http://1.bp.blogspot.com/-8k3k7zeyX10/TVwb_naIG-I/AAAAAAAAAVM/jKtrobkk4Vo/s400/180526_162409640475622_159239554125964_326224_3908 411_n.jpg



أنا الحاكم ومش ماشي
ومن غير ظلم راح أحكم
لإن بلادي تاج راسي

أكيد الغل قاتل ناس
وناس عايشه كدا وخلاص
وناس تعمل جباه تعبانه ..
تكتب علمها برصاص

أنا الشرعية دي نفسي
واخدها وفوقها أه كرسي
ومش شعرية حمضانه .. !!
وجبهة ناسها خربانه
تلف تلف وتدور ..
منين تبدأ تفرقنا

أنا مرسي ومش موسى ولا حمدين
أنا مرسي ومش مرسى هو الخاينين
أنا مرسي ومش هسمع نباح ألفين
بتقول كام .. نباح ملايين

أنا اللي إدوني عربية وخربانه
ماتور تعبان ومش بيدور
ومن برا ياناس تفرح ..
ولما أركبها .. وأدورها
دي مبتمشيش ..

قالولي لأ دي شغاله
وشوف قبلك ركبها كتير
قلت أشوفها من بره
وأتاري شكلها يفرح
دا من بره ..
ومن جوا كلاب صعرانه تنهشها

أنا النهضة إللى جوايا تجيب ملايين
أنا الفكر إللي يوصلي يعيش لسنين
أه والله يعيش لسنين

سيبوني أصلح العربية وأركبها
وأمشي برجلي في ترابها
أعمرها وأصلحها
وأحاكم حد خربها

سيبوني وبعدها نحكم
ما هي مش تكيتنا
ولا هي يا ناس بيتنا
دا هي مسكن الملايين

بعين العقل نتجمع ولا نخونش
ونجعل في الجبال وديان منعطش
نعمر أرضنا وتنجب وليه بنقول ميحصلش
انا قاعد ومش هسمع كلام غربان متفهمش

أنا كتبت شوية قول مش بلساني ..
دا بلسان الرئيس مرسي
أنا مسلم ومش إخوان ومبخفش
بحب الحق لو هسكن جبال القهر مبخفش

ولكن قبل ما أسيبك يا ريسنا ويا مرسي
سيبك أنت من الألقاب مبتدمش
هما كلمتين واقفين يا تتكلم يا إما يا عمنا تمشي
متتفرجش على الشبيحة ت***نا ..
متتفرجش على الحرامية تسرقنا ..
متتفرجش عاللي خان ولا حكمشي ..
يا تنطق زي ما عهدناك يا إماً تسيبا وتمشي
أنا تعبت من الفرجة على التلفاز ..
دا متدبح ودا بينزف وقاضي يقول ميحكمش
يا ريسنا بقولك إسمع الأحلام من اللي سابها مرجعشي
ومش هرجع طول ما الفقر بيظلل على الشجرة وضوء الشمس يتسرب ميوصلش
بقالي عقود قاعد في البرد نفسي أتدفى مبردش
يا تتكلم بقى وترتاح .. وترسم مجد للي بدمه رسم المجد وممتش
يا ترحل زي ما قبل حكمله يومين ومعرفش









كلمات / ضياء الدين سعيد


D-E.S.T

كلمات معبرة وبسيطه الاسلوب لكن رائعه المعانى
دمت مبدعا استاذ ضياء

فى حفظ الله

رائع يا استاذ ضياء

اجمـل شىء انه بيعبر عن الواقـع للاسف

اشعار حضرتكـ رائعه جدا جدا

تقبل مـرورى