إخواني واخواتي معلمي المنيا المحترمين ..
------------------------------------------------------

لقد تواصلت مع بعض المهتمين بموضوع الضم وبعض المسئولين في الإدارة والمديرية واكتشفت حاجة مهمة سببت لنا جميعا لغط وعدم وضوح رؤية .. وعلشانن مانبانش اننا معطلين زمايلنا بتوع 2005-2008 لأ .. إحنا معاكم وانتوا برضوا لسه مشكلتكم هي مشكلتنا ..

نشوف بقى ..

هناك تاريخين في صحيفة أحوال المعلم ..

الأولى هي تاريخ التعيين : وده اعتراف من جهة العمل بأنك كنت معين في الفترة دي عندهم .. يعني مدة خبرة .. ليس أكثر ممكن أضيفها في المعاشات وتزود معاشي..

والثانية هي تاريخ الدرجة : وده اعتراف من التنظيم والإدارة بمنحك درجة مالية معينة بالتاريخ ده ومن هنا نبدأ نعاملك ماديا وفقا للدرجة وتبدأ من التاريخ ده تحسب ترقياتك ..

اللي حصل في المنيا دلوقت هو ضم المدة لتاريخ التعيين .. يعني تاريخ تعيينك هيتم ترحيله لتاريخ أول عقد مميز أو بالبلدي من أول ما ابتديت تمضي في دفتر الحضور والانصراف .. وده حق لكل الناس اللي تعبت واشتغلت من 2005 إلى 2008 دون اهتمام من المسئولين .. وعشان كده بيقولك دول بس .. لأن الباقين مثل تعيينات 2009 مثلا دول كانوا معلمين بالحصة قبل كده ولما اتعينوا اتعينوا معلم مساعد على طول..

بس مازالت المشكلة قائمة للجميع بتوع قرارات 53 و 74 و 244 و 280 .. مازال تاريخ الدرجة من 2011 .. يعني احنا بس نقدر نضم فترة المعلم المساعد والعقد المميز فقط للمعاش .. لكن ترقياتك زي ماهي .. تبتدي تعد من 2011 .. وبتوع 280 من 2012 ..

طيب ده القانون والا إيه ؟؟

أقولكم انا القانون .. قانون الكادر 155 لسنة 2007 أقر في جدول وظائفه بأن تبدا التعيينات بمعلم مساعد ودي تعادل الدرجة الثالثة .. وبعدين معلم ودي تعادل الدرجة الثالثة بأقدمية سنتين .. القصة دي ماكانتش موجودة في قانون العاملين المدنيين اللي كنا بنتعامل بيه قبل الكادر .. عشان كده الموظفين في المديرية مش قادرين يستوعبوها .. وكمان ماخبيش عليكوا شفت شوية حقد صغيرين من الموظفين اللي بيقولوا دايما انتوا عاوزين تترقوا بسرعة ده الواحد بيقعد 12 سنة في الثالثة وكلام زي كده ..

كل المحافظات اللي ضمت مدة دول ضموا مدة لتاريخ الدرجة مش للتعيين بس لأن تاريخ الدرجة تعديله يشمل بالتبعية تعديل تاريخ التعيين .. وخدوا بالكوا في قرارات الضم بتاعت المحافظات التانية هتلاقوا القرار بيقول .. تعديل تاريخ الدرجة بدلا من 2011 يخلوه في 2009 مثلا .. شوفوا القرارات وركزوا فيها .. هم كده ضموا لكن احنا لأ .. احنا يدوب نزود معاشنا .. كام سنة .. يعني هايطالبونا بفلوس للمعاشات عن السنين المضمومة دي .. لكن درجتك زي ماهي تبتدي تعد من 2011 ..

مع إن رأي التنظيم والإدارة واااااضح في المسألة دي .. تاريخ الدرجة من تاريخ أول تعاقد على معلم مساعد ..

