بصراحة يمكن يكون ده اول موضوع ليا فى المنتدى مع انى مسجل من فترة وبتابع المنتدى ولكن جه ميعاد اول مشكلة حقيقة تواجهنى فى مستقبلى وهيترتب عليها حياتى بعد كده لاعجابى وثقتى فى المنتدى حبيت اعرض مشكلتى على اخواتى هنا وعلى اللى سبقونى فى المدمار ده المهم انا اسمى اسامة لسه فى تانية ثانوى وهيطبق علينا النظام الجديد سنة واحدة ومشكلتى تكمن انى مش قادر اخد قرار نهائى فى دخولى علمى علوم ولا علمى رياضة وارجع بعد كده اندم عليه خصوصا انه بالنسبة ليا ماتفرقش رياضة ولاعلوم لانى عودت نفسى منصغرى انى اكون من النوع اللى مش بيحب ولا بيكره خصوصا فى التعليم لانه شئ مفروض علينا وهو السبيل الوحيد انى ابقى انسان محترم ومتفوق وانا الحمدلله بجيب اعلى الدرجات على مدى المراحل التعليمية سواء الابتدائية والاعدادية وفى الاتنين جبت 97.5 % وكنت بطلع من اوائل مدرستى وادارتى الحمدلله ولكن كل ده مش مهم المهم النهاية وحسن الخاتمة لانه فى بلدنا مش بيهمهم حاجة غير دخل كليه ايه وجاب فى الثانوية كام والباقى متفرقش مع اننا لو بصينا شوية باهتمام هنعرف انه مفيش حد متفوق وهيتفوق الا لما يكون عنده اساس فى كل المواد ا اى شئ خلافها وده اللى احنا المفروض نهتم بيه فى السنين الاولى وغير كده انه عندى مشكلة تانية انه كل اصحابى داخلين علمى رياضة يعنى عشرة 11 سنة من اولى ابتدائى وهنفترق دلوقتى فديه مخليانى متردد اكتر يعنى انا اللى هبقى النجم فيهم واضحى غير كده عشان ابقى صريح مع نفسى رياضة 2 بالنسبة لى اسهل من الاحياء مع انه مينفعش مقارنة بينهم لاختلاف المحتوى بتاعهم بس مضطرين لعمل المقارنة ولكن فى نفس الوقت الكلام ده مش معناه انه انا وحش فى الاحياء لا الحمدلله الواحد كويس فيها وجبت فى اولى ثانوى وتانية ثانوى الترم الاول 19.5 من 20 مع انى المفروض اقفل بس عشان اعمال السنة وجبت مجموع كلى فى سنة اولى 287.5 من 300 والترم الاول السنادى 105 من 112 بس كل ده عشان اعمال السنة غير كده برده انا مش بذاكر مذاكرة ثانوية عامة بس بحاول برده احافظ على مستوايا ونظامى هى ديه مشاكلى واتمنى النصيحة من اخوتى هنا وانهم يساعدونى على اتخاذ القرار خصوصا انى خايف انى اجازف وادخل علوم وميحالفنيش التوفيق فى دخول الكلية اللى بتمنهاها ( طب اسنان او صيدلة ) وفى نفس الوقت يبقوا زمايلى مهندسين وانا كان ممكن بسهولة ابقى زيهم لانى شاطر فى الرياضة الحمدلله والتنسيق بتاعهم بيبقى حنين ويعد كده ابقى لاطولت عنب الشام ولا بلح اليمن بين قوسين بالمثل المصرى ابقى رقصت على السلم وللعلم اللى مخوفنى اكتر انهم فى البيت سايبينلى مطلق الحرية فى اللى اختاره وكل ماحاول اخد رايهم يقولولى اختار اللى انت عايزه انت مش هتنفعنا بحاجة انت اللى هتنفع نفسك واملهم فيا كبير وده مزود عليا المسئولية اكتر واكتر وخايف انى اخذل نفسى اولا واخذلهم ثانيا فارجووووووووووووووووكم ساعدونى ..................

ارجووووووووووووووووووووكم مستنى ردودكم بسرررررررررررعة مفيش وقت لازم اختار قبل نهاية السنة

بص مش هقلك انت بتحب ايه والكلام التقليدي ده لاننا في السن ده بنبقى مش عارفين حاجة ولا فاهمين حاجة في اي حاجة واكتر شئ التردد صدقني الحيرة دي شئ طبيعي والله طيب نفكر شوية الخيار الاول
انك تدخل علمي رياضة علشان اصحابك اللي داخلين طيب بعد ما تكبر وتشتغل حاجة انت داخلها عشان احابك هينفعوك ومتخليش الكلمة دي تأثر عليك وتقول لا انا هادخل علوم
ممكن تكون هتدخل رياضة علشان انت عايز تبقى مهندس مع ان الواحد عارف انك مش عارف في الوقت الحرج ده انت عايز ايه بالظبط
طيب منتا بقتول ممكن ادخل رياضة واجيب مجموع متوسط وادخل هندسة طيب مش ممكن متلحقش هندية على حاجة من عشرة لا قدر الله
طيب افرد دخلت علوم وملحقتش حاجة
انت عارف عيبنا اننا مش معترفين بمهن غير الدكتور او المهندس تفكرينا دايما بيوصلنا لكده عندنا كليات قمه وكليات قاع علشان كده عمرنا ما هنتقدم
مع ان الواحد ممكن يدخل حاسابات ويبقى عالم كمبيوتر زي مخترع الفيس بوك
وممكن يدخل علوم ويبقى عالم فضاء او نووي او ذره او ليزر
لكن احنا شايفين علمي علوم يعني طب ورياضة يعني هندسة غير كده مش معترفين بكليات
مع ان العقل بيقول غير كده
لكن مجتمعنا بيقولنا اللي هيدخل الكليات دي من الدرجة التانية هيبقى مستوى الاجتماعي والمادي صفر
ما علينا دوشت دماغك عايز المفيد صدقني انا عارفه انك بتحب الاتنين ولازم تعرف اني في فرق بين القدرات والميول
ممكن تكون بتحب الرياضيات علشان الشغل والذكاء واحاس انت بتفكر وعشقك للمادة الممتعة دي لكن ميولك انك تلبس البالطو الابيض وترفع الالم عن الناس بسببك وخاصة الغالبنين والاطفال وربنا يفتحها عليك وتعالجهم ببلاش ولو صيدلي تكتشف دوا لمرض نادر وتبقى انت السبب في رفع الالم عن الملايين
وممكن العكس تكون اه بتحب الاحياء ودراستها اللممتعة واوعى تسمع كلام اللي قولك دي حفظ اللي يقول على ماده علميه انها حفظ يبقى سوري مبيفهمش لان لولا انها اتفهمت من اللي اخترعها مكنتش وصلتلنا المعلومات دي لازم تفهما قبل ما تحفظها ما علينا لكن في نفس الوقت بتحب الشغل والابداع وتلبس لبس المندسين وتبقى مخرع او مصمم تصمم عمل انشائي العالم كله يقعد يتكلم عند لمائات السنين زي المعماري رجاء بن حيوه مصمم المسجد الاقصى
اقصد خليك في اللي بتحبه من ناحية الميول يعني لما تبقى دكتور مش هيقولك تعالى قولنا النبات بيعمل البناء الضوئي ايه ولا ايه وظيفة الجلد
ولا لما تبقى مهندس هيوللك تعالى حل المسألة دي
واوعى تسأل حد ادخل ايه كل واحد هيقولك على اللي بيحبه ومش حاسس بالحيرة اللي انت فيها وهيقعد يشكر في مجاله ويكرهك في المجال التاني اللي هو نفسه عمره ما جربه
سيبك من اصحابك محدش عارف اللي هيحصل مش يكمن هما نفسهم ميلحقوش هندسة ويمكن انت الوحيد اللي تبقى دكتور او العكس متحطش حد قدامك لانك هتتعب اوي ده غلبني ده هيبقى احسن مني ده هياثر عليك بالسلب وعمر ما كل الناس هتبقى دكاتره ومهندسين لازم المجاميع تختلف وتكبر وتصغر عشان الحياة تمشي ويبقى عندنا كل المهن وربنا خالق كل واحد ومهيئه لوظيفته
سيبها على الله لان الحالات دي عايز استخاره مرة و2 و10 لان ربنا وحده هو اللي عالم بالغيب وعسى ان تكرهو شيئا وهو خير لكم وعسى ان تحبو شيئا وهو شر لكم
ممكن تحارب عشان تبقى دكتور لكن ممكن يموت تحت ايديك مريض يسجنك او تصمم عمارة في حاجة غلط تقع على السكان تروح في داهية
وعلى فكرة اصحابك اللي انت عايز بقى تبقى معاهم على طول وفي الدروس وفي الجامعة ف ده نصيب تبقى معاهم سنتين وتدخل رغبة انت مش حببها علشانهم والله اعلم هتبقى معاهم العمر كله يعني الشغل بعد الكلية ولا لا اصل في ناس بتبقى شاطره في الثانوية وتبلط في الكلية فمدحش عارف المستقبل رايح بينا على فين وهو هيبقى مع مين
سامحوني على الرغي دكلو ربنا معاك ومعانا لكنا

