السلام عليكم

السادة الأفاضل أولياء الأمور

السادة المدرسين

الطلاب

هذا الموضوع موجه منكم لكل المسؤولين

بحيث تعرض مقترحاتك لكيفية حل المشاكل الحالية في الامتحانات


تخيل نفسك مكان الوزير

او اجعل نفسك كما انت ولي أمر

او كطالب

ما هي الحلول التي تستطيع فعلها لحل المشاكل التالية

1- صعوبة الامتحانات

2- تسريب الامتحانات

3- غش الامتحانات


الرجاء المشاركة من الجميع وفي اسرع وقت لنشر هذه الحلول والمقترحات بوسائل الاعلام المختلفة وقد يكون مقترحك هو الحل لكل الطلاب

والسلام عليكم

هعيد امتحانات الثانوية
زى دور تانى بس الددور التانى نص الدرجة لا الدرجة كامله

ودى غلطته من الاول

لو انا مكان الوزير أقدم استقالتى وف الحال لفشلى التام فى ادارة أهم المراحل التعليمية (الثانوية العامة بالكامل)

فهو لم يعلم حتى بمستوى الامتحان المقدم للطلاب كما راينا فى الفيزياء او التفاضل

ولم يستطع الحفاظ على سرية الامتحانات من اجل المساواة ف الظلم

طبعا لو انا وزير هعيد الأمتحان علشان الطالب الى مذاكر ده ملوش زمب فى المهزله الى حصلت بس طبعا بما انى مش الوزير فأنا رأي ان الوزير عمره ما هيعد امتحانات الثانوية العامة لأن معني انه يعيدها انه يجيب امتحان اسهل وبغض النظر عن كده معنى انه يعيد امتحانات انه مكتش قادر من الأول على تحمل المسؤليه فلازم يقدم الأستقاله

لو أنا الوزير..... اوقف كافة اللأمتحانات اول ما كان هناك شك مجرد شك فى التسرب....اعيد الأمتحانات باكملها شهر 7......انشر نماذج حقيقية لما سوف تكون علية الامتحانات من اول العام الدراسى لتهيئة الطلبة نفسيا و ذهنيا و ليس باستخدام اسلوب الصدمة.....وحسيى اللة و نعم الوكيل

انا لو مكانه اتلم فى بيتنا"سورى "
بس خلاص مش ينفع تتعاد لان اللى حصل فى التفاضل ترتب عليه الامتحانات اللى بعدها
يعنى لو هيعيد يبقى الامتحانات فى جميع المواد وده هيبقى حرام
لانه فين الوقت اللى هيديه للطلبه عشان تذاكر يعنى يعيد السنه كلها
افتكر انه يعترف بفشله ارحم ودى حاجه مستحيله



والله المستعان

انا من راي بردوا انه الوزير يقدم استقلته وفورا
وبعدين دي من اول مرة الامتحانات تتسرب
وبعدين اعادة الامتحانات دي صعبة اوي
وبعدين من كفاية التوتر ف المرة الاولي
كمان هنقضي شهر 7 توتر وبعدين بقي
مش هنشوف اجازة خالص ع كدة
وطول السنة نذاكر ونمتحن
من الاخر اللي ليه نصيب ف حاجة هيخدها مهما
يحصل واعادة الامتحانات مش هتغير حاجة من ادرنا
بس اللي مفروض نعملة هو ان وزير التعليم
يقدم استقلته ويسيب الفرصة للي يستحق

اولا على فكرة الموضوع غريب جدا
لان الوزير هو الى بيدى الاوامر بصعوية الامتحانات وليس يعنى هو بيصحى من النوم يلاقى الامتحان صعب
كان طبعا مفروض اى امتحان يعرض على لجنة من مؤلفى كتب الوزارة قبل ان يتم طباعته انما دة طبعا ولا بيحصل ولا بيحصل
والدليل امتحان 2006 فى العربى للمرحلتين
ثانيا التسريب مفروض ان اى امتحان يتسرب يتوقف فورا ويتعاد
واحب اقول ان امتحان الفيزياء ماتسربشى ولا حاجة
اما الغش فالمسئول الاول هو المعلم الفاشل الى بيسمح بكدة
فى امان الله

انا بقول انة يتنحى لأنة فاااااااااااااااااااااااااااااااااااشل

اولا . هقدم استقالتى فى الحااااااااااااااااااااااال.وكفايه الادعيه اللى الناس دعيتها عليا.
ثانيا.الغاء الثانوووووووووويه العامه بالكامل . بس مش هلغى الموقع هههههههه.
ثالثا.هخلى التعليم كله عشر سنين اول 3 سنين تمهيدى بعد كده الشغل الجد.
كمان اول مايعدى الطالب المرحله الرابعه يختار ياعلمى ياادبى
واخلى كل سنه يدرس جميع المواد العلميه وجميع المواد الادبيه.

لو كنت مكان الوزير؟؟؟
كنت هعيد الامتحان-------ليه
بالرغم من صعوبة الاعادة
ولكن حتى يكون فيه تكافؤ للفرص
ولن اعتمد على العينه العشوائيه(الوهميه)نظرا للتسرب
وكنت هغير كل المسؤلين عن الامتحانات

أقدم استقالتي :)

لازم استقيل لانى هاكون فى وضعين اسوأ من بعض ياما لما صرحت قبل الامتحان ان الامتحان لن يخرج عن مستوى الطالب المتوسط وان 15 % بس للطالب المتميز يا كنت ساعتها كذاب يا كنت جاهل ومش عارف اية مستوى الامتحانات الى اتحطت السنة دة

شر البلية مايضحك اكتفي بالصمت لان عتاب الندل اجتنابه

لو كنت مكان الوزير
من البدايه قبل ما يحصل اللى حصل
كان من الصواب الاطلاع على مستوى الامتحان
والتاكد من انه يقيس بالفعل قدرات الطلاب
ويكون بالاستعانه بخبراء تربويين يتسمون بالامانه والصدق

فى حاله صدور قرار ان تكون الامتحانات هذا العام موضوعيه
كان ينبغى ان يوجد دليل للتقويم يوزع على الطلاب
ويرد فيه نماذج للاسئله الموضوعيه
حتى امهد للطلاب الاسلوب الجديد للاسئله
حتى لا يصاب الطلاب بالصدمه نتيجه لتغير نظام الاسئله

والسؤال لو حدث تسريب للامتحان
ماذا افعل
الحل الوحيد هو اعاده الامتحانات
مع اعطاء كل طالب حقه
وتشديد الرقابه على لجان الامتحانات
والاهم من ذلك الاختيار الدقيق والصحيح لواضعى الامتحانات

أعطي الحرية لكل من يريد دخول الدور الثاني في مادتي التفاضل والتكامل والفيزياء كتحسين علي أن يحصل الطالب علي الدرجة الأعلي في الامتحانين

[quote=abo_rami9;517747]أعطي الحرية لكل من يريد دخول الدور الثاني في مادتي التفاضل والتكامل والفيزياء كتحسين علي أن يحصل الطالب علي الدرجة الأعلي في الامتحانين


انا بصراحه اوئيد ذالك ارى لان من الصعب اعادت الامتحان مره اخري


وفى حاجه انا قلتها قبل كده ان اللى بيحصل ده مضبر علشان يقللو التكدس الموجود فى الجامعات المصريه وخاصتا الكليات العليا بعد مكسبو القضيه الى رفعوها على التعليم الثانوى وهي الحكايه وضحه زي الشمس امتحنات العلمى معظمها جيه من مناهج الكليه زى التفاضل و التكامل و الفزياء .

العمليه دى مقصووووووووووووووووووووووووووده

أنا رأي لو أنا مكان الوزير .. أولا : عدم إعادة الامتحان .. وبعد التصحيح يتم معرفة نسبة النجاح في المواد الصعبة ثم يتم توزيع الأسئلة في هذه المواد - طبعا الأسئلة الصعبة .
ثانيا : بالنسبة للتسريب .. يتم التحقيق وكل طالب يثبت أنه اشترى الورقة أو ساعد في ترويجها يلغى امتحانه لمدة سنتين ثم يمتحن من جديد في العام الثالث ولو رسب يحول إلى مجال آخر من التعليم وهو التعليم الفني .
ثالثا : يتم فصل كل من ثبت تورطه في واقعة التسريب وحبسهم من 3 سنوات إلى 6 شهور مع غرامة مالية تقدر ب 20000 ( عشرون ألف جنيه مصري ) .
رابعا : النظر في نظام الثانوية العامة ووضع التقويم بنظام أكثر موضوعية يقيس كل مستويات التفكير لدة الطالب ( الفهم والتحليل والاستنتاج والربط وحل المشكلات .. وهكذا ) واستخدام التقنيات الحديثة في التقييم مثلا النظام الأمريكي .
رابعا إشراك المدرسين وأولياء الأمور والطلاب وخبراء التعليم بالإضافة إلى أساتذة كليات التربية في عمل مسابقة قومية في هيئة بحث يتم إعطاء جائزة قيمة عليه عن تطوير نظام الثانوية العامة ويكون البحث بشروط معينة ثم تقوم لجنة موضوعية من أساتذة كبار لدراسة أفضل وضع وتطبيقه لمدة أربع سنوات على الثانوية العامة ثم تقييم التجربة في حالة نجاحها أو التفكير في حلول أخري
خامسا : عمل دراسات مقارنة عن التعليم في الدول المتقدمة وكيف يكون التعليم في هذه الدول حتى نأخذ ما يفيد التعليم في بلدنا مصر .
سادسا زيادة ميزانية التعليم من موازنة الدولة والاهتمام بالأبنية والأنشطة والبحث التربوى وإنشاء معهد للبحوث التربوية بجانب كليات التربية ومعاهد الدراسات التربوية ..
تشجيع المتفوقين دراسيا وأخلاقيا بمنحهم درجات سلوك ومواظبة تكون مقننة وموضوعية من خلال ربط الغياب أولا بأول بشبكة الإنترنت وتسليم تقرير يومي عن الغياب بالمدارس وفصل الطالب المتغيب عن الدراسة المدة القانونية التي تحرمه من الامتحان لمدة عامين ..
ويتم ذلك من خلال المدرسة الإلكترونية وتعميمها على جميع المدارس أسي أنه يكون هناك لا مركزية في التعليم ( ومركزية في الرقابة والتفعيل ) من خلال الوزارة بالإستفادة من التكنولوجيا الحديثة والإنترنت .
سابعا : إلغاء فصول التلاميذ .. وجعلها فصول المواد كما في الدول المتقدمة فمثلا ما يكنش فيه فصل 3/1 ، 3/2 .. يكون فيه حجرة الكيمياء ومعملها ومدرسها المقيم بها وأمين المعمل . وكذلك العربي والإنجليزي .. وباقي المواد .
ولو عملنا كده ممكن نحل مشكلة الثانوية العامة وده طبعا ممكن بس بعد 5000 سنة .. لما الذمم تتصلح ,, مشكورين على سعة الصدر

