اهلا بكم اخوتى الاعضاء

طبعا بعد اعلان المواد اللى حناخدها السنة الجاية فى 3 ثانوى المفروض الطلاب ميسكتوش على الوضع ده لأن 9 مواد كتير وكتير جدا وفيها مواد ملهاش اى لازمة بس لزيادة الحمل على الطالب المسكين

لو فرضنا ان فلان من الطلاب حيدخل علمى علوم ايه لزوم الرياضة 1 والاحصاء والجلوجيا؟؟؟؟؟؟ انا عن نفسى بطالب بألغائهم ملهمش اى لازمة ... كيف الوزير بيقول ان نظام الثانوى الجديد تخفيف حمل على الطالب؟ كيف تخفيف المصاريف على اولياء الامور والطالب حياخد دروس لكل مادة على الاقل 100جنيه؟؟؟؟؟؟؟؟؟ طبعا حييجى واحد ويقول:"ياعم انتوا مش حتاخد المواد كاملة"
حرد عليه واقله ان ده بس مع 4 مواد (الكيمياء- الفيزياء- الفرنساوى-الاحياء لو كان الطالب علمى علوم -والرياضة 2 اللى لو الطالب دخل علمى رياضة حياخدها كاملة ماعدا جزء بسيط من الميكانيكا كان مقرر على 2 ثانوى )
معنى كده ان فوق ده كله حندرس 5 مواد كاملة (العربى-الانجليزى-رياضة1-احصاء-جلوجيا)
والله العظيم ده حرااااااام حرام بجد اللى بيعملوه فينا

يا حبيبي هو ده عليك انت بس !!! مهو علي كل الطلاب و لما يبقي الاول علي الجمهورية جايب 90% يبقي زي الفل و طالما انت عندك مواد كتير ده هيقلل الدروس يعني مش معقول عندك 7 مواد ولا حاجة هتاخد درس في كله

رياضه 1 ديه عباره عن ايه ! انتوا مش بتاخدوها دلوقتى اصلا ؟! و ايه لازمة الجيولوجيا صحيح ؟ و لو حتدرسوا العربى اللى احنا بندرسه دلوقتى يبقى كتير الصراحه

و بعدين متقلقش اوى مهو هيبقا على كلوا

يا حبيبي هو ده عليك انت بس !!! مهو علي كل الطلاب و لما يبقي الاول علي الجمهورية جايب 90% يبقي زي الفل و طالما انت عندك مواد كتير ده هيقلل الدروس يعني مش معقول عندك 7 مواد ولا حاجة هتاخد درس في كله
بالظبط كدة
الموضوع كله هيرجع زى زمان ايام اما كان التنسيق فى النززززززل اوووووووووى
دة على طب ممكن ياخد من 90 % او حاجة و تمانين
على حسب المجاميع و مستوى الامتحان
بس القرار دة لسة نزل يعنى ولا اية ؟؟؟؟
انا سمعت انى علمى علوم مش هياخد رياضة او جولوجيا
انا اعرف انى علمى علوم هياخد عربى و انجليزى و فرنساوى و كيمياء و فيزياء و احياء
و احصاء بسسسسسسسسسس
المستر كان قيلنا كدة

احب ارد على اخويا الغالى Steerforth (http://www.thanwya.com/vb/member.php?u=425524) بمثال بسيط.. دلوقتى انا عندى 17 سنة ولو فرضنا وعارف ان ده هبل منى بس لو فرضنا ان صدر قرار بأعدام جميع الشباب فى سن ال17 عاما وكان القرار ظالم هل حقول انا مش زعلان لأنى مش حتعدم لوحدى؟؟؟ اللى حنشوفه السنة الجاية اعدام وبالبطئ كمان
صحيح انه مش عليا انا لوحدى بس مش كل الناس حتقدر على 9 مواد لان القدرات العقلية متفاوته والطالب اللى بيحفظ المعلومة من اول مرة مش حيتعب لكن الطالب اللى بيذاكر المادة الواحدة فى 5 ساعات لان قدراته العقلية ضعيفة اكيد مش حينفع السنة الجاية بالنظام ده لان مش حيلاقى وقت ابدا ده اكيد حيقلل من نسبة الطلاب اللى حيدخلوا كليات كبيرة ومفيش غير الناس اللى عقولهم كمبيوتر بس اللى حيدخلوا كليات القمة ومحدش يقوللى التنسيق نزل مهو مش علشان التنسيق بتاع الطب حينزل 5 او 7 فى المية يبقى ناخد المواد دى كلها ... لو فرضنا ان الطب من 90% الطالب العادى لو طحن نفسه مذاكرة ممكن يجيب بالكتير 85% وميلحقش طب لأنه مقدرش على 9 مواد
اما طبعا بخصوص بعض الناس اللى بيقولوا ان الدروس فى كل المواد ملهاش لازمه احب اقلهم مع كامل احترامى وتقديرى لهم طبعا بلاش نضحك على بعض لان المدرسة عمرها ماحتكون مفيدة بقدر افادة الدرس

