( الرسائل الخاصة ) قنبلة موقوتة داخل منتدى تعليمى [الأرشيف]

عاشق البلانكو الابيض

27-04-2013, 08:22 PM

السلام عليكم ورحمة الله وبركاته

طبعا الرسايل الخاصة ليها اسبوع وهى موقوفة فى المنتدى
وخلال الاسبوع ده راحت شكاوى كتير للادارة انهم لازم يرجعوا الرسايل
وكان اهتمام الناس فوق الحد بالموضوع ده
بس فى الحقيقة اغلب الناس اللى بتشتكى من عدم وجود الرسايل
ملهاش وجود ولا نشاط واضح فى المنتدى ولا مشاركات ولا مواضيع
اذا الناس دى داخلة علشان الرسايل الخاصة فقط لا غير
وانا اللى هقوله غى الموضوع ده وجهة نظرى واللى انا شفته من خلال
الفترة الكبيرة اللى كنت موجود فيها فى المنتدى
وهسال الاعضاء سؤال ما فائدة هذه الرسائل الخاصة ؟؟؟؟

اكيد فى اعضاؤ هتقول للتواصل مع الادارة او الاستفسار عن شئ
طيب والكلام ده ما ينفعش من غير رسايل خاصة ....
احنا هنا فى منتدى تعليمى وللاسف الرسايل الخاصة اصبحت تستعمل
من اجل التعارف بين الشباب والبنات وبين التعارف بين البنات والمعلمين ايضا
اكيد فى ناس كتير هتنكر الكلام ده
بس هل من جواك ضميرك مرتاح وانت بتنكر ده وممكن تكون سبب ان حياة
بنات كتير تضيع وتدمر وتصبح فريسة لاى ذئب هل هتبقى ممرتاح لده ؟؟؟

وسؤالى هنا بوجه لكل الاعضاء والمشرفين والادارة
هل هتتاثر او سيتاثر نشاطك فى المنتدى لو مكنش فى رسايل خاصة ؟؟
هتفضل موجود ولا هتسيب المنتدى علشان الرسايل ؟؟
وليه وهى بتمثل ليك ايه ؟؟؟

وفى النهاية بوجه كلامى لادارة المنتدى مربين الاجيال السادة الافاضل
اتخدوا موقف ضد الل بيحصل فى المنتدى ده المنتدى تعليمى
ومش مسموح انه يتحول لساحة شات وتعارف فى الرسايل الخاصة
وموضوعى مفيهوش اى غلط لاى حد انا بطرح قضية مهمة للنقاش

واخيرا اقتراحى هو قفل هذه الرسائل نهائيا
وتحويلها كمان تفعل بعض المواقع الاخرى
وهووو رسائل الزوار االلى بتكون مكشوفة للادارة ولا يمكن
يحصل فيها اى غلط واللى بيتكلم كلام عادى فى الرسايل
عمره ما هيعارض انها تتحول لرسائل زوار

انتظرونى فى قضية ساخنة اخرى تخص المنتدى

عاشق البلانكو

فاى 11

27-04-2013, 08:58 PM

كلامك صح
ياريت تتوقف الرسائل الخاصة تماما
وجزاك الله خيرا على الطرح القيم

عاشق البلانكو الابيض

27-04-2013, 09:04 PM

كلامك صح
ياريت تتوقف الرسائل الخاصة تماما
وجزاك الله خيرا على الطرح القيم

انا سعيد ان فى اعضاء متفقة معايا
نتمنى من الادارة موقف حاسم
شكرررا لحضرتك

ام علاء

27-04-2013, 10:11 PM

عاشق البلانكو الابيض

27-04-2013, 10:17 PM

موضوع وقف الرسائل الخاصة اثار جدل كبيرداخل المنتدى
اختلف مع حضرتك فى الراى استاذ محمود
اولا جميع المنتديات التعليمية فيها صندوق
للرسائل الخاصة ...وبعدين حضرتك قلت ان
فى ناس بتدخل مخصوص علشان الرسايل
اعتقد ان فى وساائل كتير تتيح التواصل غير رسائل المنتدى
دى وجهة نظرى ولحضراتكم حق الاتفاق او الاختلاف معى
فى وحهة نظرى....تحياتى

احترم وجهة نظرك استاذتى الفاضلة
صحيح فى وسائل كتير علشان التواصل
بس هيوصل للوسائل دى ازاى من غيرتعارف فى
الرسائل الاول وفى ناس فعلا معاها 50 مشاركة بس
وهتلاقى عضويتها فى ملف اغلب البنات
طبل هقول لحضرتك على شئ كنت بكلم شخص
علشان ارشحه للاشراف وهو كن بيكلم وحدة بنت
فى نفس الوقت فى الرسايل وغلط وبعتلى
اللى كان هيبعته ليها وكانوا هيقابلوا بعض فى اليوم ده
شفتى حضرتك الرسائل بتعمل ايه

جزاكى الله خيرا

Mr.Ahmed Fadel

27-04-2013, 10:18 PM

وفى النهاية بوجه كلامى لادارة المنتدى مربين الاجيال السادة الافاضل
اتخدوا موقف ضد الل بيحصل فى المنتدى ده المنتدى تعليمى
ومش مسموح انه يتحول لساحة شات وتعارف فى الرسايل الخاصة

الموضوع جدير بالنقاش يا محمود
وكويس ان الموضوع ده يجى من شباب المنتدى
متابع مع حضراتكم النقاش
مشاركة مشاركة
وما نتفق عليه هنا
يعرض على مجلس الادارة

عاشق البلانكو الابيض

27-04-2013, 10:23 PM

[/center]

الموضوع جدير بالنقاش يا محمود
وكويس ان الموضوع ده يجى من شباب المنتدى
متابع مع حضراتكم النقاش
مشاركة مشاركة
وما نتفق عليه هنا
يعرض على مجلس الادارة

شكرا لحضرتك استاذى الفاضل
على المشاركة فى الموضوع
وان شااء الله يكون النقاش مفيد
بس كنت اتمنى اسمع وجهة نظر حضرتك
الشخصية فى الموضوع
وخصوصا انى اقترحت بديل وهى رسايل الزوار
وفى منتديات كتير عاملة كده
جزاك الله خيرا

الأستاذ أحمد راشد

27-04-2013, 10:27 PM

الأستاذ أحمد راشد

27-04-2013, 10:31 PM

احترم وجهة نظرك استاذتى الفاضلة
صحيح فى وسائل كتير علشان التواصل
بس هيوصل للوسائل دى ازاى من غيرتعارف فى
الرسائل الاول وفى ناس فعلا معاها 50 مشاركة بس
وهتلاقى عضويتها فى ملف اغلب البنات
طبل هقول لحضرتك على شئ كنت بكلم شخص
علشان ارشحه للاشراف وهو كن بيكلم وحدة بنت
فى نفس الوقت فى الرسايل وغلط وبعتلى
اللى كان هيبعته ليها وكانوا هيقابلوا بعض فى اليوم ده
شفتى حضرتك الرسائل بتعمل ايه