اولا قرار وزاري يتم فتح باب التحسين في الدور الثاني في كل المواد هذا العام فقط
ثانيا يتم تنسيق جميع طلاب المنيا اقليميا
ثالثا اقالة الدكتور رضا ابو سريع من الوزارة
رابعا تقديم استقالتي كوزير للتعليم

ادى الفرصة للى عايز يعيد السنة حتى لو نجح فى المواد كلها و اللى عايز يدخل دور تانى بس ياخد الدرجة كاملة يعنى تحسين

لو انا مكانه هعمل نفس اللي بيعمله بالظبط:d

هقدم استقالتى

لان انا منفعش ابقى وزير

بسم الله الرحمن الرحيم:

اولا مينفعش نعيد الامتحانات في محافظة دون الاخري
ثانيا ممكن سيادة الوزير يلغي امتحانا الدور الاول ويخلي الناس كلها تدخل امتحانات الدور الثاني في مادة الفيزياء او كل المواد اللي حصل فيها غش "" من الاخر يعيد كل امتحانات الثانوية العامة ويخليها دور ثاني "" واللي يجيب ملاحق لا قدر الله يكون مجهز له امتاحانات بعد 15 يوم من انتهاء امتحانات الدور الثانى ويأخر تنسيق الكليات شوية ويكون التصحيح فورى

على الفور ققدم الاستقاله إذا كان رب البيت بالدف ضاربا

يا جماعه انا من راى يعمل اختبار قدرات بجانب المجموع

انا لو كنت مكان الزير كنت مليت نفسى ميا علشان الشعب يشرب منة زى مبنشرب كدة

بس بحد انا لو كنت مكانة اولآ اعادة الامتحانات متنفعش خالص لانه فات الاوان على ذالك وكمان لو الامتحانات اتعادت لازم يدفعوا لكل
طالب تعويض ودة مش هبحصل لانهم بياخدوا ومش بيدوا

ثانيآ حكاية تسريب الامتحانات دية من زمان لاننا مصريين والمصرى ميبقاش انسان الا بالمال ودة الى بيحصل فى كل حاجة مش دية بس

يعنى انا الصراحة لو كنت مكانة اقتل نفسى زى عبد الحكيم عامر كدة مع اننا عارفين انه مش هبحصل حاجة نهائيآ

وكمان مش هيتشال لان فى مصر لا يطير الوزراء لو الوزير هيتشال مش كان الاولى بكدة الخروف الكبير ؟؟؟؟ ( اسف اسف)

بس الصراحة اسرائيل عندهم عدل عننا احنا المصريين وليس المسلمين لاننا لا نستحق هذا اللقب

لو حد عندة تعقيب على كلامى يقول وانا اسف لو تطاولت بس اعمل اية حسبى الله ونعم الوكيل فية وفى الى حطة ؟؟

اقالة الدكتور رضا ابو سريع من الوزارة
فتح باب التحسين في الدور الثاني في كل المواد هذا العام فقط
للعلم لا يصلح اعاده امتحان المنيا فقط لانه لو ثبت فعلا غش طلاب المنيا فاذا كان القرار اعاده للمنيا فقط فهو استخفاف لانه وصول صوره من الامتحان المسرب الى ابعد منطقه فى العالم لايستغرق ثوانى وارحمونا وبطلوا استخفاف بعقولنا

السلام عليكم و رحمة الله ..

لو أنا مكان الوزير فى ..

1 - صعوبة الإمتحانات :

أصد قرار إلى المدرسي المصححين بتوزيع الدرجات على الإجابات السهلة و المتوسطة و مراعاة الطالب اللى إجابته تدل إنه فاهم بجد مش حافظ ..

و المفروض ان التنسيق السنة الجاى ينزل جدًا عشان كليات الهندسة و الطب متتقفلش ..

و واضع إمتحان الرياضيات 2 و واضع امتحان الفيزياء يتم عقابه و منعه من وضع إمتحان ثانوية عامة مرة أخرى ..


2 - تسريب الإمتحانات :

طبعا المحافظات اللى اتسربت فيها الامتحانات معروفة .. فالمفروض يقوم بتصحيح ورقهم لجان خاصة من المدرسين .. و اذا كانت الإجابات متشابهة لدرجة كبيرة ينقصوا عليها درجات - لكن ميتعدش الامتحان - او يدخلوا دور تانى ..


3 - الغش فى الامتحانات :

متهيألى الوزير ميقدرش يعمل حاجة فى الحكاية دى سوى انه يشدد على رئاس اللجان بمنع الغش تماما .. و معاقبتهم اذا ثبت انه غش الكثير من الطلاب فى لجانهم ..

دى إقتراحاتى .. ادعولنا بقى التنسيق ينزل السنة الجاية .. ده الأمل الفاضل لينا .. :rolleyes:


و شكرا ..

ســـ الله ــــلام ...

أنا رأي لو أنا مكان الوزير .. أولا : عدم إعادة الامتحان .. وبعد التصحيح يتم معرفة نسبة النجاح في المواد الصعبة ثم يتم توزيع الأسئلة في هذه المواد - طبعا الأسئلة الصعبة .
ثانيا : بالنسبة للتسريب .. يتم التحقيق وكل طالب يثبت أنه اشترى الورقة أو ساعد في ترويجها يلغى امتحانه لمدة سنتين ثم يمتحن من جديد في العام الثالث ولو رسب يحول إلى مجال آخر من التعليم وهو التعليم الفني .
ثالثا : يتم فصل كل من ثبت تورطه في واقعة التسريب وحبسهم من 3 سنوات إلى 6 شهور مع غرامة مالية تقدر ب 20000 ( عشرون ألف جنيه مصري ) .
رابعا : النظر في نظام الثانوية العامة ووضع التقويم بنظام أكثر موضوعية يقيس كل مستويات التفكير لدة الطالب ( الفهم والتحليل والاستنتاج والربط وحل المشكلات .. وهكذا ) واستخدام التقنيات الحديثة في التقييم مثلا النظام الأمريكي .
رابعا إشراك المدرسين وأولياء الأمور والطلاب وخبراء التعليم بالإضافة إلى أساتذة كليات التربية في عمل مسابقة قومية في هيئة بحث يتم إعطاء جائزة قيمة عليه عن تطوير نظام الثانوية العامة ويكون البحث بشروط معينة ثم تقوم لجنة موضوعية من أساتذة كبار لدراسة أفضل وضع وتطبيقه لمدة أربع سنوات على الثانوية العامة ثم تقييم التجربة في حالة نجاحها أو التفكير في حلول أخري
خامسا : عمل دراسات مقارنة عن التعليم في الدول المتقدمة وكيف يكون التعليم في هذه الدول حتى نأخذ ما يفيد التعليم في بلدنا مصر .
سادسا زيادة ميزانية التعليم من موازنة الدولة والاهتمام بالأبنية والأنشطة والبحث التربوى وإنشاء معهد للبحوث التربوية بجانب كليات التربية ومعاهد الدراسات التربوية ..
تشجيع المتفوقين دراسيا وأخلاقيا بمنحهم درجات سلوك ومواظبة تكون مقننة وموضوعية من خلال ربط الغياب أولا بأول بشبكة الإنترنت وتسليم تقرير يومي عن الغياب بالمدارس وفصل الطالب المتغيب عن الدراسة المدة القانونية التي تحرمه من الامتحان لمدة عامين ..
ويتم ذلك من خلال المدرسة الإلكترونية وتعميمها على جميع المدارس أسي أنه يكون هناك لا مركزية في التعليم ( ومركزية في الرقابة والتفعيل ) من خلال الوزارة بالإستفادة من التكنولوجيا الحديثة والإنترنت .
سابعا : إلغاء فصول التلاميذ .. وجعلها فصول المواد كما في الدول المتقدمة فمثلا ما يكنش فيه فصل 3/1 ، 3/2 .. يكون فيه حجرة الكيمياء ومعملها ومدرسها المقيم بها وأمين المعمل . وكذلك العربي والإنجليزي .. وباقي المواد .
ولو عملنا كده ممكن نحل مشكلة الثانوية العامة وده طبعا ممكن بس بعد 5000 سنة .. لما الذمم تتصلح ,, مشكورين على سعة الصدر

