ممكن بعد اذن حضراتكم ..معلمى طنطا ...اللى كان ناقصه عقد 2006 جابه منين وازاى .....ضرورى .

لان المنطقه عاوزاه علشان ورق ضم المده رجع علشانه وهى اصلا لم تعطه لنا اثناء التجديد ..وفى نفس الوقت مش عاوزين يفهمو انه مش معانا اصلا ...وفى نفس الوقت تنكر انه معاهم اصلا فما العمل ....اجيبه منييييييييييييييين

اطمن مفيش حد في منطقة الغربية استلم عقد 2006 ... كلنا استلمنا مباشرات عمل ودي اللي انت هاتقدمها ان شاء الله وهايخدوها علشان ما يتفضحوش لانهم المحافظة الوحيدة اللي ما عملتش عقود ل 2006

شكرا استاذ محمد ....حضرتك قدمت المباشره واخدوها منك ولا لسه .......شكرا جزيلا لحضرتك

حضرتك مسابقة 1/12/2006
يا ريت الاجابة لان العقد معى

مسابقه 2005 ومسابقه 12 سنه2006 المسابقتان ليس معهم العقد ...........انا من مسابقه 2006 وباشرت 10-1-2007

انا مسابقة 2005 ومعاي ناس في معهدي 2006 كلنا معانا المباشرة فقط ... ولو تفتكر احنا قدمنا الورق دا قبل كدة وكانوا طالبين صور العقود كلها وبعتنا مباشرة 2006 واخدوها ... ومعهدنا ان شاء الله هايقدم ورقه يوم الاحد القادم بالكتير لو فيه اي شيء هابغلك ان شاء الله...

طيب انا هاقولكم حاجه والحمد لله قمت بها وحدثت معي
لما جالي جواب الضم جالي ب 9/2007 وانا مباشر 9/2006 قالي موظف التسويات روح التعينات روحت لاقيت قرار التثبيت بتاعي في 2007 اي ان الخطا في قرار التثبيت وبناء عليه يعني ضايع عليا سنه بسبب الاهمال بتاع الموظفين انهم ما سلمناش اي عقد في 2006
روحت طنطا قالولي الدوسيهات بتاعتكم سافرت مصر طيب ايه العمل قلت اروح اعدلها من مصر


بالفعل قدمت طلب في المعهد مغزاه اني على راس العمل واني باشرت عملي في 2006 وان هناك خطا في ضم المده بناء على تاريخ قرار التثبيت وكاتب في الطلب بياناتي ورقم البطاقه وصور العقود من 2007 الى 2011 اخر عقد ورقم السجل ومرفق طيه 1- الافاده باعمل في 2006 ورقه صغيرة 2-صورة مباشرة العمل لاول مرة ويفضل ان تكون بالكربون 3-صورة من جواب ضم المده وروحت بيهم المنطقة ومضيتها من الموظف وبعدها شئون العاملين ثم مدير المنطقه او المدير المالي وبعدها الختم

وبعدها غبت من المعهد وروحت الصبح القاهرة ويصراحه ركبت القطر قلت عشان الطريق لو واقف ونزلت محطة شبرا الخيمة بعدها ركبت المتر الى العتبه نزلت لقيت عربيات سوزوكي صغيرة 7 راكب بتروح الحسين ركبت ودفعت 2 جنيه ونزلنل قبل ادارة شئون الازهر بالحسين

والحمد لله وصلت سال ولفيت المهم هتروح ع التعينات في الدور التاني للشيخ سيد راجل محترم
المهم هتقدمله الورق اللي معاك هيبص عليه وبعدين يقولك فين صورة اول عقد بتاع 2006 تقوله مش معايه يقولك من غير العقد هتروح عليك السنه طب والحل والعمل يقولك لازم صورة اول عقد المهم يقولك اقولك حاجه تقوله اتفضل يقول اطلع سلم الورق بتاعك في السكرتارية في الدور الرابع ويقولك اكتب عنوانك اللي انت عايش فيه تقوله ليه يقولك ممكن ارد عليك على عنوانك تقوله حاضر وسلاااااااام عليكم وعليكم السلام
مشكللللللللللللللللللللللللللللللللللللللللللللللل لللللللله
ساعتها ما اقولكوش اني خلاص اقعدت في نفسي اعيب على اهمال الموظفين في طنطا وكسلهم وكان عندي بصيص من الامل انه احتمال ضعيف لا يتعدي 20% ان السنه بتاعه 2006 تيجي
وللعلم لني كنت اروح اسال في كل مكتب وكل موظف اعمل ايه طب اسوي ايه والاجابه تلف تلف وترجع عند التعينات ولازم العقد او صورته بتاع 2006

