مشاهدة النسخة كاملة : @ مسألة احصاء من دليل التقويم @
SENDRILLA 23-06-2008, 08:01 PM السلام عليكم
ياجماعه لو سمحتوا انا لسخ بادئه احل نماذج الاحصاء النهارده
عشان خايفه يجيب حاجه منها في الامتححان
بس لقيت مسأله كده داخل فيها المتتابعات الهندسيه بتاعت 2 ثانوي
وطبعا انا مش فاكره فيها اي حاجه
فممكن هو يجيب حاجه متراكمه يعني
ع العموم هي المسأله رقم 46 ص 17
حجر نرد منتظم بحيث احتمالات ظهور الارقام من 1 الي 6 تكون الحدود المتتاليه لمتتابعه هندسيه اساسها 2 احسب احتمالات الحصول علي رقم ( مش كاتب رقم هنا ع فكره )عند القاء الحجر مره واحده
وغالبا اصلا المسأله ناقصه
بس اتمني حد يحلها بجد عشان بقلق انا من المسائل الذكيه شويتين دي
وياريت اللي قابلته اي مسأله صعبه ف الدليل ياريت يحطهها
تحسبا لاي غدر من اللي ينتقم منه واضع الامتحان
حسبي الله ونعم الوكيل فيه
bigboss215 23-06-2008, 08:10 PM sry
lama la2itha motatab3a sebtha
SENDRILLA 23-06-2008, 08:13 PM يعني اسيبها ولا ايه
اصل مفيش حاجه مستبعده في الزمن الاخبر بتاعنا ده
طب لو حضرتك حليت النماذج كلها
ياريت تقوللي هقدر اخلصها كلها النهارده ونص بكره كده
ياريت حضرتك تطمني عشان خايفه اوي
SENDRILLA 23-06-2008, 08:36 PM ايه يا جماعه
حد يقوللي حلها ضروري
عايزه اقوم ولازم ان شاء الله اخلص الفصل الاول النهارده
وربنا يوفقنا جميعا
hagar 23-06-2008, 08:45 PM بصي انا هحلها علي اساس فهمي والله اعلم
وبكره هسأل فيها المستر وابقي اقولك
حجر نرد منتظم بحيث احتمالات ظهور الارقام من 1 الي 6 تكون الحدود المتتاليه لمتتابعه هندسيه اساسها 2 احسب احتمالات الحصول علي رقم ( مش كاتب رقم هنا ع فكره )عند القاء الحجر مره واحده
( 1 , 2 , 4 , 8 , ...... ) متتابعة هندسية لأن 2÷1 = 4÷2 = 8÷4 = ..... =2
يعني احتمال الرقم الي يطلع يكون في ممتابعه هندسيه
والارقام بتاعتنا موجوده من 1 ل 6
يعني الحدث(1و2و4) بيساوي 3
والاحتمال هيساوي 3÷6 = 1/2
ويارب اكون افدتك
SENDRILLA 23-06-2008, 08:55 PM ايه ده انا نسيت اصلا ان المتابعه الهندسيه بتكون كده
شكرا ليكي يا هاجر
بجد استفدت وان شاء الله يكون ده حلها الصح
وياريت برده تتأكدي ولو في جديد ياريت تقول
ي شكرا يا قمر ع المساعده
hagar 23-06-2008, 09:00 PM العفو ياقمر
وانا هتأكد واقولك عليه علي طول
وياريت اي مسأله تلاقيها صعبه تجيبيها كدا
Dr.Nobel 23-06-2008, 09:41 PM بصي ياسندريلا
المتتابعة الهندسية اصلا
(أ, أر , أر^2 ,.......)
