طيب أنا دلوقتى نفسى جدا حد مشكور يجاوبنى على شوية الاسئلة دول .
أنا المفروض انى دبلومة اميركية و ان شاء داخل السنة الجاية كليه فكنت بفكر فى هندسة القاهرة الكريديت وانا عارف الفرق بين النظام العادى و الكريديت و كل دة .. بس المشكلة عندى انى عاوز ان شاء ادخل عمارة .. و سمعت انه قسم تقديره عالى و ان بيبقى فيه تنسيق داخلى و كدة فخايف مجبش تقديره .. فعاوز اعرف هل لو دخلت كريديت هتخصص عمارة من اول سنة و لو حتى فى اعدادى عام ف كريديت برده هل ممكن انا اختار القسم بتاعى ولا برده ف كريديت بيعملوا تنسيق داخلى و بياخدوا الاعلى ؟؟
انا نفسى جدا اعرف الموضوع دة عشان لو فى شك انى ممكن ملحقش عمارة ادخل فنون جميلة عمارة و اضمن انى ادرس عمارة من أول سنة و خلاص .. و شكراً مقدماً

ابه يا شباب محدش عنده معلومات .. طب محدش هنا فى كريديت اتكلم معاه ؟

أنا كريدت لو حابب ممكن أفهمك الموضوع ماشى ازاى. الموضوع معتمد على التنسيق بحيث ان كل قسم ميأخدش أكتر من عدد معين و لغاية السنة اللى فاتت أعلى قسم كان واخد 2.5 من 4 gpaاتصالات و عمارة تقريبا كان أى حد داخلها على حسب ما ناس أكبر منى قالولى السنة ديه اللى أنا المفروض أتخصص فيها لسة مش عارفين الدنيا هتمشى ازاى لأن الدفعة كبرت عن السنة اللى فاتت بقرب الضعف على ما أظن فالموضوع بيعتمد على كام و احد عايز القسم ده الدفعة بتاعتى كانت حوالى 420 حاجة زى كدة نفترض ان فيه 50 عاوزين عمارة هيخشوها من غير مشاكل لكن مثلا لو 100 عاوزين هيأخدوا مثلا 70 على حسب ما هما شايفين

اه يعنى برده الموضوع داخل فيه تنسيق
طب سؤال انا خايف جدا من حوار انى ملحقش عمارة لأنى فعلا عاوزه جدا .. فهل هو قسم صعب انى اجيب تقديره
و بالنسبة لمواد اعدادى بتكون بتتكلم عن ايه فى الفيزيا و الميكانيكا و الرياضة و هل هى فعلا صعبة ؟؟
و اهم حاجة تقولى هل كريديت ال 5 سنين فعلا ف الشيخ زايد و لا اول سنة بس ؟
و مصاريفها بتكون حوالى كام فى السنة ؟
انا اسألتى كتير بس معلش استحملنى بقى و خد فيا ثواب ؟

ممكن سؤال,انا لو عايزة أحول كريديت القاهرة بعد تانى سنة من كلية تانية هل ده ممكن؟