طيب إيه اللي عمل كده .. موظفوا المديرية وشئون العاملين مش مقتنعين أصلا بالكلام ده وشايفين أنهم صح .. وانا والله من خبرتي في التعامل مع الناس دي انهم مش بيفهموا غير بالضغط .. ده انا كانوا حارميني من حافز الماجستير وانا معايا ماجستير وما صرفتوش غير لما حولتهم للنيابة الإدارية ..

أظن الصورة كده وضحت يا إخواني .. ودي قرارات الضم لبعض المحافظات ..

د.عبدالرحمن المنياوي

ما الحل فى هذه الحالة هل نتقدم ببلاغات للنيابة الادارية نتهم فيه المسؤولين بعدم تنفيذ القرارت ام ماذا يمكن ان نفعل

نحن نرتب للتحرك خلال كام يوم .. وهابلغكم بالتطورات أول بأول بإذن الله

كلام حضرتك كله مظبوط بس ف نقطة مختلفة بينا وبين المحافظات التانية هى ان المحافظات التانية نزلهم درجة بالفعل وبالتالى حقهم يضموا المدة كاقدمية وسنوات معاش انما احنا منزلناش درجة وبالتالى المديرية عملت حوار ضم الخبرة العملية لتسكين المعلمين عشان محدش يتكلم تانى ف القصة دى .. المفروض دلوقتى اننا نركز ف السؤال عن الدرجة عشان لما نضم المدة دى تبقى اقدمية ومعاش مش بس تبقى عشان شهادة خبرة وكلام فارغ زى كدا

كلام حضرتك كله مظبوط بس ف نقطة مختلفة بينا وبين المحافظات التانية هى ان المحافظات التانية نزلهم درجة بالفعل وبالتالى حقهم يضموا المدة كاقدمية وسنوات معاش انما احنا منزلناش درجة وبالتالى المديرية عملت حوار ضم الخبرة العملية لتسكين المعلمين عشان محدش يتكلم تانى ف القصة دى .. المفروض دلوقتى اننا نركز ف السؤال عن الدرجة عشان لما نضم المدة دى تبقى اقدمية ومعاش مش بس تبقى عشان شهادة خبرة وكلام فارغ زى كدا

الدرجة تم توفيرها بالفعل للقرارات 53 و 74 و 244 .. وكروت الدرجة فعلا متواجدة في قسم الملفات في إدارة المنيا بيملوها لمعلمس القرارات دي .. أنا شفتها بنفسي .. سيبك من كلام المديرية انها ماوصلتش .. هم قصدهم ماوصلتش ليهم من الإدارة .. لكن هي وصلت فعلا ..

ف ادارتنا لسه موصلتش وكل ما نسالهم ع حاجة بيقولوا منعرفش .. معندناش جديد وهكذا

أخى الدكتور عبدالرحمن المنياوى:
1-اشكرك على توضيح الفرق بين ضم المدة وضم الدرجة
2-اطلب منك شخصيا متابعة الموضوع وإفادتنا باى جديد حيث اننا مستعدون ان شاء الله لعمل اى وقفات من اجل حقوقنا
ولك كل التحية من معلمى إدارة ملوى التعليمية

شكرا جزيلا يا استاذ عبدالرحمن والنهارده برضه عرفت ان ادارة مغاغة بدات تعمل كارتة الدرجة عقبال ادارتنا وباقى الادارات

شكرا لكل من اهتم .. وأوعدكم بتحرك قريب وتطورات جديدة خلال أيام .. بإذن المولى

عاااااااااجل للمعلمين المعينين بقرارات 53 و74 و244 و280 بمحافظه المنيا تم تحديد يوم الاحد القادم الموافق28 /4/2013 الساعه 12 ظهرا _للذهاب لوكيل الوزاره لمناقشه تفاصيل قرار الضم وتاريخ الدرجه بعد الضم وخاصة لقرار 244 ومابعده نتمنى حضور وحشد أكبر عدد ممكن للتوصل لقرار يوم الأحد بإذن الله

منهم للة اللي عملو كادررررررررر كلة لوغاريتمات ذي دة وتحويل المعلمين اللي متعاقدين