هو ده لينفع

يا جماعة حرااااااام هم مش عايزين حد ينجح علشان السنة الجاية متبقاش فاضيه لان طبعا مفيش تانية ثانوى السنه الجايه وبعدين الناس بتسقط فى الكليات فهما حبوا يسقطوا شوية فى الثانوية

أول شئ استقيل لاني فااااااااااااااااااااااشل بكل وضوح
ولو مش راضي اعترف بفشلي هاطبق النظام الامريكي في التعليم
وهامنع شئ اسمو التنسيق و هاخلي الامتحانات openbook :) و دخول الكليات يكون امتحان قدرات يعني الطالب عنده نت و مكتبة يجمع المعلومات و يتقدم للامتحان وطبعا الطلبة المتفوقين في هذا الامتحان يكونوا بمنحه
سلام عليكم

حسبى الله ونعم الوكيل

ماتهونش الا على الفقراء

أولاد الاكابر غش ولجان خاصة 0000 ثم وظيفة محترمة 000 ومركز مرموق

الفقراء فى مصر لهم الجحيم ولازم معاقبتهم علشان هم فقراء

ثم يأتى معالى الوزير ويكون سبب فى بكاء ألاف الامهات والاباء

لاتحزن اليوم من بكاء الناس الشكوى لغير الله مزلة وانى شخصيا اشتكى لله عز وجل وتذكرنى يوم القيامة حيث اننى اتظلمت منك وهناك الحزن الحقيقى ان شاء الله

[االوزير يستقيل ويريح نفسه ويريح الناس بلاش حرق دم

كنت استقيل

هنزل التنسيق زى ايام الالسبعينات كده
الواحد يدخل طب بـ60%
وهندسه بـ58%:d

بسم الله الرحمن الرحيم
لو انا كنت مكان وزير التعليم
اول حاجه اعيد الامتحانات
وبالنسبه للصعوبه اول حاجه لازم تاكد ان الي حيحطها ميكنش معقد نفسيا
وقبل ما نمحن بيه الطلبه نشوف المدرسين هتحله في اد ايه ونتاكد انة من كتاب المدرسه او من النماذج او امتحانات الموقع
ونغير مسار الورق لحد ما يوصل للجنه يعني مش رئيس اللجنه الي يستلمه يكون موجود مندوب للوزارة في كل لجنه يشرف علي الامتحانات فيها ويكون من ذوي الضمير طبعا

لوكنت وزيرا للتربية والتعليم لكنت وقفت امام كل المصريين واعلنت مسئوليتى الكاملة لما حدث وقدمت استقالتى وخضعت للاستجواب والمسائلة القانونية لما حدث ثم قدمت اعتزارى لكل الشرفاء م
ن ابناء هذا الوطن

معلش يا جماعة .... أنا هاخرج عن سياق الموضوع فأرجو إنكم ما تتضايقوش منى لكن لأنى مش قادر أعمل توبيك عشان الاستفسار ده فملقتش غير الطريقة دى و أنا آسف ...... مش هاطول أكتر من كده و السؤال هو :
هو أدنى مجموع للهندسة حسب تنسيق السنة اللى فاتت كام بالدرجات ؟

يا ريت لو حد محترم عارف الإجابة يفيدنى و جزاكم الله خيرآ

انا لو كنت مكاان الوزير...اول حاجة اعملها يا اقدم استقالتى يا اما ادى لكل طالب الدرجة النهائية نظرا لحالات الغش الجماعى والتسريب وال49 ورقة اللى اختفوا من الكنترول (واللى الله اعلم هما بتوع مين)
وانا مش عارفة بصراحة ازاى الوزير واللى حطوا الامتحان سامعين الدعا ده كله والسنة اللى بعدها تحصل نفس المهزلة بس اهم حاجة هعملها طبعا انى مظلمش حد:(
وربنا يستر

بسم الله ارحمن الرحيم لو اني كنت مكان الوزير كنت اخفض التنسيق جدا و اجعل كل كلية بإمتحان قدرات خاص بها حتى يدخل كل شخص المجال الذي يمكن ان ينجح فيه ويبدع فيه !!!!

أولا حكاية الوزير يستقيل مسحيل لسنا في إسرائيل
ثانيا الكرسي غال
ثالثا : الحل إيه
تشكيل لجنة أولا لمحاسبة الجميع بما فيهم واضعوا الامتحان
تشكيل لجنة من الخبراء العاملين بالتربية والتعليم وليست من الجامعة لأن الوزير فاقد الثقة في العاملين في التربية والتعليم
والدليل الاستعانة بأساتذة الجامعة لوضع الامتحانات ووضع امتحان للمدرسين للحصول على الكادر
رابعا الوقوف على مستوى كل امتحان
خامسا : ألخروج من هذه الأزمة إعطاء كل طالب في مادتي الفيزياء والتفاضل 20% فوق درجته الحقيقية وهذا العمل حدث في السعودية منذ سنوات ومرت الأمور على خير ( هذا مجرد رأي )

انا من راى التحسين هو الحل المناسب عشان احنا بجد تعبنا ( حسبنا الله و نعم الوكيل)

Fwvبصراحه لو انا مكانه اخاف على نفسى واقدم استقالتى واخليها للى يعرف يديرها بعد كده
بس المفروض فى الاول عقوبه لواضعين الامتحانات فوق مستوى الطالب واكيد طبعا للمسرب الامتحانات
والمفروض ان فى التصحيح بيبقه باين قوى الطالب الى كان متسرب ليه الامتحان او لا يبقه فى عداله فى التصحيح يعنى
وانزل امتحانات دور تانى بس على الدرجه كامله وتبقه اختيارى والطالب يطحطله الدرجه الاعلى
واهم حاجه انزل تنسيق الكليات بعد كده .

على فكرة انا طالب و رايي
لو كنت الوزير و شفت الناس اللى موتت نفسها. كنت انتحر ( او أجر حد يقتلنى) عشان عقاب الله هو الوحيد اللى هيكون عادل
لانه اعتقد انه حتى لو قضى كل يوم من حياته فى السجن ميخلصش اللى حصل لطلاب لسة فى اول العمر زهقوا من حياة بلا مستقبل فقرروا يسيبوها او ملايين ماتوا من الداخل و ان كانوا عايشين باجسامهم.
انا اسف يمكن التعبير صادم شوية لكن ده اللى انا حاسس بيه و ربنا يرحم ارواحهم و ارواحنا.

طبعا مش حأقول أقدم استقالتى لان بلدنا مفيش فيها مسئول بيفشل فى مسئوليته او يتسبب فى كارثة بيقدم استقالته
ولو ده حدث حنلاقى بلدنا لافيها وزير ولاحتى رئيس وزرا ولاحتى ريس
وطبعا واضح انه مش معقول ان واضعى الاسئلة اتصلوا ببعض وقالوا حنولعها السنة دى؟ لا طبعا دى اوامر جايز تكون من الوزير او غيره
ولانقاذ مايمكن إنقاذه
طبعا انا ولي أمر وأرفض ان الامتحانات تتعاد بالكامل ونرجع للمعاناة والدروس والفلوس وشدة الاعصاب وياصابت ياخابت وبعدها ندخل فى دوامة سنة تالتة ثانوى ده ظلم لنا ولاولادنا احنا كأننا حنعيد السنة من اولها
واحنا ماغلطناش طب نتعاقب العقوبة دى ليه
دى كلها شهر بنستريح من تعب المرحلة الاولى وبعدها بتبدا المرحلة الثانية
ومحدش يستحمل السنتين ورا بعض كده
واقتراحى تتعاد الامتحانات (التفاضل وحساب المثلثات) فى المنيا(طبعا حدث تسرب فيها ولازم يعاد لهم امتحان على نفس مستوى الامتحان الى فات
ثم بالنسبة للمواداللى ثبت صعوبتها الشديةزى التفاضل والانجليزى مرحلة اولى
والفيزيا والميكانيكا والتفاضل مرحلة ثانية
المواد دى يفتح بها باب التحسين للى عايز على ان تؤخذ بالنتيجة الاخيرة (النيجة بعد التحسين)حتى لايفتح الباب للى ناقص درجة ولانص درجة انه يحسن واهو مش خسران حاجة
وامتحانات التحسين مش لازم تكون سهلة لكن كمان متكونش معقدة ويدخلها الى عايز وهو نصيبه
ويارب يحفظ ولادنا ويوفقهم كلهم ويارب الكيميا بكرة تعدى على خير

ده اساسا ممكن يكون مؤامرة لتدمير الشباب ولوانامكان الوزير اجيب الناس اللي حطوا الامتحانات امام الجميع واعدمهم
الله ينتقم منهم

انا الوزير
والله انا احافظ علي اللي باقي من كرامتي ده لو عندي
واستقيل لاني فشلت في كل حاجة الامتحانات صعبة ومتسربة وولاد المسئولين ومش عارف ايه وده وده ومين وفين وبتاع ايه

بس مش انا المشكلة المشكلة اني ورثت الفشل في ادارة التعليم ده من اللي سبقوني يعني متدعوش عليا لوحدي انا مجرد حلقة من مسلسل فشل كبير في نظام التعليم في مصر

