بسم الله لرحمن الرحيم



http://www.almoallem.com/NewsPics/selah.jpg

المحتوى الإلكتروني المصاحب لجميع كتب سلاح التلميذ والمعلم
مجانا على مواقعهم الرسمية

http://www.selaheltelmeez.com
http://www.almoallem.com

الموقع بيقدم أربع عناصر هامة:
1- كليبات تعليمية.
2- بنك أسئلة.
3- اختبر نفسك.
4- اختبارات كاملة بإجاباتها النموذجية.

تعالوا ناخد جولة في الموقع

لما تدخل على الموقع حتلاقي الشاشة الرئيسية دي:

http://www.selaheltelmeez.com/help/01.jpg

ولو دخلت على أي عام دراسي زي الصف السادس الابتدائي تظهر لك أيقونات لكل كتب سلاح التلميذ الخاصة بهذا العام:

http://www.selaheltelmeez.com/help/02.jpg

لو عاوز مادة زي العلوم
اضغط على غلاف الكتاب الخاص بها ليظهر لك فهرس المنهج والمكون من وحدات كل وحدة تتفرع منها دروس:

http://www.selaheltelmeez.com/help/03.jpg

نقي الدرس اللي على مزاجك ..

ولو عاوز تراجع على وحدة معينة اختار الدرس الأخير في الوحدة واللي اسمه "مراجعة عامة على الوحدة كذا"

ولو عاوز تراجع على المنهج كله اختار آخر درس في الفهرس واللي اسمه "مراجعة عامة"

وأيا كان المستوى اللي إنت داخل منه (درس أو وحدة أو منهج)
الموقع بيقدم لك أربع عناصر رئيسية
والصفحة دي بتقولك طبيعة كل عنصر إيه

http://www.selaheltelmeez.com/help/04.jpg

تعالوا نشوف كل عنصر من دول فيه إيه ..

أولا: الكليبات التعليمية
كلها فيها شرح وتعليق المدرسين اللي هما نفسهم مؤلفي كتب سلاح التلميذ والمعلم
وبصوتهم

وجدنا في الموقع أربع أنواع من الكليبات

النوع الأول: الرسوم المتحركة
وهي كليبات رسوم متحركة ثنائية الأبعاد
2D Animation يعني
تشرح بالكارتون المبسط أهم أجزاء المنهج

الكليبات مركزة ومختصرة ..
على سبيل المثال الكليب في الصورة الموضحة أدناه طوله حوالي 3 دقائق

http://www.selaheltelmeez.com/help/05.jpg

كمان مع كل كليب ح تلاقي كل الأسئلة الموجودة في بنك الأسئلة واللي إجابتها مشروحة في الكليب نفسه
بحيث تقدر تقيم هل استوعبت الشرح
ولا محتاج تتفرج على الكليب مرة تانية

معظم كليبات الموقع مصنوعة بطريقة الفيديو فائق الوضوح 720p HD
لو عندك نت سريعة خليك حريص على مشاهدة الفيديوهات بهذه الجودة الرائعة
وكمان خلي الصورة بكامل الشاشة Full Screen تاخد حاجة أنضف من التليفزيون

http://www.selaheltelmeez.com/help/06.jpg

لو النت عندك على قد الحال يبقى كفاية دقة 480p أو 360p
دقة 240p ح تبقى وحشة قوي بس سريعة

النوع الثاني: الفيديو كليب

كليبات متصورة بالكامير ومعاها صوت المدرس للشرح

يعني على سبيل المثال
تلاقي كليب بيشرح التغيرات الكيميائية المصاحبة لعملية احتراق السكر

http://www.selaheltelmeez.com/help/07.jpg

النوع الثالث: كليبات السبورة الذكية Smart Board

ومركزين في النوع ده على حل مسائل الرياضيات
وحتلاقي مؤلف كتب الرياضة بيشرح بنفسه إزاي المسائل تنحل

http://www.selaheltelmeez.com/help/08.jpg

وكمان التدريبات النحوية الموجود في كل كتب العربي
حتلاقوها محلولة بالصوت والصورة
مع شرح للقواعد النحوية المستخدمة في حل أسئلة كل قطعة

http://www.selaheltelmeez.com/help/09.jpg

وهكذا مع أي تدريبات فيها مسائل زي منهج الفيزياء في المرحلة الثانوية مثلا

http://www.selaheltelmeez.com/help/10.jpg

النوع الرابع: كليبات الفلاش التفاعلية

وتطلب منك التفاعل بالماوس لعمل تدريبات بإيدك تساعدك على فهم نظرية معينة

http://www.selaheltelmeez.com/help/11.jpg

ده عن الكليبات التعليمية بأنواعها الأربعة

العنصر الثاني الذي يقدمه الموقع هو

ثانيا .. بنك الأسئلة

وحتلاقي فيه عدد ضخم جدا من الأسئلة على كل أجزاء المنهج وكلها مجاب عنها إجابة نموذجية