وجاء الى مسمي بصيص من الامل من موظف في السكرتاريه ادعوله ان ربنا يكرمه (ااااامين)
قالي يا بني ما تنزل تدور على الدوسيه بتاعك في الملفات في الدور الاول المهم كنت قدمت الورق في السكرتاريه وبيديك ورقه برقم وبيسجلها عنده في الوارد

المهم نازل ومعايا اخر امل ان الاقي العقد في السجلات
ونزلت الدور الاول ودقات قلبي بدأت تتسارع حلاوة الروح يمكن
المهم دخلت الملفات وقلتله حكايتي قالي ثواني استنى الاخ فلان (مش فاكر اسمه قوي) المهم وانا طالع بره لقيت ارقام سجلاتنا وانا دوسيهي رابع سجل متقسمه كل 100 سجل مع بعض متربطين قلته هو حضرتك الاستاذ فلان قالي ايوة قلتله انا عايز اشوف بس العقد بتاع 2006 موجود وللا لاء قاللي بس لازم لو هتصور منه حاجه لازم موافقه كتابيه من الريس قلتله بس شوف لو فيه اجيب موافقه
وهنا تظهر الصاعقة..................
...............................

المفاجاة والحلم تحقق لقيت بدل العقد بتاع 2006 عدد ثلاث عقودات 2006 عقد شكله جميلورقته ابيض من اللي بعده المهم قاللي خدلك عقد موجودلك ثلاثة بصراحه ربنا كنت عايز اضرب اديا في جيبي واديله تعبه مش رشوة لكن خفت انه يزعل قلتله طب اتفضل الشيكولاتايه دي قالي لا شكرا وبالفعل رفض وقالي ان ده شغله بجد بجد راجل محترم جدا جدا جدا وعن صدق ودعيتله وانتم كمان ادعوله ان ربنا سخر ناس لقضاء حوائج ناس
((( خللي بالكم اللي يروح مش يعمل زي ما عملت هي جات معايا كده لكن الاجراء الرسمي انك تجيب ورقه من الريس وهكذا)))

المهم اخذت العقد الاصل وصورته 5 نسخ وش وظهر ب 2.5جنيه
وبعدين روحت للشيخ سيد تاني ومعايا العقد الاصل والصورة قالي روح ارفق صورة من العقد مع الورق في السكرتارية وقاللي بالسلامه
قلتله كده خلاص قالي اه احنا هنرد للمنطقه كمان شهر وما زلت في الانتظار ولو اضطريت اني انزل مصر اجيب تعديل قرار التثبيت هانزل

ماحدش سالني وقاللي طب وضم المده عملت فيه ايه
اقوله خدت العقد وجريت على مكتب التسويات في الدور الثالث قاللي لازم قرار التثبيت انا ما ليييش دعوة بالعقد لازم قرار التثبيت قلتله لسه قاللي لما يطلعلك قرار تثبيت بيمضي عليه وكيل الازهر تخيبه وانا اعدلك العلاوات وسلام عليكم وعليكم السلام بعدها روحت صليت الظهر في مسجد الحسين رضي الله عنه وصليت ركعتين شكر لله على ما وفقني اليه

ومشيت روجت هذه رحلتي الى شئون العاملين بالحسين ارجو ان اكون اجبت عن تساؤلات الجميع وارجو من الجميع ان لا يتكاسل عن حقه وارجوا منكم الدعاء
والسلام عليكم ورحمة الله وبركاته

شكرا جزيلا لحضراتكم..........

ممكن من الاساتذه المحترمين من معه صوره القرار 7338بتاريخ 4-10-2011 وهى اول دفعه مثبته فى منطقه طنطا يرفعه ...وجزاكم الله خيرا