تسجيل الدخول

مشاهدة النسخة كاملة : يا جماعة انا فى 3 ثانوى و مباخدش درس فى الانجليزى

ahmed_matador
06-03-2013, 03:58 AM
يا جماعة انا فى 3 ثانوى و مباخدش درس فى الانجليزى و بذاكرو لوحدى حاسس انها مادة سهلة ... حد ينصحنى انا صح كدة ولا غلط ؟
Toqa Taha
06-03-2013, 04:55 AM
لو السنة اللى فاتت عملت كده وكانت النتيجة كويسة يبقى انتى ماشى صح
وعموما اصلا الانجيليزى ما هو الا حل اكبر قدر ممكن وحفظ قصة كويس وادرب ع الاسئلة الجدية ف القصة
د/نداء الجنة المصرية
06-03-2013, 05:04 AM
هو بصراحة انا من النوع اللى بشجع الناس تسيب الدروس لكن اذا مش هتروح درس ياريت تدى لنفسك وقت شوية تدى الانجليزى حقه مش وقت كتير يعنى لو انت مستواك كويس فى القواعد يبقى احسن بلاش درس احفظ الكلمات وحل ترجمة وقواعد كتير وذاكر لوحدك اكيد المواد التانية هتحتاج وقت فمش هتدى المادة دى حقها لكن لا لو حتى هتبقى ساعتين قبل ماتنام مرتين فى الاسبوع تلزم نفسك بيهم هيكون افضل من الدرس لان اللى بيجتهد على المادة من غير دروس بيستوعبها احسن
اشجان عمار
06-03-2013, 09:50 AM
انا كمان مش باخد درس وحاسة انى بنجز فيه اكتر من الدرس بس المهم انك تاخد فيه ع الاقل ساعتين كل يوم والموضوع هيمشى معاك كويس وانت بتحل
mohamed oun
06-03-2013, 10:11 AM
الانجليزي أكتر مادة مش محتاجة درس ، أنا باخد فيها درس بس عشان مبقدرش التزم لوحدي
yolanda
06-03-2013, 12:21 PM
continue ربنا معاك انا مبخدش أي درس في أي مادة ...
mimo108
08-03-2013, 06:28 AM
عادى انا تلت تربع الحصص مرحتهاش اصلا وبذاكره مع نفسى احسن
وهو مادة سهلة لو كل يوم تذاكر يونيت واحد وتحل عليه حتخلص الانجلش فى شهر
وبعدين الانجلش السنادى كله متعاد اصلا مفهوش حاجة مختلفة عن اللى اخدناه السنة اللى فاتت غير بس الكلمات لكن نفس الجرامر
~ Smile 4 Life ~
13-03-2013, 10:46 AM
الانجلش فعلا مش محتاج درس
انا بس باخد فيه عشان اذاكر اول باول ورا المستر لاني مش باجي غير بالزّق:d
والسنة اللي فاتت قعدت فترة كبيرة مأخدتش فيها درس واعتمدت علي نفسي
بس اهم شئ انك تروح المراجعات عشان تبقي واثق ومتأكد من الحل اللي بتحله
وعموما الانجلش عايز واحد حافظ لغويات وكلمات كتير فقط ليس الا
بالتوفيق