smsmzeros
02-03-2013, 03:52 PM
8 شهور عدت من ساعه ما تم اعلاان الدكتور محمد مرسى رئيساً للجمهوريه
8 شهور عدت من المده الرئاسيه او من الاربع سنين ودى فتره مش قليله
8 شهور كان فيها مشروع 100 يوم اللى هوا جزاء من مشروع النهضه
8 شهور من الانجازات و الاجازات والتأخر والنهضه
8 شهور وحالنا زى مهوا مفيش جديد ولا بقى فيه حاجه من القديم ( اهداف الثوره )
8شهور واقتصادنا بينهار والبلد بتدمر من الداخل و مفيش جديد
8 شهور ولو قولت ان الرائيس معملش حاجه يبقى انا جاحد
8 شهور وانا قاعد بعد فالانجازات اللى الحاجات الوحشه غطت عليا وكادت ان تكون معدومه
8 شهور وانا قاعد بقول ان الرئيس دا كويس وانو هيعمل حاجه جامده كده بس دا كلو طلع كلاام وانا بحلم
8 شهور وانا بسمع رائيسى بيتهان ومبقاش عندى قدره او حاجه حلوه عشان امسكها كسلااح ادافع بيه عنو
8 شهور هتعدى وهيعدى زيهم ومفيش حاجه هتتغير غير لو اتغيرنا احنا كلنا
8 شهور ........
منتظر ارائكم وتعليقاتكم ودفاعكم عن الرائيس
hishmet
02-03-2013, 06:57 PM
http://www.samysoft.net/forumim/shokr/1/868686.gif
الفيلسوف
02-03-2013, 11:59 PM
بدون تعليق ربنا يجازى بتوع الليمونة عارفهم ؟
أنا منتخبه رئيس لمدة أربع سنوات
بعد أربع سنوات لو كويس ممكن ننتخبه تانى
لو مش كويس ننتخب غيره
وتقييم أداء الرئيس فى 8 شهور ده ظلم
وخصوصا فى ظل المعارضه الحاليه
وظروف البلد بعد الثوره
وغياب مجلس النواب
عاوزه اقول كلمه بس للناس اللى بتقعد تقول مرسى معملناش حاجه
أوباما رئيس الدوله العظمى فى العالم دلوقتى بإمكانياتها واقتصادها
حقق 45 % من برنامجه الإنتخابى خلال اربع سنوات
ياريت يكون فيه بس نوع من الإنصاف:)
لافانيا
03-03-2013, 08:46 PM
وهستنى ارع سنوات بردك ومفيش حاجة هتتغير
مش فى كلامه مع عمر الليثى قالك الشعب اللى بيحكم
لما سئله مين بيحكم مصر انت ولا المرشد وبردك باسم يوسف
جاب اولت امبارح فيديو وبديع بيلقنوه ههههههههههههههههه
رئيس معندوش شخصية يبقى لازم تبقى ديت انجازاته
شكرا عى الموضوع
الفيلسوف
04-03-2013, 12:04 AM
رداً على العضوة المحترمة مروه - مع كامل الاحترام والتقدير لرأى حضرتك
بالنسبة لأوباما فعلاً حقق 45% من أهدافه
عبد الناصر بعد توليه الحكم بـ 28 يوم أصدر قانون الاصلاح الزراعى
بعد شهرين من حكمه أصدر قانون مجانية التعليم
وعبد الناصر كان واصل للحكم بعد ثورة وفى معارضة يعنى تقريبا نفس الظروف الحالية ولا أنا غلطان ؟؟
smsmzeros
05-03-2013, 03:43 PM
اولااً شكراً جزيلااً لكم
ثانياً يا جماعه
فى كذا حاجه عايز اوضحها للناس اللى بتقول ان المرشد هوا اللى بيحكم
على فكره الرائيس مشافش المرشد من فتره وبعدين المرشد بيمارس عاملو زى مهوا وبيجتمع بالقياداتى وبيروح محافظات فالبلد
وللاخ العزيز اللى بيقول ان باسم يوسف نشر فديو على فكره باسم يوسف انا بحبو جداً وبحترمو لكن فالحق فالحقيقه ان باسم بيجيب حاجات قديمه على انها جديده ومش كل اللى نسمعه نسدئه لازم نحكم العقل لااولاا واخراً
رداً على العضوة المحترمة مروه - مع كامل الاحترام والتقدير لرأى حضرتك
بالنسبة لأوباما فعلاً حقق 45% من أهدافه
عبد الناصر بعد توليه الحكم بـ 28 يوم أصدر قانون الاصلاح الزراعى
بعد شهرين من حكمه أصدر قانون مجانية التعليم
وعبد الناصر كان واصل للحكم بعد ثورة وفى معارضة يعنى تقريبا نفس الظروف الحالية ولا أنا غلطان ؟؟
معارضة مين اللى كانت فى عهد عبدالناصر ؟؟؟؟؟؟؟؟؟!!!!!!!!!
دى الستات مش اعتقلت واتعذبت فى مصر غير فى عهد عبدالناصر
ده حتى محمد نجيب تم اعتقاله
وحضرتك بتقول بعد 28 يوم اصدر قوانين
دلوقتى مافيش مجلس شعب
وعندنا مجلس شورى بقاله شهرين مش عارف يطلع قانون انتخابات
وكانوا معترضين ان د / مرسى يخرج اى قانون
وبالنسبه لو هتقارن بين إنجازات عبدالناصر ومرسى
فحضرتك هتقارن بين 16 سنه و8 شهور
ورغم كده فى انجازات برضه
يعنى إلغاء حكم العسكر واقالة النائب العام واقرار دستور
والبدء فى مشاريع استثمارية وتنمية قناة السويس
أنا مش معترضه ان حد ينتقد الرئيس
بس انا شايفه ان التقييم دلوقتى غير منصف
الفيلسوف
22-03-2013, 01:50 AM
يعنى الستات اتبهدلت فى عهد عبد الناصر وأخدت حقها فى عصر مرسى ؟؟؟؟!!!
