كلنا عارفين ان العاملين في الازهر درجات والمشيخة هي اعلى الدرجات وبعدها قطاع المعاهد وبعدها المناطق وبعدها التفتيش وفي اخر القايمة المعاهد ونتيجة للواسطة والمحسوبية تقدر تتنقل لأي مكان من الاماكن العالية دي وكله بتمنه
اما الجديد فهو بقى ان رئيس الكنترول الاعدادي الاستاذ عبدالبديع طلع قرار يمنع فيه الاداريين وامناء المعامل ومدرسي الابتدائي من المشاركة في كنترول الاعدادية وطبعا ناس كتير هتفرح بالخبر ده عشان بقى في فرصه كبيرة للمدرسين يدخلو كنترول شهادة
لكن ما تفرحوش اوي
الاستاذ رضا المنياوي اداري بمنطقة جنوب القاهرة وداخل كنترول الاعدادية
الاستاذ ايهاب مدير تنسيق بمنطقة جنوب القاهرة وداخل كنترول الاعدادية
الاستاذ محمد حامد امين معمل واداري بمنطقة جنوب القاهرة وداخل كنترول الاعدادية
وغيرهم كتير من المحاسيب طب لامتى الفساد ده
لامتى عيلة ابو عريضة هتفضل تتحكم في الازهر عن طريق موسي ابوعريضة مدير الامتحانات اللي بيخلي اخوه حميد ابوعريضة دايما وكيل في الكنترول
وابن عمه بسيد ابو عريضه يدخل كنترول مع انه مش معاه غير ابتدائية
الفساد مالي لازهر عشان كده اللي عايزين شيخ الازهر يفضل لازم يراجعو نفسهم شوية بقى

نعم الظلم والفساد فى كل مكان فى الأزهر

الازهر كله يحتاج لغربلة بالكامل و خصوصا قطاع المعاهد

حسبنا الله ونعم الوكيل....لانملك سواها اللهم انصر عبادك المظلومين من عبادك الظالمين

لو الكلام ده صحيح يبقى ليهم حق انهم يثوروا على شيخ الازهر لان كلكم راع وكلكم مسئول عن رعيته وهو اول من سيحاسب يوم القيامة واول من سيسأل عن الفساد فى الازهر