جزاكى الله خيرا

محمود

كلام كويس

الا الاستشهاد الذى قمت به

فمهما كان الامر

فلا داعى لذكر اى شيء لانه من باب الامانة

حتى ولو وصلك على سبيل الغلط

ارجو ان تتقبل نقدى

عاشق البلانكو الابيض

27-04-2013, 10:31 PM

السلام عليكم

اولا تحياتى لك عاشق البلانكو

ثانيا انا معك فى بعض ما قولت

وع الرأى ال قائل انها ضرورية

واقترح

ان يتم رفع السماح بتفعيل خاصية الرسائل الى 500 مشاركة

بدل من 50

وفتح رسائل الزوار

مع التركيز من الادارة المشكورة

بمن تكون مشاركاته ثابته عند 500

وطبعا سهل جدا انك تعرفهم

لان اغلب الردود هتكون من قبيل

مشكور

وجزاكم الله خيرا

وما الى ذلك من ردود

تحياتى

وممكن نتفاوض على ال 500 مشاركة اما بالتقليل او الزيادة

وعليكم السلام

اهلا استاذ احمد

اقتراح حضرتك جميل وجدير بالمناقشة

بس حضرتك برضو معايا فى اللى بيحصل من بلاوى

بسبب هذه الرسايل

ثانيا احب اعرف من حضرتك هى ضرورية فى ايه ؟؟؟

حتى نرفض وقفها نهائيا مع وجود بديل مثل رسائل الزوار

الأستاذ أحمد راشد

27-04-2013, 10:38 PM

وعليكم السلام

اهلا استاذ احمد

اقتراح حضرتك جميل وجدير بالمناقشة

بس حضرتك برضو معايا فى اللى بيحصل من بلاوى

بسبب هذه الرسايل

ثانيا احب اعرف من حضرتك هى ضرورية فى ايه ؟؟؟

حتى نرفض وقفها نهائيا مع وجود بديل مثل رسائل الزوار

من حيث انها ضرورية فهى ضرورية

لانه ساعات بيكون بيننا بعض العتابات
حد اتنرفز فى مشاركة وتكلم بحده خاصة فى الاراء السياسية

ومش معنى ان فى قله استخدمتها غلط تبقى دى القاعدة العامة للناس

عاشق البلانكو الابيض

27-04-2013, 10:47 PM

من حيث انها ضرورية فهى ضرورية

لانه ساعات بيكون بيننا بعض العتابات
حد اتنرفز فى مشاركة وتكلم بحده خاصة فى الاراء السياسية

ومش معنى ان فى قله استخدمتها غلط تبقى دى القاعدة العامة للناس

مش قلة استاذ احمد بالعكس

وحضرتك شفت الهجمة الشرسة اللى كانت على المنتدى

وكان فيها رسايل خاصة لمشرفين مع بنات

ثانيا لو كان على العتاب فده كلام عادى جدا

مش محتاج رسائل خاصة

ممكن يتقال فى رسائل الزوار عادى جدا

a7med bondok

27-04-2013, 10:52 PM

عاشق البلانكو الابيض

27-04-2013, 10:53 PM

محمود

كلام كويس

الا الاستشهاد الذى قمت به

فمهما كان الامر

فلا داعى لذكر اى شيء لانه من باب الامانة

حتى ولو وصلك على سبيل الغلط

ارجو ان تتقبل نقدى

الامر حصل من فترة وعمرى ما قلته
ولا ذكرت اسم الشخص ولا العضوة
ولا بعت للادارة
انا ذكرت موقف من ضمن مواقف فقط لا غير

عاشق البلانكو الابيض

27-04-2013, 10:58 PM

انا ضد لاني فعلا بحتاجها جدا مع زملائي وممكن الاساتذه يعني مرة استاذ ياسر (ابوبسمله) بعتلى اجابة سؤال في رساله خاصة واحيانا احب استشيره في امور شخصية طبعا الامر في النهاية للاداره وحتى لو كان بمنعها نهائيا فاعتقد انه لن يستدعي ترك المنتدى تماما وشكرا

طبعا حضرتك لك الحرية فى قبول الفكرة او رفضها
بس حضرتك بصيت لجزء من الموضوع ولم تنظر للبديل
لهذه الرسائل وهى رسائل الزوار
اللى تقدر من خلالها التواصل مع اى حد وهيظهر ليه تنبيه
ان فى حد بعت ليه رسالة وهيرد على حضرتك
هتبقى اشبه بالمحادثة داخل الملف الشخصى
واقتراحى فقط لمنع التجاوزات فى حق بنات كتير
فالرسائل لن تتاثر بتحويلها لرسائل زوار طالما
ما نفعله شئ لا نخاف ان يراه الاخريين

جزاك الله خيرا

أبوبسملة ياسر خليفة الطحاوى

27-04-2013, 11:01 PM

السلام عليكم ورحمة الله وبركاته

أشكرك أخى محمود على هذا الموضوع الهام بالفعل

ولكن الموضوع له عدة جوانب وليس جانب واحد

ماذا نعرف عن الرسائل الخاصة ؟؟

هل هي حق لنا !؟

للرسائل الخاصة أهمية كبيرة ..

فمثلاً عند تشارك أعضاء بموضوع ما و يجب
عليهم التواصل الرسائل الخاصة هي الطريقة الوحيدة لذلك ..

تستخدم الرسائل الخاصة في الإستفسار عن أمر ما

أو موضوع ما بين عضوين

و الرسائل هي طريقتهما الوحيدة لذلك ..

نعم .. هي حق لنا ..

ماذا نفعل مع من ينتهك خصوصيتها!؟

نتجاهله ..

و اذا استمر بالمضايقة نبلغ الإدارة عنه

لإتخاذ الإجراءات اللازمة ضده..

علماً .. من يقوم بإنتهاك الخصوصيات

شخص مع الأسف عديم الأخلاق و التربية

فهو لم يحترم خصوصيات الآخرين و تعدى عليها ..

هل يكفل لنا المنتدى هذه الخصوصيه

نعم .. المنتدى يكفلها عندما نقدم شكوى ضد من انتهكها .. تقوم إدارة المنتدى بالتعامل الحازم والصارم ضد كل شخص تسول له نفسه النيل من كرمة الاعضاء او المشرفين او المشرفات او طاقم الادارة

والدليل بالأمس القريب وما حاولته شرذمة ن الشراذم غير المسئولة من النيل من منتدانا

وسخرت جهودها لمحاولة الاساءة إلى الكثير من الاعضاء والقائين على المنتدى

ولكن بفضل الله كان الجميع لها بالمرصاد وباذن الله سنكون ايضا بالمرصاد لكل من تسول له نفسه النيل من منتدانا الحبيب

وماهو عقاب من يتعدى عليها !؟

التحذير إذا كانت للمرة الأولى ..

أما من تتكرر ضده الشكاوي ..

فعقابه هو الطرد والحظر وعدم الدخول بعضويته مرة اخرى

والحمد لله ادارة المنتدى تمتلك ما يجعلها تستطيع فعل كل ذلك

لا أعلم كيف ينظر الاخرين للرسائل الخاصه خاصة

الطرف الاخر إن ظن بأن ما يقوم به سيمر مرور الكرام فهو بالتأكيد مخطئ

فكلنا يعلم بأن أي إساءه أو سوء إستخدام لـهذه الخاصية سيعرض صاحبها للايقاف والحظر

المشكلة بالتأكيد تكمن في ذلك العضو

خلاصة القول أخى الفاضل

بالنسبة لي الرسائل الخاصة مجالها يظل محدودا

بحيث قد تمكنني من شكر عضو أو نصحه

و قد استقبل فيها دعوة أو نصيحة أو شكر أو ... ملاحظة ...

