مشاهدة النسخة كاملة : الغاء شرط الحصول على ربع الدرجةفى مواد التيرم الاول


حسام صالح اسماعيل
01-05-2013, 11:26 AM
وصل امس الثلاثاء الى منطقة قنا الازهرية فاكس بخصوص الغاء شرط الحصول على ربع الدرجة فى مواد الفصل الدراسى الاول موضحا ان الطالب الذى حصل على صفر مثلا فى مادة الفقه فى التيرم الاول وحصل على 20 درجة فى التيرم الثانى يعتبر ناجحا فى هذه المادة .وهذا القرار ان صح فسينهى الجدل القائم هذه الايام حول كيفية رصد درجة التخلف فى كشوف الرصد وبالتالى يصحح خطا لم نكن فى حاجة ملحة اليه لعدم جدواه

خالدالنم
01-05-2013, 11:54 AM
هل حضرتك متأكد من هذا الكلام وقرأته بعينك ام سمعته حيث ان هناك فرق لو قرأت المنشور أو الفاكس بعينك يعتبر خبر اكيد اما لو سمعته فهناك شك فى الخبر

mr_waleed2011
01-05-2013, 12:42 PM
إيه التهريج ده ؟

حسام صالح اسماعيل
01-05-2013, 12:43 PM
فى الحقيقة انا لم اقرا المنشور لانه اصلا فاكس ولكن شخص اثق فيه قالى الخبر

النجدى 1980
01-05-2013, 12:55 PM
ارجو التاكد للاهمية

zein768
01-05-2013, 12:56 PM
ها إن دل على شيء ... فيدل على تدني المستوي العام في اتخاذ القرارات بالأزهر .... ولا يوجد وعي بالعملية التعليمية .... ودا كله بيؤدي لشيء واحد ..... انهيار المؤسسة التعليمية بالأزهر وفقدان الثقة الكاملة بما تقدمه ... إن كا هذا الفشل مقصود أم لا فالنتيجة واحده ..... أنا واحد من الناس الرافض تماما تعليم ابنائي او ابناء اخوتي بالأزهر مع انني مدرس بالأزهر ...... ولا حول ولا قوة الا بالله العلي العظيم

أ/مصطفى محمود
01-05-2013, 01:02 PM
جميل جدا الطالب من السنة القادمة يريح نفسه و لا يدخل امتحان الترم الاول و ينام في بيته
و يأتي في نهاية العام ليتم تغشيشه و ينجح بدون اي مجهود ..
عموما ننتظر تأكيد الخبر
و الذي اتوقع انه مؤكد من عقول ادارة الازهر العقيمة و من فشل الى فشل
تعليم = صفر

happy mino
01-05-2013, 01:21 PM
لا حول ولا قوة الا بالله ربنا ينتقم منهم
وللعم تكرر ذلك العام الماضى بخصوص اعمال السنه لو تتذكرون

محمد الهادى عطيه
01-05-2013, 04:20 PM
إلى زملائى المدرسين ياريت اللى يقرأ منشور يصوره ولو حتى بالتليفون ويرفعه مع الخبر بتاعه علشان الخبر يبقى موثق

محمد محمود بدر
01-05-2013, 04:24 PM
لو فيه صورة من المنشور يكون افضل


جزاكم الله خيرا

elswedy
01-05-2013, 07:02 PM
فين مصدر الخبر

amiraali
01-05-2013, 07:38 PM
ياجماعه الكلام دا استحالة يحصل وخصوصا بعد طباعة الامتحانات انتوا نسيتوا ان الامتحان يوم السبت

الاستاذ عوض على
01-05-2013, 07:43 PM
لم يصلنا فى الدقهلية
ولم أسمع به
وجزاكم الله خيرا

حسام صالح اسماعيل
01-05-2013, 07:55 PM
ياجماعه الكلام دا استحالة يحصل وخصوصا بعد طباعة الامتحانات انتوا نسيتوا ان الامتحان يوم السبت
على فكرة الكلام دا ما يحصلشى الا فى الازهر ومش حاتفرق معاهم اذا كان الامتحانات السبت القادم او اللى فات

حسام صالح اسماعيل
01-05-2013, 07:57 PM
لا حول ولا قوة الا بالله ربنا ينتقم منهم
وللعم تكرر ذلك العام الماضى بخصوص اعمال السنه لو تتذكرون
لانها يا عزيزى قرارات عشوائية متسرعه غير مدروسهلذا سرعان ما يتم الغاؤها

أ/ سعيد موسى
01-05-2013, 08:09 PM
اخى العزيز انا انتهيت من امتحانات الصف الاول والثانى والثالث
وانتهيت من التصحيح وطبعت النتائج
والان تقول تم الغاء ربع الدرجة !!!!!!!!!!!!!!

