RamXOoD
16-04-2013, 06:31 PM
بسم الله الرحمن الرحيم
السلام عليكم و رحمته و بركاته
كنت من فترة قريت ف ( اجتماعيات طالب ) ان في خبر ان هيبقى في تركيز ع الجزء النظري ف الرياضيات 2 خاصة الميكانيكا و لقيت جريدة الجمهورية برضو مهتمة بالنظري
ممكن اعرف اصلا ايه الجزء النظري المطلوب مننا بالله عليكم عشان من اول السنة ومخدناش نظري ف الدروس ؟؟
يعني ايه النظريات و البراهين و التعاريف المطلوبة مننا في الميكانيكا و الجبر و التفاضل و التكامل ؟ مش لازم تعرفلي التعريف بس اكتبي مثلا مقرر عليك تعريف الازدواج و انا هجيب التعريف من كتاب المدرسة
بالله عليكم بس الرد عشان ربنا يعلم انا حالتي عاملة ازاي بعد الخبر اللي قريته ده بعد ما كنت متطمن للرياضيات :)
El Hadaba
17-04-2013, 09:43 AM
بص انا في تانية ثانوي والسنة الجاية ان شاء الله علمي رياضة
فحابب اسألك ايه رايك في رياضة 2 عموما عشان في ناس قالتلي دي
ممتعة وناس قالتلي صعبة جدااا :)
حسن زيرو
17-04-2013, 04:28 PM
بص هما الاتنين عندهم هى ممتعة وصعبة ودا مش تناقض بالعكس متعة المادة فى صعوبتها دى المادة الوحيدة فى الثانوية العامة اللى بتخاطب العقل والفهم والتطبيق بتوسع وكل فرع امتع من التانى وصدقينى انت اكتر مادة هتحب تذاكرها هى الرياضة وعمرك ماهتزهق منها ملحوظة انا خلصت 3 كتب كاملين فى الرياضة 2
Muhammad Karim
18-04-2013, 06:02 PM
بسم الله الرحمن الرحيم
السلام عليكم و رحمته و بركاته
كنت من فترة قريت ف ( اجتماعيات طالب ) ان في خبر ان هيبقى في تركيز ع الجزء النظري ف الرياضيات 2 خاصة الميكانيكا و لقيت جريدة الجمهورية برضو مهتمة بالنظري
ممكن اعرف اصلا ايه الجزء النظري المطلوب مننا بالله عليكم عشان من اول السنة ومخدناش نظري ف الدروس ؟؟
يعني ايه النظريات و البراهين و التعاريف المطلوبة مننا في الميكانيكا و الجبر و التفاضل و التكامل ؟ مش لازم تعرفلي التعريف بس اكتبي مثلا مقرر عليك تعريف الازدواج و انا هجيب التعريف من كتاب المدرسة
بالله عليكم بس الرد عشان ربنا يعلم انا حالتي عاملة ازاي بعد الخبر اللي قريته ده بعد ما كنت متطمن للرياضيات :)
وعليكم السلام ورحمة الله وبركاتة
بص يا برنس هو سؤال نظري واحد الى ممكن يقابلك في امتحان الميكانيكا دا ان جة اصلا وعادةً السؤال دا معروف ومكرر في امتحانات سابقة زي "عرف القدرة "مثلا جة ف امتحان 2009 مش فاكر دور اول ولا تاني وف امتحان 2002 برضو كان في سؤال نظري "اذكر قانون نيوتن الاول" وهكذا .. سؤال سهل يعني ومضمون وعلية 3 درجات ومش شرط تحفظ التعريف ممكن تكتبلة القانون فقط وهتاخد الدرجة كاملة برضو.. اتمني يكون في سؤال زي كدا ..واعتقد دا خبر يفرح ;)
RamXOoD
18-04-2013, 06:37 PM
وعليكم السلام ورحمة الله وبركاتة
بص يا برنس هو سؤال نظري واحد الى ممكن يقابلك في امتحان الميكانيكا دا ان جة اصلا وعادةً السؤال دا معروف ومكرر في امتحانات سابقة زي "عرف القدرة "مثلا جة ف امتحان 2009 مش فاكر دور اول ولا تاني وف امتحان 2002 برضو كان في سؤال نظري "اذكر قانون نيوتن الاول" وهكذا .. سؤال سهل يعني ومضمون وعلية 3 درجات ومش شرط تحفظ التعريف ممكن تكتبلة القانون فقط وهتاخد الدرجة كاملة برضو.. اتمني يكون في سؤال زي كدا ..واعتقد دا خبر يفرح ;)
ما الحكاية دي انا فعلا شوفتها ف الامتحانات بس لقيت ف 86 نظرية ف الاستاتيكا و تعاريف ديناميكا قابلتني كتير
بس السنة دي منزلين قرار ان في جزء نظري كبير نظريات و تعاريف