ساعى يوماتى على قوت يومه
رزقه قليل وكتيره همومه
وبيحمد ربه لغاية نومه
وبيدعيله نعمه يدوموا

بايس إيده وش وضهر
رغم الضيق ومرار الفقر
لا عمره لغيرة ظلم ولا ضر
وحابب كل خلق الله

فجر وأذن قام يتوضى
ونهاره مفتح زى الورده
وفنص نهاره راح يتغدا
وراح من تانى لتعبه شقاه

وشمس يومه خلاص بتغيب
وراح السوق علشان يجيب
عروسه لبنته اعز حبيب
اللى بينسا بيها الآه

بنى آدم كل آماله الستر
نفسه يزول من حلقه المر
وربه يبعد عنه الشر
هو واى حد معاه

عمره ما مد ايديه لحرام
مهما ضاقت بيه الأيام
عايش وسط ناسه إمام
طالب من ربه بس رضاه

لا يقبل يوم من حد الحسنه
ويرفع إيده ساعة المحنه
ويقول يارب الخير امنحنا
وربه بيبعتله دواه


ساعى يوماتى على قوت يومه
رزقه قليل وكتيره همومه
وبيحمد ربه لغاية نومه
وبيدعيله نعمه يدوموا


بـــقــلمى ::: MR::NoOoR

كلمات رائعـــــة

كلمات جميلة ومعبرة ومؤثرة

لقد شدني اسلوبك الرائـع عزيزي

اعجبتني كلماتك جداً
في انتظار جديدك دائماً
تقبل مروري

جميل بساطة الاداء وسهولة الفكرة التي تصل الي الاعماق

الاجمل والاروع هو مروركم بين كلماتى
دمتم بكل الخير