بص مش هقلك انت بتحب ايه والكلام التقليدي ده لاننا في السن ده بنبقى مش عارفين حاجة ولا فاهمين حاجة في اي حاجة واكتر شئ التردد صدقني الحيرة دي شئ طبيعي والله طيب نفكر شوية الخيار الاول
انك تدخل علمي رياضة علشان اصحابك اللي داخلين طيب بعد ما تكبر وتشتغل حاجة انت داخلها عشان احابك هينفعوك ومتخليش الكلمة دي تأثر عليك وتقول لا انا هادخل علوم
ممكن تكون هتدخل رياضة علشان انت عايز تبقى مهندس مع ان الواحد عارف انك مش عارف في الوقت الحرج ده انت عايز ايه بالظبط
طيب منتا بقتول ممكن ادخل رياضة واجيب مجموع متوسط وادخل هندسة طيب مش ممكن متلحقش هندية على حاجة من عشرة لا قدر الله
طيب افرد دخلت علوم وملحقتش حاجة
انت عارف عيبنا اننا مش معترفين بمهن غير الدكتور او المهندس تفكرينا دايما بيوصلنا لكده عندنا كليات قمه وكليات قاع علشان كده عمرنا ما هنتقدم
مع ان الواحد ممكن يدخل حاسابات ويبقى عالم كمبيوتر زي مخترع الفيس بوك
وممكن يدخل علوم ويبقى عالم فضاء او نووي او ذره او ليزر
لكن احنا شايفين علمي علوم يعني طب ورياضة يعني هندسة غير كده مش معترفين بكليات
مع ان العقل بيقول غير كده
لكن مجتمعنا بيقولنا اللي هيدخل الكليات دي من الدرجة التانية هيبقى مستوى الاجتماعي والمادي صفر
ما علينا دوشت دماغك عايز المفيد صدقني انا عارفه انك بتحب الاتنين ولازم تعرف اني في فرق بين القدرات والميول
ممكن تكون بتحب الرياضيات علشان الشغل والذكاء واحاس انت بتفكر وعشقك للمادة الممتعة دي لكن ميولك انك تلبس البالطو الابيض وترفع الالم عن الناس بسببك وخاصة الغالبنين والاطفال وربنا يفتحها عليك وتعالجهم ببلاش ولو صيدلي تكتشف دوا لمرض نادر وتبقى انت السبب في رفع الالم عن الملايين
وممكن العكس تكون اه بتحب الاحياء ودراستها اللممتعة واوعى تسمع كلام اللي قولك دي حفظ اللي يقول على ماده علميه انها حفظ يبقى سوري مبيفهمش لان لولا انها اتفهمت من اللي اخترعها مكنتش وصلتلنا المعلومات دي لازم تفهما قبل ما تحفظها ما علينا لكن في نفس الوقت بتحب الشغل والابداع وتلبس لبس المندسين وتبقى مخرع او مصمم تصمم عمل انشائي العالم كله يقعد يتكلم عند لمائات السنين زي المعماري رجاء بن حيوه مصمم المسجد الاقصى
اقصد خليك في اللي بتحبه من ناحية الميول يعني لما تبقى دكتور مش هيقولك تعالى قولنا النبات بيعمل البناء الضوئي ايه ولا ايه وظيفة الجلد
ولا لما تبقى مهندس هيوللك تعالى حل المسألة دي
واوعى تسأل حد ادخل ايه كل واحد هيقولك على اللي بيحبه ومش حاسس بالحيرة اللي انت فيها وهيقعد يشكر في مجاله ويكرهك في المجال التاني اللي هو نفسه عمره ما جربه
سيبك من اصحابك محدش عارف اللي هيحصل مش يكمن هما نفسهم ميلحقوش هندسة ويمكن انت الوحيد اللي تبقى دكتور او العكس متحطش حد قدامك لانك هتتعب اوي ده غلبني ده هيبقى احسن مني ده هياثر عليك بالسلب وعمر ما كل الناس هتبقى دكاتره ومهندسين لازم المجاميع تختلف وتكبر وتصغر عشان الحياة تمشي ويبقى عندنا كل المهن وربنا خالق كل واحد ومهيئه لوظيفته
سيبها على الله لان الحالات دي عايز استخاره مرة و2 و10 لان ربنا وحده هو اللي عالم بالغيب وعسى ان تكرهو شيئا وهو خير لكم وعسى ان تحبو شيئا وهو شر لكم
ممكن تحارب عشان تبقى دكتور لكن ممكن يموت تحت ايديك مريض يسجنك او تصمم عمارة في حاجة غلط تقع على السكان تروح في داهية
وعلى فكرة اصحابك اللي انت عايز بقى تبقى معاهم على طول وفي الدروس وفي الجامعة ف ده نصيب تبقى معاهم سنتين وتدخل رغبة انت مش حببها علشانهم والله اعلم هتبقى معاهم العمر كله يعني الشغل بعد الكلية ولا لا اصل في ناس بتبقى شاطره في الثانوية وتبلط في الكلية فمدحش عارف المستقبل رايح بينا على فين وهو هيبقى مع مين
سامحوني على الرغي دكلو ربنا معاك ومعانا لكنا







