انا بضيع ساعدوني؟؟؟؟؟؟؟؟؟؟؟؟؟؟ [الأرشيف] - بوابة الثانوية العامة المصرية

مشاهدة النسخة كاملة : انا بضيع ساعدوني؟؟؟؟؟؟؟؟؟؟؟؟؟؟

yaso ali

27-04-2013, 12:03 AM

السلام عليكم ورحمه الله وبركاته
انا طالبه في 3 ثانوي وعلمي رياضه ومعايا مواد
عربي وفيزيا ورياضه وفلسفه وانجلش ومستوي عربي
ومش فتحت اي كتاب من اول السنه معرفش اي حاجه وحاسه بجد اني خلاص ضايعه ضايعه يعني
الفيزيا دي معرفش فيها ولا كلمه وضايعه ضايعه فيها يعني وباقي المواد طبعا بس الفيزيا تقيله اوي وانا مش عارفه اعمل فيها حاجه
انا دلوقتي بتوسل اليكم ومحتاجه منكم مساعده ليا والله محتجالكم بجد والله
قولولي هل انا اقدر من دلوقتي اذاكر واجيب مجموع عالي واقفل المواد دي كلها ؟
هل اقدر اعمل دا في شهر واقدر اني الم المواد واقفلها في شهر بس؟؟؟
ولو اقدر يعني اعمل ايه؟؟؟؟؟؟
يعني اذاكر ازاي اقسم كل ماده ازاي ولا اعمل ايه علشان كده؟؟؟؟؟؟؟؟؟؟؟؟؟؟؟؟
امشي ع جدول ايه علشان اظبط كل المواد في شهر واحد واقدر اقفل المواد كلها انا اهم حاجه عندي اني اقدر الم المواد واقفلها واجيب مجموع عالي؟؟؟؟؟؟؟؟
بالله عليكم محدش يبخل عليا باي حاجه واي حد يقرا الموضوع ويقدر يساعدني مش يتردد بالله عليكم
ودمتم بخير يارب

RamXOoD

27-04-2013, 05:01 AM

خلي نيتك خير و اتكلي ع الله و اتعبي ربنا هيكافئك بس حافظي على صلتك بربك و ان شاء الله ربنا يسترها معاكي و معانا

ahmed ali12345

27-04-2013, 10:43 AM

yaso ali

27-04-2013, 12:04 PM

لو على كلامك ده انكن متعرفيش اى حاجة خالص خالص
يبقى انتى تضيعى سنه من عمرك احسن ما تضيعى عمرك كله
يعني دا راي حضرتك؟؟؟؟؟؟؟؟؟؟
معتش الحق خالص اي اعمل اي حاجه

ahmed ali12345

27-04-2013, 01:10 PM

يعني دا راي حضرتك؟؟؟؟؟؟؟؟؟؟
معتش الحق خالص اي اعمل اي حاجه

لو مذاكرة على خفيف ممكن تجيبى ان شاء الله بس لازم تدحى جااااااااااامد وتاخديها حياة او موت
اما لو ابيض فأنتى اما تضيعى عمرك كله...اما تأجلى السنة دى والسنة الجاية تذاكرى كويس من دلوقتى وفى الاجازة والسنة الجاية تضمنى اى كلية حتى لو طب لان التنسيق هينزل اعتقد...:)

سحر الدنيا

27-04-2013, 02:53 PM

Eng esra

27-04-2013, 03:19 PM

انا شايفة ان الموضوع صعب اوي انك تلمي المواد كلها ف شهر واحد هتلمي ايه ولا ايه ولو حصل معتقدش انك هتيجيبي اللي انتي عايزاه بس انا شايفة انك لو عرفتي تقسمي السنة تاخدي مادتين مثلا السنادي ولا تلاتة عربي وانجلش وعلم نفس مثلا وكلهم حفظ لو قعدتي تصميهم ف الشهر ده هيثبتو ان شاء الله وخلي السنة الجية الفيزيا والرياضة عشان دول انا معتقدش انك هتقدري تلميهم ف شهر وربنا معاكي

ابانوب ايليا

27-04-2013, 07:17 PM

بصى زى ماقال الاخوة الاعضاء الكرام لو انتى ابيض ياورد يعنى ولاكلمة عارفاها يستحسن انك تعملى الاتى
عربى + انجليزى + علم نفس السنة دى تطحنيهم مذاكرة وتأجلى الفيزياء والرياضة 2