عبد الناصر لما أصدر قانون الاصلاح الزراعى الدكتور مرسى وغيره وجوا أرض تصرف عليهم
عبد الناصر لما عمل مجانية التعليم الدكتور مرسى اتعلم وأصبح دكتور فى الجامعة
يا ريت نكون منصفين
وبعدين انهاء حكم العسكر دا اتفاقية الكل عارفها بلاش نكبر الموضوع
اقالة النائب العام وتعيين نائب خاص لمصلحة الاخوان دا مش انجاز
الانجازات الحقيقية هى:
براءة كل متهمى موقعة الجمل
براءة فتحى سرور وجرانه وعائشة عبد الهادى وصفوت الشريف
عدم القصاص للشهداء
شهداء رفح الذين ماتوا غدراً
تنمية قناة السويس عن طريق قطر
فعلاً انجازات
يعنى الستات اتبهدلت فى عهد عبد الناصر وأخدت حقها فى عصر مرسى ؟؟؟؟!!!
عبد الناصر لما أصدر قانون الاصلاح الزراعى الدكتور مرسى وغيره وجوا أرض تصرف عليهم
عبد الناصر لما عمل مجانية التعليم الدكتور مرسى اتعلم وأصبح دكتور فى الجامعة
يا ريت نكون منصفين
أنا قولت القوانين دى مش كويسه ؟؟؟!!!!
أنا بقول قوانين زى دى دى محتاجه مجلس شعب دلوقتى
وبعدين انهاء حكم العسكر دا اتفاقية الكل عارفها بلاش نكبر الموضوع
اقالة النائب العام وتعيين نائب خاص لمصلحة الاخوان دا مش انجاز
الانجازات الحقيقية هى:
براءة كل متهمى موقعة الجمل
براءة فتحى سرور وجرانه وعائشة عبد الهادى وصفوت الشريف
بس حضرتك كده بتشكك فى القضاء مش مرسى
ايه علاقته دلوقتى بالبراءات دى
كمان مهرجان البراءات دى من قبل مرسى بسبب النائب العام المقال
عدم القصاص للشهداء
تم إعادة المحاكمات وفتح تحقيق من جديد
شهداء رفح الذين ماتوا غدراً
اللى اعرفه ان التحقيق لسه شغال
تنمية قناة السويس عن طريق قطر
فعلاً انجازات
تنمية قناة السويس مش هتبقى عن طريق قطر بس
داخل فيها دول تانيه كتير لإنه مشروع استثمارى زى اى مشروع
لكن قناة السويس نفسها ملكية عامه محدش له علاقة بيها
إحنا تقريبا بوظنا الموضوع خالص لصاحبه :p:p
ودخلنا فى حاجات بعيد عن الموضوع
فأنا بعتذر والله لصاحب الموضوع :):)
وأنا رأى واضح إن تقييم الأداء دلوقتى غير منصف
لكن لو حضرتك هتقارن بين مرسى وعبدالناصر
يبقى المفروض د/ مرسى يلم المعارضه كلها ويحطهم فى السجن
ويمسك التشريع ويحصن جميع قراراته وبعدين بعدا نبدأ مقارنه
*تائبة فى رحاب الله*
22-03-2013, 03:40 PM
وهستنى ارع سنوات بردك ومفيش حاجة هتتغير
مش فى كلامه مع عمر الليثى قالك الشعب اللى بيحكم
لما سئله مين بيحكم مصر انت ولا المرشد وبردك باسم يوسف
جاب اولت امبارح فيديو وبديع بيلقنوه ههههههههههههههههه
رئيس معندوش شخصية يبقى لازم تبقى ديت انجازاته
شكرا عى الموضوع
معندوش شخصية
وعاوزينا نبقى شعب محترم
اذا كان الشعب نفسه مش محترم رئيسه
ربنا يهدينا جميعا
ربنا لا تؤاخذنا بما فعل السفهاء منا
ونصيحة بس لوجه الله من يشاهد باسم يوسف فهو آثم
واعلم ما اقول حق العلم بفتاوى كبار الائمة من ابن عثيمين والالبانى وغيرهم من المعاصرين
الفيلسوف
22-03-2013, 04:44 PM
المبررات موجودة بأى شكل المهم ان مرسى افضل اختراع بعد الكهرباء
نفسى أعرف النائب الجديد عمل اية ظاهر
الراجل قالها صراحة أنا جلدى تخين - يعنى معندوش استعداد للنقاش ولا الحوار
ربنا يهدى وشكراً للنقاش
smsmzeros
22-03-2013, 07:38 PM
يا جماعه كلكم على حق اللى بيدافع عن جمال عبد الناصر على حق واللى بيدافع على مرسى كمان على حق
لان طبعاً كل واحد فينا بيحب شخص معين ومش بيشوف عيوبه ونسو ان كل واحد فيه عيوب ومميزات
وانا بقى عن نفسى مش بحب ولا واحد فيهم بس عند الحق بقولو بقوه
(والحق بيقول ان العيب مش فالريس العيب فالشعب (لو الشعب حلو الرئيس غصب عنو هيقى الله فيه وربنا هيديه عليهم )
وشكراً جداً على النقاش الرائع دا