مشاهدة النسخة كاملة : مادة الكمبيوتر = بلاي استيشن


عبد القادر69
15-04-2013, 05:28 AM
على كل معلمي مادة الكمبيوتر تجهيز معامل الكمبيوتر بداية من العام القادم ليمارس فيها طلبة الصف الثالث الثانوي اللعب على الأجهزة... للأسف الشديد.

الهند وماليزيا وكوريا نهضت بعلوم الكمبيوتر فزاحمت أمريكا في صناعة البرمجيات والالكترونيات الدقيقة، ونحن نهوى بالمادة إلى درجة اللعب.

تستحق المادة كل هذه الإهانة لأنه لا يوجد من يدافع عنها ويحميها .. لا في الإدارة العامة للكمبيوتر التعليمي ولا في التوجيه.. إضافة إلى أن أهل القرار في الوزراة لا يدركون لها أي أهمية.

انصح كل معلم كمبيوتر بالمرحلة الثانوية بالتحويل لتدريس مادة أخرى أو العمل كإدراي فذلك أفضل ألف مرة.

medo2oo8
15-04-2013, 12:16 PM
الموضوع ده اثار غضب كثير من المعلمين وده دليل على ان القائمين على المادة من مستشارين غير جديرين بها للاسف لانهم ببساطة لا يعرفون اى جديد خاص بمجال الكمبيوتر و الانترنت ولابد ان يكون قائم على تلك الماده متخصصين فى جميع مجالات الكمبيوتر مش معلم والسلام

سعيد ابو الحاج
15-04-2013, 02:55 PM
يااستاذى الفاضل ازاى حضرتك تقولى ان احنا نحول لماده اخرى غير الحاسب الالى وهل دا حل من وجهة نظر حضرتك دا مش حل خالص طبعا وخصوصا ان الماده دى اصبحت خلاص جوانا وبنموت فيها وفى شغلها وبعدين مش عاوزين جوانا يأس من قرارات خاطئه من مسؤلين مش عارفين هم بيعملوا اى اصلا.
طيب متيجى حضرتك وانا ونجمع معانا ولو عدد بسيط جدا فى الاول وبعد كده انشاء الله هيزيد لما زملاءنا فى التخصص يعرفوا ونعمل وقفه امام ديوان عام الوزاره ونعرفهم برأينا ونصعد الموضوع للاعلام وللرأى العام لو مسمعوش لينا .
ويبقى كده انشاء الله اسمنا عملنا حاجه تخدم مادتنا بجد ولكل اولادنا من الاجيال القادمه

ismibra
16-04-2013, 07:22 PM
اخى العزيز عبد القادر اخبارك ايه
ارجوا ان تعلم ان هذه المادة مظلومة لان القائمين عليها من موجهين وكذلك مستشارين ليس لهم هم الا الكادر والبدلات وليس لهم فى المادة ولا اى شئ وكذلك نحن نحاول ان ندافع عن هذه المادة ولكن اتسعت الجبهة التى نحارب فيها ما بين مدرسين حاقدين وبين كمبيوتر تعليمى فى وادى ومستشارين فى وادى اخر ليس لنا الا الله وان نخلص فى حماية هذه المادة