و قد تتسع بحيث تصير علاقتي عبرها بأخ معين

أو أكثر علاقة اخوية متينة

وهذه كلها إيجابيات .

أما عن سلبياتها فوالله

أسمع أن هناك من يسيئ استعمالها خاصة بين الج نس ين

فتنتج عبرها علاقة قد تقود إلى الحرام ....

وقد يستغلها البعض للإستفزاز

هذا ما حضرني حاليا و شكر الله لك

يعنى يا استاذ محمود لها إيجابياتها وسلبيتها

وأعتقد إيجابيتها أكثر داخل المنتدى

تحياتى لحضرتك على طرح الموضوع القيم

a7med bondok

27-04-2013, 11:08 PM

طبعا حضرتك لك الحرية فى قبول الفكرة او رفضها
بس حضرتك بصيت لجزء من الموضوع ولم تنظر للبديل
لهذه الرسائل وهى رسائل الزوار
اللى تقدر من خلالها التواصل مع اى حد وهيظهر ليه تنبيه
ان فى حد بعت ليه رسالة وهيرد على حضرتك
هتبقى اشبه بالمحادثة داخل الملف الشخصى
واقتراحى فقط لمنع التجاوزات فى حق بنات كتير
فالرسائل لن تتاثر بتحويلها لرسائل زوار طالما
ما نفعله شئ لا نخاف ان يراه الاخريين

جزاك الله خيرا

اعتقد لو سيصل التنبيه يكون كويس وبالنسبه للاولاد ممكن نتفق على اكتر من طريقة نتواصل بيها وفعلا كده احسن منعا للتجاوزات فهمتك خطا بالاول اسف

عاشق البلانكو الابيض

27-04-2013, 11:19 PM

اعتقد لو سيصل التنبيه يكون كويس وبالنسبه للاولاد ممكن نتفق على اكتر من طريقة نتواصل بيها وفعلا كده احسن منعا للتجاوزات فهمتك خطا بالاول اسف

الحمد الله ان حضرتك فهمت انا اقصد ايه
بالتاكيد هيوصلك تنبيه زى الرسائل الخاصة بالظبط
وكده اللى بيستعمل الرسائل فى شئ كويس
عمره ما هيحس بفرق خالص
بعكس اللى الرسائل بتمثل ليه حاجات يخاف حد يشوفها
فده المنتدى بعد كده مش هيبقى مهم ليه
لان اهم شئ بالنسبة ليه اتوقف
جزاك الله خيرا

أبوبسملة ياسر خليفة الطحاوى

27-04-2013, 11:21 PM

وعليكم السلام

كلام حضرتك كله سليم استاذ ياسر
بس حضرتك نظرت للموضوع من نظرة واحدة
فقط وهى الفتاة المحترمة التى سوف تبلغ عن اى شخص
يرسل لها رسالة للتعارف
هل شاهدنا هذه التبليغات فى المنتدى ؟؟؟
الاجابة نادار لما وحدة بتعمل كده
فى الحقيقة الموضوع بيبدا ان كل واحد يشارك فى موضوع التانى
ويعجب بيه ويبعت رسالة شكر عادية وبعد كده سؤال عادى
الى ان يتطور الامر بين اى شاب وفتاة
ايضا زى ما فى معلمين محترمين فى معلمين بيستغلوا البنت
مستر عاوزة اسالك عن شئ طيب انا مش فاضى خدى اميلى
كلمينى عليه وهشرح ليكى اللى انتى عوزاه
وهكذا حتى تستيقظ البنت وهى بتكون ضيغت نفسها
على فكرة انا اللى بقوله من تاليف او استنتاج
لا ده حقائق وقبل كده بلغت الاستاذة ام شاهندة بحاجات كتير
من ده بس للاسف المجلس اتغير ولم يكن هناك موقف حاسم
مع هولاء الذين يستمرون حتى الان
اعتقد كده حضرتك فهمت نظرتى للموضوع انا عارف ان الاغلبية هترفض
الفكرة بس لو الادارة بتبص للمصلحة وانها تمنع جرائم يكون المنتدى هو
السبب فيها ورسائل الزوار ما تفرقش كتير عن الرسائل الخاصة
غير انهاهتمنع الغلط
جزاك الله خيرا

أخى الفاضل

أنا من وجهة نظرى

شايف ان المنتدى بالفعل تأثر كثيرا

فى المتابعة بين الاعضاء

واحيانا بين الادرايين واعضاء الادارة

وممكن مقارنة بسيطة جدا

أبرز الإيجابيات

النصيحة السرية بكافة اشكالها

( دعوة ـ تنبيه ـ إرشاد ..... ) فهي أبلغ وأنفع

أبرز السلبيات

اصطياد الآخر

الازعاج

رمي التهم والسباب والشتم

السلببيات بفضل الله عزوجل نتفاعل معها

وكما قالت اختنا ام علاء من قبل

للتواصل صور عدة

ولن يعدم الانسان وسيلة

للتواصل مع الغير

لو أراد وعقد النية لذلك

شكرا لك اخى الكريم

a7med bondok

27-04-2013, 11:31 PM

عاشق البلانكو الابيض

27-04-2013, 11:32 PM

أخى الفاضل

أنا من وجهة نظرى

شايف ان المنتدى بالفعل تأثر كثيرا

فى المتابعة بين الاعضاء

واحيانا بين الادرايين واعضاء الادارة

وممكن مقارنة بسيطة جدا

أبرز الإيجابيات

النصيحة السرية بكافة اشكالها

( دعوة ـ تنبيه ـ إرشاد ..... ) فهي أبلغ وأنفع

أبرز السلبيات

اصطياد الآخر

الازعاج

رمي التهم والسباب والشتم

السلببيات بفضل الله عزوجل نتفاعل معها

وكما قالت اختنا ام علاء من قبل

للتواصل صور عدة

ولن يعدم الانسان وسيلة

للتواصل مع الغير

لو أراد وعقد النية لذلك

شكرا لك اخى الكريم

تمام وما دام فى بديل تقدر الاعضاء تتواصل
من خلاله مش هيبقى فيه مشكلة

جزاك الله خيرا

مستر الادهم

27-04-2013, 11:35 PM

الرسائل الخاصة بالمنتدى ضرورية جداً
ولست مع الادارة فى ايقاف العمل بها
لو اخطأ احد الاعضاء فى استعمال هذه الخاصية فلا نعمم الامر على الجميع
عدد اعضاء المنتدى يتعدى الربع مليون وفى طريقه الى اكمال اول مليونيه
فأن كان احد الاعضاء التافهين اساء لنفسه اولاً واساء للمنتدى
فيجب عقابه هو بايقاف هذه الخاصية لديه ولا يكون العقاب جماعى
نحن الآن فى مجتمع مفتوح يوجد الفيسبوك والتوتير لمن يريد ان يتقرب من اى فتاه
وهو ليس بحاجه الى المنتدى ليقوم فيه بهذا الامر
هل هناك احد المشرفين كان يقوم بهذا الامر ويتتبع بنات المنتدى
ولما منع من هذا الفعل يريد اهانة الجميع
غير مقبول يا ساده يا كرام تعميم فعل ارتكبه طفل صغير وانسان تافه على معلمين كبار
ارجو من الادارة المحترمة اعادة الرسائل الخاصة ولا تلتفت لعمل صبيانى من شخص تافه
وما دام الاستاذ المشرف الادارى ابوبسمله تصدى لمن قام بهذا الامر
فعليه ابلاغ الادارة به حتى تتخذ موقف واضح ضده ليكون عبره لامثاله