- بالنسبة لصعوبة الامتحان دي على الكل يعني نسبيا حتكون أفضل شوية فعلا
- بالنسبة لتسريب الامتحانات دي تقريبا محتاجه عقل أكبر من عقلي الصغنووووووون عليها لان عقلي(الصغنووووون) ببساطه مش كان متوقع ان الثانوية اللي بيتعملها الف حساب (البعبع) تنزل للمستوي المنحط ده _هزلت\.
- بالنسبة للغش دي حاجه اسباباها كتييير جدا ومن رايي الخطأ من الناس في حكاية الغش مش من النظام يعني المراقبين بيخافوا من الناس والطلبة وبكده طول مفيش قوه تحمي الحق والحكايه سبهلله وشوية حرس للجان شايلين شعاشيب يبقي العملية المؤاخذة (بوظـــة)

الاستقالة مفيش غيرها

اولا على فكرة الموضوع غريب جدا
لان الوزير هو الى بيدى الاوامر بصعوية الامتحانات وليس يعنى هو بيصحى من النوم يلاقى الامتحان صعب
كان طبعا مفروض اى امتحان يعرض على لجنة من مؤلفى كتب الوزارة قبل ان يتم طباعته انما دة طبعا ولا بيحصل ولا بيحصل
والدليل امتحان 2006 فى العربى للمرحلتين
ثانيا التسريب مفروض ان اى امتحان يتسرب يتوقف فورا ويتعاد
واحب اقول ان امتحان الفيزياء ماتسربشى ولا حاجة
اما الغش فالمسئول الاول هو المعلم الفاشل الى بيسمح بكدة
فى امان الله

هو ده الكلام الوزير ده عااااارف كل كبيييييييره وصغيره ومننساش كمان ان الامتحانات بتتسرب بردو لابناء المسئولين يعني فعلا مش بيصحى من النوم يلاقي الامتحان سبحان الله صعب ومتسرب

ومش هقول ربنا ياخده عشان كده يبقى ارتاح هقول ربنا يورينا فيه كل عبر الدنيا والاخره امييييييين يااااااارب

وحسبنا اللـــــــــــــــه ونعم الوكيـــــــــــــــل

انا ارى ان يقوم خبراء بتقييم الامتحانات الصعبة اللى اشتكوا منها الطلبة وتقدر نسبة الصعوبة ثم يقوم بضرب درجة الطالب × معامل التصحيح
مثلا الطالب الحاصل على 30 تضرب الدرجة × 4/3 فيحصل على 40 وكل طالب يحصل على 50 بعد الضرب او اكثر من 50 يحصل على الدرجة النهائية
ملحوظة : يحدد معامل الضرب والصعوبة رجال شرفاء من التربية والتعليم واكفاء وتربويين واختصصاصيين فى المادة

اةلا صعوبة الامتحانات هو السبب منها بدليل ان السنسن الفاتت جت سهلة ليه بقة السنادي متقثين علينا :: و لانهم بيخافوا يعملواا حاجة زي ديه الا من بعد الوزير يدي تعليمات :::: :::

مينفعش اعادة الامتحانت بسبب :: انهم لو عدوها في 8 التنسيق هيبقي في 9 و الاجازة ل 11 و الجامعات تبدأ 12 !!!!! مينفعش علشان كيده هيبوز سنة كاملة ::::::::::::::
هو ممكن في البلاد الحصل فيها شك :::::: يعيد امتحانات التسربت ::::
3-
غش الامتحانات ::: تعيين ناس تقف علي رئساء اللجان من الوزارة :::: و مراقبة :::

و اخيرا تقديم الاستقالة لفشله الزريع :::::::::::::::::::::::::::::::::::::::::::::::::: ::::::: او المفروض الحكومة المحروسة تقيله :::::::

استقيل قبل ان اقال.

هنزل التنسيق زى ايام الالسبعينات كده
الواحد يدخل طب بـ60%
وهندسه بـ58%:d
تمشيش هندسة 48 % علي قدي؟؟

لو أنا مكان الوزير
1- امتحان صعب عادى طلما على الكل
2-من خارج المنهج مفيش مانع طلما على الكل
3-تسريب امتحان لأ لأ لأ لأ للأنه ليس هناك أدنى عدل وسأقوم بالأتى:
1- الطلاب الحاصلين على درجات عالية يتم التأكد من هذ بمجهوده طبعا بمعرفة مين أهله اهل الغش
عمل اختبار لكل كلية للتأكد من صلاحيته أن يكون طالب بهذه الكلية

هاستقيل

وهقضي باقي عمري ف الاستغفار واني ادعي ان دعوالت الناس عليا متستاجبش لانها لو استجيبت هخش............................................... ......

من البداية أنا أتفرجت على برنامج تلفيزيونى و كان الوزير مستضاف في هذا البرنامج فسألوه ما رأيك فى صعوبة الأمتحانات فكان رد سيادة الوزير هو كالأتى:"أنا ماليش دعوة بصعوبة الأمتحانات حيث ان الأمتحانات تمر على لجان قبل تسليمها الى الطالب و كل حاجة سوف تتضح فى العينات ونحن نريد ان نحدث من منظومة التعليم " و انا عايز اقول لكم ان سيادته كرر سيرة العينات 100مرة . و انا اريد ان اعلق على كلام سيادته انا اعلم انه ليس له صلة بوضع الامتحانات ومن حقه التحديث في منظومة التعليم و لكن يجب ان ياتى هذا التحديث من الجذور للطلبة فلن يترك المدارس بدون طلاب من بداية شهر فبراير و ان يكن بها طلاب فلا يوجد اى شرح او اهتمام من المدرسين فالكلام الذي يقوله سيادته كلام غير منطقى و الدليل على صحة كلامي هو ان عينات التفاضل والتكامل جائت اكثر من 80% ناجحين و اكثر من 5% جايبين فوق الـ 90% مع ان كل الجمهورية امتلأت عيونها بالدموع .
و المهزلة الكبرى التى تؤكد عدم الوعى و اللامبلاه ان لجن التصحيح فى اسيوط بعد ان انهت تصحيح اوراق العينات و معظم اوراق الفيزياء على حسب نموذج الأجابة سمعت بانه يجب توزيع درجات سؤال معين.
و بالنسبة لظاهرة تسريب الأمتحانات الا تجد غريبا ان يشترك فى هذه الظاهرة كبار المسؤلين كنائب مجلس الشعب و بعض الظباط.
البعض او الكثير يقولون ان تصعيب الأمتحانات تشجيع للاستثمار فى مصر - الكليات الخاصة - و انا مع هذا الراى .
وانا عاذر الوزير لأنه ليس المسؤل مسئولية كاملة و في النهاية اقول الله يتولى الطلاب و فلوس اولياء الامر و يتولانى و بتولانا جميعا .
ط

:eek:

بسم الله الرحمن الرحيم
لو انا مكان الدكتور يسرى الجمل هاعمل الاتى اذا ثبت من تحقيقات النيابه انه حدث تسريب للأسئله

اولا : كل من ثبت انه تورط فى واقعة التسريب يتم الغاء امتحانه هذه السنه ويدخل الامتحان العام المقبل مع عقد لجان خاصه لهؤلاء الطلاب فى العام القادم

ثانيا : اعادة الامتحان فى كل ماده حدث فيها تسريب فى الدور الثانى مع تأجيل دخول الكليات لمده شهرين عن الوقت المعهود للحصول على مده كافيه للتصحيح والتنسيق

ثالثا : التنبيه على الساده واضعى الاسئله الجديده بمراعاه ما حدث واحضار اسئله فى مستوى الطالب العادى

رابعا : تطبيق امتحانات القدرات فى الدخول للكليات هذه السنه كما هو كان مقترحا تطبيقه العام القادم وعدم الاعتماد على المجاميع فقط حتى تزول الرهبه من نفوس الطلاب عند امتحانهم فى الدور التانى

خامسا ان تعقد امتحانات القدرات بحضور مندوب من اليونسكو فى كل لجنه يتابع ما يحدث ويرسل تقرير يومى لذلك

سادسا : ان نراعى ضمائرنا جميعا ونتقى الله فيما لدينا من مسئوليات

والله الموفق


د. احمد المكى

انانا من رأي ان اللى حصل مش مقبول بكل الأحوال من اي شخص او مسؤول و بالتالى يجب اعادة الامتحانات مهما كلفت الدولة او تكبدت من خسائر لان اذا غلطنا ماشى بس مش كل الاخطاء اللى تتقبل كمان الاكثر ظلما و خطأ هو عدم تصحيح الخطأ و التمادى فيه كأن لم يكن و من الطبيعى ان الموضو ع بتاع التسريب ده هتترتب عليه ظلومات كتير و محدش بيرضى بالظلم و لو انا من وزير التربية و التعليم لازم الاول اصلح غلطى و اشوف مين اللى تسبب فيه مهما كان وضعه و اقدمه للمحاكمة و بعدكدة ابقي افكر في الاستقالة زى ماالكل بيقول او نعتبرها بعد تصحيح غلطة كبوة لجواد من جيادناو نسامحة بشرط وعد منه بعدم تكرار الغلط ده تانى و بالنسبة لصعوبة الامتحان انا شايف انه طالما ان الاسئلة من الكتاب المدرسى مهما كان محور فيها فده من حقه و اعذرونى ياجماعه بس ده رأيي و متنسوش ان الكليات بتاخد بالفرص و الاعداد اللى هم بيطلوبوها مهما نزلت المجاميع بدليل ان التنسيق بينزل في بعض سنين و بالتالى هم مش بيقللوا فرص دخول كليات القمة ولا حاجةو احنا ياجماعة علشان منخلطش الامور لازم نفرق بين كلمة انسان مسؤول و يجب ان يتعرض للمسائلة و بين مسؤول فاسد يجب ان يتعرض للمحاكمة

