بجد بجد اول مره احس الاحساس ده
احساس غريب عجيب اول مره احسه
الاحساس بالضياع
بجد من غير مبالغه
مبدئيا انا احدي ضحايا مجزرة الفيزياء في الاربعاء الاسود
تخيلوا انا عندي اقتصاد يوم الاربع لسه مفتحتوش
يادوب ذاكرت فصلين احصاء و3 فصول احياء وغير كده عياط ونكد
حسيت اني خلصت امتحانات ومستنيه النتيجه
ماسكه الاله في ايدي وبحسب هدخل كلية ايه وهجيب كام مبقتش عارفه مصيري بعد البههدله اللي اتبهدلتها
بالله عليكم مش عايزه اسمع كلام مكرر
مش عايزه حد يدخل يقوللي انتي غلطانه ومينفعش اللي بتعمليه
كل ده مش جديد واتقاللي بدل المره الف
اتقاللي من والدتي اللي مش بتنام من خوفها عليا
اتقاللي من والدي اللي الضغط عالي عليه من ساعة المصيبه دي
اتقاللي من اصحابي اللي مصيبتهم اقل مني شويه
عايزه منكم حل
بصلي وبدعي ربنا يفك كربي
وبرده الحاله هي هي
مبقتش عارفه
اتمنيت الموت قبل لحظة النتيجه كتير حذروني اني ابقي كافره
اتمنيت اكمل باقي امتحاناتي علي خير ومش قادره
انا حاسه اني هنام ومش هقدر اقوم تاني
ياجماعه بجد انتو حاسين بيا
حاسين بالنار اللي جوايا
حاسين بحالة ماما وبابا
اللي امنيه حياتهم الوحيده انهم يشوفوني بحقق املي اللي هو ضاع خلاص
طب لو حاسين ايه رايكم اعمل ايه
في في ايدي حاجه وانا معملتهاش
مش عايزه حد يقسي عليا مش هتبقوا انتو والزمن عليا
بجد اللي هيرد عليا يقوللي الحل
وحتي اللي مش هيرد لانه مش فاضي او غيره
يدعيلي بظهر الغيب
يخفف من مصيبتي
انتو متخيلين لما اجي اجيب النتيجه والاقي نفسي جايبه 42 في الفيزياء او اقل
متخيلين لما الاقي نفسي مش لاقيه كليه ادخلها غير تجاره وانا طاحنه نفسي سنتين كاملين مش بنام غير والككتاب في ايدي والبيت كله تعبان معايا
سامحوني انا عارفه ان كلواحد فيه اللي مكفيه بس بجد سامحوني
ملقيتش غيركم اشكيله بعد ربنا
انتو اخواتي بجد وقفتو جنبي كتير في عز محنتي
وعارفه انكم مش هتخذلوني وهتدعولي
وفي النهايه بقولها من قلبي
حسبي الله ونعم الوكيل
في كل اللي كان السبب في حالتي دي
ابتداء من الوزير واللي حاط الامتحان والمدرسين اللي ادوا الامتحانات للطلبه وغيرهم كتير
اسيبكم في رعايه الله

بصى يا سندريلا لو كنتى انتى لوحدك اللى كدة كان ليكى حق انك تزعلى و تتنكدى لكن ديه مصر كلها كدة
و هما شكلهم زهقهم من 100% و 101% و كدة و عايزين ينزلوا التنسيق فجابوا الامتحانات بالطريقة ديه بس مش عليكى لوحدك لاء على مصر كلها فمتقلقيش ان شاء الله اكيد التنسيق هينزل جامد السنة ديه و بعدين تفاءلوا الخير تجدوه ممكن تلاقى نفسك جايبة درجة اعلى بكتير مما تتوقعى و ربنا معاكى و معانا ان شاء الله

اختى الحبيبه
صدقينى من يوم التفاضل وانا زعلانه جدا
وحاسه بيكم وكمان الفيزيا
وبدعى من قلبى ان ربنا يوفقكم
وانا لو مكانك فى الحقيقه هكمل للنهايه
وان شاء الله ربنا مش هيضيع تعبكم باذن الله
تحملوا واصبروا ان الله مع الصابرين

السلام عليكم ورحمة الله وبركاته
اختي العزيزة سندريلا
اولا : احبك انك تكوني هاديه ومرتاحه اكتر من كده
ثانيا : لا يضيع الله اجر من احسن عملا
ثالثا : ما عليك هو التركيز في الامتحانات القادمة فقط ونسيان الفيزياء
رابعا : فكر كويس جداااااااا انتي لا تعرفي ربك كتبلك ايه من الممكن ان تدخلي كلية انتي مش بتفكري فيها لكن الكلية ده تبقى سبب في نجاحك وتفوقك
وهقولك مكثال على ذلك الدتور العظيم احمد زويل (مثلي الاعلى ) كانت اسرته تريده ان يدخل كلية الطب لدرجة انهم وضعوا على غرفته لوحة وكتبوا عليها دكتور احمد ولكنه دخل كلية العلوم وتفوق فيها واصبح احد العلماء الاجلاء
فياريت تركزي في اللي جاي احسن اللي جاي يضيع كمان فارجوكي ركزي وانسي الفيزياء

