واي حد يقول الي معاه موبيل يجيبه بعمل نفسي من الهند
احمد رضا 30-06-2008, 01:39 AM الواحد احلي حاجة يخلع البطاريه ويحط الموبايل في جيبه
لان مره حصلت معايا والمنبه رن لقيتهم اتلموا واكني معايا سلاح بيولوجي او جمره خبيثه
رحت رامي الموبايل ومسلم نفسي هعمل ايه ؟
:d
Last Fantasy 30-06-2008, 03:12 AM ياعمي أنا معايا 1600 يعني تضيع متضعش مبتفرقش كتير
ahmed anwer 30-06-2008, 07:31 PM اول حاجه
لو موبايلى اتسرق فى اللجنه انا اولع فى اللجنه والمدرسه بحالها
ثانيه اخد موبايل معايا اعمل بيه ايه
انت غلطان من الاول لزم تحافظ ع حاجاتك ده اهمال يا بيه
|