زميلى خريج كليه التربيه قسم لغه انجليزية 1999 وربنا كرمه واتعين تبع نسبه ال 5 % بمحافظة المنيا هذا الاسبوع و هو شغال بعقد اتفاق مدرس انجليزى توقع ان تعينه هيجى مدرس ولكن المفاجاه جه تعينه ادارى وهو مش عاوز كده خالص ومصممين يخلوه يمضى على قرار بالموافقه على العمل ك ادارى . ما الحل ؟ ماذا يفعل ؟ وهل ده حصل فى باقى المحافظات ؟ لان سمعنا ان فيه ناس فى محافظات تانيه اتعينو مدرسين !!!! بالله عليكم افيدونا

هل هذا قرار محافظ ام قرار الوزير ؟؟؟ وهل فعلا زى ما سمعنا ان المعلم المساعد مالوش درجه فلازم يعينو ال 5 % على درجه

قرار تعيينه خاص بالتنظيم والادارة

فمن يقوم بتوزيع نسبة ال 5% على الجهاز الادارى للحكومة هى التنظيم والادارة
وفقاً لنسبة العجز داخل الوزارات المختلفة

ويكون التعيين بنسبة ال 5% وفقاً :

1- طبيعة العجز او الاعاقة والوظيفة المناسبة لها .
2- المؤهل والوظيفة المناسبة له.
3- اقرب مكان لإقامة المعاق .

بإعتبار ان زميلك خريج تربية قسم انجليزى فعليه التوجه لمديرية التنظيم والادارة عندكم فى المنيا , ويقدم تظلم يقول فيه انه قادر على القيام بمهام مهنة التدريس وان اعاقته لا تمنعه من ممارسة تلك المهنة ( ان كان كذلك ) وانها هى الوظيفة المناسبة لمؤهله الدراسي

لان هذا التوزيع تم فى التنظيم والادارة , وهى من وزعت المعينين ضمن النسبة على كافة الهيئات الحكومية داخل المحافظة

اما حكاية ان المعلم المساعد ملوش درجة فالصحيح ان المعلم المساعد يشغل هذه الوظيفة "بالتعاقد" لمدة سنتين ,, اما زميلك فهو تعيين ضمن النسبة ,, فممكن يتعين عادي على درجة مالية فى وظيفة معلم طبقاً للقانون 47 قانون العاملين المدنيين فى الدولة ثم بعد ان يمر عليه سنتين على الأقل على الدرجة المالية التالتة يكون اخد دورة التطبيقات التربوية ومن ثم يحصل على الكادر ويحول من القانون 47 الى القانون 155 للكادر .. ولو محبش ياخد هذه الدورة ويظل كما هو على القانون 47 هيفضل ويعامل معاملة المعلمين القدامي وله كافة المميزات عدا بدل الاعتماد " الكادر"

شكرا جزيلا بارك الله فيك