السلام عليكم ورحمة الله وبركاتة

اهلا بكل معلمى اللغة الانجليزية

انا عندى استفسار ضرورى خبر تغيير مناهج اللغة الانجليزية وبعض مناهج المواد الاخرى لغالبية المراحل التعليمية صحيح ولا خطأ وهل دى مجرد اشاعة ؟

ولو خبر صحيح ياريت اللى يعرف اى معلومات يكتبهالنا هنا ونعتبر ان ده موضوع نبحث فيه اخبار موضوع المناهج اللى هتتغير ده فى حالة لو هتتغير فعلا زى ما تشرفتم حضرتكم وعملتم مع القصص الخاصة بالمرحلة الثانوية عند تغييرها فياريت نتابع الموضوع وياريت لو اى حد عنده اى جديد يبلغنا وجزاكم الله خير جميعا


اخوكم: محمد عبد العزيز

كغيره من المواضيع
التى يتخذ فيها قرارات بعيدا عن رأى المعلمين
و مصيرها - كالعادة - الفشل بإذن الله

متى يعبر المعلمون عن أنفسهم
و متى يكف أباطرة الوزارة عن التعدى على حقوقهم

معك حق استاذى الفاضل
فتغيير مناهج اللغه الانجليزيه ويقال انه سيكون شامل المراحل الثلاثة الابتدائية والاعدادية والثانوية
ولا يتم عمل مؤتمرات وابحاث عن عيوب المنهج ويكون العنصر الاساسى فيها المعلم وهو المتعامل الاول والاوحد مع المناهج ويلية الطالب ولكن للاسف كما تقول سيفشل

ياريت السادة المدرسين لو عندكم اى اخبار ياريت تفيدونا

يعنى حيعملو ايه يعنى فى المنهج ؟؟!! ولا حاجة طبعا
انا اهو وانتو اهو حتلاقيهم حيشيلولهم كام قاعدة ويحطو شوية كلمات وقطع وبخ على كده

نحن تعودنا على ان التغيير دائما للاسوأ
ولا حول ولا قوة الا بالله
ويارب يحيب ظننا ونلاقى حاجة كويسة

الله يحرقهم بجاز .. طيب لو هيغيروا حتي يغير سنه بسنه .. يعني اولي ابتدائي اولا .. وبعدين تانيه وهكذا .. مش كله مرة واحده ..
ازاي الطالب هيدرس حاجه في المرحلة اللي هو فيها ملهاش اساس قبل كده ؟؟
الله يخرب بيتهم

طول ما الفساد في مصر هيفضل الغموض هو سيد الموقف ....لأن (بعض) المسئوليين يؤمنون أن مثل هذه المعلومات لها ثمن لابد أن يجد من يدفعه أولا ليفوز بالسبق (ويلحق السوق) ....وعليه أعتقد أن مصر عمرها ما هتتعدل إلا لو حكمها أناس يحبونها بجد ...لا جمعية ولا جماعة ...لا حزب ولا حركة ... لا إئتلاف ولا أهل أو عشيرة.. وطبعا لو في واحد كده بجد (لن يصل للحكم أبدا) ....لذا هتفضل مصر كده من سيء إلى أسوأ ....وعليه فأنا أدعو الله إما أن يخفف هذا الألم النفسي من علينا ويبلينا ببلادة حتى نفقد الشعور والإحساس أو يقوم بحوله وقدرته على نزع حبها من قلوبنا ونبدأ في معاناة البحث عن وطن آخر .....لك الله يا شعب مصر!!!!!!!!!!!!!!!!!!!!!

ان الله مع الصابرين ، أبشروا بالخير ان شاء الله

السلام عليكم لو فى حد قدر يطلع على المنهج الجديد لاى صف ياريت يبلغنا مندوبين الكتب بيقولوا هتوصل السنة دى متاخرة بسبب التعديل

اولا انا ضد منهج time فى المرحلة الابتدائية خاصة الصف السادس بييجوا يكحلوها يقوموا يعموها تماما انا سميتة منهج الطعام الغربى الترم الاول كله فى المطعم ومفيش جرامر مباشر وتقيل على طلاب الريف والمدينة وملهوش هدف وكان بيدرس فى الماهج الخاصة حاجة كدة زى تحلية بعد الاكل يعنى مش اساسى المفروض الوزارة تراعى البيئة الطلابية فى المناهج وتعمل لكا مافظة منهج يتماشى مع ظروف البيئة
والله عن تجلربة انا من قرية اسمها دهمشا الطلاب لما بيتعرضوا لدرس زراعى او حرفى بيكونوا الطلاب فى مشاركة فعالة جدا
اما الاكلات الغربية ففى معلمين واولياء امور متعرفهاش بالعربى مثلا curry ,hot dog,وغيرها من كلمات

يا رب اللى جاى يكون افضل

https://lh3.googleusercontent.com/-0dTO5REv5g8/VaR2FjKI_PI/AAAAAAAAB2s/gAW_gCfsyo0/w506-h674/2015%2B-%2B1

منهج اولي اعدادي فقط الي في تغير وتقريبا اولي ثانويولكن الابتدائي كله نزل وانا عندي الملخصلت الجديده مفيش تعديل

منهج اولى اعدادى منزلش منه كتب خارجية يغنى ان شاء الله يكون هيتغير ويتم التعامل التدريجى مع هذه المرحلة التى تحتاج لقلة عدد الوحدات بدلا من 12 الموجودة حاليا واختيار مناهج جديدة تتناسب مع التغيرات والغاء الخطابات التى لم تعد موجودة أصلا واشياء اخرى