ربنا ينتقم منك يا احمد يادرويش

يا جماعة الترقيات ع الكادر اصلا تعتمد ع سنوات الخبرة الفعلية مثل
ا- الترقية من معلم مساعد الي معلم بعد 2 عام دراس ع الاقل واجتياز التدريب الازم للترقي الي معلم ع الكادر
2- الترقية الي معلم اول بعد مرور 8 سنوات من العمل من تاريخ استلام العمل فاذا تم ضم الخدمة بحيث يصبح تاريخ استلام العمل او التعيين من 2005 مثلا فان الترقية لمعلم اول ستكون ف هذااا العام 2013 ان شاء اللة بعد اجتياز تدريب الذي تحددة الاكاديمية

يا جماعة الترقيات ع الكادر اصلا تعتمد ع سنوات الخبرة الفعلية مثل
ا- الترقية من معلم مساعد الي معلم بعد 2 عام دراس ع الاقل واجتياز التدريب الازم للترقي الي معلم ع الكادر
2- الترقية الي معلم اول بعد مرور 8 سنوات من العمل من تاريخ استلام العمل فاذا تم ضم الخدمة بحيث يصبح تاريخ استلام العمل او التعيين من 2005 مثلا فان الترقية لمعلم اول ستكون ف هذااا العام 2013 ان شاء اللة بعد اجتياز تدريب الذي تحددة الاكاديمية

أخي أحمد حابب بس أصحح لحضرتك المعلومة .. الترقيات تكون على أساس تاريخ الدرجة مش تاريخ التعيين .. يعني القانون بيقول قضاء مدةبينية قدرها خمس سنوات في الدرجة السابقة .. وترقيات المعلم المساعد لمعلم تكون أثناء السنتين عند اجتيازه الاشتراطات الأكاديمية .. مش بعد السنتين .. ةالترقي من معلم لمعلم أول بعد 5 سنوات .. راجع قانون الكادر 155 لسنة 2007 ..

صح يا دكتور عشان كدا احنا دلوقتى محتاجين نعرف هو تاريخ الدرجة محسوب من امتى بالظبط؟؟؟؟؟؟

لا لا عفوااااا يا دكتور عبدالرحمن

اولمرة تم نتطبيق الكادر سنة 2008 اللي امتحن للحصول ع درجةمعلم هو المعلم للي سوات خبرتة 8سنات اواكثر
ثم + 5سنوات يبقي 13سنة
ولذلك اللي امتحن الكادر ع مدرس او ل ال مرة سة 2008

هواللي كان مدة خبرة 13 سنة وهكذاا ملم اول أ اللي مدة خبرة 18 سنة ومعلم خبير وكبير معلمي 23 سنة و 28 سنة اليس كذلك

طيب زملاءنا اللى اشتغلوا بعقد مميز فى الفترة من 2005 إلى 2008
يعملوا ايه علشان ضم المدة لان المدرسة ما عندهاش فكرة

أخى الدكتور عبدالرحمن المنياوى
كلامك مش واقعى بسبب ايه افولك ايه فائدة مدة الخبرة هتزيد معاش ؟ انا هفولك فى واحد زميلى مواليد 1975
واتعين 2011 اشترى معاش من 1999 الى 2011 يعنى على كلامك هو احسن منى مع انه اشتغل من 2011 بس ليه معاش من 1999
يعنى لو هتتحسب فى المعاش بس طب بناقص لانى كد كد انا هشترى معاش من 2000

لا لا عفوااااا يا دكتور عبدالرحمن

اولمرة تم نتطبيق الكادر سنة 2008 اللي امتحن للحصول ع درجةمعلم هو المعلم للي سوات خبرتة 8سنات اواكثر
ثم + 5سنوات يبقي 13سنة
ولذلك اللي امتحن الكادر ع مدرس او ل ال مرة سة 2008

هواللي كان مدة خبرة 13 سنة وهكذاا ملم اول أ اللي مدة خبرة 18 سنة ومعلم خبير وكبير معلمي 23 سنة و 28 سنة اليس كذلك