لو انا مكان الوزير استقيييييييييييييييييييييييييييييييييييييييييييييي ييييييييييل

لو كنت مكان سيادة الوزير
1 موضوع الأختبارات التعجيزية (خارج المنهج) يتم اضافه 20% على المجموع الحاصل عليه الطالب
2 وضع الأختيار للطالب بأعادة الأمتحان للمادة التعجزية ويحصل على المجموع الأكبر مع الحفاظ بمستوى الأختبار
يتم التنسيق مع الجامعات الخاصه بإلزامهم بتخفيض المصروفات 30% على الأقل لدفعة هذا العام وحتى التخرج
كل هذا للأختبارات التعجزية فقط اما بالنسبه لتسريب الأمتحان فيتم تصحيح الأوراق في المناطق المشكوك فيها ان الأمتحان تسرب في لجان خاصة ويلزم الطالب إعادة الأمتحان من يتأكدو انه غش وتحتها خط حتى لا يظلم احد ويكون التنسيق اقليمي لكل المحافظة
اما من سرب الأختبار فبالبلد قانون يطبق عليهم من قاضي عادل والحمد الله العالم كله يشهد بنزاهة القضاء المصري
اما انا اطرق امر استقالتي إلى السيد رئيس الوزراء لان بنفس القانون احاسب كأي مواطن
يارب يطبقوا اي فكره من هذه الأفكار
الله الموفق يوفقهم إلى ما في الصالح العام الموضوع مش سهل

مهو لو هيتعاد الامتحان يبقى هيتعاد فى كل مصر
علشان مفيش لجنه فى مصر مفهاش غش

وانا لو مكان الوزير هاستقيل ويشوفوا حد يعرف يعمل الى معملتوش
ودا الى ناقصنا فى مصر ( الاعتراف بالخطا )

لو كنت مكان سيادة الوزير
1 موضوع الأختبارات التعجيزية (خارج المنهج) يتم اضافه 20% على المجموع الحاصل عليه الطالب
2 وضع الأختيار للطالب بأعادة الأمتحان للمادة التعجزية ويحصل على المجموع الأكبر مع الحفاظ بمستوى الأختبار
يتم التنسيق مع الجامعات الخاصه بإلزامهم بتخفيض المصروفات 30% على الأقل لدفعة هذا العام وحتى التخرج
كل هذا للأختبارات التعجزية فقط اما بالنسبه لتسريب الأمتحان فيتم تصحيح الأوراق في المناطق المشكوك فيها ان الأمتحان تسرب في لجان خاصة ويلزم الطالب إعادة الأمتحان من يتأكدو انه غش وتحتها خط حتى لا يظلم احد ويكون التنسيق اقليمي لكل المحافظة
اما من سرب الأختبار فبالبلد قانون يطبق عليهم من قاضي عادل والحمد الله العالم كله يشهد بنزاهة القضاء المصري
اما انا اطرق امر استقالتي إلى السيد رئيس الوزراء لان بنفس القانون احاسب كأي مواطن
يارب يطبقوا اي فكره من هذه الأفكار
الله الموفق يوفقهم إلى ما في الصالح العام الموضوع مش سهل

لو كنت مكان سيادة الوزير
1 موضوع الأختبارات التعجيزية (خارج المنهج) يتم اضافه 20% على المجموع الحاصل عليه الطالب
2 وضع الأختيار للطالب بأعادة الأمتحان للمادة التعجزية ويحصل على المجموع الأكبر مع الحفاظ بمستوى الأختبار
يتم التنسيق مع الجامعات الخاصه بإلزامهم بتخفيض المصروفات 30% على الأقل لدفعة هذا العام وحتى التخرج
كل هذا للأختبارات التعجزية فقط اما بالنسبه لتسريب الأمتحان فيتم تصحيح الأوراق في المناطق المشكوك فيها ان الأمتحان تسرب في لجان خاصة ويلزم الطالب إعادة الأمتحان من يتأكدو انه غش وتحتها خط حتى لا يظلم احد ويكون التنسيق اقليمي لكل المحافظة
اما من سرب الأختبار فبالبلد قانون يطبق عليهم من قاضي عادل والحمد الله العالم كله يشهد بنزاهة القضاء المصري
اما انا اطرق امر استقالتي إلى السيد رئيس الوزراء لان بنفس القانون احاسب كأي مواطن
يارب يطبقوا اي فكره من هذه الأفكار
الله الموفق يوفقهم إلى ما في الصالح العام الموضوع مش سهل

اسف رائي اتكرر اكثر من مره كان عندي عطل وفي الجهاز

بسم الله الرحمن الرخيم

اولا انا لو مكان وزير التعليم هعمل 4 حاجات

1- اعادة امتحانات التي تم تسريبها و هي ( عربي للمرحلتين - تفاضل للمرحلتين - انجليزي للمرحة الثانية - الفزياء )

2- هأدخول المدارس شهر حتي يحصل طلبة المرحلة الاولي علي اجازة و يستطيع طلااب المرحلة الثانية من اجارء امتحانات المستوي الي غيرو

3 - هطالب بزيادة مزانية التعليم الي 15 او 20 ضعف هل تعلموا اان ميزانية التعليم في مصر 0.3 في المية من الميزيانية

4 - هغير المناهج كلها و اغير نظام التعليم الثانوي

4 - هخلي مكتبي في عربيتي و اتنقل علي كل مدارس الجمهوريا و دون برنامج معين حتي اتأكدمن تنفيذ التعليمات

5 - هقلل عدد موظفين المكتب بتاعي هي مش تكاليف علي الفاضي
\
6 - هدور علي حل لمشكلة الدروس عن طريق 3 محاور الاول زيادة مرتب المدرسين 3 او 4 اضعاف

و الثاني القيام بدورات تمهيدية و تفصيلة و تطويرية لكلالمعلمين لمدة اسبوع في اجازة الصيف

ثالثا هطالب بزيادة الضرايب علي المدرسين الخصوصين و هشتغل مع امن الدولة لظبط اي مدرس خصوصي لا يعمل بما يرضي الله في مدرسته لو عمل بما يرضي الله في مدرسته يدي دروس براحته

6 - هحاول التقليل من نسبة المجموع في ثانوية عامة و لكن عن طريق زيادة فرص التفكير لاختيار العقول المميزة مش اعود الطلبه علي الحفظ و اجي في امتحان مدته ساعتين اقوله فكر

بسم الله الرحمن الرحيم تجاوزا عن الوزير او "الزير" الفاشل ممكن يطبق نظام التحسين السنة دى بس ويكون الميعاد فى الدور الثانى واللى عاوز يؤجل ممكن .وبعد كدة لازم استقيل لانى كدة حاجة من الاتنين اما كذاب لانى وعدت ان الامتحانات تكون فى مستوى الطالب المتوسط "ما عدا 15%"او اكون فاشل ومستهتر لانى حتى ماكلفتش نفسى اطل على نماج الاختبارات او اعرضها على خبراء .لكن اسيب زكرى كويسة قبل ما استقيل عشان حتى الناس تقلل من الدعاوى عليا.

المشكلة ليست فى صعوبة الامتحان او فى سهولتة فأى امتحان هو أمتحان يجيب المجتهد والعكس صحيح ومعظم اولياء الالامور تعدوا الخمسين عاما وخضعوا لامتحانات يومية وكان من يحصل على اعلى من 75% يعتبر فى عداد المتفوقين ولكن الان الجميع يريريدون الحصول على الدرجات النهائية ..... وسوف يحصل عليها الكثيرون. ولكن المشكلة الحقيقية التى تحتاج لوقفة حازمة جدا جدا هى ممشكلة المبدأ الميكيافيللى الشهير الغاية تبرر الوسيلة فالحاصل ان كثيرون يريدون اخذ حقوق غيرهم بوسائل غير مشروعة ومن هنا يجيجب محاكمة كل من يثبت تسريبه لامتحان وان يحتكم الجميع الى ضمائرهم اولا لان الضمير هو الباقى وان ضاع ضاع كل شىء وقلبى مع كل أب وأم وتلميذ وارجو التوفيق للجميع.

سبق وارسلت هذا الاقتراح لجريدة الأهرام وهو :



إن كنا حقا نريد لامتحانات الثانوية العامة أن تتم بمساواة وبدون تسريب وتعطى الطالب المجتهد حقه
فلابد أن نستعين بالتكنولوجيا المركزية للوزارة عن طريق بث الامتحانات قبل موعد الامتحان بربع ساعة وذلك للشبكات الداخلية للمدارس بحيث يقوم رئيس اللجنة وأخصائى من التطوير التكنولوجى باستقبال نموذج الأسئلة وطبعه بعدد الطلاب داخل حجرة الكنترول 00
أتمنى دراسة التجربة وممكن تجربتها كامتحان شهرى لتدريب المسئولين والطلاب عليها 0

هشام فتحى ـ مدرس بإدارة السنبلاوين التعليمية

مطلوب من كل المسئولين.

