النهاردة انا ذهبت الي المدرسة وقابلت الموظفة المسئولة عن المرتبات في المدرسة فقلت لها يا استاذة حضرتك عملت مرتبات مايو قالت لسه والله واثناء الكلام دخل علينا موظف البوسته وكان في ايده ورق فيه مفردات مرتب تعاقد 1/7/2011 ولما بصيت علي الورق لقيت المبلغ بعد الزيادة 656 جنيه فقط لا غير بصراحة انا كنت هتشل وانا واقف ....................... يا جماعة حد يبلغ الحلواني ويقوله المدرس بعد الثورة بيقبض 656 جنيه في الشهر

يا استاذ دا فية مدرسين فى الغربية بتاخد 203 وبردو بعد الثورة

مسئول المهيات عندنا فى المدرسة ادارة ملوى قال العلاوة 30% ستضاف 43ج لمن كان معلم مساعد قبل 7/2008 اما بعد هذا التاريخ تحسب على مربوط الدرجة 14.8 وهذه تعليمات الادارة اريد من ينفى او يؤكد هذا الكلام

احمد ربنا انا لما اشتغلت اخذت 173 جنيه وكنت متزوج في 2006

يا جماعه خبر العلاوه على المربوط صحيح
واللى ما يعرفش انه كل العلاوات هتكون كده
لازم نعمل حاجه بجد

فيه ناس فى المنيا شغالة ب 50جنيه فى الشهر مدرس ب50جنيه ولا حس ولا خبر عنهم

اولا الي اخي العزيز علاء قلبي معك فانا دائما ما ادعو الله ان يوسع علي جميع الناس
ثانيا الي اخي العزيز معاذ مرتبك هذا يدل علي مدي انحطاط قيمة التعليم والمعلم في عصرنا الذي نعيشه واسأل الله ان يفرج كربك
ثالثا الي اخي السوهاجي اولا احب ان ابلغ سلامي الي من في سوهاج ان كنت منها ولكن احب ان اقول لك اني خريج 2002 وحاصل علي ليسانس دار علوم بتقدير جيد وحصلت علي ليسانس اداب وتربية لغة انجليزية 2009 بتقدير جيد واحب اعرفك اني لما حضرتك كنت بتاخد 173 جنيه في عام 2007 كنت انا شغال مدرس ب105 جنيه وكمان الادارة رفضت تتعاقد معي وكنت راضي ب173 بتاعت حضرتك
وفي النهاية انا مكنتش متخيل ان التعليقات هتكون كده انا قصدت اني انشر الموضوع علشان علي الاقل صوتنا يصل الي اي مسئول لعله يفكر فينا ولكن التعليقات كلها انا الاحظ فيه نوع من الحقد
وبالخص السيد السوهاجي اقصد الاخواني انا عارف حضرتك مزعلتش الا لما جبت سيرة الحلواني احب اعرفك اني لست ضد الاخوان ولكن انا ضد المحروس الحلواني

خبر العلاوه على المربوط لمن هم تعين 1/7/2011و1/3/2011 ومربوط الدرجة الثالثة 69ج فقط يعنى مقدار زياده شهر 5 هو 14.8

اولا الي اخي العزيز علاء قلبي معك فانا دائما ما ادعو الله ان يوسع علي جميع الناس
ثانيا الي اخي العزيز معاذ مرتبك هذا يدل علي مدي انحطاط قيمة التعليم والمعلم في عصرنا الذي نعيشه واسأل الله ان يفرج كربك
ثالثا الي اخي السوهاجي اولا احب ان ابلغ سلامي الي من في سوهاج ان كنت منها ولكن احب ان اقول لك اني خريج 2002 وحاصل علي ليسانس دار علوم بتقدير جيد وحصلت علي ليسانس اداب وتربية لغة انجليزية 2009 بتقدير جيد واحب اعرفك اني لما حضرتك كنت بتاخد 173 جنيه في عام 2007 كنت انا شغال مدرس ب105 جنيه وكمان الادارة رفضت تتعاقد معي وكنت راضي ب173 بتاعت حضرتك
وفي النهاية انا مكنتش متخيل ان التعليقات هتكون كده انا قصدت اني انشر الموضوع علشان علي الاقل صوتنا يصل الي اي مسئول لعله يفكر فينا ولكن التعليقات كلها انا الاحظ فيه نوع من الحقد
وبالخص السيد السوهاجي اقصد الاخواني انا عارف حضرتك مزعلتش الا لما جبت سيرة الحلواني احب اعرفك اني لست ضد الاخوان ولكن انا ضد المحروس الحلواني

والله انا لست اخوانيا ولا تابع لاي حزب ولا اقصد الحقد ولكن اصبر فالصبر جميل
وانا اسف لو كنت ضايقت حضرتك
سلام