عاشق البلانكو الابيض

27-04-2013, 11:37 PM

بص يا استاذ محمود انا اميل لابقائها مع التنبيه على جميع الاعضاء بالتبليغ فور اي تعرض لانتهاك لان احيانا ممكن يكون الكلام محترم لكن لا تريد غيرك ان يراه مثال على ذلك استاذ ياسر وانا احدثه اعطاني رقم هاتفه قد لا يرغب ان يكون هاتفه مع الجميع لكن لكونها رساله خاصة فضامن انها جاية لواحد بس وغير كده ممكن اكون بهزر مع حد من زملائي باحترام وبرضه منفضلش حد يشوف الكلام صح والا لا

مااشى كلامك صح

بس برضو تقدر تسمح رسائل الزوار على طول

بس ما تخلص كلامك لو مش عاوز حد يشوفه

بس هنا حضرتك بتفضل مصلحة الشخصية عن مصلحة عامة

حضرتك ولد ومش يهمك شئ

لكن فى غيرك بنات بتدمر بسبب الاستهوان بهذا الامر

لو اختك دخلت هتبقى مطئمن عليها ان مفيش شيطان

ممكن يلعب بيها ولا بدماغها ويستغلها خلينا نبص لمصلحة عامة

بعيدا عن مصالحنا الشخصية

وكل اللى حضرتك قلته تقدر تعمله على الاميل

عاشق البلانكو الابيض

27-04-2013, 11:40 PM

أبوبسملة ياسر خليفة الطحاوى

27-04-2013, 11:44 PM

مااشى كلامك صح

بس برضو تقدر تسمح رسائل الزوار على طول

بس ما تخلص كلامك لو مش عاوز حد يشوفه

بس هنا حضرتك بتفضل مصلحة الشخصية عن مصلحة عامة

حضرتك ولد ومش يهمك شئ

لكن فى غيرك بنات بتدمر بسبب الاستهوان بهذا الامر

لو اختك دخلت هتبقى مطئمن عليها ان مفيش شيطان

ممكن يلعب بيها ولا بدماغها ويستغلها خلينا نبص لمصلحة عامة

بعيدا عن مصالحنا الشخصية

وكل اللى حضرتك قلته تقدر تعمله على الاميل

أخى الكريم

1- هيقدر يعمله على الايميل ازاى من غير ما يكون معاه ايميل الشخص الثانى

ولكى يحصل عليه لابد من رساله خاصة

هذا اولا

ثانيا اخى الكريم

بصراحة عندما أقوم بفتح الملف الخاص بأحد الإخوة وأجد دعوة موجهه إليه لموضوع من المواضيع بين رسائل الزوار الخاصة به

فأدخل الموضوع وإذا به موضوع جديد لم يمر علي من قبل !!!

هنا ممكن أتساءل :

لو قمت بتوجيه دعوة لأحد الاعضاء للمشاركة فى موضوع ما

لماذانسيت أن الملف مكشوف لكل الإخوة المارين به

وسيحملون تساؤلا حملته عند التفكير بالشخص الذي لم

يدعوني للمشاركه في موضوعه

ولذلك أرى أن الرسائل الخاصة هي الأفضل فى أمور كثيرة جدااااااااا

شكرا لكم

a7med bondok

27-04-2013, 11:46 PM

مستر الادهم

27-04-2013, 11:47 PM

ههههههههههـ المشكلة كل شخص بيدخل يشارك
على اساس اسم الموضوع فقط بدون قراءة الموضوع للاخر
اخى الفاضل اقرئ الموضوع كويس وشارك بعد كده
الرسائل مش هتتاثر احنا هنمنع الغلط بس

هههههههههههههههه
انا قريت الموضوع من اوله الى آخره قبل ما اكتب اى كلمه
وكما اوضحت ان هناك شخص ما اساء فى تصرفه مما دفع الادارة لاتخاذ هذا الموقف
ولا يجب ان يكون هناك اوصياء على احد
فالمنتدى له سمعته بين الجميع
وان كان هناك قله غير محترمه ففى كل مكان ستجد هذه القله
من يحترم يحترم نفسه ومن يسيئ يسيئ لنفسه
وان كان هناك خطأ للادارة فهى انها اعطت ثقه لمن لا يستحق
فأساء التصرف
ومره اخرى لا يجب تعميم عمل فردى لشخص غير مسئول على الجميع

عاشق البلانكو الابيض

27-04-2013, 11:49 PM

أخى الكريم

1- هيقدر يعمله على الايميل ازاى من غير ما يكون معاه ايميل الشخص الثانى

ولكى يحصل عليه لابد من رساله خاصة

هذا اولا

ثانيا اخى الكريم

بصراحة عندما أقوم بفتح الملف الخاص بأحد الإخوة وأجد دعوة موجهه إليه لموضوع من المواضيع بين رسائل الزوار الخاصة به

فأدخل الموضوع وإذا به موضوع جديد لم يمر علي من قبل !!!

هنا ممكن أتساءل :

لو قمت بتوجيه دعوة لأحد الاعضاء للمشاركة فى موضوع ما

لماذانسيت أن الملف مكشوف لكل الإخوة المارين به

وسيحملون تساؤلا حملته عند التفكير بالشخص الذي لم

يدعوني للمشاركه في موضوعه

ولذلك أرى أن الرسائل الخاصة هي الأفضل فى أمور كثيرة جدااااااااا

شكرا لكم

استاذ ياسر

هو بيقول اصدقائه

يعنى امربديهى وطبيعى انه معاه اميلاتهم

وموبيلاتهم

الجزء التانى اللى بيوجه دعوة بيوجها لجميع الاعضاء

الموجودين والمشاركين باستمرار فى المنتدى مش معقولة

هينسى حد ولو نسى مثلا

هنغير من بعض يعنى علشان دعوة بموضوع

ليه نمسك فى امور زى دى وسايبين الموضوع الاساسى

هل حضرتك معترف بحصول كثير من التجاوزوات فى الرسائل ام لا ؟؟؟

عاشق البلانكو الابيض

27-04-2013, 11:51 PM

كلامك متفق مع جزء كبير منه بس اعتقد واحد داخل منتدى تعليمي اكيد فتياته عاقلات طب مثلا لو تم تفعيل رسائل الزوار وواحد قال لواحده كلميني ميل وانت جيت تعترض قالتلك وانت مالك ساعتها مش هتبقى عارف ترد

لا وقتها بقا مش هيبقى ليهم مكان بينا

ولا ايه رائ حضرتك

عاشق البلانكو الابيض

27-04-2013, 11:54 PM

هههههههههههههههه
انا قريت الموضوع من اوله الى آخره قبل ما اكتب اى كلمه
وكما اوضحت ان هناك شخص ما اساء فى تصرفه مما دفع الادارة لاتخاذ هذا الموقف
ولا يجب ان يكون هناك اوصياء على احد
فالمنتدى له سمعته بين الجميع
وان كان هناك قله غير محترمه ففى كل مكان ستجد هذه القله
من يحترم يحترم نفسه ومن يسيئ يسيئ لنفسه
وان كان هناك خطأ للادارة فهى انها اعطت ثقه لمن لا يستحق
فأساء التصرف
ومره اخرى لا يجب تعميم عمل فردى لشخص غير مسئول على الجميع