بصراحة كلام حضرتك منطقى جدا وبيشجعنى اكتر انى اخد قرارى وحاسس برده ان حضرتك بتدينى دفعة انى اتوكل على الله وادخل علوم بغض النظر عن الاصحاب او ماشابه ولكن للعلم انا مش كاره هندسة لانها مش وحشة لكن مش شايف نفسى فيها بالرغم من انى معرفش عنها الكتير لكن مايمنعش انى ادخلها اذا كانت متاحة ومضمونة وانا عارف انه كله بتاع ربنا وقسمة ونصيب ولكن حاسس ان الوصول لهندسة اسهل من مشوار الطب بكتير مع انها هى هى نفس المذاكرة مش هتختلف كتير لكن اصعب شوية وبالنسبة لمسالة الشغل فديه حاجة يعلمها ربنا ومش شرط اشتغل مع اصدقائى والكلام ده لانه كله بيدور على حاله وبينسى نفسه ولكن المسالة تكمن انى صعبان عليا نفترق فى اخر المشوار كنا طول عمرنا بنتنافس مع بعض ونرخم على بعض جه دلوقتى وقت الاختلاف ان كل واحد ياخد طريق مختلف فده مخوفنى اكتر وغير كده هما بيتاحيلوا عليا انى ادخل معاهم وبصراحة بيقولولى ان علوم صعبة وده بيقلقنى ازيد خصوصا ان اخواتهم كانوا علوم ومحالفهومش التوفيق فى دخول الطب ودخلوا علوم مع ان مجموعهم ياهلهم لهندسة لو كانوا رياضة فمش عارف اتوكل على الله وادخل رياضة ولا اجازف وادخل علوم وعلى راى المثل عصفور فى اليد ولامليون على الشجرة الواحد محتاج اسباب منطقية اكتر واكتر وتشجيع برده فارجوكم ساعدونى .......................

مستنى ردودكم ضروررررررررررررررررررررى

بصراحه ميدو جمي (http://www.thanwya.com/vb/member.php?u=717647) بصراحه قال كل اللى عاوز اقوله
طبعاً شوف ايه المناسب لك ومكدبش عليك الاحياء معظمها حفظ انا مش بقلل منها لا سمح الله لكن يعنى لو انت فهمك كويس الرياضه سهله وكويسه وعايزه ممارسه وحل كتير مش اكتر لان انا عندى زميلى حاليا هو العبقرى الرياضه اللى فينا ما شاء الله لكن ملوش رأى واهله قالوله احياء وهو بيشتكى منها دلوقتى
فانت اللى تقدر تحدد انت عاوز ايه
بالنسبه لانك تبقى مع صحابك وكدا اكيد يعنى لو بتروحوا المدرسه كل يوم مع بعض وفى الدروس اكيد عندكوا مواد مشتركه مع بعض فعادى جدا
انا كنت مفكر زيك كدا لكن الامور بسيطه ومش هتلاقى مشاكل
المفروض الكلام دا تقوله اما تيجى تروح كليه
لكن يا سيدى فى حل بسيط بعمله انا وزمايلى احنا مثلا بنروح كذا درس مع بعض
بنيجى مثلا درس زى العربى بيكون متاخر شويه بعدها بنطلع نخرج ونتمشى شويه ونقضى ساعتين تلاته سوا كل اسبوع على كدا
صلى صلاة استخاره وحدد ومتقلقش نصيبك وهتاخده فيه انت تعرف ان فيه ناس بعد ما تخش طب او هندسه ممكن يحول لاى كليه ولو حتى تجاره الكليه عالم تانى خالص
فالافضل حتى لو جايب 100% وعاوز تخش تجاره , حقوق اى كليه كانت
توكل على الله ومتسمعش كلام حد
بصراحه بقى بالذات والديك هما صحيح بيخافوا عليك وعايزين مصلحتك لكن بيبصوا من ناحيه تانيه
انهم عايزين بالبلدى كدا يتمنظروا بيك قدام الناس متزعلش منى هى دى الحقيقه ل 90 % من والدينا
مش هقلك اكتر من كدا ومتقلقش خالص والله الثانويه سنه عاديه جداً
ذاكر ومتحملش هم اى حاجه فيه ناس والله تلاقيها مش بتذاكر ولا فى دماغها وتلاقيه جايب مجموع وواحد تانى تقول هيطلع الاول تلاقيه جايب مجموع مش كويس
فانت ان شاء الله صلى صلاة استخاره وحدد انت عاوز ايه ومتقلقش من اى حاجه

بالتوفيق للجميع ان شاء الله

بصراحه قال كل اللى عاوز اقوله
طبعاً شوف ايه المناسب لك ومكدبش عليك الاحياء معظمها حفظ انا مش بقلل منها لا سمح الله لكن يعنى لو انت فهمك كويس الرياضه سهله وكويسه وعايزه ممارسه وحل كتير مش اكتر لان انا عندى زميلى حاليا هو العبقرى الرياضه اللى فينا ما شاء الله لكن ملوش رأى واهله قالوله احياء وهو بيشتكى منها دلوقتى
فانت اللى تقدر تحدد انت عاوز ايه
بالنسبه لانك تبقى مع صحابك وكدا اكيد يعنى لو بتروحوا المدرسه كل يوم مع بعض وفى الدروس اكيد عندكوا مواد مشتركه مع بعض فعادى جدا
انا كنت مفكر زيك كدا لكن الامور بسيطه ومش هتلاقى مشاكل
المفروض الكلام دا تقوله اما تيجى تروح كليه
لكن يا سيدى فى حل بسيط بعمله انا وزمايلى احنا مثلا بنروح كذا درس مع بعض
بنيجى مثلا درس زى العربى بيكون متاخر شويه بعدها بنطلع نخرج ونتمشى شويه ونقضى ساعتين تلاته سوا كل اسبوع على كدا
صلى صلاة استخاره وحدد ومتقلقش نصيبك وهتاخده فيه انت تعرف ان فيه ناس بعد ما تخش طب او هندسه ممكن يحول لاى كليه ولو حتى تجاره الكليه عالم تانى خالص
فالافضل حتى لو جايب 100% وعاوز تخش تجاره , حقوق اى كليه كانت
توكل على الله ومتسمعش كلام حد
بصراحه بقى بالذات والديك هما صحيح بيخافوا عليك وعايزين مصلحتك لكن بيبصوا من ناحيه تانيه
انهم عايزين بالبلدى كدا يتمنظروا بيك قدام الناس متزعلش منى هى دى الحقيقه ل 90 % من والدينا
مش هقلك اكتر من كدا ومتقلقش خالص والله الثانويه سنه عاديه جداً
ذاكر ومتحملش هم اى حاجه فيه ناس والله تلاقيها مش بتذاكر ولا فى دماغها وتلاقيه جايب مجموع وواحد تانى تقول هيطلع الاول تلاقيه جايب مجموع مش كويس
فانت ان شاء الله صلى صلاة استخاره وحدد انت عاوز ايه ومتقلقش من اى حاجه

بالتوفيق للجميع ان شاء الله



بصراحة حضرتك قصرت عليا مشوار كبير لانى كنت بفكر فى نفس اللى حضرتك قولته بالظبط فى انى مش هختلف مع زمايلى غير فى مادة واحدة وممكن نتجمع فى كل المواد التانية وهنتقابل ومجال المنافسة هيبقى مفتوح لكن عشان اكون صريح مع نفسى اولا ومع حضراتكم ثانيا انا خايف ان ربنا يخذلنى وقدراتى متساعدنيش فى دخول الكلية اللى انا بحلم بيها وده اللى مخوفنى اوى بالرغم ان الحمدلله بذاكر على طول وعمرى مقصرت فى اى سنة بس خايف التنسيق يضحى بيا او يحصل اى حاجة ممكن تبعدنى عن حلمى لان بصراحة المجاميع فى علوم بتبقى نار وتنسيقها مش مضمون اما رياضة الحمدلله انا طول عمرى بحبها ومتميز فيها بعتبرها فاكهة المواد فالعملية هتبقى اسهل والله اعلم ربنا يسهل واخد قرار نهائى .................