فعلا عندك حق والله اصلا كده فيه تعجيز لينا ومواد كتيرر منها مش هيبآلها اي تلاتين لازمة ف الكلية بيدرسوهالنا ليه .بس احنا ف ايدنا نعمل ايه ؟؟

احنا اعتصمنا فى المدرسة على قرارات الوزارة ولازم كل طلاب اى مدرسة يعتصموا والله لو عملنا كده صوتنا يوصل اكتر الوزارة مش بتراعى اى ظروف يعنى هما مثلا علشان حطوا لينا نص منهج كيمياء وفيزياء واحياء ورياضة 2 وخلاص احنا كده فرحانين ماحنا عندنا مصيبة اسمها عربى ده لوحده ب3 مواد كبير ورخم وكمان فى انجليزى كامل واحصاء وجيلوجيا هو فى ايه احنا مش بشر وكمان مدرسة ده كده بيقضوا علينا هما مش عايزين حد يطلع كويس من البلد ديه ابدا ماهما يا يدرسوا القرار الاول كويس وبعد كده ينزلوا موجهين لمناقشته فى المدارس ونخليهم يعرفوا الطلاب هيعملوا ايه مش كل واحد بكلمة واحنا لينا حق الرفض او القبول ده مستقبلنا ومش هنسمح لحد انه يهد كل سنين التعليم ديه فى سنة محدش يعرف مصيرها ايه كل ما اسال حد يقول مش عارف او الكلام يكون متناقض وانا لسة هستنى لما يتطبق لا والله لازم نبين ليهم اننا مش هنسكت تانى على الضياع الى هما فيه ده احنا اعتصمنا من يومين فى مدرستنا ووعدونا اتحاد الطلاب مناقشة الكلام ده فى الجلسة الجاية مع الوزير والمفروض نشوف النتايج ايه بس لو مفيش جديد والله يبقى الاعتصام على نطاق اوسع من المدرسة هنروح قدام الوزارة نتظاهر

احنا اعتصمنا فى المدرسة على قرارات الوزارة ولازم كل طلاب اى مدرسة يعتصموا والله لو عملنا كده صوتنا يوصل اكتر الوزارة مش بتراعى اى ظروف يعنى هما مثلا علشان حطوا لينا نص منهج كيمياء وفيزياء واحياء ورياضة 2 وخلاص احنا كده فرحانين ماحنا عندنا مصيبة اسمها عربى ده لوحده ب3 مواد كبير ورخم وكمان فى انجليزى كامل واحصاء وجيلوجيا هو فى ايه احنا مش بشر وكمان مدرسة ده كده بيقضوا علينا هما مش عايزين حد يطلع كويس من البلد ديه ابدا ماهما يا يدرسوا القرار الاول كويس وبعد كده ينزلوا موجهين لمناقشته فى المدارس ونخليهم يعرفوا الطلاب هيعملوا ايه مش كل واحد بكلمة واحنا لينا حق الرفض او القبول ده مستقبلنا ومش هنسمح لحد انه يهد كل سنين التعليم ديه فى سنة محدش يعرف مصيرها ايه كل ما اسال حد يقول مش عارف او الكلام يكون متناقض وانا لسة هستنى لما يتطبق لا والله لازم نبين ليهم اننا مش هنسكت تانى على الضياع الى هما فيه ده احنا اعتصمنا من يومين فى مدرستنا ووعدونا اتحاد الطلاب مناقشة الكلام ده فى الجلسة الجاية مع الوزير والمفروض نشوف النتايج ايه بس لو مفيش جديد والله يبقى الاعتصام على نطاق اوسع من المدرسة هنروح قدام الوزارة نتظاهر
ياريت والله
بس فيه مدارس يعني طلابها مش عارفين يعني احنا عندنا ف مدرستنا محدش من المدرسين اعلن عن حاجة
انا بقول نعمل جروب عالفيس وكل واحد فينا يخلي اصحابه يشتركو و نحاول نوصل صوتنا

يبقى ساعتها مش هيدخل كليات القمة إلا اللي يستاهلوها وكدا احسن عشان البلد تنضف وكل واحد ياخد المكان اللي المفروض يبقى فيه

كتبت - ياســـمين بدوي

حصل "صدى البلد" على منشور "بعنوان هام جداً" أرسله الدكتور رضا مسعد رئيس قطاع التعليم العام بوزارة التربية والتعليم، إلى جميع المدارس التابعة لمديرية التربية والتعليم بمحافظة الجيزة، ينفي فيه تماماً صحة صدور نشرة رسمية تفيد بعزم الوزارة زيادة عدد المواد الأساسية التي تدرس لطلاب الثانوية العامة إلى 11 مادة دراسية من العام المقبل.

