زمان وأنا صغير كنت أرسم صورتك يا مصر بالطباشير على الجدار .. وجنبك أرسم فارس راكب حصان وواقفة جنبه عروسة .. وشمس وقمر ونهار كلهم صورة واحدة .. ولما كبرت كنت أرسم صورتك ناصر وسد وعمدان كهربا منورة كل مكان .. ولما كبرت شوية رسمتك عسكرى رافع علم وعامل صوابعه ...سبعه مكنتش عارف المعنى أنها علامة النصر .. ساعتها لما شفت الفرح عرفت أننا أنتصرنا .. ولما كبرت شوية بقيت أرسم صورتك شخبطة على الجدران .. و أرسم ليلك سواد من غير قمر .. وف يوم لقتنى برسم علم وميدان وفرح .. وحشود بتنادى .. يسقط الرئيس و يسقط النظام .. ساعتها لقيت يا مصر قلبى بيرفرف فرح وكأنه مركب جناحات .. وكل فرح فيكى يا مصر يحسدوكى تلاقى فيه زغاريت وتلاقى فيه آهات .. بيقولو فتنة وكلام ومحاكمات .. نفسى ف يوم يا مصر أرسمك حالة حب بالكلمات .. بحبك بحبك بحبك .. مهما كان فيه آهات ...
.

اللهم احفظ بلدنا ووطننا العزيزة مصر

حبيبتس يا مصر
والله العظيم افيدكي بروحي
بحبك يا بلدي