انا مش عارف كلام حضرتك ده على اساس ايه

هل حضرتك ادارة لتعرف ما يدور داخل الادارة ام انك تراسل

شخص بالادارة لتقول هذا الكلام

ثانيا الادارة لم توقف الرسائل ى فترة موقتة وهتعود الرسائل

انا بتكلم على ما بعد عودة الرسائل مرة اخرى

ولو حضرتك ما ببتقلش كلام سر مع حد مش هتفرق معاك رسائل خاصة من رسائل زوار

جزاك الله خيرا

فيض خاطري

27-04-2013, 11:54 PM

أبوبسملة ياسر خليفة الطحاوى

27-04-2013, 11:56 PM

عاشق البلانكو الابيض

27-04-2013, 11:59 PM

السلام عليكم ورحمة الله وبركاته
اولا

ماحدث من بعض الاعضاء الغير أسوياء فى الايام الماضية ماهى الا زوبعة فى فنجان لن تستطع ان تؤثر فى صرح تعليمى كبير كمنتدى الثانوية العامه وكان هدفه اثارة البلبة داخل المنتدى ولكن الحمد لله لم يتأثر المنتدى وماشاء الله الاعضاء يزيدون يوما بعد يوم
ثانيا
الرسائل الخاصة مهمة جدا للتواصل بين الاعضاء وبين الاعضاء ومجلس الادارة ولم نعرف قيمتها إلا لما تم وقفها
اقترااااااااااااااح
أقترح تفعيل الرسائل الخاصة للعضو الجديد بعد 1000 مشاركة وليس 500 حتى يتأكد لمجلس الادارة جدية العضو من مشاركاته داخل المنتدى
جزاكم الله خيرا

وعليكم السلام

يا جماعة انا مش بتكلم عن اللى حصل

اللى حصل جزء بسيط من موضوعى

انا بتكلم ع حاجات بتحصل ولسه بتحصل بين اعضاء

داخل المنتدى ومحدش يعرف عنها شئ ليه المتدى يكون

سبب فى دمار بنات كتير يعنى

واكيد عضوات مجلس الادارة زى الاستاذة صوت العقل او الاستاذة ام امل

او الاستاذة نغم وصلتهم شكاوى من بنات كتير تعرضوا لخداع

لحد ما وصل بيهم الحال انهم خايفين يتفضحوا قدام اهلهم

ده هذفى من الموضوع هو منع هذه المواضيع

رسائل الزوار مش هتفرق كتير بس هتمنع بلاوى

جزاكى الله خيرا

أبوبسملة ياسر خليفة الطحاوى

28-04-2013, 12:00 AM

السلام عليكم ورحمة الله وبركاته
اولا

ماحدث من بعض الاعضاء الغير أسوياء فى الايام الماضية ماهى الا زوبعة فى فنجان لن تستطع ان تؤثر فى صرح تعليمى كبير كمنتدى الثانوية العامه وكان هدفه اثارة البلبة داخل المنتدى ولكن الحمد لله لم يتأثر المنتدى وماشاء الله الاعضاء يزيدون يوما بعد يوم
ثانيا
الرسائل الخاصة مهمة جدا للتواصل بين الاعضاء وبين الاعضاء ومجلس الادارة ولم نعرف قيمتها إلا لما تم وقفها
اقترااااااااااااااح
أقترح تفعيل الرسائل الخاصة للعضو الجديد بعد 1000 مشاركة وليس 500 حتى يتأكد لمجلس الادارة جدية العضو من مشاركاته داخل المنتدى
جزاكم الله خيرا

كلام صحيح وجميل جدااااااااااااا

وانا أؤيد الاقتراح الثانى

أن يتم تفعيل الرسائل الخاصة بعد الف مشاركة

وبكده ندرك بالفعل أن هذا عضو سوى وسوف يحترم قرارت المنتدى وتعليماته

لانه لو خالف سوف يتم ايقاف العضوية بكده اصبح محتاجا لوقت طويل كى يصل لالف مشاركة مرة اخرى

شكرا لحضرتك استاذة سلوى كمال

فيض خاطري

28-04-2013, 12:06 AM

عاشق البلانكو الابيض

28-04-2013, 12:06 AM

أستاذ محمود

كما قال مستر الادهم

اكيد كل مكان فيه وفيه

فيه الصح وفيه الخطأ

فيه المهذب وفيه غير المهذب

نحن فى مجتمع مفتوح

والتواصل له اشكال متنوعه

ولو كان هناك مشرفون وقعوا فى هذا فليس الخطأ على إدارة المكان

فلن تكون الادارة لديها ريموت كنترول فى التحكم فيما يريده الاعضاء والمشرفون من بعضهم البعض

نعترف بوجود تجاوزات

لوكن تجاوزات محدودة ومن يقوم بالتبليغ عن اى رساله فيه ما يسيء بيلقى الردع من الادارة

لكن انا شايف بالفعل

ان الرسائل الخاصة ضرورية جدا لتواصل الجميع

وكل إنسان رقيب نفسه استاذ محمود

ولكن من أدراك أخى الكريم ان هناك تجازوات بالضخامة التى تتصورها ؟؟

هقولك على شئ بسيط

انا ايام مجلس الاستاذ ممدوح والاستاذة ام شاهندة

كنت مشرف خبر وتعليق فقط

وكنت مشرف على الغرفة الصوتية

ولو قولتلك عن اللى كان بيحصل من سادة مدرسين مستمرين

لحد دلوقتى فى الغرفة الصوتية مش هتصدقنى

بس فى عضوات فى المنتدى يعرفوا ده كويس بس عمرهم ما هتيكلموا

وكمان الاستاذة ام شاهندة تعرف ده كويس

اللى هيقول اننا فى المنتدى فى المدينة الفاضلة يبقى بيخدع نفسه

كمان انا كان ليا مشكلة كبيرة مع شخص فى المنتدى

واكيد هو بيشاهد كلامى دلوقتى والشخص ده كان سبب

ان بنات كتير تسيب المنتدى بسبب الرسائل الخاصة

والاستاذة نغم محمد عارةف كده كويس

استاذ ياسر انت مع احترامى ليك بس حضرتك مش تعرف بيحصل

ايه فى المنتدى قدى حضرتك مش شاركت فى الاقسام كلها غير من قريب

قبل كده كل نشاطك كان منحصر فى قسم يخص المعلمين فقط

عاشق البلانكو الابيض

28-04-2013, 12:09 AM

أعتقد إن العضوات اللى بتدخل المنتدى عارفين إن ده منتدى تعليمى كويس جدا وأى تصرف خطأ منهم عليهم تحمل مسئوليته واعتقد ان معظم أعضاء المنتدى داخلين بأسماء وهمية فمن أين يأتى الخوف؟
أنا مع ارجاع الرسائل الخاصة فورا
وكل انسان يتحمل نتيجة خطأه