وأكد المنشور الصادر من مكتب رئيس قطاع التعليم العام أن هذه الأنباء لا أساس لها من الصحة، مشيراً إلى أن القرار الوزاري المنظم للدراسة والامتحان للصف الثالث الثانوي للعام المقبل مازال في علم الغيب ولم يتم الإعلان عنه حتى وقتنا هذا.

وأكد مسعد في منشوره أن الوزارة سوف تحقق في كيفية انتقال هذه الشائعات وتحاسب المتسبب في انتشارها بتحويله للشئون القانونية.

يذكر أن هذا المنشور الذي اصدره مسعد جاء رداً على النشرة المفبركة التي تم توزيعها على طلاب مدارس أم الابطال والهرم والسعيدية والملك الصالح، والتي أشاعت نية الوزارة زيادة أعداد المواد الاساسية للثانوية العامة إلى 11 مادة.

وفي الإطار نفسه نفى محمد السروجي المستشار الإعلامي لوزير التربية والتعليم في تصريحات لـ"صدى البلد" ما أشيع مؤخرا بشأن عزم الوزارة تطبيق نظام درجات أعمال السنة على طلاب الثانوية العامة من العام 2013/2014، مؤكداً أن هذا الكلام لم يتم طرحه للتنفيذ نهائياً من العام الدراسي المقبل.

وأكد السروجي أن الوزارة تدرس حالياً إمكانية عقد امتحانات المواد غير الأساسية التي لا تضاف للمجموع والمتمثلة في مواد "التربية الدينية وعلوم البيئة والتربية الوطنية والاقتصاد والإحصاء والجيولوجيا" خارج جدول الامتحانات، لتخفيف العبء عن الطلاب.

كويس جدا انى لقيت حد مهتم بالموضوع ده اخيرا
عموما موضوع ال11 مادة ده طلع مفبرك
بس حتى لو 7 مواد ده كتييييير جدا
طالب علمى رياضة هيعمل ايه بجيلوجيا !! ما كدة كدة غير مسموحله بدخول كلية العلوم لمجرد انه مدرسش مادة الاحياء !!
ولا طالب علمى علوم هيعمل ايه بالرياضة وهيدرس ايه فيها زيادة عن اللى درسه
عموما هى حالة تخبط ادارى غريبة جدا انا اللى مطمنى انهم ممعاهمش ميزانية يطبعوا كتب اصلا عشان يعملوا مناهج ويحطوا مواد ويعدلو فى الكتب او يزودوا العدد فربنا يستر
بس احنا لازم يكون لينا رد فعل على الموضوع ده لو هيتم زيادة عدد المواد زى ما بيقولو يبقى اكيد مش لازم نقبل بالامر الواقع احنا مش روبوتات متبرمجة ولازم يراعو ان من حق الطالب بردو يقوم بانشطة فنية وثقافية ورياضية ما احنا مش هنقعد 24 ساعة ع المذاكرة وف الاخر المجهود كله يضيع بامتحان تعجيزى ! ولا نسبة ةاعمال سنة وغياب وحضور
وموضوع الاعتصام جوا المدرسة ده معتقدش انه هيجيب نتيجة الاحسن نتجمع كلنا وفى وقفة قدام الوزارة نفسها

هو ايه يعنى الطب ياخد من 90 او حتى من 70
المشكلة ان الواحد اكيد مش هيلاقى وقت يذاكر اصلا
لما المدرسة تكون اجبارى و9 مواد اكيد هيتاخد فيهم دروس
غير كده من كتر المواد اكيد هتددخل فى بعض
لا بجد لازم تخفيف شوية
واكيد كل الطلاب موافقين مش ال دخل الموضوع بس

يبقى ساعتها مش هيدخل كليات القمة إلا اللي يستاهلوها وكدا احسن عشان البلد تنضف وكل واحد ياخد المكان اللي المفروض يبقى فيه

طيب يروحوا يلغوا نظام الكليات الخاصة الاول اللى الواحد يجيب 70% او اقل ويدخل طب علشان معاه فلوس وتقولى ان اللى حيدخل الكليات القمة هو اللى يستاهلها؟ 9 مواد اساسية كتير وده تدمير لمستقبل طالب استمر مايقارب 15 سنة تعليم . 5 مواد كانت بتخلى الطالب يشد فى شعره فكيف حيكون الحال ب9 مواد؟؟؟؟؟؟؟