https://encrypted-tbn2.gstatic.com/images?q=tbn:ANd9GcQx0CmcdFEGncC06lCuyG8OhrN5BKNEX NLbqjHLxCWtpfzdbyXkGg

خرج من دارة ولف الشال
جواه ثورة تهد جبال
راجل وللحمول شيال
رجع لبيته شهيد متشال

خرج وبيهتف الله اكبر
ناوى لبيبان الظلم يكسر
ولا عمرة خاف ولا مرة اتأخر
وسايبها لربه ورامى حموله

بيقول لنظام كان فارد سطوه
بدأنا فموتك اول خطوة
وبكل ما فينا من نخوة وقوة
حالفين انكوا لازم هتزولوا

ييقول انا ياما نمت جعان
وركبته فوقيا حرامى شيطان
وياما بيكوا بقيت متهان
وشايل كرهى العمر بطوله

رفع ايده وشايل يفطه
بيقول فيها إرحل وبحرقه
كفايه ذل كفايه سرقه
ده مرار جوانا ودق طبوله

طلقوا كلابهم بعد مأمروهم
اخلصوا منهم وإقـــتــلــوهـــم
احرقوا ثورتهم وادفنوهم
واختفوا بعدها ولا كلمه تقولوا

لا رجع بطلنا ولا حتى خاف
بعد ما لون الدم شاف
ولا بطل تكبير وهتاف
مع انه عارف هيوصلوله

مات وشفايفه عليها رسمه
رسمة ضحكة واحلا بسمه
وشهادته احلا نصيب وقسمه
بيتمناها العمر بطوله

خرج من دارة ولف الشال
جواه ثورة تهد جبال
راجل وللحمول شيال
رجع لبيته شهيد متشال

بـــــــــ ق ــــــ ل ـــــــ م ــــــــ ى ::::: MR:NoOoR

اخى الغالى اللى مش بيرد علنا ولا يسأل فينا

رغم اختلافى معاك فى هذه القصيدة فكريا

لكن احييك على الموهبة الشعرية

شكرا ليك يا عم الكبيير

سلمت يداك


تقبل مرورى

اخى الغالى اللى مش بيرد علنا ولا يسأل فينا

رغم اختلافى معاك فى هذه القصيدة فكريا

لكن احييك على الموهبة الشعرية

شكرا ليك يا عم الكبيير

سلمت يداك


تقبل مرورى




حبيبى ابو بسمله
انا مش بكون متواجد ديما والله
وانا عارف انى مقصر جدا معاك
بس ديما انت احسن وبتحرجنى بذوقك


بس صحيح مختلف معايا فايه فالقصيدة
دى حاجه واقعية يعنى مفيهاش لا مبالغه
ولا كدب