والله نفس المشكلة اللي عندي ومحتار ادخل علمي علوم ولا رياضة
المشكلة الكبيرة اني عاوز ادخل هندسة بس مستواي في الاحياء احسن بكتيير من الرياضة 2
فخايف ادخل رياضة ولا اطول ده ولا ده ..
بس طالما انت شايف نفسك احلي ف الرياضة 2 ادخل علمي رياضة
او انك شاطر في الاثنين . ممكن تحسبها علي حسب الكلية اللي انت ميولك فيها
كلية طب ولا هندسة

انا لاحظت ف معظم كلامك ان أغلب اهتمامك مرمي ع نظرة المجتمع ليك :)
بص في ناس زمايلي كانوا عندهم نفس النظرة دي وكان أملهم انهم يبقوا مهندسين ودكاترة بصرف النظر عن هما نفسهم عايزين ايه
عايزين يبقوا كدا عشان ف فكرهم ان المجتمع هيحترمهم كدا و ان هما كدا هيبقوا ف قمة المجتمع والباقي ف القاع ..
وجابوا مجموع طب ومجموع هندسة .. بس المشكلة ايه بأه :)
انهم مش قادرين يمشوا ف كلياتهم .. عشان من الأول مش ده مكانهم الصح

فانت قبل ما تختار علمي علوم او علمي رياضة شوف انت اتجاهك ميال لأنهو أكتر ..
شايف نفسك ف أنهو أكتر ((متبصش للمجتمع هيبصلك ازاي))
وقرر ساعتها الأريح ليك واللي هتمشي فيه .. حتى لو كان من وجهة نظر الناس مش حاجة ف القمة ..

إنت اللي تقدر تحدد هتبقى قمة ف ايه وانت اللي بتخلي المكانة اللي انت فيها قمة أو قاع :)
*******

أما بأه من ناحية المواد ف علمي رياضة أو علوم فصدقني الاتنين ف نفس مستوى الصعوبة .. مفيش حاجة أسهل من التانية ..

عندك ف علمي رياضة (وانا كنت إحدى ضحاياه :d) الـ 6 فروع أو تقدر تعتبرهم 3 لأنهم دامجين فرعين فرعين مع بعض ..
مش هقدر اقولك سهلين بس مع المذاكرة الكتير والحل الكتير "وركز ع حل امتحانات السنين السابقة" هتقدر تتفوق فيهم ان شاء الله :)

علمي علوم صاحباتي كانوا بيعانوا من كتر منهج الأحياء وشايفينها معقدة بس ف الامتحان مبيخرجش عن الكتاب .. وبردو كانوا معتمدين ع حل امتحانات سنين سابقة كتير ودي أكتر حاجة بتساعد ف انك تجيب نتيجة كويسة :)

يارب أكون قدرت أفيدك .. وربنا يوفقك يا رب انت وكل الطلبة :)

والله انا بردوا نفس المشكلة بس انا خلاص هروق دماغى وادخل احياء
على راي الاخ M i S h O o (http://www.thanwya.com/vb/member.php?u=336793) انا ليا اصحاب فى سنة 3 مش ماشيين فى فى رياضة وهما بجد كانوا عباقرة فى رياضة 1

انا لاحظت ف معظم كلامك ان أغلب اهتمامك مرمي ع نظرة المجتمع ليك :)
بص في ناس زمايلي كانوا عندهم نفس النظرة دي وكان أملهم انهم يبقوا مهندسين ودكاترة بصرف النظر عن هما نفسهم عايزين ايه
عايزين يبقوا كدا عشان ف فكرهم ان المجتمع هيحترمهم كدا و ان هما كدا هيبقوا ف قمة المجتمع والباقي ف القاع ..
وجابوا مجموع طب ومجموع هندسة .. بس المشكلة ايه بأه :)
انهم مش قادرين يمشوا ف كلياتهم .. عشان من الأول مش ده مكانهم الصح

فانت قبل ما تختار علمي علوم او علمي رياضة شوف انت اتجاهك ميال لأنهو أكتر ..
شايف نفسك ف أنهو أكتر ((متبصش للمجتمع هيبصلك ازاي))
وقرر ساعتها الأريح ليك واللي هتمشي فيه .. حتى لو كان من وجهة نظر الناس مش حاجة ف القمة ..

إنت اللي تقدر تحدد هتبقى قمة ف ايه وانت اللي بتخلي المكانة اللي انت فيها قمة أو قاع :)
*******

أما بأه من ناحية المواد ف علمي رياضة أو علوم فصدقني الاتنين ف نفس مستوى الصعوبة .. مفيش حاجة أسهل من التانية ..

عندك ف علمي رياضة (وانا كنت إحدى ضحاياه :d) الـ 6 فروع أو تقدر تعتبرهم 3 لأنهم دامجين فرعين فرعين مع بعض ..
مش هقدر اقولك سهلين بس مع المذاكرة الكتير والحل الكتير "وركز ع حل امتحانات السنين السابقة" هتقدر تتفوق فيهم ان شاء الله :)

علمي علوم صاحباتي كانوا بيعانوا من كتر منهج الأحياء وشايفينها معقدة بس ف الامتحان مبيخرجش عن الكتاب .. وبردو كانوا معتمدين ع حل امتحانات سنين سابقة كتير ودي أكتر حاجة بتساعد ف انك تجيب نتيجة كويسة :)

يارب أكون قدرت أفيدك .. وربنا يوفقك يا رب انت وكل الطلبة :)