1- قرار بفتح نظام التحسين هذا العام للجميع فى أمتحان أغسطس.
2- الغاء جميع درجات أمتحان يونيو لجميع طلبة محافظة المنيا.
3- قرار بأن يكون مقر لجنة الأمتحان تبعاً لعنوانه الأصلى ( عنوان ولى الأمر والمثبوت فى بطاقة الرقم القومى )
4-وهذا هام جداً فتح التراخيص بمزاولة الدروس الخصوصية بشروط أهمها:
أ- أن يكون الأستاذ من رجال التربية والتعليم .
ب- فتح ملف ضريبى .
ج- أن يمر على الأستاذ 3سنوات خبرة .
5- نرسل رسالة الى السيد رئيس الوزراء والسيد رئيس الجمهورية بأن يكون السيد وزير التربية والتعليم من رجال التربية والتعليم بحيث يضع سياسة واضحة للتعليم .
6- تطبيق قانون نسبة الحضور فى المدرسة للدخول الى الأمتحان والذى ينص على يعتبر الطالب راسب كل من لم يحضر بسبة 85%من أيام السنة الدراسية.
7- التحقيق مع حسين كامل بهاء الدين فيما وصل اليه التعليم وأنحدار الأخلاق للطلبة فهو من شبه السادة المدرسين بالمافيا ( عصابات المخدرات )

أنا سأتكلم عن واقعة الغش فقط
ماذا افعل لو كنت الوزير
قرات في جريدة الأهرام اليوم ماياتي :-

في يونيو عام‏1960‏ ارتأي عامل بالمطبعة السرية لوزارة التربية والتعليم بحلوان أن يخدم جاره الطالب المتعثر في الثانوية العامة بأن يمنحه فرصة الاطلاع علي أسئلة الامتحان قبل موعده بأيام‏!,‏ وكان أن قام خلسة بطبع اسئلة امتحان كل مادة علي فانلته الداخلية قبل التخلص من لوح الطباعة‏,‏ ثم قدم مجموعة الفانلات الي جاره وعليها امتحانات كل مواد الثانوية العامة كهدية للتلميذ الفاشل‏..‏ التلميذ الفاشل وهو زملكاوي الهوي رأي ان يشرك صديقه اللاعب المشهور في نادي الزمالك في هذه العطية‏,‏ وراحا معا بمساعدة اصدقاء يلتقون في كازينو علي النيل بحي شبرا لكي يتدارسوا الامتحانات المرتقبة ووضع الاجوبة النموذجية‏,‏ ومنهم من اهدي الاسئلة مجاملة لحبيبته أو زميلته‏..‏ وشاعت الاسئلة في الحي والمدينة‏,‏ إلا أن أحدا لم يتكسب من وراء هذه الفعلة كما أثبتت التحقيقات فيما بعد‏...‏ مع نهاية اليوم الاول للامتحان الرسمي وكان في اللغة العربية شعر المشرفون علي اللجان بأن هناك تسربا قد وقع‏,‏ وعلي الفور تحرك المسئولون بالوزارة لبحث الأمر حيث استطاع أحدهم الحصول علي أسئلة الامتحان التالي وكان في مادتي الجبر والهندسة وحساب المثلثات وتم اعلام وزير التربية
والتعليم بالامر وكان وقتها الدكتور أحمد نجيب هاشم‏.‏

الوزير الذي لم يكن بالطبع يعلم بالامتحان توجه في صباح اليوم التالي الي احدي اللجان وعند فتح المظاريف قارن بين الامتحان الفعلي والآخر الذي جري تسريبه فوجدهما متطابقين‏..‏ وهنا امسك بقلمه ليكتب تقريرا بالواقعة‏,‏ ثم كتب استقالته ورفعهما معا للرئيس جمال عبدالناصر‏.‏

الرئيس عبدالناصر قرأ التقرير ورفض الاستقالة وكلفه بمعالجة الأمر‏,‏ وكلف وزارة الداخلية بالتحري والقبض علي المتورطين‏.‏ علي الفور اصدر نجيب هاشم قرارا بإلغاء كل امتحان الثانوية العامة واعداد امتحان بديل وبمعرفة نفس واضعي الاسئلة‏..‏ وعاشت مصر ووزارة التعليم‏15‏ يوما عصيبة الي أن أنجزت الشرطة عملها وتمكنت من الوصول للفاعلين‏..‏ في المحكمة جري معاقبة المطبعجي بالسجن‏7‏ سنوات مع الشغل‏.‏

المثير أن اللاعب المشهور نجح بعد ذلك بمساعدة رجال المشير عامر في أن يلتحق بكلية الضباط الاحتياط ويصبح ضابطا بالجيش قبل ان يتم تسريحه في أعقاب نكسة‏67,‏ أما الطالب الفاشل فقد نجح في الالتحاق بكلية العلوم وتدرج في السلك الوظيفي الي أن اصبح نائبا لرئيس هيئة بالغة الاهمية ومستشارا للوزير الذي تتبعه هذه الهيئة؟‏!

هعمل حاجة لطيفة جدا هخلي الثانوية العامة سنة واحدة والناس اللي هتطبع الامتحانات هحبسهم بقى بأي طريقة بعد الطبع لحد ما الامتحانات تخلص خالص وهخلي نظام الدور الثاني القديم بما ان الثانوية العامة بقت سنة واحدة وهو ان الكل يدخل دور اول ودور ثاني يعني الطالب هيمتحن مرتين علشان ميبقاش له حجة والدرجة الاعلى هتتحسب لية وهخلي امتحانات للقبول للجامعات عليها حوالي 25% والثانوية يبقى عليها 75% للقبول بالكليات واهم حاجة هخلي مادة التربية الدينية داخلة في المجموع زي ما جميع الدول عاملة كدة ما عدا مصر،،،،،،،،،،،،،،،ارجو الانتباة هدا هو الحل الوحيد الدي سيرضي جميع الاطراف وسيحقق تكافؤ الفرص ومش لازم الوزير يستقيل خالص ابدا كل انسان بيغلط وهو ان شاء الله هيعدل النظام الفاشل دة وبسرعة بدليل الاجتماعات والمناقشات حول قضية الثانوية العامة

يارب تفلحوا .............................................

بسم الله الرحمن الرحيم
السلام عليكم و رحمة الله و بركاته
1- يستقيل أو يقال إن كان عند الرجل حياة
2- تعاد الامتحانات بأي وسيلة
3- يواجه الفساد داخل المؤسسة التعليمية بيد من حديد ويعلن ذلك في أسرع وقت
وأخيرا :
اتق الله يا د- يسري فآهات الملايين وشكاوى من فجعوا في أبنائهم ليس بينها وبين الله حجاب

كل الحصل ده بيحصل كل سنه ولكن الفساد له نهايه واشيد بشجاعه هذا الوزير على انه اعلنها بكل صراحه
مش ذى كل سنه يكتموا على الخبر

السلامو عليكم

اسف علي اي هرد مرة تانية بس ده للتوضيح

اولا اخي mgmas من الواضح من كلامك انك لم تكن بلجنة حدث بيها تسريب انا بقي كنت في لجنة فيها تسريب و كنت اقدر اجيب الامتحان من قبلها بيومين بس انا بخاف ربنا و تكون جزاتي ان ورقتي تتصحح في لجان خاصة

اخي انت لا تعرف ماذا يحدث باللجان الخاصة اللجنة الخاصة يعني لو مشغبطة شغبطة صغيرة نص درجة مبالك بقي 5 او 10 شغبطات بكام درجة ثانية لعلمك ليس انتم من ظلم اشد من وقع عليهم الظلم هم الطلبة الي خافوا ربنا و مخدوش الامتحانات لان الطلبة الي كان معاهم الامتحان كانوا بحرقولنا اللجان ازاي اقولك انا 1 - كان يكتب طول الامتحان بقلم رصاص علشان المراقب يتخانق فيه و ويضايقنا

2- كل الطلبة الي معاهم الامتحان و احان في وسط لجنة المثلثات كانو بيطبلوا و يغنوا و يهزروا و قلبوبنا اللجنة دربكة مع العلم اني انا في لجنة بها 22 طالب و لم يكن سوي انا و 3 طلاب اصحاب معناش الامتحان يعني تخيل 18 واحد بيزيطوا و يهزروا جوا لجنة تفاضل و مثلثاات الي الهفوة فيها مبتترجعش

ثالثا بقي و ليس اخير اعادة امتحان المثلثات افضل للجميع و العربي ايضا لضايع مبدأ تكافؤ الفرص و و الله العظيم لو نقصت درجة ظلم بسسب تصحيح ورقتي في لجنة خاصة سجاهد من اجل الحصول عليها و لو ختها بعد كام سنة و علي فكرة انتم شباب و طلاب المحافظات التانية مش حاسين بالي احنا فيه و بالقهر الي انا فيها لان مثلا و انت في امتحان المثلثات و انا بمتحن و بحل في السؤال الثاني الي جنبي كان معاه الامتحان و الكلام ده الساعة 9.20 كان هو في السؤال الرابع ب و كان حافظ الخطوات تصور لما طالب ثانوية عامة سألني الجذر التربيعي تتكتب ازاي لو مكاني تعمل ايه مش ممكن تجيلك سكتة قلبية


في النهاية اخواني لا تحكموا علي مالم تري اعينكم و اني ارفع يدي لله ا ( ربي اني مسني الضر و انت ارحم الراحمين )

انا عمرى 61 كنت مدرسا للرياضات ثم مدير ثانوى ثم معاش
سبب الفساد والغش وتسريب الاسئلة وهى منتشرة من سنين هوتدخل الامن هل يعلم السيد الوزير ان امن الدولةيتدخلى فى اختيار رؤساء اللجان والمراقبين الاوائل
هل يعلم السيد الوزير ان امن الدولة يختار اناس معينين للجان معينة ويحدث ذلك من سنين عدة
ما دخل الامن فى الاختيار

المشكلة مش مشكلتنا لكنها مشكلته هو
وهو اكيد مش هيأخذ برأينا
ولو عايز رأينا بلاش علشان ممكن يزعلوه
ولكنى أتسأل مادام يوجد فى مصر أساتذة عبقرية فى وضع الامتحانات فلماذا لا يستغلون عقلهم هذا فى بناء هذة البلد بدلاًمن تدمير أبنائها وزرع اليأس والفشل فيهم لأسباب لا نعلمها نحن .................................................