الأستاذ أحمد راشد
01-05-2013, 09:02 PM
ازاى يعنى والطالب الذى لم يصل الى ربع الدرجة هيمتحن الترم الاول مع التانى

فى امتحان التخلف

العشرى1020
01-05-2013, 09:05 PM
هذا تخبط فى الازهر كل يوم هو فى شان

Mr MohammedHassan
01-05-2013, 10:14 PM
مش هتفرق معاهم لأنهم لو حتى لو طبعوا الأسئلة بيكون فيه طلاب غياب في الترم الأول وكده كدة بيمتحنوا لأن الغائب لازم يمتحن تخلف

محمد سعد ناح
02-05-2013, 12:07 AM
جميل جدا الطالب من السنة القادمة يريح نفسه و لا يدخل امتحان الترم الاول و ينام في بيته
و يأتي في نهاية العام ليتم تغشيشه و ينجح بدون اي مجهود ..
عموما ننتظر تأكيد الخبر
و الذي اتوقع انه مؤكد من عقول ادارة الازهر العقيمة و من فشل الى فشل
تعليم = صفر
المشكلة مش في الغش المشكلة ان مشايخ المعاهد بيقولوا على المدرس البيرفض يراقب على الطلاب الغشاشين او حتي يمتعض وجه كادنى درجات الانكار بأنه مدرس ليس عنده ضمير ويقرون ذلك هي منتدياتهم والكل يعلم معنى منتدى شيخ المعهد............ولا حول ولا قوة إلا بالله

amr elsharef
02-05-2013, 12:12 AM
دا كله بيؤدي لشيء واحد ..... انهيار المؤسسة التعليمية بالأزهر وفقدان الثقة الكاملة بما تقدمه .

محمد خليل سيد
02-05-2013, 12:54 AM
شئ متعودون عليه

farag72
02-05-2013, 10:57 AM
اين المنشو ر لان هذا شئ مهم لابد من التلأكد منه قبل النشر

mohany
02-05-2013, 02:59 PM
(يا أيها الذين آمنوا إن جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين)

أ/مصطفى محمود
02-05-2013, 04:42 PM
الموضوع لم يثبت بعد الى الان و لم يصل شئ بخصوص ربع الدرجة
و بالتالي يسير الوضع على ما هو عليه

ابو زياد22
02-05-2013, 05:11 PM
هو ده ............المنشور اللي المفروض يطلق عليه منشور العار

محمد احمد برهومه
02-05-2013, 05:44 PM
لو الكلام صح مش هتفرق معاهم لان فى كده ولا كده اسئله للمتخلفين زى كل سنه الواحد مش عارف ليه مصريين يخرجو اجيال من الجهله الواحد زهق حرب مع المدرسين عندى فى المدرسه عاوزنى اغشش وقرارات اداريه خطا فى خطا وكل مدرس فاشل بتحجج ويقولك هما بقرارتهم عاوزنا ننجح العيال وناس تانيه جهله حجتهم لو ما غششناش الازهر هيفضى حسبى الله ونعم الوكيل فى كل مدرس بيغشش

MR.Mamdouh Ramadan
02-05-2013, 07:59 PM
المشكلة مش في الغش

أ/ سعيد موسى
03-05-2013, 12:33 AM
كلامك صحيح اخى الفاضل وان شاء الله على يوم السبت او الاحد سوف ارفع هذا المنشور

أ.حسين احمد
03-05-2013, 01:41 AM
هذا الخبر غير صحيح بنسبة 100%

sakr_isis
03-05-2013, 06:40 AM
استاذ سعيد من فضلك ارفع المنشور حتى يتم الرصد
للصفوف الاولى