أخي معك حق هذا حدث فعليا ولكنه كان تطبيقا خاطئا في قانون الكادر لأنهم عملوا كده لأن مفيش فترة معلم مساعد مروا بيها .. لكن نص القانون واضح بأن يرقى من معلم مساعد لمعم بعد استكماله للاشتراطات خلال السنتين ثم يرقى للدرجة الأعلى بعد استكمال مدة بينية مقدارها 5 سنوات من تاريخ الدرجة الأدنى .. انا باتكلم على نص القانون وإن حدثت تجاوزات في التطبيق فاحنا بنتكلم عن الصح .. واللي لازم يحصل واحنا بيننا وبين المديرية القانون والقانون لازم يطبق ..

أخى الدكتور عبدالرحمن المنياوى
كلامك مش واقعى بسبب ايه افولك ايه فائدة مدة الخبرة هتزيد معاش ؟ انا هفولك فى واحد زميلى مواليد 1975
واتعين 2011 اشترى معاش من 1999 الى 2011 يعنى على كلامك هو احسن منى مع انه اشتغل من 2011 بس ليه معاش من 1999
يعنى لو هتتحسب فى المعاش بس طب بناقص لانى كد كد انا هشترى معاش من 2000

أختي الأستاذة مروة .. كلامك مايعارضش كلامي .. انا باقول ضم المدة لمدة التعيين مايفيدكيش غير في المعاش فقط .. وخدي بالك إن المعاش غير فروق النقابة .. لان فروق النقابة ممكن تشتري فيها سنين سابقة برضه عن تعيينك ..

الكلام بتاعي واااااضح .. الترقي بتاريخ الدرجة مش بتاريخ التعيين .. واللي مش مصدق يروح لإدارته ويسألهم ويقولهم أنا قرار كذا تعيين كذا .. أدخل أقدم ترقيات إمتى ؟؟ .. وهو هيسمع العجب .. وبعدين الناس اللي اترقت ياجماعة مش بعيد عننا .. شوفوا اللي اترقوا اترقوا بناء على ايه .. مادام الناس مش عاوزة تطلع على قانون الكادر .. خلاص نسأل ..

أنا بقى كلامي مش واقعي في إيه ؟؟؟؟

طيب زملاءنا اللى اشتغلوا بعقد مميز فى الفترة من 2005 إلى 2008
يعملوا ايه علشان ضم المدة لان المدرسة ما عندهاش فكرة

أختي هويدا التقديم في الإدارات شغال .. روحي وقدمي ورقك .. مال المدرسة ومال ده

جميله هى روح الحوار الهادئ التى يتضف بها المعلم شكراااااااااااااااااااااااااااااااااااااا

ظيب بخصوص قرار162 اداره شبين القناطر - قليوبيه ازاى نضم المده

ظيب بخصوص قرار162 اداره شبين القناطر - قليوبيه ازاى نضم المده


أخي الاستاذ كامل .. أي محافظة محتاجة تضم .. لازم تاخذ قرار من المحافظة بتعديل تاريخ الدرجة ليكون من أول تعاقد

ياريت تدعوا معاكوا اللى كانوا شغلين بالحصة في هذه الفترة واتثبتبتوا معلم بنفس هذه القرارات علشان يضموا المدة ايضا ويد الله مع الجماعة وهو بالحصة كان بيخصم منه تامينات ومعاشات ليه ليس من حقه الضم ولا ايه يا دكتور

أخى الدكتور عبدالرحمن المنياوى
لاتوجد علاقة بيب الدرجة وقانون الكادر لان قانون الكادر الترقية كل 5سنوات وليس لها علاقة بالدرجةلان الدرجة الثالثة مدتها 8سنوات مثل باقى الوزارات طب انا عندى زميل اشتغل 2007 وهو عنده 22 سنة هيستفيد ايه لان العاش هياخده من 2009ليكمل 36 سنة
سؤال ايه الفرق بين اللى اشتغل واللى ما شتغلش؟ مقيش فرق لانهم لهمالحق سواء بشراء معاش

يا اخت مروة .. خلينا منطقيين .. قانون الكادر حدد الدرجات الوظيفية موازية للدرجات المالية .. يعني المعلم المساعد يعادل الدرجة الثالثة والمعلم يعادل الثالثة بأقدمية سنتين .. والمعلم اول تعادل الثانية .. وتكون الترقيات بقضاء مدة بينية خمس سنوات في الوظيفة الأقل ..