بصراحة انا مش هختلف مع حضرتك كتير لانك بصراحة حضرتك حللتى شخصيتى بطريقة ممتازة بجد ماشاء الله عليكى وللاسف انا بحب علم النفس بس اتلغى من علينا يلا مش مشكلة بالنسبة لاهتمامى بنظرة المجتمع ليا فانا شايف ان ده مش عيب لان كلنا بنحاول نعمل كده وبنضعها ضمن اولوياتنا ولكن اختلف معاكى فى نقطة هى مسالة ان انا بهدف انى ابقى دكتور او مهندس عشان المجتمع يحترمنى فديه مش صح لانه لايوجد فرق بين المهندس والمحاسب والمحامى او اى شخص مهما كانت وظيفته لان كل واحد ليه احترامه فى مجاله وتخصصه ومن غيره المجتمع مايكملش غير كده انا بالنسبالى مفهوم الاحترام ليا او لغيرى مش بيجى غير من احترامى لنفسى اولا واخيرا يعنى مش الوظيفة هى اللى هاتخلينى محترم ولو على قصدك ده كان زمان الدكاتره والمهندسين بيدوا العمال والجهلة وكل اللى طبقات اللى اقل منهم على دماغهم وده ماينفعش واسف على الافتراض اللى فات وده لانه من غيرهم احنا برده ماننفعش اعتقد فهمتينى اما مسالة انى امشى فى الكلية من عدمه فلا يوجد مقارنة على الاطلاق بين مذاكرة الكلية ومذاكرة الثانوية العامة ده اولا والمناهج ثانيا وبصراحة انا عندى قاعدة المتفوق واللى بيذاكر وفاهم بيفلح فى اى مكان وبالنسبة لى اللى بيدخل مثلا كلية من الكليات اللى بيسموها قمة ومش بيمشى فيها انا مش بعتبر ده متفوق من الاساس لانى بصراحة ببقى شاكك فى دخوله والله اعلم بقى يكون داخل بغش او حافز رياضى او من النوع الحفيظ وخلاص وبيحفظ مش فاهم ولا عارف هو عايز ايه او صدفة وضربت معاه او اى حاجة يعنى فلو بصينا فى الاخر هنلاقى انه هو مذاكرش المذاكرة اللى تخلية يدخل الكلية ديه وغالبا بتبقى حقيقة والحمدلله الواحد مش من النوع ده وبالنسبة للميول فانا بصراحة زى ماقولت قبل كده اننا طول عمرى لاحبيت ولاكرهت يمكن اكون بفضل ساعات الرياضة على بعض المواد لكن ده مش معناه انى مش بحبهم لانى بعتبر ان العلم ايا كان ايه نوعه وسيلة لتحقيق الحلم والهدف فانى ابقى تنسان ليا قيمة فى مجتمع عنده عقدة كليات القمة والقاع يعنى من الاخر الواحد مضطر لكده مش بمزاجه يعنى وعشان تبقى ليك قيمة فى مجتمع زى ده لازم تدخل كلية قمة عافية ذوق الا يبقى مالكش لازمة بعكس اللى بيحصل بره يلا معلش نصيبنا كده اما حكاية اننا اخلى المكان اللى انا فيه قمة او قاع فبصراحة كده خلينا واضحين ده مش فى مصر دلوقتى يمكن يكون مستقبلا اتمنى ذلك لكن دلوقتى مفيش كلام زى ده يعنى مثلا واحد دخل كلية الدفعة فيها 5000 الاف طالب فى وقت سوق العمل طالب 500 طالب باقى الطلاب تعمل مكانة لمجالهاو لنفسها ازاى يعنى عايز افهم ماهما اصلا مش مطلوبين يعملوا ايه يعنى عشان يبقى ليهم مكانة ده مثل بسيط زيه زى مثلا محامى ومعندوش قضايا فمش مطلوب او مفيش قضايا متاحة فى الوقت السوق القضايا هادئ ده يعمل ايه يعنى ينزل يخلى الناس تضرب فى بعض فمينفعش نقول كلام مرسل ومعسول لازم يبقى كلامنا واقعى اكتر لو عايزين البلد ديه تتقدم فعلا وتبقى حاجة خلينا صرحاء مع نفسنا عشان نبقى احسن اما مسالة المواد سواء فى علمى رياضو او علوم فهى هى تعتبر باختلاف بسيط اما احياء او رياضة 2 غير كده مفيش حاجة صعبة مادام الواحد بيذاكر ولكن صراحة الاحياء مفيهاش ابتكار خالص لانها حقائق والواحد مالهوش يد فى تغييرها يعنى زى ماتقولوا كده فيها شبه من الجغرافيا بس الجغرافيا ازبل شوية بس هما الاتنين عموما حاجة مرض بس يلا هنعمل ايه يعنى غير كده ازاى اميل لحاجة انا مدرستهاش بالشكل الكامل او اللى يخلينى احكم انى افضل ديه ولا ديه مانا عايز اعرف ازاى وده على فكرة كل الل فى سنى بيشتكوا منه وغالبا الاهل هما اللى بيقرروا لان الطالبة بيبقى مشوش ومش عارف هو عايز ايه وده اللى محيرنى لانى دررست يعتبر حاجات بسيطة سواء من رياضة او علوم وده اللى مصعب ماموريتى ولكن عموما واخيرا واضح ان هدفى هو اللى هيخلينى اقرر غصب عنى بعيد عن الميول او اى حاجة مادام القرار هو اللى هيخيلنى احقق حلمى وغالبا ان شاء الله انا قررت علوم خصوصا الل مشجعنى اكتر ان المنهج اتقسم بقى 7 فصول بس يعنى حركة وتكاثر و3 فصول وراثة وفصلين جينات dna فده مشجعنى اكتر مع انى واثق انه لوكنت على النظام القديم والاحياء كانت 13 فصل كنت هدخل رياضة من غير كلام ولاجدال ولافصال ول اى تفكير وده مخلينى مستعجب من نفسى يعنى بعد مكنت ناوى رايح على فين مفيش من شهور قبل ما مجلس الشعب يقرر النظام ده اجى دلوقتى اغير فده مقلقنى ولكن ربنا يستر على اى حال واتمنى انى مكونش طولت عليكم ( معلش يمكن اكون رغاى شوية ولكن الموضوع بالنسبالى يستحق) ومازلت انتظر ردود حضراتكم للمناقشة للوصول الى القرار الصواب والافضل .......................

والله انا بردوا نفس المشكلة بس انا خلاص هروق دماغى وادخل احياء
على راي الاخ misho انا ليا اصحاب فى سنة 3 مش ماشيين فى فى رياضة وهما بجد كانوا عباقرة فى رياضة 1


بالتوفيق يابطل وربنا معانا باذن الله على اى حال وعلى فكرة اللى مش اشيين ف رياصة 2 اراهن انهم مكانوش قد كده ف رياضة 1 يمكن يكون المدرس تعبان وانت انخدعت فيهم او الامتحانات جت سهلة او هما فعلا زى مابتقول لانى مقدرش احكم غير لما اشوف بس انا بصراحة اخدت ميكيانيكا الترم الاول وكانت متعة وقفلتها وعلى فكرة الجزء اللى خدناه كان اصعب جزء فيها بتاع الاتزان اما الجزء الباقى بتاع سنة 3 فده تافه على حسب كلام المستر بتاعى وبرده ربنا يسهل على اى حال .................

فى انتظار ردودكم ....................