وادارة المنتدى عليها مسئولية

هو لو عضو ادارة عنده بنت هيسبيها تنحرف

ويقول هى تتحمل نتيجة غلطها

حضرتك نفسك لو والك شافك بتعملى غلط

هيقومك ولا هيقول انا مالى هى براحتها

Wise..Brain

28-04-2013, 12:43 AM

موضوع مهم
هو فى كل المنتديات يعنى
انما المواقع الدينية فى الاساس ممنوع فيها الرسايل الخاصة
انا مسجلة من 2010 ومش ضايفة اصدقاء ولا عمرى جالى رسالة
الا من زمان وفاتحاها من قبل مالرسايل تتقفل كانت تهنئة من ادارة المنتدى تقريبا كانت مبعوتة لاكبر عدد من الاعضاء تهنئة بالسنة الجديدة
وملاحظتش اصلا ان الخدمة متشالة الا من يومين xD
الا مقرأت بالصدفة كدة الشريط اللى فوق
-----
بعد الرغى ده كله ....القصد ان فى ناس بتهمها وناس تانية ولا فى دماغها
بيتهيالى لو فى تعارف بين شاب وفتاة او بين اولاد مع بعض او بنات مع بعض مبيستمرش ع الرسايل
الفيس عامل اللازم
وده خطر كبير جدااااااا بيهددنا خاصة فى منتدى تعليمى
او ممكن تساهم فى المشاركة بين الطالب والمدرس او اعضاء المنتدى والادارة واعتقد ان ده اللى اتعملت علشانه...
او تعارف بين الاعضاء او ودية ...هى سلاح ذو حدين
بس بالنسبة لى مش فارقة :)
---
جزاكم الله خيرا

اسراء سمير00

28-04-2013, 07:57 AM

بجد موضوع يستحق المناقشات
وانا معاك في كل الكلام الي حضرتك بتقوله استاذ / عاشق البلانكو

a7med bondok

28-04-2013, 09:11 AM

اعتقد بعد قراءة الردود كاملة استنتجت شيء يجب القيام به استاذ عاشق البلانكو وهو ان يتم عمل استفتاء بين اعضاء المنتدى ويستمر الاستفتاء اسبوع ويتم التنبيه على جميع الاعضاء بالاشتراك في الاستفتاء مع توضيح السلبيات والايجابيات واننا نبرئ انفسنا امام الله من اي مخالفة بعد ذلك وكل عضو مسؤل امام الله عما يرسله

life goes on

28-04-2013, 09:19 AM

وانا معاكى ياروءه

Khaled Soliman

28-04-2013, 09:59 AM

والأن يستطيع الكثيرين تخمين من الذى قام بتسريب وإعادة نشر لبعض الرسائل الخاصة بين بنات وإداريين وفضحهم على صفحات المنتدى فى الأيام القليلة الماضية
بل ولم يكتفى بذلك فقد كانت له مشاركات تجاوز فيها حدود الأدب اللفظى إلى صور فاضحة
أحترم ما قامت به الإدارة من إغلاق لباب الرسائل الخاصة وكنت أرجو إجراء مراجعة للرسائل الخاصة فى ملفات كافة المشتبه بهم دون تمييز بين إدارى ومشرف ومعلم وعضو وإجراء عملية تطهير واسعة لمثل هذه النماذج التى قد تسئ للجميع

mfa1

28-04-2013, 10:52 AM

السلام عليكم و رحمة الله و بركاته
أكيد كل الأخوة الأفاضل الذين أبدوا الرأي و كل أدلى بدلوه من وجهة نظره التي نحترمها جميعا و جميعها كل ينظر من زاوية و يحدد هدف و يريد إنجاز نتيجة
ما بالك لو منعنا بيع و عرض و استخدام السكين و المقص و الساطور لأنها تستخدم في الق ت ل و تصيبنا بجروح
جميع الأدوية بالصيدليات سم قاتل عندما يساء إستخدامها و يأخذها الشخص الخطأ مع الدواء الخطأ
الكهرباء قاتلة فيجب منعها لكف الأذى و رفع الضرر و سلامة الناس و نعيش في عصر ما بعد منع استخدام الكهرباء
الأسلاك و الحبال تستخدم في الشنق فيجب منع تصنيعها و تداولها
الأنهار و البحار و المحيطات يغرق بها الناس و السفن فيجب تحجيمها
الأمثلة كثيرة و كل شيء سلاح ذو حدين فله النافع و الضار و العاقل الرشيد يعرف ما يضره و ما ينفعه
ليست الرسائل الخاصة الوسيلة الوحيدة لفساد و إفساد المجتمع و الإخلال بقيمه فموجود ما هو أشنع منها و أضل سبيلاً و لست بسبيل التفصيل و العرض و ما يعجز اللسان عن ذكره و الإفاضة فيه لسوء منظره و كلاحة وجهه تشمئز النفس من سماعه و ليس بمنعها سيعود للمجتمع أخلاقه و قيمه و نمنع الجريمة فالجريمة موجودة من أيام قابيل و هابيل و حتى الأن لم يكتشف علاج ناجع منها و حتى مع سن قوانين الإعدام
الرسائل الخاصة ( الوجه الحسن لها عندما تستخدم الإستخدام الجيد المرجو منه و المستهدف منه الخير) هي وسيلة سريعة لربط الأعضاء سويا كروح الفريق للإستفسار أو إضافة معلومة أو التنبيه بشيء أو طلب شيء و على وجه السرعة و الخصوصية فعندما نمنعها نكون قد فصلنا بين الأقسام و منعنا التواصل و ألغينا شبكة المواصلات و الإتصالات الضرورية لشريان العمل في المنتدى

فما لا يمكن منعه يرشد و توضع له ضوابط ليسير في الطريق الصحيح و كما نرجو منه و نستهدف
و منعا لكل عابث ( و ليست على إطلاقه أو للتعميم فقط القلة الضالة السيئة المنحرفة )فبعضهم يسجل اليوم و يدخل ليلقي بقذارة نفسه على صندوق الرسائل و يستهدف الجميع بشناعة فعله و سوء أخلاقه فيمكن تفعيل إعدادات المنتدى بحيث لا يمكن للشخص( الحديث التسجيل بالمنتدى )من تنزيل روابط/ أو صور / أو رسائل خاصة قبل وصوله ل 50/500/100 مشاركة حسب رأي و تحديد الإدارة
الصرامة و الحزم مطلوبين مع التجاوزات و عدم السير على اللوائح و القوانين المنظة للمنتدى و أي خروج يقابله ردع حسب الجرم و التجاوز و يكون الردع فوري و ناجز و منتج لآثاره بمعني أن ينشأ قائمة سوداء يسجل فيها الأعضاء و الجرم المرتكب و الجزاء المقابل للجرم و يكون القسم واضح
و عليه فأنا مع ترشيد و تحديد و تنظيم الرسائل و ليس كل من يسجل اليوم بمقدوره ارسال الرسائل و تنزيل روابط و مشاركات تحوي صور أي كان نوعها لدرجة أنه يمكن منع التسجيل الجديد من احتواء التوقيع الخاص به على صوره أو رابط
و عليه فأنا لست مع منع الرسائل الخاصة و لست مع منع بيع السكين لكف الأذى
الله في كتابه الكريم بين سبل الرشاد و بين الخير و الشر و كل مجازى على فعله و يوجد جنة و نار يوم القيامة
(أَفَمَن يَمْشِي مُكِبًّا عَلَى وَجْهِهِ أَهْدَى أَمَّن يَمْشِي سَوِيًّا عَلَى صِرَاطٍ مُّسْتَقِيمٍ )
( الملك 22 )

