السلام عليكم ورحمة الله وبركاته

ده اول موضوع ليا هنا فالمنتدي وكنت عايزة اخد رايكو فموضوع محيرني
انا فتانية ثانوي السنة دي وعلمي علوم ان ساء الله السنة الجاية وانا باخد عند مدرس انجلش هو كويس قوي وكان كل الاوائل فالمدرسة بياخدوا عنده بس بقالوا السنة دي للطلبة كلها سابته وبيقولوا ان فيه مدرسين افضل بكتير وبيروحوا لموجه بس انا مجربتوش اجربه فتالتة ولا خليني مع المدرس الاول مع العلم ان اللي سابوه بيجيبوا نفس الدرجات اللي جابوها مع الاولاني والسنة الي جاية الانجلش من 75 وانا محتارة اخد عند مين ؟؟

خليكى عند اللى بتاخى عندوا
وبعد كدة العيب عمروا ماكان من المدرس دايما فى الطالب خليكى عند المستر بتاعك وركزى كويس وبإذن الله هتقفلى فى المادة

اولا وعليكم السلام ورحمة الله
ثانيا انتى اكيد مرتاحة مع المدرس الى بتاخدى معاه وديه حاجة كويسة ممكن فى بداية الدروس السنة الجاية تروحى تجربى المستر التانى يمكن تلاقيه برده كويس وانتى الى هتقدرى تميزى اى واحد احسن اكيد كل واحد بيركز على حاجات معينة شوفى مين الى هيشغلك اكتر وعموما هو الانجليزى اصلا بيعتمد فى الدرجة الاول على الطالب مش المدرس
وربنا يوفقك يا جميل ويوفقنا جميعا ان شاء الله