والله نفس المشكلة اللي عندي ومحتار ادخل علمي علوم ولا رياضة
المشكلة الكبيرة اني عاوز ادخل هندسة بس مستواي في الاحياء احسن بكتيير من الرياضة 2
فخايف ادخل رياضة ولا اطول ده ولا ده ..
بس طالما انت شايف نفسك احلي ف الرياضة 2 ادخل علمي رياضة
او انك شاطر في الاثنين . ممكن تحسبها علي حسب الكلية اللي انت ميولك فيها
كلية طب ولا هندسة


بس بصراحة لو انا مكانك وعايز هندسة كنت دخلت رياضة وطحنت نفسى فيها لانه مكدبش عليك يمكن يكون مستواك فى الاحياء السنة ديه كويس اما السنة الجاية المنهج ارخم من بتاع السنة ديه والرياضة اسهل غير كده الميكيانيكا نصها راح وخدناه وده كان اصعب جزء فيها والباقى بتاع الرياضة سواء الجبر او التفاضل او الهندسة الفراغية ولا ليه لازمة اخره شهرين ويخلص وتقعد تراجع طول السنة وده اللى مخلى الرياضة السنة الجاية اسهل اتنى تكون فهمتنى ...............

بصراحة انا مش هختلف مع حضرتك كتير لانك بصراحة حضرتك حللتى شخصيتى بطريقة ممتازة بجد ماشاء الله عليكى وللاسف انا بحب علم النفس بس اتلغى من علينا يلا مش مشكلة بالنسبة لاهتمامى بنظرة المجتمع ليا فانا شايف ان ده مش عيب لان كلنا بنحاول نعمل كده وبنضعها ضمن اولوياتنا ولكن اختلف معاكى فى نقطة هى مسالة ان انا بهدف انى ابقى دكتور او مهندس عشان المجتمع يحترمنى فديه مش صح لانه لايوجد فرق بين المهندس والمحاسب والمحامى او اى شخص مهما كانت وظيفته لان كل واحد ليه احترامه فى مجاله وتخصصه ومن غيره المجتمع مايكملش غير كده انا بالنسبالى مفهوم الاحترام ليا او لغيرى مش بيجى غير من احترامى لنفسى اولا واخيرا يعنى مش الوظيفة هى اللى هاتخلينى محترم ولو على قصدك ده كان زمان الدكاتره والمهندسين بيدوا العمال والجهلة وكل اللى طبقات اللى اقل منهم على دماغهم وده ماينفعش واسف على الافتراض اللى فات وده لانه من غيرهم احنا برده ماننفعش اعتقد فهمتينى اما مسالة انى امشى فى الكلية من عدمه فلا يوجد مقارنة على الاطلاق بين مذاكرة الكلية ومذاكرة الثانوية العامة ده اولا والمناهج ثانيا وبصراحة انا عندى قاعدة المتفوق واللى بيذاكر وفاهم بيفلح فى اى مكان وبالنسبة لى اللى بيدخل مثلا كلية من الكليات اللى بيسموها قمة ومش بيمشى فيها انا مش بعتبر ده متفوق من الاساس لانى بصراحة ببقى شاكك فى دخوله والله اعلم بقى يكون داخل بغش او حافز رياضى او من النوع الحفيظ وخلاص وبيحفظ مش فاهم ولا عارف هو عايز ايه او صدفة وضربت معاه او اى حاجة يعنى فلو بصينا فى الاخر هنلاقى انه هو مذاكرش المذاكرة اللى تخلية يدخل الكلية ديه وغالبا بتبقى حقيقة والحمدلله الواحد مش من النوع ده وبالنسبة للميول فانا بصراحة زى ماقولت قبل كده اننا طول عمرى لاحبيت ولاكرهت يمكن اكون بفضل ساعات الرياضة على بعض المواد لكن ده مش معناه انى مش بحبهم لانى بعتبر ان العلم ايا كان ايه نوعه وسيلة لتحقيق الحلم والهدف فانى ابقى تنسان ليا قيمة فى مجتمع عنده عقدة كليات القمة والقاع يعنى من الاخر الواحد مضطر لكده مش بمزاجه يعنى وعشان تبقى ليك قيمة فى مجتمع زى ده لازم تدخل كلية قمة عافية ذوق الا يبقى مالكش لازمة بعكس اللى بيحصل بره يلا معلش نصيبنا كده اما حكاية اننا اخلى المكان اللى انا فيه قمة او قاع فبصراحة كده خلينا واضحين ده مش فى مصر دلوقتى يمكن يكون مستقبلا اتمنى ذلك لكن دلوقتى مفيش كلام زى ده يعنى مثلا واحد دخل كلية الدفعة فيها 5000 الاف طالب فى وقت سوق العمل طالب 500 طالب باقى الطلاب تعمل مكانة لمجالهاو لنفسها ازاى يعنى عايز افهم ماهما اصلا مش مطلوبين يعملوا ايه يعنى عشان يبقى ليهم مكانة ده مثل بسيط زيه زى مثلا محامى ومعندوش قضايا فمش مطلوب او مفيش قضايا متاحة فى الوقت السوق القضايا هادئ ده يعمل ايه يعنى ينزل يخلى الناس تضرب فى بعض فمينفعش نقول كلام مرسل ومعسول لازم يبقى كلامنا واقعى اكتر لو عايزين البلد ديه تتقدم فعلا وتبقى حاجة خلينا صرحاء مع نفسنا عشان نبقى احسن اما مسالة المواد سواء فى علمى رياضو او علوم فهى هى تعتبر باختلاف بسيط اما احياء او رياضة 2 غير كده مفيش حاجة صعبة مادام الواحد بيذاكر ولكن صراحة الاحياء مفيهاش ابتكار خالص لانها حقائق والواحد مالهوش يد فى تغييرها يعنى زى ماتقولوا كده فيها شبه من الجغرافيا بس الجغرافيا ازبل شوية بس هما الاتنين عموما حاجة مرض بس يلا هنعمل ايه يعنى غير كده ازاى اميل لحاجة انا مدرستهاش بالشكل الكامل او اللى يخلينى احكم انى افضل ديه ولا ديه مانا عايز اعرف ازاى وده على فكرة كل الل فى سنى بيشتكوا منه وغالبا الاهل هما اللى بيقرروا لان الطالبة بيبقى مشوش ومش عارف هو عايز ايه وده اللى محيرنى لانى دررست يعتبر حاجات بسيطة سواء من رياضة او علوم وده اللى مصعب ماموريتى ولكن عموما واخيرا واضح ان هدفى هو اللى هيخلينى اقرر غصب عنى بعيد عن الميول او اى حاجة مادام القرار هو اللى هيخيلنى احقق حلمى وغالبا ان شاء الله انا قررت علوم خصوصا الل مشجعنى اكتر ان المنهج اتقسم بقى 7 فصول بس يعنى حركة وتكاثر و3 فصول وراثة وفصلين جينات dna فده مشجعنى اكتر مع انى واثق انه لوكنت على النظام القديم والاحياء كانت 13 فصل كنت هدخل رياضة من غير كلام ولاجدال ولافصال ول اى تفكير وده مخلينى مستعجب من نفسى يعنى بعد مكنت ناوى رايح على فين مفيش من شهور قبل ما مجلس الشعب يقرر النظام ده اجى دلوقتى اغير فده مقلقنى ولكن ربنا يستر على اى حال واتمنى انى مكونش طولت عليكم ( معلش يمكن اكون رغاى شوية ولكن الموضوع بالنسبالى يستحق) ومازلت انتظر ردود حضراتكم للمناقشة للوصول الى القرار الصواب والافضل .......................