الأول بيظهر السؤال
ولو عاوز تشوف الحل .. اضغط على كلمة الإجابة
ولو عاوز الإجابة دايما ظاهرة
اعمل صح Check أمام كلمة (الإجابة)

http://www.selaheltelmeez.com/help/12.jpg

العنصر الثالث اللي بيقدمه الموقع هو:

ثالثا .. اختبر نفسك

على حسب إنت داخل منين
درس ولا وحدة ولا منهج
لو داخل على درس حيجيلك اختبار به 10 أسئلة بشكل عشوائي على هذا الدرس
لو داخل على وحدة حيجيلك اختبار به 20 سؤال بشكل عشوائي على هذه الوحدة
لو داخل على المنهج كله حيجيلك اختبار به 30 سؤال بشكل عشوائي على المنهج كله

كل سؤال له مجموعة من الاختيارات
وعليك تختار الإجابة الصحيحة

http://www.selaheltelmeez.com/help/13.jpg

سواء أكانت إجابتك صح أو خطأ
حتروح على السؤال التالي
وهكذا إلى أن تتم الأسئلة

في نهاية الأسئلة
بتعرف درجتك
والموقع بيعرض لك كل الأسئلة التي وردت في الاختبارمجمعين
ويوضح لك فين إجابتك الصح (باللون الأخضر)
وفين إجابتك الغلط (باللون الأحمر) ..
والصح بتاعها فين (باللون الأخضر)

http://www.selaheltelmeez.com/help/14.jpg

العنصر الأخير الل بيقدمه الموقع هو

رابعا .. الاختبارات الكاملة

وكلها لها إجابات نموذجية

http://www.selaheltelmeez.com/help/15.jpg

بس لاحظ حاجتين:

أولا: إن الاختبارات الكاملة بتكون إما على مستوى الوحدة
أو على مستوى المنهج ككل
لا توجد اختبارات كاملة على مستوى الدرس

ثانيا: الاختبار يعرض أمامك أولا وإجابات كل الأسئلة مختفية
بيدك فرصة تحاول تحل إنت الأول
عاوز تتأكد من إجابتك
اضغط على كلمة الإجابة المصاحبة لكل سؤال في الاختبار

http://www.selaheltelmeez.com/help/16.jpg

* * *

الموقع مجاني تماما

بس مطلوب منك حاجتين

الأولى
إنك تسجل في الموقع ببريدك الإلكتروني والموقع ح يبعت لك كلمة السر عليه

التانية
تضيف أي كتاب لمكتبتك عن طريق الإجابة على سؤال عبيط
ح يسألك عن كلمة معينة في سطر من صفحة في الكتاب
وحيقولك على أول حرف منها

دول ثلاث فيديوهات للمساعدة:

الأول بيشرح إزاي تعمل لنفسك بريد إلكتروني لو مش عندك ..




الثاني بيشرح إزاي تعمل اشتراك مجاني في الموقع ..




الثالث بيشرح إزاي تضيف كتاب لمكتبتك علشان يبقى عندك المادة الإلكترونية كاملة مش مجرد وحدة من المنهج على سبيل العينة




* * *

وأخيرا ..
عاملين صفحة رسمية على الفيسبوك لسلسلة كتب سلاح التلميذ عليها كل التحديثات وده عنوانها
www.facebook.com/SelahEltelmeez (http://www.facebook.com/SelahEltelmeez)

وعاملين صفحة رسمية على الفيسبوك لسلسلة كتب المعلم عليها كل التحديثات وده عنوانها:
www.facebook.com/almo3llem (http://www.facebook.com/almo3llem)

آسف للإطالة بس الموقع يستاهل
منقول للفائدة

http://im40.gulfup.com/kMAFN.gif

قمت بالتسجيل ولله الحمد

والوقتى بحمل الدروس فى النحو للصف الرابع



http://www.youtube.com/watch?feature=player_embedded&v=zSZcP7oK2MY#at=237



رابط رئيسى لمجموعة دروس

http://www.youtube.com/user/selaheltelmeez/videos

تدريب على المفرد المؤنث والمفرد المذكر

http://www.youtube.com/watch?feature=player_embedded&v=f2Fp8G2pGzA
شرح المثنى
http://www.youtube.com/watch?feature=player_embedded&v=XmebnY525Ws
تدريب على المثنى
http://www.youtube.com/watch?feature=player_embedded&v=fIXmDuVjoFE#!

جميييييييييييل جدا
جزاك الله كل الخير

مجهود أكثر من رائع جزاك الله خيراً

شكرا جدا جدا جدا

جزاكم الله خيراً
وبارك الله لكم فى أوقاتكم
ومتعكم الله بقلب سليم
أسأل الله من فضله القبول والإخلاص
تقبل الله منا ومنكم

جزاك الله خيرااا

جزاك الله خيراً

فيديوهات شرح القواعد النحوية للصف السادس الابتدائى لعام 2013 (http://www.thanwya.com/vb/showthread.php?t=515414)

جزاك الله خيرا

متاح ان شاء الله بعض مناهج الفصل الدراسى الاول والموقع فى حالة تحديث ورفع مستمر

تابعوه