وهو قال هنا اساسها 2
تبقي
(أ, 2أ, 4أ, 8أ, 16أ, 32أ)
هاخد اول ست حدود عشان حجر النرد من 1 الى 6
ودول مجموعهم بواحد
ل(ف)=1
يبقي أ+2أ+4أ+8أ+16أ+32أ =1
وأ هتطلع 1/63
وتضربي في 2 كل مرة عشان تجيبي الاحتمال اللي بعده
hagar 23-06-2008, 09:55 PM انا مش فاهمه حاجه خالص
:S:S:S
Dr.Nobel 23-06-2008, 10:10 PM انا مش فاهمه حاجه خالص
:S:S:S
يعني انتي هتعملي متتابعة هندسية
زي ما مكتوبة
بس هتعمليها ست حدود بس عشان الاحتمالات الناتجة عن حجر النرد 6 بس
وتجمعيهم وتساويهم بالواحد
بس مينفعش نعملها زي مانتي قولتي في الاول
يارب اكون وصلت المعلومة لحسن انا مبعرفش اشرح كويس
SENDRILLA 23-06-2008, 10:35 PM والله انا قريت المسأله تاني
وكنت داخله دلوقتي عشان اقول لهاجر ان حلهها مش هيبقي كده وتسأل المدرس بكره
بس لقيت رد حضرتك
الحل مقنع جدا
متشكره جدا يا نوبل علي تعبك
وشكرا كمان يا هاجر علي تعبك معايا
جزاكم الله خيرا
hagar 23-06-2008, 10:50 PM شكرا يجماعه علي الحل
وانا فهمتو والحمدلله
be_easy_diro 24-06-2008, 03:53 AM شكرا ليكم بس هل هو ممكن يجيب حاجات من سنة تانية
Dr.ahmed91 24-06-2008, 09:50 AM طب ياجماعة حد يحللي المسألة رقم 9 في الباب الثاني
اللي هي بتقول
القي حجر نرد مرة واحدة وكان المتغير س يعبر عنه كالتالي
اذا ظهر عدد اولي على الوجه العلوي فانه يكسب ععد من النقط ضعف العدد الظاهر واذا
ظهر عدد غير اولي فانه يخسر عدد من النقط يساوي العدد الظاهر
اوجد ميو ومعامل الاختلاف
Dr.Nobel 24-06-2008, 11:19 AM طب ياجماعة حد يحللي المسألة رقم 9 في الباب الثاني
اللي هي بتقول
القي حجر نرد مرة واحدة وكان المتغير س يعبر عنه كالتالي
اذا ظهر عدد اولي على الوجه العلوي فانه يكسب ععد من النقط ضعف العدد الظاهر واذا
ظهر عدد غير اولي فانه يخسر عدد من النقط يساوي العدد الظاهر
اوجد ميو ومعامل الاختلاف
هنقول
ف={1, 2, 3, 4, 5, 6}
وهو قالك لو طلع عدد غير اولي بياخد قيمته سالب ولو عدد اولي بياخد ضعف قيمته موجب
يبقي المدي={-1, 4, 6, -4, 10, -6 }
ونكمل بقي ونجيب الميو
Dr.ahmed91 24-06-2008, 12:38 PM شكرا يا انس
احمد حسين - الاسكندرية
monii_noni 24-06-2008, 09:18 PM سورى يا نوبل بس انا مش فاهمة اخر مسالة دى خااااااااالص ياريت توضح اكتر
معلش حتعبك معايا
monii_noni 24-06-2008, 09:23 PM خلاص يا نوبل الحمد لله فهمتها شوفت بقى وفرت عليك
ادعولنا بكرة بقى
Dr.Nobel 24-06-2008, 09:32 PM سورى يا نوبل بس انا مش فاهمة اخر مسالة دى خااااااااالص ياريت توضح اكتر
معلش حتعبك معايا
خلاص يا نوبل الحمد لله فهمتها شوفت بقى وفرت عليك
ادعولنا بكرة بقى
سبحان الله الخمس دقايق دول فرقو معاكي
هههههههههههه
ربنا يوفقك وتقفلي الامتحان بكره ان شاء الله
|