That Moment
21-04-2013, 08:14 PM
اهلا بكم اخوتى الاعضاء
انا عندى مشكلة فى الكمياء والاحياء انا فى الكيمياء وصلت لحد بداية الفصل الخامس والاحياء وصلت لحد السادس بس المشكلة انى نسيت القديم فى المادتين وفاضل فترة قصيرة جدا على الامتحانات فأعمل ايه؟ اخلص المنهج واراجع امتى واقسم وقتى ازاى؟
ahmed ali12345
21-04-2013, 08:37 PM
اعمل جدول محترم امشى عليه.
That Moment
22-04-2013, 12:18 AM
اعمل جدول محترم امشى عليه.
محتاج اعرف طيب هل اراجع القديم اللى نسيته ولااخلص المنهج ولاخلص المنهج واراجع القديم مع ان ده صعب لضيق الوقت؟
ahmed ali12345
22-04-2013, 07:34 AM
اعمل جدول للحاجات القديمة.بحيث تخلص مراجعتهم مع المذاكرة.بس تراجع بتركيز فى السريع متنمش ع الكتاب.ومع المراجعة والحل يبقى امسك كتاب الاسئلة اللى عندك حل سؤال من هنا وسؤال من هنا (ع القديم) مش هياخد منك 10 دقايق اقولك مثال
الاحياء...نفترض 2 مذاكرة+1 مراجعة+عشر دقايق حل
الكيمياء نفس النظام...يعنى هياخدوا منك 6.5 ساعة يوميا هما الاتنين.وباقى الوقت قسمه على بقية المواد.ولو بتروح مراجعات من الافضل تقعد فى البيت وتشد الايام دى.
يعنى هيبقى معاك بتاع 10 ساعات تانية قسمهم ع العربى والانجليزى والفرنساوى.والرياضة
وبعد ماتخلص راجع المنهج كله
يبقى كده انت راجعت 3 مرات للمنهج بس خلى بالك الاسئلة اللى تحلها وانت بتراجع متكنش ع الفصل اللى انت لسه مراجعه لا يعنى انت بتراجع الفصل 5 حل فى الفصل3 بتراجع فى الفصل 3 حل فى الفصل 2 وهكذا علشان المنهج يكون فى دماغك 100%