علشان نكون منصفين فعلا في حيتان دروس وكل همهم الفلوس ومش مهم عندهم حالة الطالب المادية وكمان في مدرسين بيضغطوا علي طلبة الفصل علشان ياخدو عندهم درس ودول معدومي الضمير ومافيش مبرر للي بيعملوه ده ..ولكن مبدأ الدروس نفسه مبدأ صحيح ومش غلط ولا حاجة زي الوزير الهمام ده مابيقول الكلمتين اللي حافظهم عن الدروس الخصوصية ...حق الزيادة في العلم مكفول لكل طالب وبكل الوسائل الممكنة ليه ومنها انه ياخد درس مقابل أجر للمدرس يدفعها الطالب نفسه بديلا عن الحكومة ...موضوع الدروس ده موجود في كل الدول المتقدمة زي كوريا واليابان وبريطانيا بس مش بالشكل اللي عندنا هناك الدروس دي مقننة وليها اماكن ومواعيد مخصصه وفيها الطالب بيختار المعلم اللي يدرس له وده نظام التعليم الصحيح لان الطالب بيكون مقتنع بالمدرس ده ....وعلي فكرة ياوزير لولا الدروس لكان مستوي الطلبة في المدارس تحت الصفر بسبب انهيار التعليم والمدارس في مصر ...وبالتالي الدروس هنا ليست مرض وانما عرض لمرض وهو سوء أحوال التعليم في مصر ...وبالتالي ياوزير المفروض تشكر مدرسي الدروس لانهم هما اللي عاملين قيمة للتعليم في مصر ورافعين من مستوي التعليم لحد ماتصلحوا حال التعليم وتدو المعلم حقه ماديا ومعنويا زي الدول اللي بره بدل ماانت بتتحداه بالصورة دي وبتحاربه في اكل عيشه ..ولذلك فأنا أري أن تقنين الدروس هو الحل الأمثل لهذه المشكلة (حاجة كده زي الدكتور في العيادة أو المحامي في المكتب ) ووضع القوانين الضابطة لذلك كأن يمنع اعطاء الدروس لطلبة الفصل الذي يدرس له المعلم وعدم الطغيان في سعر الدروس ووضع تعريفة مناسبة ترضي المعلم وولي أمر الطالب .....هذه وجهة نظري والله أعلم

انت مصدق نفسك ولا ايه؟
دروس ايه اللى بتظبط التعليم ؟
اصحى وفكر في اللى بتقوله
الدروس وباء يجب القضاء عليه

انت مصدق نفسك ولا ايه؟
دروس ايه اللى بتظبط التعليم ؟
اصحى وفكر في اللى بتقوله
الدروس وباء يجب القضاء عليه
ده رأيك ودي وجهة نظري في الموضوع ممكن تكون انت صح بس انا بحاول الاقي حل وسط للمشكلة

كتب سيد جاد:
أعلن محمد السروجي المتحدث الرسمي لوزارة التربية والتعليم أن ما يتردد من شائعات وتسريبات بخصوص نظام الدراسة في الصف الثالث الثانوي العام القادم لا أساس له من الصحة.
قال ان القرار الوزاري المنظم للدراسة في الشهادة الثانوية بعد تحويلها الي نظام السنة الواحدة سوف يتضمن دراسة 6 مواد فقط في جميع أقسام وشعب الدراسة.
أوضح ان الطالب سواء كان في العلمي أو الأدبي سوف يؤدي الامتحان في نهاية العام في مواد اللغة العربية واللغة الأجنبية الأولي واللغة الأجنبية الثانية الي جانب مواد الفيزياء والكيمياء والأحياء للعلمي علوم. والفيزياء والكيمياء والرياضة "2" للعلمي رياضة والجغرافيا والتاريخ وعلم النفس والاجتماع "أو الفلسفة والمنطق" في الأدبي.
أشار الي انه تم استبعاد مواد الاقتصاد والإحصاء والجيولوجيا من مواد الامتحان في نهاية العام وسيتم الاكتفاء بهما كمادتين لا تضافان للمجموع واعتبارهما مواد نجاح ورسوب مع التربية الدينية والتربية الوطنية.
أوضح المهندس علي القزاز مستشار الوزير للتطوير ان القرار الوزاري الخاص بنظام الدراسة سوف يصدر خلال أسبوع علي الأكثر حيث دخل مرحلة الصياغة النهائية.. كان عدد من طلاب الصف الثاني الثانوي العام قد تجمعوا أمس أمام باب وزارة التربية والتعليم للاعتراض علي التسريبات التي تمت في الأونة الأخيرة.. وأشارت الي زيادة عدد مواد الدراسة في الشهادة الثانوية.