فوجئنا نحن معلمين محافظة كفرالشيخ بعمل كشوف المرتبات لشهر مارس 2013 اى الشهر القادم بدون 50% كادر على الرغم من اننا نصرفها من شهر اكتوبر الماضى
وعندما سالنا فى مديرية التربية والتعليم عن سبب ايقاف صرفها بداية من شهر مارس
قالوا : لعدم توفر موارد مالية
على الرغم من تصريحات السيد وزير التربية والتعليم بانه اعطى اوامر بالصرف لجميع المحافظات حتى التى لم تصرف حتى الان
ولا هو كان قصدة ايقاف الصرف ولا ايه

وفى ناس تانية قالولنا دا هيعملوا 50% كادر فى كشوف منفردة عن المرتب ولما تتوفر الميزانية هيبقوا يصرفوا لينا
اللى انا متاكد منه دلوقتى ان مرتب مارس 2013 بدون 50% كادر بتاعت اكتوبر

شكررررررررررررررررا يا وزير التربية والتعليم
ياريت لو حد عنده نفس الخبر او معلومات عن الموضوع ده يفهمنا اللى بيجرى بالضبط

إدارة مطوبس بكفر الشيخ عملت 50 % مع مرتب شهر مارس ، ولا صحة لما قلته فى إدارتنا ، ولك جزيل الشكر ، كانت إشاعة وعندما وقفنا ، تم إلغاء هذه الفكرة

نحن في بورسعيد قبضنا مرتب فبراير بدون 50% وقالوا انها ستأتي في استمارة فردية بعد أن كنا قبضناها مضافة الى مرتب يناير

عندنا في إدارة سيدي سالم قبضنا فبراير بالـ 50 % ومارس هايتعمل ان شاء الله بالـ 50 % علي حسب تعليمات الادارة للإداريين
وربنا يستر

تم صرف50% من الكادر مع مرتب شهر فبراير في إدارة الخانكة محافظة القليوبية

الشرقيه ما صرفتشى حاجه

000000000000000000
نحن فى منتدى تعليمى اخى الكريم
ابنى وابنك وابنتى وابنتك تقرا هذا الكلام

نحن فى إدارة الفشن التعليمية ببنى سويف لم نقبض من 50% إلا شهر واحد فقط ومع ذلك مرتب مارس بدون 50% ما الحل

السلام عليكم أنا من إدارة منوف التعليمية الكلام ده كان موجد عندنا ولكن مسئول المهيات بالادارة ارسل إلى المدرسة ما يفيد عمل 50% فى كشوف المرتب زى كل شهر وهذا للعلم

سيدى الفاضل
لم يتم وقف الصرف
الفكرة ببساطة انه فى الادارات التعليمية التابعة لمديرية كفر الشيخ كان يتم الصرف مع الراتب لوجود ميزانية لهذا الامر موجوده بالفعل ..أما الآن فالميزانية الخاصة بهذا الامر لا يتم دعمها الا فى مواعيد مختلفة بالبلدى كده على ما تفرج ...المهم انهم هيعملوا بنفس نظام المديرية ومدارس التعليم الصناعى والزراعى التابع للمديرية حيث يتم الصرف كل شهرين او ثلاثة فى استمارة مجمعة للشهرين او الثلاثة أشهر
المهم انه حاليا يوجد الإعتماد بالفعل فى المديرية ....ويتم الإعداد للصرف لشهر 1 ، 2 وجايز 3 معاهم
ولكم جميعا الشكر والتحية
عبده السيد عبده عضو نقابة معلمين بيـــلا
أمين عام نقابة المهن الرياضية بكفر الشيخ