أنا عايزة بس أصححلك نقطة انت فهمتها غلط ف كلامي ..
لما بقول المجتمع بيبص بصة احترام للدكاترة والمهندسين بقولك ان في ناس معتقدة انه مبيبصش لغيرهم نفس البصة .. يعني الموضوع كله اعتقادات خاطئة وقلتلك بردو ان مفيش حاجة اسمها كلية قمة .. انت اللي بتحدد تبقى قمة ف كليتك :)
تمام دي اول نقطة :)
تاني نقطة انا مبقولكش كلام (مرسل ومعسول) زي ما قلت , انا جربت وبقولك الكلام ده من واقع خبرتي ..
انا طالبة ف حاسبات ومعلومات لو تسمع عنها .. وبقولك اني كنت داخلة علمي رياضة من الأول عشان بحبه كعلم وشايفة نفسي متفوقة فيه .. وده مش معناه ابداً اني لو اتحطيت قدام مواد بيولوجية مثلاً او خاصة بعلمي علوم اني هرفض وأقولهم لأ ده مش اتجاهي :)
والدليل ان دلوأتي ف الكلية في مواد ملهاش اي علاقة بمجالنا زي مثلاً حقوق انسان او مواد بعيدة عن مجال البرمجة اللي هو المفروض مجالنا زي مثلاً مادة اسمها ألجورذم أو بروبابيليتيز ..
وبقولك كدا ليه بردو ؟؟
عشان أعرف ناس شخصياً دخلوا كليات معينة عشان يرضوا أهاليهم ولما اتحطوا قدام القطر انداسوا .. مقدروش يكملوا فيها .. ليه ؟؟ عشان مش حابين المجال ده او الكلية دي ..
ومش عيب ابداً انك تحدد انت متفوق ف ايه اكتر من التاني .. او شايف نفسك هتمشي ف ايه اكتر من التاني ..
فالقصد من كلامي انك تقيس الموضوع من كل الجوانب وبلاش تاخد كلام الناس اللي اكبر منك ع انه كلام معسول او مجرد كلام أحشي بيه موضوعي .. اوك ؟؟ :)
ربنا يوفقك :)

أنا عايزة بس أصححلك نقطة انت فهمتها غلط ف كلامي ..
لما بقول المجتمع بيبص بصة احترام للدكاترة والمهندسين بقولك ان في ناس معتقدة انه مبيبصش لغيرهم نفس البصة .. يعني الموضوع كله اعتقادات خاطئة وقلتلك بردو ان مفيش حاجة اسمها كلية قمة .. انت اللي بتحدد تبقى قمة ف كليتك :)
تمام دي اول نقطة :)
تاني نقطة انا مبقولكش كلام (مرسل ومعسول) زي ما قلت , انا جربت وبقولك الكلام ده من واقع خبرتي ..
انا طالبة ف حاسبات ومعلومات لو تسمع عنها .. وبقولك اني كنت داخلة علمي رياضة من الأول عشان بحبه كعلم وشايفة نفسي متفوقة فيه .. وده مش معناه ابداً اني لو اتحطيت قدام مواد بيولوجية مثلاً او خاصة بعلمي علوم اني هرفض وأقولهم لأ ده مش اتجاهي :)
والدليل ان دلوأتي ف الكلية في مواد ملهاش اي علاقة بمجالنا زي مثلاً حقوق انسان او مواد بعيدة عن مجال البرمجة اللي هو المفروض مجالنا زي مثلاً مادة اسمها ألجورذم أو بروبابيليتيز ..
وبقولك كدا ليه بردو ؟؟
عشان أعرف ناس شخصياً دخلوا كليات معينة عشان يرضوا أهاليهم ولما اتحطوا قدام القطر انداسوا .. مقدروش يكملوا فيها .. ليه ؟؟ عشان مش حابين المجال ده او الكلية دي ..
ومش عيب ابداً انك تحدد انت متفوق ف ايه اكتر من التاني .. او شايف نفسك هتمشي ف ايه اكتر من التاني ..
فالقصد من كلامي انك تقيس الموضوع من كل الجوانب وبلاش تاخد كلام الناس اللي اكبر منك ع انه كلام معسول او مجرد كلام أحشي بيه موضوعي .. اوك ؟؟ :)
ربنا يوفقك :)



اولا احب ان اعتذر اذا كنت اخطات فى حوارى مع حضرتك واسف برده لو كنت فهمت حضرتك غلط فى نقطة معينة ولكنى برده عايز اوضح بعض النقاط لحضرتك برغم ان خبرتى مش كبيرة ولسه يعتبر فى بداية المشوار ولكن برده احب اقول رايى فبالنسبة للنقطة الاولى اللى حضرتك اشرتى اليها فانا متفق معاكى تماما انها كلها اعتقادات خاطئة والمجتمع هو اللى افترضها ولكن بايدينا نغيرها لو حبينا ولكن بما ان الوقع دلوقتى يفرض علينا كده فلازم الواحد يتاقلم مع الوضع اللى هو فيه وبخصوص كليات القمة والقاع والكلام ده فاظن برده انها كلها اعتقادات وافتراضات المجتمع افترضها وصدقها وامن بيها لانه هو عايز كده واعتقد انه محدش يقدر يمشى ضد التيار فيعنى برده لازم اتاقلم على الوضع الحالى لحد ماربنا يفرجها والشعب يفهم انه مفيش كليات قمة ولاقاع وحكاية انى ابقى قمة فى كليتى انا هتفق مع حضرتك فى النقطة ديه لكن الكلاد ده مش فى بلدنا هنا وده اللى انا واثق منه وياريت حضرتك توضحى اكتر عشان افهم اكتر يعنى مثلا اللى انا فهمته فى انى ابقى قمة فى كليتى هو انى اجيب تقدير ويبقى ليا ترتيب على الدفعة وابقى متفوق فى دراستى عشان اتعين فى الجامعة ولكن للاسف ده مابيحصلش فى مصر والنماذج كتير ياما ناس بتبقى متفوقة فى كلياتها ومش بيرضوا يعينوهم عشان ابناء الدكاترة والواسطة والمحسوبية وغيره وغيره واظن حضرتك متفقة معايا فى كده وغير كده فى مثل بيقول مايبقاش ابنى على كتفى واروح ادور عليه يعنى يبقى قدامى الفرصة انى ادخل كلية قمة زى ما المجتمع بيفرض عليا وادخل كلية مش قد كده واقول هتفوق فيها وهبقى قمة فيها طبعا ده مش مستحيل ولكن اعتقد انه صعب ومش سهل تحقيقه ديه اول نقطة
تانى نقطة بالنسبة لكلية حاسبات ومعلومات فانا الحمدلله اعرفها وعلى دراية بيها واخو زميلى فيها فى جامعة عين شمس وتعتبر تانى كلية بعد الهندسة فى علمى رياضة وان كان فى مشاكل بينها وبين الهندسة على قسم حاسب الى ولكنى افضل حاسبات على قسم الحاسب فى هندسة لانى على ماعرف انكم بتبقوا اكتر دراية من بتاع هندسة فى حاجات كتير وبالنسبة لحكاية انى احدد انا متفوق فى ايه اكتر من ايه فانا بالفعل بعمل كده وعارف امكانياتى فى كل مادة وادائى فيها ايه ولكن المشكلة فى انى مثلا انا مش شايف نفسى مهندس مع انى شاطر فى الرياضة اكتر من الاحياء فى نفس الوقت بحلم اكون دكتور بس خايف من الاحياء وده مش معناه انى وحش فيها لكتى بصراجة بفضل عليها الرياضة وبحس فيها بمتعه اكتر على عكس الاحياء كلها حفظ ولكن برده الواحد كويس فيها ومعنديش مشكلة في ان ادرسها مادام هى الوسيلة لتحقيق الهدف ولكن اخاف مثلا التنسيق يجى عالى فى علمى علوم ومطولش حاجة او امتحان الاحياء يجى طويل ومخلصوش او مثلا يجى صعب وتقع منى كام نقطة اكون نسيتها فده بس اللى مقلقنى ومش مخلينى احدد وجهتى ايه بالظبط لانه فى مثل برده بيقول عصفور فى اليد ولا عشرة على الشجرة يعنى تبقى فرصتى فى الوصول لهندسة اكبر واروح ادور على طب فديه مش مريحانى وحكاية تحكم الاهل والكلام ده الحمدلله مش عندنا لان اهلى سايبين ليا مطلق الحرية فى اختيارى فمش مشكلة وبخصوص انى باخد كلام اللى اكبر منى على انه كلام معسول فحضرتك فهمتينى غلط انا قصدى فى العموم يعنى نكون اكثر واقعية لما نتكلم ونعرف ايه اللى احنا بنقوله وهل هو صح ولا غلط وموجود على ارض الواقع ولا لا بدل اللى احنا عمالين نسمعه فى التليفزيون من مشاريع وانجازات وكله كلام فى الهوى عشان كان احنا ورا فياريت نكون واقعيين اكتر مع نفسنا او مع غيرنا عشان نقدر نتقدم بجد وفى النهاية احب اشكر حضرتك على اهتمامك وادعو ربنا انه يوفقك ويوفقنا ويوفق الجميع باذن الله .........