سندريلا الحقيقية تمكنت من صنع المستحيل وليه انتى كمان متبقيش زيها : ازاى ؟ أقولك انا
الانسان القوى هو اللى بيصنع الكلية بتاعته مش الكلية هى اللى بتصنع الانسان : معنى كلامى انك لما تدخلى كليتك ايا كانت تقدرى تثبتى نفسك وتتفوقى وتحققى مجد ليك ولغيرك وعندك مثلا " أحمد زويل " مدخلشى طب ومع ذلك حقق مجده بأيده فى مجال كان بيحبه
العظماء مش مهم هم بيدخلوا كلية ايه ، المهم هم بيعملوا فيها ايه

توكلي على الله فهو على كل شئ قدير

انتى لازم تكونى اقوى من كدة وتحاولى تمسكى نفسك وتفكرى فى الجاى
وتحطى قدام عنيكى حاجة مهمة هى ان اهنا بشر مفيش فى ادينا غير اننا ناخد بالاسباب
والتوفيق وعدم التوفيق دة بتاع ربنا
وخليكى واثقة انك حتى لو مجبتيش المجموع الى انتى عوزاة ومدخلتيش الكلية الى بتحلمى بيها
ان دة هو الافضل ليكى من انك تدخلى الكلية الى انتى عوزاها وفى الاول والاخر هى دى ارادة ربنا ومحدش عارف الخير فين
خليكى واثقة فى ربنا اولا واكمانياتك ثانيا وفكرى ديما فى لسة فى ايدك ازاى تستغلية افضل استغلال
عشان متخسريش كل حاجة

:)بصى يا سندريلا :
انا مقدرش اقول اكتر من اللى كل الزملاء قالوهولك بس اللى اقدر اقولهولك:
تخيلى انك دخلتى الكلية اللى انتى كنتى بتتمنيها بس ربنا موفقيش فيها هيكون ايه حالك هل هتعدى تقولى هى دى الكلية اللى انا كنت عاوزة ادخلها
وتخيلى موقف تانى انك دخلتى اللى ربنا رايدلك تدخليه وانك تفوقتى فيها ونجحتى فيها هيكون ايه موقفك؟
انا كل اللى اقدر اقولهولك ان الغيب لا يعلمه الا الله
يعنى اللى ربنا رايدهولك خير هو اللى هيكون
يعنى البكاء او الصريخ او انك مبتزاكريش ده كله من الشيطان ده كده هيخليكى لاقدر الله متركزيش زبعدين ترجعى تندمى تانى واحنا مش عاوزين كده
انا زى اختك وانا كمان علمى علوم
يعنى فى نفس وضعك
انا مش عاوزاكى تعيطى تانى ياريت تخدى شعار ليكى : لا للبكاء لانه لا فائدة من البكاء على اللبن المسكوب
انتى ممكن تعيطى وتموتى من العياط
بس انا اللى اقدر اقولهولك
انك متعرفيش اللى بيحصل فى الورقة بتاعة الاجابة
انتى ممكن يكتبولك الصح غلط والغلط صح
عارفة يعنى ايه
يعنى تغيير مسار كلى
علشان كده انتى تدعى ربنا فقط وتصلى مش تعيطى
انا ليه واحدة صاحبتى كان نفسها تدخل طب وربنا موفقهاش
دخلت اقتصاد وعلوم سياسية وبعد شهرين لاقيتها بتقولى انا مبسوطة اوى من الكلية اللى انا فيها
انا لو كنت دخلت طب مكنتش همشى فيها

يعنى سيبيها على ربنا سيندريلا
وقولى لا للياس فكرى فى 105 درجة اللى جايين فكرى فيهم
فكرى انك تقفلى
وقولى ربنا يكرمنا كلنا
انا والله لما بدعى بدعيلنا كلنا
لكل اللى فى المنتدى ده والله اعلى واعلم

يا سيندريلا لا داعى للاكتأب ما دام الله قادر على كل شى كل ما عليكى فعله هو التوجه بالدعاء الى الله

ربنا معاكي انا مش لاقي اقول حاجة غير االي زمايلنا قالوها
و مصر كلها كده
و ربنا معانا كلنا

سندريلا خليكى اقوى من كده بجد

وده قدرنا ومكتوب وكل واحد هيشوفه

(قل مايصيبنا الا ما كتب الله لنا )

بصى انتى عملتى الى عليكى وذاكرتى والباقى على ربنا

وبعدين مش جايز الكليه الى انتى عايزه تخشيها ميكونش فيها خير لكى

محدش عارف الخير فين

وان شاء الله ربنا يوفقك ويوفقنا ونجيب مجموع باذن الله وتخشى الكليه الى انت عايزاها