انا لو مكان الوزير اعيد اخلى كل الطلاب يدخلوا الدور التانى فى جميع المواد فى مص كلها علشان يكون فية تعادل فى الفرص و حل مشكلة الصعوبة ان يكون واضع الامتحان مدرس بيمارس المهنة مش مستشار مش عارف اه الى بيدرس فى المدارس و يلتزم ايضا ب 15% للطالب المتميز مش للطالب المعقد

اولا بسم الله الرحمن الرحيم
انا مش عارف ليه كلكوا عايزين الوزير يقدم استقالتة اعتقد ان مش دة الحل
انا شايف ان الكليات تقلل درجات التنسيق يعنى الكلية اللى بتقبل من 85 تقبل من 80 كدة
واللى يقدم يختبروة لو كان جايب الدرجة بمجهودة خلاص اما لو اتسربله الامتحان مش هينجح فى الاختبار
تقبلوا مرورى
وشكرااااااااااا

احترم نفسى وأعلن فشلى واقدم استقالتى فورا اما الحكومة فعليها ان تقدم الوزير للمحاكمة بتهمة التسيب وعدم معرفته بأى شئ يجرى فى الوزارة اللى المفروض انه هو رئيسها ويتم تعين وزير جديد يلغى الامتحان بأكمله ويعيد المتحان فى شهر يوليو ومفيش حاجة اسمها ظلم للطالب الظلم حيبق للطالب الغشاش اما الطالب اللى طفح الدم طول السنة فى المذاكر ة فهو معلوماته ثابتة لأنه ذاكر بضمير مش علشان الامتحان وبس وبعدين لما نقول الطلبة حتذاكر امته ؟ امال هما كانوا بيعملو ايه طول السنة
واحب اعرفكم قبل الردود الحلوة بتاعتكم انا عندى ثانية ثانوى وثالثة ثانوى

انا لو من الوزير ابطل الابتسامه المستفزه بتاعته
و احس باولياء الامور اللي بيتقطعوا و بيتبهدلوا بسبب امتحانات ناس تعبانه نفسيا

و يرحم الطلبه اللي مفروض يكونوا ابناء لهذا الوزير

الحل لمشكله الثانويه العامه
اعاده الامتحان
و مستقبلا يتم عمل رقابه و معيار موحد للامتحانات يمشي عليه واضع الامتحان

موضوع اعادة الامتحان مش بالسهولة فالامتحانات عبء على الدولة وعبء على الاسرة قبل ماتكون عبئ على الطالب وبعدين مش معنى ان تسريب الامتحانات حصل في لجنة والا حتى في ادارة باكملها ان الامتحان يتعاد في كل الجمهورية .
علشان كده انا شايف ان ممكن الادارة اللى حصل فيها تسريب أن يلغى الامتحانات فيها بالكامل ويعاد كدور ثاني ومش المادة اللي اتسربت بس بل كل المواد لان اللى يقدر يسرب امتحان التفاضل يقدرب يسرب العربي والانجليزي وخلافه وممكن يكون الامتحان كله اتسرب ولم يكتشف الا مادة التفاضل .
أ أما بالنسبة لصعوبة الامتحان في التفاضل فانا من رأيي أن يكون اجابة الاسئلة الاختيارية هي الاجابة عن سؤالين فقط من أربعة وليس ثلاثة من اربعة وفي هذه الحالة يعاد توزيع الدرجات .
أما بالنسبة للوزير فانا لا القي أي لوم عليه فعندما صرح بأن الاسئلة من المنهج وفي مستوي الطالب المتوسط و....و..... فانه قد صرح بذلك نتيجة تعليمات قام سيادته باعطائها لواضعي الاسئلة وانه من حرصه على سرية الامتحانات لم يقم هو بالاطلاع عليها لانه كان مدرك ان تعليماته ستنفذ ويمكن استدراك ذلك في المستقبل بتشكيل لجنة تقوم بمراجعة الاسئلة قبل اعتمادها للتأكد من انها تناسب الطالب المتوسط .
ده رأيي ........

او مكان الوزير استقيـــــــــــــــــــــــــــــــــــــــــــــ ــــــــــــــــــــــــــــــــــــل

هنا مرضاش اصلا اكون وزير لان لو كنت وزير يبقى لازم انافق واتجبر على الشعب وما اسالش اللى على بتوع الحزب الوطنى فقط ولازم طبعا اقول تصريحات كتير ومش انفذها مثل 0الامتحانات مش هتيج من نماذج الوزارة لان بها اخطاء فنية 0وفى الاخر تيجى واطلع تصريح واقول ان الامتحانات ليست صعبة ومن المنهج 0وفى الاخر الطلبة فى الجمهورية كلها هم اللى مش بيذكروا 000وكمان الشعب كله هيدعى عليا ودعوة المظلوم مستجابة 00ولو فر ضنا انى وزير هستقيل حالا0بدل انا مش اد كلمتى وهاعزل ابو سريع لانى مش مرتحلو000واضم صوتى الى التحسين0000ام حوراء

لو أنا مكان الوزير كنت مطلعتش من بيتنا
وحقيقة يتحمل الوزير وزر كل دمعة تسربت من عين طالب أو طالبه(أو أباء وأمهات الطلبة والطالبات)
تخيل لو استجاب الله لدعوات الآلاف الذين قالو(حسبنا الله ونعم الوكيل)
معنى ذلك ان الوزير سيكون نصييبه من هذه الدعوات 100%من عقاب الله تعالى
وهى نفس النتيجة التى كان الطلبة والطالبات يأملون الحصول عليها فى الامتحانات
ثم..
الناس زعلانه ليه من الوزير؟
من حق الناس تزعل بجد لو الوزير حاسس بأحاسيسهم أو على درايه بمعاناتهم
الوزير ياخواننا بتخدمه سلطته ومنصبه
واحنا
بتخدمنا فلوسنا اللى بنطفح (الكوته ) عشان نوفرها لأولادنا
وييجى سيادته يهد اللى بنيناه فوق دماغ اللى خلفونا
احنا محتاجين وزير
فعلا
ولكن
مايكونش (متسلط) علينا
نفسنا ييجى يوم
ننسى فيه اننا
ولاد كلب
يأولاد الذوات
نفسنا نبطل كوسه
وناكل أى صنف مايشوهش صورة مصر
الأصناف كتيره
بس نعمل ايه ف نفس الناس الكبيره
اللى عايزه كده؟
حسبنا الله ونعم الوكيل
فى سيادة الزير
أقصد
فى سيادة الوزير

لو انا مكان الوزير كنت سبت كل حاجه و استقلت و مشيت و كنت هعترف انى مش نافع و اسيب كل حاجه و امشى

انا رايئ بعد الاحداث اللى مرت فى الثانوية العامة تعقد لجنة(كومسيون تعليمى)مثل الكومسيون الطبى
مكون من هيئة عسكرية حتى لا تكون هناك وساطة لاحد كا يحدث فى الالتحاق بالكليات العسكرية
ويؤدى طلاب هذا العام (ادبى وعلمى )اختبار شفوى امامهم وعلى ضوئها يتم تقرير مستوى الطالب فى احقيته للدرجة التى حصل عليها وليس اعادة الامتحان لانه من المستحيل اعادته لا للطلاب لانه مجهود على الدوله للملاحظين والمصححين (هيجيبوا منين )؟
الوزارة بتعمل جاهدة على تطبيق النظم الاوروبية فى التعليم المصرى
احنا مسمعناش و مقريناش على مهزلة من اللى احنا عايشينها فى التعليم الغربى
هما لا عايزين زويل ولا طه حسين ولا مجدى يعقوب ولا....................
هما عاوزين (الواد سيد الشغال)!!!!!!!!!!!!!
عاوزين جيل الشوارع
ياريت يتم امتحان شفوى من قيل لجنة عسكرية

وبعدين انتوا عارفين ايه اللى حصل فى لبنان لما اتسرب جزئية من سؤال؟؟؟؟؟؟؟؟؟؟؟
جزئية مش الامتحان ؟؟؟؟؟
فورا تدخل وزير التعليم وطالب باعادة الامتحان فى اليوم التالى مباشرة وتشكيل لجنة من المحققين لكشف الفاعل وراء هذا التسريب.....