بص هقولك حاجة صغيرة ..
عارف كلية علوم ؟ رغم انها مهمشة وكانت ف يوم من الأيام مجموعها اقل من كلية تربية .. وكانوا الناس بيفضلوا يدخلوا تربية على انهم يدخلوا علوم عشان مجموعها قليل وبتاع
بس من وجهة نظري .. المفروض انها تبقى فوق الطب كمان ..
دراساتهم شاملة وهما الأساس .. رغم ان مجتمعنا باصص للكلية ع انها حاجة صغيرة
اوك ده واقع مجتمعنا وبتقول ان لازم نتواكب معاه .. طب لحد امته ؟؟ :)
مش لازم نبدأ بالتغير عشان نثبت للمجتمع ان نظرته غلط ونقوله مش هنخضع لتحكماتك ؟؟ :)

اني اقصد انك تبقى قمة ف كليتك انك تذاكر اول بأول وتتفوق فيها و ع قدر الإمكان تجيب فيها تقدير كويس ع الدفعة .. وليه مش الأول ؟؟ تحط قدامك هدف وتوصله ..
مش شرط عشان تبقى معيد فيها .. مانت لما تتفوق ف دراستك هتتقن مجال عملك بعد كدا وهتعرف ايه الثغر اللي تخليك ناجح ف شغلك ..

و ع فكرة حتة ان ابناء الدكاترة والمعيدين هما اللي بيتعينوا مبقتش موجودة :)
متقلقش منها احنا تقريباً معندناش حد من ابناء الدكاترة متعين كمعيد .. كلهم ناس عادية كل اللي عملوه انهم حققوا تفوق دراسي كبير

وبعدين حاول متعقدش نفسك ومتخوفش نفسك بردو .. انا عارفة ان الطريق لسة ف اوله وعارفة ان هتقابلك صعوبات
بس بردو متفضلش حاططها قدام عينك .. حط قدام عينك انا لو نجحت هيحصل كزا وهعمل كزا وكزا

وسيبك بردو من نظرة المجتمع وإن اللي انا بفكر فيه ده مش ف بلدنا .. ابدأ بالتغيير :)

ومحصلش حاجة مزعلتش ولا حاجة .. حصل خير وبالتوفيق ليك ولكل زمايلك يارب

'طيب هسألك سؤال مهم جداً:
ايه رأيك في واحد ضلّ طريقه وتاه في سفره ووجد نفسه عند مفترق طرق
وبيسال واحد بيقوله "ادخل أنهي طريق؟" وهو من الأساس مش عارف هو رايح فين
يبقى بالله عليك هيجاوبه ازاي؟
انتا الشخص ده دلوقت
خلينا نتفق على حبة حاجات :
أولاً : لازم تبقى عارف انتا عايز تعمل ايه في حياتك (بعيداً عن المجال العلمي)
ثانياً: لازم تكون عارف قدراتك ايه ، يعني مثلاً ممكن تكون بتحب الرياضيات زيي لكن إمكانياتك الذهنية مش عالية فيها وبالتالي مش هتقدر تحقق بيها انجاز كبير

طيب ايه الحل دلوقت؟؟
لازم نتفق الاول على حاجتين :
أولاً : متفكرش انك داخل كلية عشان تخرج تلاقي وظيفة ، ده رزق بيد الله تعالى ، ممكن تلاقي مهندس ومش لاقي شغل ودكتور قاعد على القهوة ، وممكن تلاقي خريج تجارة بياخد 3000 جنيه في الشهر أو اكتر
الكلية مش بترزق ربنا هو اللي بيرزق
ثانياً : لازم تعرف بلدك محتاجة ايه دلوقت عشان تتحرك وتتقدم ، لازم تدور وتعرف ايه هي مشاكلنا في الواقع ، يمكن مشكلتنا في ابحاث الغذاء والزراعة ، يمكن مشاكلنا في الادارة ، يمكن مشاكلنا في التطبيقات التقنية في حياتنا ، لازم تفكر في حلول تناسب قدراتك والقدرات اللي انتا عارف انك تقدر تكتسبها
يعني قول مثلاً: أنا شايف سلبيات كذا في قضية التعليم ، تتعالج بكذا كذا ، يبقى انا هدخل كلية كذا واقدم من خلالها حلول مناسبة ، او مثلاً مشكلتنا مثلاً في الطاقة يبقى لازم نعمل كذا وأنا ممكن ادخل كلية كذا عشان اساهم في حلها
لازم تعيش لاجل قضية
طالما في قضية قدام عينك مش هتحتار أبداً

اسأل الله لك التوفيق والسداد

انا مش عارفة حضرتك كاتب الكلام امتي بس انا عندي نفس المشكلة بالظبط ف قولي بليييييز عملت اية وخرجت منها ازاي عشان انا تعبت من التفكير والله وعندي اصحابي بردو داخلين رياضة ف مشكلتي نسخة منك

من رايي والله اى ولد يا جماعة ادخلوا رياضة علطول ...باذن الله مضمونة اسمعوها منى