Wise..Brain

27-04-2013, 08:12 PM

شيلى الراوتر او وصلة النت وكسريه
وكمان الموبايل ...
ادخلى اتوضى وصلى ركعتين اقرى سورة الرحمن
وامسكى الكتاب من 8 - 11 او 12
هاتى العربى دلوقتى لانه كبير
واصحى الفجر ذاكرى من 4 او 4.5 -8 الصبح اى مادة تانية لو خلصتى المنهج فى الدروس
اقعدى من الدروس عشان متبقيش مرتبطة بمراجعة ونظام
والظهر من 12- 1
دول هتذاكرى فيهم...مذاكرة مذاكرة يعنى تمسكى الكتاب تحفظى
الوقت الفاضى ده تحلى فيه فيزيا وانجليزى
بس ابعدى عن النت متقوليش هاخد بريك ولا كلام فاضى
وثقى بربنا
ومش هيخذلك ابدا
ان الله لايخذل عبدا شكى
عبدا بكى
عبدا حنى راسه ثم دعا
بالتوفيق

عصومى الزملكاوى

28-04-2013, 07:05 AM

لا تحزني أختي ، وأنصحكي بأن تنسي ما فات لإنه ذهب ولن يعود . لكن لو طموحاتك عالية ومجموعك كويس في تانية اقسمي علشان متضيعيش نفسك وتندمي بعد كده ، بس لازم تتفاءلي أختي وعيشي في حدود يومك ، وقربي من ربك أكتر وأكتر وادعيله كتير لإنه أكيد عالم بحالك وادعي أن يبارك ليكي في هذا الشهر وأن يسامحكي علي الأوقات السابقة التي ضاعت ، وحاولي تشوفي المدرسين وحتي تأخدي لوحدك درس علشان يقدر يلم ليكي المنهج بسرعة ممكنة ، بس ابدأي دلوقتي وامسكي الكتب واعقدي العزم ....

حسونة بيه

29-04-2013, 12:03 AM

اولا انا هقولك على العربى وبجدول سهل وانا ماشى عليه عند العربى قراءة الوحدة الاسلامية دى لازم بيجى منها درس والنصوص الاجبارى نظرة وانته سيد قرارك والصغيران دى برضو لازم يجى منها درس والنصوص الشعرية زاكرى غربة وحنين والنسور وصخرة الملتقى وكم تشتكى حتى ودحيهم بحيث لو جيه واحد منهم فى الاختيارى شغال والقصة الجزئين الاول والتانى بصى بقى الجدول اللى انا ماشى عليه فى العربى
اولا من 1_5 ل 7_5 هتزاكرى قيم انسانية وانت سيد قرارك وغربة وحنين وكل يوم خديلك فصل قصة قراية مش شرط حفظ المهم تفهمى احداثها
ومن 7_5 ل14_5 هتزاكرى العلم فى الاسلام ونظرة والنسور والوحدة الاولى والتانية نحو هتلاقيهم فى كتاب الامتحان الجزء التانى سهلين جدا
ومن 14_5 ل21_5 هتزاكرى القدس والصغيران وكم تشتكى والوحدة الثالتة نحو وزى ما اتفقنا كل يوم هتقرى فصل قصة ومن21_5 ل28_5 هتزاكرى الارقام العربية الاصيلة وصخرة الملتقى والوحدة الرابعة والخامسة نحو لانى النصوص الاجبارى خلصت يا مسهل كدة فاضلك ادب وبلاغة يتلموا فى الوقت اللى فاضل لانى الادب معظم الطلبة بتزاكروا قبل الامتحان بفترة قليلة

حسونة بيه

29-04-2013, 12:06 AM

استنى رايحة فين وبالنسبة للفلسفة متزاكريش من كتب خارجية دى دش على الفاضى هاتى ملازم لاى استاذ كويس هى سهلة هتلاقى ممكن الفلسفة حوالى 50 صفحة لو كل يوم من 1_5 ل30_5 خدتيلك صفحتين اول ما تصحى كدة هتلاقى نفسك فى الاخر مجمعة والمنطق حوالى 40 وركزى اهوى على الفصل 6.7.8 لانى تلت الامتحان بيجى منهم تمام يعنى هتزاكرى كل يوم صفحتين فلسفة وصفحة واحدة منطق لانى قليل برضو منهجه