وانت تتعيني معلم مساعد ثم بعد سنتين تبقي معلم ثم بعد خمس سنوات تبقي معلم أول وهكذا ..

انت لازم تنسي موضوع الوزارات التانية دي .. احنا مش زي التانيين لانهم بيعاملوا بقانون العاملين المدنيين واحنا لا ..

انت عاوزة تقولي انك هتترقي بأقدمية الخبرة .. وانا باقول لحضرتك توجهي مباشرة واسألي موظف إدارتك المسئول عن الترقيات .. إسأليه سؤال واحد .. أنا تعيين كذتا وتاريخ درجتي كذا .. هترقى إمتى ؟؟؟؟؟

الإجابة هتكون وفقا لتاريخ الدرجة مش لتاريخ التعيين ..

والمحافظات التانية عملت كده مفيش محافظة ضمت المدة لتاريخ التعيين بس .. المحافظات ضمت المدة لتاريخ الدرجة وانا رفعت الكلام ده قبل كده .. وده كلام التنظيم والإدارة ..
وبعدين حضرتك ارمي موضوع المعاش ده على جنب .. احنا بنتكلم في ترقيات ..

وبعدين انا لما اروح أطالب ان تاريخ الدرجة يتعدل ويكون من تاريخ التعيين ده هيضرك في ايه خديني حضرتك على قد عقلي للآخر .. يمكن يكون فيها خير للكل ..

من القانون 155 لسنة 2007 الخاص بكادر المعلمين:
-----------------------------------------------------------
مادة(71)
يتكون جدول وظائف المعلمين من الوظائف الآتية:
1. معلم مساعد
2. معلم
3. معلم أول
4. معلم أول(أ)
5. معلم خبير
6. كبير معلمين
ويصدر باعتماد جدول هذه الوظائف وبطاقات وصفها وإعادة تقييمها وترتيبها قرار من وزير التربية والتعليم يتضمن ما يقابلها من وظائف الأخصائيين الاجتماعيين والنفسيين وأخصائيي التكنولوجيا وأخصائيي الصحافة والإعلام وأمناء المكتبات

مادة(81)
يشترط للترقية إلى الوظائف المنصوص عليها في المادة (71) من هذا القانون الآتي:
1-استيفاء شروط شغل الوظيفة المرقى إليها على النحو المبين ببطاقة الوصف الخاصة بها.
2-قضاء خمس سنوات على الأقل في ممارسة العمل الفعلي في الوظيفة الأدنى مباشرة أو ما في مستواها وفقاً للقواعد التي يصدر بها قرار من وزير التربية والتعليم.
3-الحصول على شهادة الصلاحية لمزاولة الوظيفة المرقى إليها .
4-الحصول على تقرير تقويم أداء بمرتبة فوق متوسط على الأقل في السنتين السابقتين مباشرة على النظر في الترقية.
-------------------------------------------------------------------------------------------------
علشان خاطر ربنا بقى محدش يطلع تاني ويقول ترقيتنا من معلم لمعلم أول بعد 8 سنين والكلام ده ..