صدق اللى قال:
هى ديه مصر يا عبلة:D

يايا جماعه اعادة الامتحانات مش فى مصلحة الطالب المذاكر كمان لالن اللى دارس علم نفس اكيد يعرف الكلام ده لان الطالب لما بيطلع من الامتحان بينسى كل حاجه وده مدفوع من داخله وهذا يسمى الكبت ومن اللى يقدر يتحمل ضغط الامتحانات والضغط
االعصبى تانى بس من نماحية الوزير المفروض يستقيل وندخل نظام الاحتراف ونشترى وزير من اوروبا يعرف يدير مننظومة التعليم صح

خ

الحل الامثل وعايز رأيكم :الوزير بالنسبه لسنه 3 ثانوى ادبى مفيش مشاكل
بالنسبه 3 علمى رياضه مشكلتهم فى الفيزياء والتفاضل
نوزع لهم درجات الامتحان على الاسئله الشائع اجابتها
ليه لانهم كده كده دخلين كليات وطبعا المستوى واحد لان المجاميع حتكون منخفضه اما عن
سنه 2ثانوى علمى مشكلتهم فى التفاضل والانجليزى وتسريب امتحانتهم
ممكن نعتبرهم كانهم فى نقل يعنى نعتبر السنه دى نقل ودرجات تتقسم على مواد 3 وبكده نبقى افدناهم والى غشى مستفدوش حاجه.........عايز ردود.................شكرا

احسن حاجة يعملها الوزير موجوده هنا فى المقال الرائع ده فى الاهراااااااام ::

2008 يونيو 29 ‏25 من جمادى الآخر 1429 هـ الأحد





كلمـــات جـــــريئــــة
يكـتبها ‏:‏ لبــيــب الســـبـاعي
..‏ ولماذا يستقيل ؟‏!‏

آخر ما كنت أتوقعه هو أن يكون السادة أعضاء مجلس الشعب الموقر علي هذا القدر من السذاجة بل والغفلة وأنهم لا يعرفون سلو بلدنا ولا يفهمون أهم مبادئ الوزراء بتوعنا وهو مبدأ أن الاستقالة رجس من عمل الشيطان‏!!‏

السادة النواب الموقرون أزعجتهم كارثة ـ بل كوارث ـ ما جري في الثانوية العامة وامتحاناتها هذا العام فشنوا هجوما عنيفا علي وزارة التربية والتعليم ووزيرها الدكتور يسري الجمل‏.‏

مفيش مانع‏..‏ إلي هنا ولا جديد فقد تكرر من قبل ولعشرات المرات توجيه النقد اللاذع لأي وزير ثم ينتهي هذا النقد بتوجيه الشكر لسيادته علي سعة صدره‏!‏

ولكن الجديد هذه المرة هو مطالبة الوزير بأن يستقيل‏..‏ وطبعا الوزير لم ولن يستقيل مع كل الاحترام لكل من يطالبه بذلك لأن الوزير المصري لا يعرف معني كلمة استقالة‏!‏

ونسأل السذج الذين يريدون من الوزير أن يستقيل من كرسي الوزارة الذي تربع عليه بدون مناسبة وبدون سابق خبرة بهذه الوزارة‏!!‏ ولماذا يستقيل سيادته؟ الدكتور الوزير الجمل من جانبه لا يري سببا واحدا للتفكير في الاستقالة‏..‏ إيه يعني إن امتحانات الثانوية العامة بجلالة قدرها وكل هيلمانها تسربت وأصبح الامتحان يباع في الشوارع بسعر عشرة جنيهات للمادة الواحدة‏!!‏

هل يبرر ذلك أن يفكر الوزير في الاستقالة ؟‏!‏ الإجابة بالتأكيد هي لا وأبدا‏!‏
هل يستقيل الوزير لأن مبدأ تكافؤ الفرص قد ضرب في مقتل بتسرب الامتحانات وتناقلها بين المحافظات بالفاكس ؟‏!‏ طبعا لا وأبدا‏!‏

هل يستقيل الوزير لأن امتحان الثانوية العامة أصبح أمام النيابة العامة وتورط بعض المسئولين في وزارته في فضيحة هذا التسرب؟‏!‏ بالطبع لا وأبدا‏!‏

هل يستقيل الوزير بعد اكتشاف أن الامتحانات كانت تتسرب بالفعل منذ عامين ـ وهما مدة ولايته لهذه الوزارة ـ وأن عشرات الطلاب حصلوا علي أسئلة الامتحان قبلها بفضل ما دفعوه من فلوس أو بفضل نفوذ آبائهم وأقاربهم؟‏!‏ طبعا لا وأبدا‏!‏

هل يستقيل الوزير لأن هناك لجانا خاصة تم ضبطها لأبناء المسئولين تحت سمع وبصر الوزارة؟ بالطبع لا وأبدا‏!‏

هل يستقيل الوزير لأن عشرات الآلاف من البيوت المصرية أمضت ليالي حزينة وكئيبة تبكي بالدموع بسبب أسئلة الامتحانات التعجيزية التي اتهم واضعوها من المسئولين بوزارته بأنهم مصابون بأمراض نفسية وعصبية تجعلهم يستمتعون بتعذيب الناس؟ طبعا لا وأبدا‏!!‏

هل يستقيل الوزير لأن الامتحانات التي تحدد مستقبل نحو مليون شاب مصري جاءت مليئة بالأخطاء الفنية التي لطموا خدودهم بسببها؟‏!‏ طبعا لا وأبدا‏!!‏

هل يستقيل الوزير لأن الفضيحة وقعت في أهم امتحان في مصر وهو امتحان الثانوية العامة؟ طبعا لا‏!‏

طيب‏..‏ هل يستقيل الوزير لأن فضيحة الثانوية العامة وقعت بكل هذا الحجم المفزع بعد أيام قليلة من انعقاد مؤتمر قومي خصص للثانوية العامة تحديدا؟‏!‏ طبعا لا وأبدا‏!‏ كل تلك أسباب خايبة وتافهة ولكن للأسف هناك من يتوهم بأن ما سبق سواء بعضه أو كله يستحق أن يستقيل السيد الوزير من تلقاء نفسه فإذا لم يفعل يمكن أن نطالبه بالاستقالة‏!‏

ما جري يا سادة كله مجرد قسمة ونصيب ولا يبرر إطلاقا أن يفكر السيد الوزير في الاستقالة خصوصا إذا كان لدي السيد الوزير رد وتبرير لكل كارثة من هذه الكوارث‏!!‏

فأما أن الامتحانات تسربت وكانت معروضة للبيع بأسعار معقولة فإن السيد الوزير ربنا يحفظه قاعدا علي كرسي الوزارة قال في مجلس الشعب أنه بمجرد أن عرف بحكاية تسرب الامتحانات حتي شعر بالغضب هو ومعه قيادات الوزارة‏!!‏

طيب بالذمة عايزين إيه أكثر من كده ؟‏!‏ سيادة الوزير شخصيا شعر بالغضب وطبعا عندما يشعر الوزير بالغضب لأبد أن تنتفض قيادات الوزارة هي الأخري من الغضب‏!!‏ خصوصا وأن السيد الوزير أكد أن تسرب الامتحانات يخرق ويهدم تكافؤ الفرص وأن التسرب يتم منذ عشرين عاما‏!!‏ وأنه كمان أصدر تعليماته ـ بعد تسرب الامتحانات ـ بتحريك‏44‏ قيادة من مكتب متابعة الوزير‏!!‏ حاجة آخر جمال ومنتهي الهمة السيد الوزير حرك‏44‏ قيادة من مكتب الوزير ذات نفسه إلي المنيا‏!!‏ ولا تسأل بعد أية يادلال؟‏!‏ بعد أن وقعت الفاس في الرأس‏!!‏

أما حكاية أن الأسئلة صعبة وبها أخطاء فنية فالسيد الوزير يملك الرد الحاسم والسلاح الذي يردع كل المشككين وهو السلاح الذي امتلكه كل وزير سابق لهذه الوزارة التي شاء قدرها التعيس أن يجلس علي كرسي الوزير بها قادم من الخارج من غير أبناء الوزارة‏..‏ هذا السلاح هو العينة العشوائية والتي ـ شـوف الصدف ـ تأتي دائما لتكذب الطلاب وتفضح مؤامراتهم علي الوزارة والوزير‏!!‏ فالطلاب الذين لطموا خدودهم وانهاروا ومعهم أولياء أمورهم بسبب امتحانات التفاضل والتكامل واللغة الإنجليزية انكشفت مؤامرتهم المشبوهة بفضل العينة العشوائية التي جاءت نتائجها تفضحهم وتؤكد أن الامتحان في منتهي السهولة وأن الإجابات في غاية الروعة وأن الطلاب وأهاليهم غاويين نكد لأنهم بعد المناحة والجنازة التي أقاموها بسبب هذه الامتحانات إذا بهم يحصلون في العينة العشوائية علي أعلي الدرجات‏!!‏ وهكذا انقلب السحر علي الساحر وانكشف الطلاب وأولياء أمورهم ومعهم نواب مجلس الشعب وجميع المواطنين المصريين الذين يطالبون باستقالة الوزير والحمد لله أن السيد الوزير لن يستقيل وسيواصل تحمل المسئولية والمواطن اللي مش عاجبه يشرب من البحر‏!!

g, gلو أنا مكان الوزير أقدم استقالتي ومتحركش من البيت لحد ما مللك الموت يأخد روحي

لو انا مكان الوزير ولا هعبر يعني ايه امتحان صعب دي ثانويه عاااامه مش ابتدائيه طبعا هو ده الصح
لازم الامتحانات تكون بالمستوي ده واعلي كمان .
بخصوص الغش فانا مع اعاده الامتحان في مصر كلها في المواد اللي حصل فيها الغش عشان ميقعش الظلم علي حد.

لو أنا مكان الوزير كنت استقلت لان غبائى هيكون ظهر أمام الكل و فشلى التام أو أطبق نظام التحسين القديم

افتكر ان المشاكل دية كلها ممكن تتحل لو مسك واحد تانى غير وزبرنا المبجل اللى ما يعرفش الالف من البة