حسونة بيه

29-04-2013, 12:09 AM

يا مسهل نيجى بقى للانجلش هتلاقى كتاب surprise 18unit تمام تمام كل يوم من برضو 1_5 خدى يونيت ومعاه بقى خلصى مثلا كل 5 ايام سوال فى المنهج speaker situation ترجمة والقصة اقريها وافهميها برضو مش لازم تصميها والله العظيم فى ناس بتصمها وبتحل غلط عشان مش فاهمه كدة انا قولتلك على اللى اقدر افيدك فيه عشان انا دبى ومعرفش حاجة عن الفيزياء والرياضة انا اسف انى طلت عليكى

To Be Is To Do

29-04-2013, 12:52 AM

The LeGenDarY ZeZo

29-04-2013, 04:59 AM

حاولى تذاكرى قويس مع انى فى الإعدادى بس انا شايف انك شبه مستحيل تنجحى لكن ما تيئايش من رحمة ربنا

M i S h O o

29-04-2013, 11:41 AM

زى ما قال الناس لو مثلا بتذاكرى خفيف خفيف وعارفه حاجات فى المنهج يبقى الشهر دا تقدرى تعملى فيه حاجات كتير
لو لو ميح خالص
يبقى تاخدى الثلاث المواد الحفظ وتسيبى فيزياء ورياضه 2 للسنه الجايه
لان الكليات مجموعها عالى والخاص كمان بقى عالى
انا جايب فى ثانيه 94.5% لكن انا بقالى شهرين صليت صلاه الاستخاره والحمد لله قررت انى اؤجل الفيزياء والرياضه مع ان الرياضه انا ممتاز فيها الحمد لله بس مرضتش اخد ماده واحد فيزياء عشان مزهقش واهى الرياضه بحبها ابقى اتسلى فيها

وبالتوفيق

ArabianPDA

30-04-2013, 09:46 PM

:(
لييييه كده !!

N.Mohamed

03-05-2013, 09:54 AM

اولا لا لليأس
{وَلاَ تَيْأَسُواْ مِن رَّوْحِ اللّهِ إِنَّهُ لاَ يَيْأَسُ مِن رَّوْحِ اللّهِ إِلاَّ الْقَوْمُ الْكَافِرُونَ } يوسف87 .
لن ينقذك من هذا الا الله
فعليك بالتوبه الي الله من الذنوب يعني زي الاغاني والافلام وتليفزيون وغيروا
اول ماتخلصي الكلام دا روحي صلي ركعتين توبه
وعليك بالدعاء والالحاح فيه
وطبعا المواظبه علي الصلوات في وقتها
وقراءه القران ( النهارده الجمعه متنيسيش قراءه سورة الكهف )
ومينفعش يعدي اكتر من ثلاث ايام من غير ماتقرئ قران دا هيخش تبع الهجر ولا 40 يوم ومختمتيش
انت ممكن تظبطيها بانك مع كل صلاه تقري اربع ورقات كدا هتختمي في شهر يعني جزء يوميا
يا لو في قيام ليل وقت السحر حتي لو ركعتين
ومتنسيش ذكر الله وخصوصا الصلاه علي النبي لانها بتغفر ذنبك و تكفيك همك
نيجي بقي للمواد
بصي انتي عندك 20 يوم لمذاكره المواد
هتخدي يوم تقري الامتحانات كلها لكل ماده وتقري المواد كلها يعني تقري الامتحانات بتاعه مثلا الفيزياء بعدها تقري منهج الفيزياء تمام
بعدها تقسمي المواد علي حسب الاهميه عندك
يعني انا عندي الاهميه الاول فيزياء بعدها احياء بعدها عربي بعدها انجليزي بعدها علم نفس ( بتختلف من كل واحد)
بعدها تقسمي المنهج علي 20 يوم تمام بعد العشرين يوم ترجعي بعدها كل ماده في يوم
العربي مش مهم تاكدي عليه اوي عشان باقي الايام ليه يعني تاخديه علي خفيف
المواد في اليوم لاتقل عن 3 مواد
المذاكره تعمليها 50 دقيقه بعدها 10 دقائق راحه الراحه ممكن تعملي فيها رياضه مهمه جدا او كوبايه شاي براحتك بس لازم رياضه
وانتي بتذاكري جيبي جنبك زجاجه ماء واشربي ماء كتير
وجيبي شكولاته او بونبون ( ارواح ) وكليها وانتي بتذاكري

واخيرا استعن بالله ولاتعجز

[/color]

ShahiNda A7Med

03-05-2013, 12:49 PM

عبد المقصود مصطفى

03-05-2013, 01:12 PM

:(
لييييه كده !!

حضرتك فى طب ما شاء الله طيب ممكن لو سمحت تفيدنى محتاج مساعدتك لو مش فيها حاجة يعنى