من حصل على الدرجة فى 2008 متى تتم ترقيته حسب القانون؟

واية المانع ان يحسبوا تاريخ الدرجة مع تاريخ التعيين يادكتور ؟

ادعو الله التمكين من اضافة سنوات العمل بالحصة

هو مفيش مانع من كده ولكن الموضوع هم بيعقدوه

لاعضاء المنتدى الكرام لكل من يسأل عن وقفة 28 إبريل لتفعيل الضم الفعلي :
************************************************** *****
ملخص ما حدث بعد كل الدعوات على الفيس وخارج الفيس لم يستجيب للدعوة الا النشطين فقط وعددهم كان قليل وبعد كل النقاش مع اكثر من مسئول سواء فى المديرية او ادارة المنيا التعليمية
عدنا لنقطة البداية وهى عــــــــــــدم وجـــــــــــــــــــــــود درجـــــــــــــــــات مالية حتى الان للمعلمين بقرارات 53 و 74 و 244 و 280 و 169 و 530 ولايمكن اضافه سنوات الخبرة الا عند وصول الدرجات لان الخبرة ستضاف على الدرجة وحسب كلام المسئولين والمحافظ على صفحته من فتره ان الدرجات ستاتى قبل شهر 7 القادم

اما القرار الذى صدر من المحافظ والذى وصل معظم الادارات ماعدا ادارة سمالوط الخاص بالضم لن يتم تفعيله الا بعد وصول الدرجات ولذلك يتم حاليا جمع الاوراق الخاصة بالضم كإجراء استباقى لحين وصول الدرجات ووقتها سيتم ضم سنوات الخبرة

ووفقا لحديثنا مع مسئول قسم التسويات فى المديرية أكد لنا ان الضم سيكون على الدرجة الثالثة التخصصية وسيكون من بداية اول تعاقد ولكن كل هذا متوقف على الدرجات لابد من وجود الدرجات اولا ليحدث الضم بعدها والموضوع مسألة وقت

يعني فاكس المدة ده مجرد عمل شكلي لن يتم تفعيله رسميا من قبل المديرية إلا بعد وصول الدرجات .. لأن مفيش كارت درجة موجود في المدديرية الكروت موجودة في الإدارة وبعد ملئ الكروت لن تستلمها المديرية إلا بعد وصول خطاب رسمي بالدرجات من وزارة المالية .. ومديرية قالت نضم لكم المدة فين بالضبط ؟؟ مش لازم يبقى فيه كارت نضم لكم فيه رسمي ؟؟؟

تحية اعزاز وتقدير لكل المعلمين النشطين الذين يسعون دائما لخدمة زملائهم وأخص بالذكر الاستاذ صابر كامل والاستاذ عبدالله على والاستاذه الهام والاستاذه هديل والاستاذه مها والاستاذه هناء

وآخرهم الدكتور عبدالرحمن المنياوي

وهدفنا المطالبة بحقوقنا حتى نستردها بمشيئة الرحمن

السلام عليكم انا معلم على القرار 244 تعين معلم مساعد فى2009 وحصلت على معلم فى 7/2011 وقبل ذلك اربع سنوات بالحصة حصلت فيها على مكافئة فى كل سنة كنت اعمل بها هل يجوز لى ضم سنوات العمل كمعلم مساعد . وهل يجوز ضم سنوات عملى بالحصة ؟ ارجو الرد والافادة ولسيادتكم جزيل الشكر .

السلام عليكم انا معلم على القرار 244 تعين معلم مساعد فى2009 وحصلت على معلم فى 7/2011 وقبل ذلك اربع سنوات بالحصة حصلت فيها على مكافئة فى كل سنة كنت اعمل بها هل يجوز لى ضم سنوات العمل كمعلم مساعد . وهل يجوز ضم سنوات عملى بالحصة ؟ ارجو الرد والافادة ولسيادتكم جزيل الشكر .

من حقك اضافة فترة المعلم المساعد طبعا .. وهي بمجرد وصول الدرجة هتلاقيها مضمومة ..

لكن فترة الحصة وفقا للقانون هي من حقك لكن لازم بقى الإدارة تعترف بها

المطلوب (المطالبة بالدرجة الثالثة من بداية تاريخ التعيين الجديد الموجود فى قرار الضم)

استاذى الجليل عبد الرحمن انا اعمل بعقد منذ 2005 و تم تثبيتى على درجة معلم 2011 و انا قرار 53 و عندما اضم باذن الله هل سيكون تاريخ الدرجة 2005 و اذا كان هذا اليس من حقى الترقى لدرجة معلم اول و جزاكم الله عنا كل الخير استاذى المحترم