السلام عليكم و رحمة الله و بركاته

معظم الناس فاضلها شوية و تبدأ مراجعة عشان كدة كتبت الموضوع ده و أول حاجة هبدأ بيها الجدول

بالنسبة للجدول: من وجهة نظري الجدول ممكن يكون بثلاث أشكال :

1- الجدول التقليدي : أول متحب تعمل جدول (غالباً) هتعد كل الأيام الي فاضلة و تقسم عليها المواد كالأتي

يوم السبت : فزياء الفصل كذا

يوم الأحد : عربي الدرس كذا

يوم الاثنين : أحياء الفصل كذا

و تعمل مادة واحدة في اليوم بكمية كبيرة حسب المدة

طبعاً الجدول ده ممكن يكون ناجح لكن مع ناس تقدر تراجع بصفة دورية كل الي بتذاكره لكن لو هتذاكر و ترمي يبقي أنت هتمعل زي ما أنا عملت في أول السنة و بصراحة نسيت كل حاجة ذاكرتها علي النظام ده
في البداية حاولت أراجع و بعد كدة كسلت ...

و أنا بعتقد إن سبب فشل الجدول ده معايا هو:

1- كمية كبيرة في اليوم و هتزق و تكروت يعني هتزهق و تكروت ...!
2- هتسيب المادة الي ذاكرتها بالأسبوع و بكدة تبقي نسيت معظمها ده غير إنك كروت فيها
3-مفيش أكتر من شهر و تلاقي كل الي ذاكرته (في لأيام الأولي بالذات) أتبخر !

2- الجدول الجديد :

بعد معاناة وصلت للنظام ده و في الواقع هو أحسن نظام مشيت عليه وأنجزت فيه و أكتر جزء من المنهج(و هو صغير ) فاكراه يعني جدول جامد جداً بالنسبة لي و هو كالأتي :

اليوم هيكون فيه أربع خمس مواد : مواد ثابتة و مواد تبادلية

نموذج لليوم : أحياء فزياء فلسفة (أدب و نصوص أو إنجليزي ) (منطق أو الأيام)

كل مادة هتتقسم علي عدد أيام الدراسة أو المراجعة كلها يعني لو كانوا 80 يوم يبقي هتتقسم علي 80 يوم و يبقي مقدارها في اليوم صغير جداً أما في النظام القديم المادة هيكون ليها عدد قليل من الأيام ...

فوائد النظام ده :

1- جزء صغير جدأ من المادة في اليوم تذاكره بسهولة و باتقان و من غير ملل (يعني في لفلسفة كنت بذاكر نصف صفحة أو صفحة في اليوم!)

2- تقدر تاني يوم تراجع الجزء الفات في كل مادة بسهلة لأنك ذاكرته كويس و لأنه صغير أوي مش هياخد وقت

3- بالطريقة دي الجزء هيتراجع علي الأقل لمدة أسبوع مثلاً لحد ميخلص الفصل(و هي دي الطرقة العلمية للحفظ و تثبيت المعلومات في الذاكرة ) و يبقي الفصل اتحفر في دماغك خصوصاً لو راجعته تاني بعد لما تخلص الفصل الي بعديه

بالنسبة للنظام الثالث فهو خليط بين النظامين السابقين لكن لما حاولت أمشي عليه مقدرتش لكبر الكمية عشان كدة هبدأ مراجعة علي النظام الثاني

طبعا أيام المراجعة بتبقي ضيقة أوي خصوصاً علي الي مش فاكر حاجة زي حالاتي و الكمية بتبقي الضعف في اليوم يعني هتبذل مجهود عالي (لو أنت ناسي المنهج) ... بس خلي عندك أمل كبير في ربنا و أبدأ علي بركة الله .


جدول المراجعة الخاص بيا مكدس جدأ و كمان أنا طريقتي مختلفة شوية عشان كدة ممكن ميمشيش مع حد غيري بس أنا إن شاء الله هصوره و أنزله للي عايزينه و بالمرة نشجع بعضينا

بالتوفيق للجميع

حاجة أخيرة في وسائل قرأت عنها تخليك تفتكر الحاجات الي ذاكرتها بسهولة أيام المراجعة و إن شاء الله هكتبها في أسرع وقت ممكن بعد لما أترجمها .

رائع جدا اتكلى عالله وانا معاكى وان شاء الله يناسبنى لانى طبيعى هوقف دروس الفترة الجاية يمكن الاسبوع اللى جاى اخرى
او بمعنى اصح دروسى هتبقى تقريبا درس واحد كل يومين يعنى الوقت هيبقى عندى كتير ومحتاجة اركز مع نفسى

نصائح جميلة جدا

بصراحه حاجه حلوووه جدا وانا متوقف شهر وهبدأ مراجعه اول4بستثناء الeبراجع ناو في
.
.
.
.


.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
ننتظر منك المزيد وامانه ياشيخه لو عرفتي اي حاجه جديده علي الفلسفه تقولي............

بجد جدول هايل ( ما شاء الله ) .

والجدول التانى عجبنى جدا و باذن الله امشى عليه .

وبصراحة مع انى بذاكر من اول السنة بس زى ما قولتى بيتبخر لاسباب عدة . :)

بارك الله فيكى .. ومستنية اى حاجة جديدة تعرفيها عن المذاكرة او المراجعة .

رائع جدا يا يولاندا
بس التاني افضل واحد

جزاكم الله خيرا

شكراً علي ردودكم و إن شاء الله هقدر أصور الجدول بتاعي و أرفعه علي المنتدي

بارك الله فيكى