ماهي المعادلة ؟

المعادلة هي مسابقة سنوية تعقد داخل مباني كلية الهندسة - جامعة القاهرة لطلبة الدبلومات والمعاهد الفنية حيث يتم امتحان الطالب في بعض مواد الثانوية العامة لكي تلتحق بكلية الهندسة وكل المطلوب هو النجاح فقط في هذه المواد

ماهي شروط الالتحاق بالمعادلة ؟

طيب ايه هي شروط الالتحاق بالمعادلة عشان تقدر تحقق حلمك

لازم تكون حاصل على معهد فني صناعي او دبلوم خمس سنين او الجامعة العمالية شعبة تكنولوجيا بمجموع 50% او اكثر او تكون حاصل على دبلوم ثلاث سنوات او خريج مدارس مبارك كول او تلمذة صناعية بمجموع 70% او اكتر

طيب ايه هي الاوراق اللازمة عشان تدخل امتحان المعادلة ؟

صورة واصل المؤهل الدراسي صورة واصل من شهادة الميلاد صورة واصل البطاقة عدد 2 صورة شخصية حديثة ومتنساش رسوم الامتحان

ملحوظة هامة

الاصول للاطلاع فقط ولما تنجح (ان شاء الله ) هيطلبوا منك الاصول اول ماتنجح
ملحوظة مهمة كمان
ان اللي ينجح في كل المواد ولو بتقدير 50% في كل مادة يدخل كلية الهندسة مباشرة والتابعة لاقرب مكان لسكنه

المواد اللي هتمتحن فيها :-
هي نفس مقررات الثانوي العام مع الاختلاف في طرق الحل وكمان اللي بيضع الامتحان دكاترة من كلية الهندسة

اولا:- رياضة 1 ودي عبارة عن مادة الجبر ودي بتبقى اول مادة بتمتحن فيها

ثانيا :- الفيزياء منهج تالتة ثانوي

ثالثا :- الميكانيكا

رابعا :- رياضة 2 التفاضل والتكامل والنهايات و.......

خامسا :- الانجليزي وده لطلبة الدبلوم 3 سنين فقط وبيكون مجرد قواعد بسيطة في اللغة وبيكون امتحان سهل
لو عاوز تتعرف اكتر زور mo3adla.com