عاشق البلانكو الابيض

28-04-2013, 01:41 PM

عاشق البلانكو الابيض

28-04-2013, 01:43 PM

موضوع مهم
هو فى كل المنتديات يعنى
انما المواقع الدينية فى الاساس ممنوع فيها الرسايل الخاصة
انا مسجلة من 2010 ومش ضايفة اصدقاء ولا عمرى جالى رسالة
الا من زمان وفاتحاها من قبل مالرسايل تتقفل كانت تهنئة من ادارة المنتدى تقريبا كانت مبعوتة لاكبر عدد من الاعضاء تهنئة بالسنة الجديدة
وملاحظتش اصلا ان الخدمة متشالة الا من يومين xd
الا مقرأت بالصدفة كدة الشريط اللى فوق
-----
بعد الرغى ده كله ....القصد ان فى ناس بتهمها وناس تانية ولا فى دماغها
بيتهيالى لو فى تعارف بين شاب وفتاة او بين اولاد مع بعض او بنات مع بعض مبيستمرش ع الرسايل
الفيس عامل اللازم
وده خطر كبير جدااااااا بيهددنا خاصة فى منتدى تعليمى
او ممكن تساهم فى المشاركة بين الطالب والمدرس او اعضاء المنتدى والادارة واعتقد ان ده اللى اتعملت علشانه...
او تعارف بين الاعضاء او ودية ...هى سلاح ذو حدين
بس بالنسبة لى مش فارقة :)
---
جزاكم الله خيرا

زى ما قلتى حضرتك فى مواقع بتمنعها
ودينية كمان والغريب ان فى اعضاء
متشددين فى الانتماؤ للتيار الدينى فى الموقع
ومع ذلك مع بقاء الرسائل الخاصة

عاشق البلانكو الابيض

28-04-2013, 01:45 PM

بجد موضوع يستحق المناقشات
وانا معاك في كل الكلام الي حضرتك بتقوله استاذ / عاشق البلانكو

شكررا لحضرتك وادى عضوة كمان بتؤيد غلق هذه الرسائل

عاشق البلانكو الابيض

28-04-2013, 01:47 PM

عاشق البلانكو الابيض

28-04-2013, 01:51 PM

وانا معاكى ياروءه

شكررا لحضرتك على الموافقة على الاقتراح

السلام عليكم و رحمة الله و بركاته
أكيد كل الأخوة الأفاضل الذين أبدوا الرأي و كل أدلى بدلوه من وجهة نظره التي نحترمها جميعا و جميعها كل ينظر من زاوية و يحدد هدف و يريد إنجاز نتيجة
ما بالك لو منعنا بيع و عرض و استخدام السكين و المقص و الساطور لأنها تستخدم في الق ت ل و تصيبنا بجروح
جميع الأدوية بالصيدليات سم قاتل عندما يساء إستخدامها و يأخذها الشخص الخطأ مع الدواء الخطأ
الكهرباء قاتلة فيجب منعها لكف الأذى و رفع الضرر و سلامة الناس و نعيش في عصر ما بعد منع استخدام الكهرباء
الأسلاك و الحبال تستخدم في الشنق فيجب منع تصنيعها و تداولها
الأنهار و البحار و المحيطات يغرق بها الناس و السفن فيجب تحجيمها
الأمثلة كثيرة و كل شيء سلاح ذو حدين فله النافع و الضار و العاقل الرشيد يعرف ما يضره و ما ينفعه
ليست الرسائل الخاصة الوسيلة الوحيدة لفساد و إفساد المجتمع و الإخلال بقيمه فموجود ما هو أشنع منها و أضل سبيلاً و لست بسبيل التفصيل و العرض و ما يعجز اللسان عن ذكره و الإفاضة فيه لسوء منظره و كلاحة وجهه تشمئز النفس من سماعه و ليس بمنعها سيعود للمجتمع أخلاقه و قيمه و نمنع الجريمة فالجريمة موجودة من أيام قابيل و هابيل و حتى الأن لم يكتشف علاج ناجع منها و حتى مع سن قوانين الإعدام
الرسائل الخاصة ( الوجه الحسن لها عندما تستخدم الإستخدام الجيد المرجو منه و المستهدف منه الخير) هي وسيلة سريعة لربط الأعضاء سويا كروح الفريق للإستفسار أو إضافة معلومة أو التنبيه بشيء أو طلب شيء و على وجه السرعة و الخصوصية فعندما نمنعها نكون قد فصلنا بين الأقسام و منعنا التواصل و ألغينا شبكة المواصلات و الإتصالات الضرورية لشريان العمل في المنتدى

فما لا يمكن منعه يرشد و توضع له ضوابط ليسير في الطريق الصحيح و كما نرجو منه و نستهدف
و منعا لكل عابث ( و ليست على إطلاقه أو للتعميم فقط القلة الضالة السيئة المنحرفة )فبعضهم يسجل اليوم و يدخل ليلقي بقذارة نفسه على صندوق الرسائل و يستهدف الجميع بشناعة فعله و سوء أخلاقه فيمكن تفعيل إعدادات المنتدى بحيث لا يمكن للشخص( الحديث التسجيل بالمنتدى )من تنزيل روابط/ أو صور / أو رسائل خاصة قبل وصوله ل 50/500/100 مشاركة حسب رأي و تحديد الإدارة
الصرامة و الحزم مطلوبين مع التجاوزات و عدم السير على اللوائح و القوانين المنظة للمنتدى و أي خروج يقابله ردع حسب الجرم و التجاوز و يكون الردع فوري و ناجز و منتج لآثاره بمعني أن ينشأ قائمة سوداء يسجل فيها الأعضاء و الجرم المرتكب و الجزاء المقابل للجرم و يكون القسم واضح
و عليه فأنا مع ترشيد و تحديد و تنظيم الرسائل و ليس كل من يسجل اليوم بمقدوره ارسال الرسائل و تنزيل روابط و مشاركات تحوي صور أي كان نوعها لدرجة أنه يمكن منع التسجيل الجديد من احتواء التوقيع الخاص به على صوره أو رابط
و عليه فأنا لست مع منع الرسائل الخاصة و لست مع منع بيع السكين لكف الأذى
الله في كتابه الكريم بين سبل الرشاد و بين الخير و الشر و كل مجازى على فعله و يوجد جنة و نار يوم القيامة
(أَفَمَن يَمْشِي مُكِبًّا عَلَى وَجْهِهِ أَهْدَى أَمَّن يَمْشِي سَوِيًّا عَلَى صِرَاطٍ مُّسْتَقِيمٍ )
( الملك 22 )

مع احترامى لكلام حضرتك
انا ما قلتش منعها ولكن وفرت البديل
لها اللى مش ممكن تحصل فيه تجاوزات
وهيكون مراقب من قبل الادارة والاعضاء نفسهم
جزاك الله خيرا

عاشق البلانكو الابيض

28-04-2013, 01:52 PM

يا ريت لو فى حد من الادارة موجود يرجع الموضوع
لمكانه الطبيعى وهو قسم اراء ونقاشات

modym2020

28-04-2013, 06:44 PM

الموضوع حقيقى مهم - واعتذر مقدما على الاطالة
احييك لعرض الموضوع لأن أى مشكلة عشان تتحل الأفضل اننا نناقشها بتوسع وكل واحد يقول وجهة نظره

وكنت احب أقولك ان الافضل مناقشة الموضوع مع الادارة الأول لكن واضح من المشاركات ان الموضوع مش جديد واخد الوقت الكافى فى المناقشات بين اعضاء مجلس الادارة

فى حاجة تانى مهمة اكيد الكل يعرفها
كل عضو مسئول امام الله عند رؤية مشاركة بها اساءة او سب للغير المفروض يبلغ عنها

المسئولية الأكبر لكل مشرف وكل ادارى فى المنتدى لأنه بموافقته على الاشراف بيحمل نفسه مسئولية امام الله أولا ثم أمام الاعضاء ليقوم بما كلف به
يعنى الادارة تتحمل كل ما يحدث من سلبيات داخل المنتدى
كما أن لها الأجر والثواب لنشر العلم وكل الايجابيات الجميلة والكثيرة فى هذا المنتدى

احنا بشر مش ملايكة وكل بنو آدم خطاء ده كلام الرسول

اى منتدى يتعامل بالمشاركات والموضوعات يعنى العضو الذى له مشاركات وأكثر فاعليه ونشاط بيترشح للاشراف وده مش معناه ان العضو الذى له 500 مشاركة مثلا شرط أن يكون عضو ثقة .. فأنا استطيع ان اشارك فى كل الموضوعات بعبارات شكر واحصد آلاف المشاركات

الرسائل الخاصة ضرورية ومفيدة لكن اذا كان لها سلبيات
يبقى السؤال هل يمكن معالجة السلبيات ؟
اليس من الممكن التحكم فى الرسائل الخاصة بمعنى يجب ان يوافق عليها أحد أعضاء مجلس الادارة قبل الموافقة عليها ؟؟

ماهى رسائل الزوار وكيف يتم التعامل بها ؟

فى حالة عدم وجود حلول تامة لمنع اى سلبيات للرسائل الخاصة فأنا أؤيد الغاءها والمنتدى رسالته مستمرة بها وبدونها بفضل أساتذة وأعضاء أحمل لهم كل تقدير واحترام دون أن أتشرف برؤيتهم

المصري أشرف

28-04-2013, 08:10 PM

تحية تقدير وإحترام للأخ العزيز / محمود ... عاشق البلانكو
هي حقيقة مشكلة ... وبجانب الأسباب التي ذكرتها .. إستغلها البعض من ذوي الأخلاق المتواضعة .. وقاموا بإرسال رسايل قذرة لنا لمجرد الإختلاف في وجهات نظر ..
ولي إقتراح في هذا الشأن .... بإعطاء ذلك الصندوق كنوع من التحفيز
1) يتم منح تلك الخاصية وبصندوق 20 رسالة لمن تخطي 500 مشاركة ولم يتم إيقافه لسوء سلوك ويجدد لمرة واحدة فقط أي لايتجاوز 40 رسالة
2) يتم تكبير حجم الصندوق إلي 50 ويضاعف إلي 100 رسالة في حالة وصول المشترك إلي 1000 مشاركة وبدون وقف لسوء السلوك
وبتلك الأعداد من المشاركات تكون أخلاقيات العضو قد إتضحت .. وإتجاهاته وفقا لرؤية ومراقبة وموافقة السادة المشرفين علي كل قسم ويمكن التحكم في عدد الرسايل وفقا لوجهه نظر مجلس الإدارة ...أعلم أن النتيجة لن تكون بنسبة عالية .. في منع التجاوزات ولكنها محاولة لتقليها ... مع خالص شكري وتقديري

عاشق البلانكو الابيض

28-04-2013, 08:37 PM

عاشق البلانكو الابيض

28-04-2013, 08:40 PM

المصري أشرف

28-04-2013, 08:48 PM

عاشق البلانكو الابيض

28-04-2013, 08:49 PM

من شوية دخلت الملف الشخصى بتاعى
اشوف مين بيشوف ملفى من الزوار
فوجدت العضو ده وانا معرفش انها بنت ولا ولد

الفكرالراقي (http://www.thanwya.com/vb/member.php?u=518715)

فدخلت الملف بتاعه اشوف مين فاتلقيت مفيش ولا مشاركة
بس فى 4 ملاحظات فاستغربت بصراحة ازاى عضو مش مشارك
ولا مشاركة وعنده اربع ملاحظات فدخلت ووحدت الكلام ده
وتقدروا حضراتكم تشوفوا بنفسكم

http://www4.0zz0.com/2013/04/28/18/939873148.jpg

عاشق البلانكو الابيض

28-04-2013, 08:53 PM

وفقا لرؤية ومراقبة وموافقة السادة المشرفين علي كل قسم ويمكن التحكم في عدد الرسايل وفقا لوجهه نظر مجلس الإدارة
-----------------------------------------------
الأستاذ / محمود بالرغم من دخولي مع المشرفين منذ وقت قصير ..
ولكني أستطيع والحمد لله تمييز معظم المشاركين في قسمي ...
قضايا سياسية ... وخبر وتعليق .. وذلك إني شاركتهم ولفترة طويلة
في تلك الأقسام في موضوعات كثيرة ... تقبل تحياتي .. يازملكا...
مش قادرة تخرج من لساني

استاذى الفاضل
هل تقدر تقولى كام عضو بيشارك عندك؟؟؟
وتقدر تقولهم بالاسم اتحداك استاذ اشرف !!!
لان كل عضو فى الاقسام السياسية بيدخل ب10 عضويات
فممكن تلاقى موضوع فى عضويات مختلفة بس هما عضو
واحد بيرد على نفسه هههههههههـ
زملكاوى وافتخر وواللى مش عاجبه ينتحر:p

المصري أشرف

28-04-2013, 09:03 PM

استاذى الفاضل
هل تقدر تقولى كام عضو بيشارك عندك؟؟؟
وتقدر تقولهم بالاسم اتحداك استاذ اشرف !!!
لان كل عضو فى الاقسام السياسية بيدخل ب10 عضويات
فممكن تلاقى موضوع فى عضويات مختلفة بس هما عضو
واحد بيرد على نفسه هههههههههـ
زملكاوى وافتخر وواللى مش عاجبه ينتحر:p

=============================
الموضوع مش تحدي .. إحنا قصرنا الموضوع علي من تجاوز 500
مشاركة ودي نسبة ممكن تعرفك علي العضو..... وعلي فكرة
أنا إكتشفت أكثر من عضو .. زي ماقلت داخل بأكتر من عضوية
وبطريقة سهلة ... إن إسلوبه .. واحد .. وفكره ومنطقه .. واحد
بس ممكن الكلام ده يكون سهل في الأقسام السياسية ..
لكن يزداد صعوبة في الأقسام التعليمية
وإوعي تتحدي أهلاوي ... ياعاشق... المركز التاني

عاشق البلانكو الابيض

28-04-2013, 09:16 PM

=============================
الموضوع مش تحدي .. إحنا قصرنا الموضوع علي من تجاوز 500
مشاركة ودي نسبة ممكن تعرفك علي العضو..... وعلي فكرة
أنا إكتشفت أكثر من عضو .. زي ماقلت داخل بأكتر من عضوية
وبطريقة سهلة ... إن إسلوبه .. واحد .. وفكره ومنطقه .. واحد
بس ممكن الكلام ده يكون سهل في الأقسام السياسية ..
لكن يزداد صعوبة في الأقسام التعليمية
وإوعي تتحدي أهلاوي ... ياعاشق... المركز التاني

سهل جدا تعمل 500 مشاركة فى يومين تلاتة
استاذى بعيدا عن الناس اللى هتسجل جديد
وحضرتك عاوز نطبق عليها ده فى ناس موجودة بالفعل
علشان الرسايل وتتعرف على بنات
وحاجات كتير من ده اذا مش ده الحل
بس حضرتك ما قلتش رايك فى رسائل الزوار
اللى ممكن تكون بديلة للرسائل الخاصة