طاهر محمد محمد
03-05-2013, 07:19 AM
دا اية العك ده كل سنة بقرارات

alaa128
03-05-2013, 12:36 PM
يعني راح يطبعوا كشوف رصد جديدة

طاهر صبحي *
03-05-2013, 03:21 PM
عندنا في كفر لشيخ لم يصلنا اي شئ

الاستاذ عوض على
03-05-2013, 06:51 PM
كلامك صحيح اخى الفاضل وان شاء الله على يوم السبت او الاحد سوف ارفع هذا المنشور
جزاك الله خيرا

happy mino
03-05-2013, 06:59 PM
والله الازهر غلبنا معاه ياجماعه عاوزين المنشور عشان نتأكد

الوهج الفضى
03-05-2013, 10:41 PM
ياريت اناكنترول ولم ارصد لما سمعمت الخبر

hany50
04-05-2013, 06:56 AM
طيب ارفع المنشور ونشوف الخبر صحيح ولا لاء

مجرم حرب
04-05-2013, 07:09 AM
يااخوانا الموضوع صح والمنشور معاى لكن مش عارف ارفع المنشور بيقول ادخل رابط الصوره

الاستاذ عوض على
04-05-2013, 07:19 AM
ممكن حضرتك ترفعها على موقع رفع
ثم تضع الرابط هنا
او ترفعها على مركز رفع البوابة الموجود فى توقيعى وتضع الرابط فى الرد هنا
وجزاك الله خيرا

مسيو إيهاب
04-05-2013, 03:48 PM
الموجه المقيم لنهارداكد الخبر
أهلا بالقيادات الفاشلة
أغبياء ولكن ظرفاء
والامتحانات كلا مطبوعةالجزء الخاص بالتخلف الأزهر = الفساد والغباء بتاع بلاده

sakr_isis
04-05-2013, 04:58 PM
اين الاخ الفاضل ال عرض الموضوع
الاخ / حسام ...........................
اذا كان الموضوع انت متأكد منه لماذا لم ترفع المنشور حتى الان
حتى نتأكد من صحة الخبر ونرصد النتيجة
ونصيحة للآخوة الزملاء ان يطبق ماجاء بالمنشور الأول الذى ينص امتحان من لم يحصل
على ربع الدرجة ويضمن امتحنهم الاول حتى يأتى مايفيد غير ذلك يجد نفسة وقع تحت مجرد كلام بدون دليل:078111rg3:
لان على حد علمى المتواضع ان هناك مذكرة عرضت من رئيس قطاع المعاهد بعد منشور ربع الدرجة يتضمن الاتى واليك المنشور ونصه :-

الازهر الشريف
رئاسة قطاع المعاهد الازهرية
ــــــــــــــــــــــــــــــــــــــــــــــــــ
مذكرة للعرض
السيد صاحب الفضيلة / رئيس قطاع المعاهد الازهرية
بناء على تكليف فضيلتكم بتشكيل لجنة للنظر فى توضيح رصد درجات الفصل الدراسى الثانى
وعملية الاستخراج بناء على قرار المجلس الاعلى للأزهر رقم 295 لسنة 2012
والضوابط المعمول بها فى هذا الشأن بالأدارة المركزية للأمتحانات وقد قررت اللجنة مايلى :

بالنسبة للرصد فى الشيت( كشوف الرصد ) وعملية الاستخراج
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــ
1) يعامل الطالب الذى لم يحصل عل ربع الدرجة فى الفصل الدراسى الاول معاملة الطالب الذى تخلف فى نفس المادة فيحصل على الدرجة الفعلية التى اسفر عنها التصحيح
2) الطالب الذى لم يحصل على ربع الدرجة فى الفصل الدراسى الاول وكذلك المتخلف عن الفصل الدراسى الاول اذا حضر امتحان الفصلين الدراسيين واجاب على الورقة كاملة وحصل على الحد الادنى المسموح فى المادة يعتبر ناجحا
3) ترصد الدرجة الكلية للطالب المذكور بعالية )الحاصل عليها فى ورقة الاجابة كاملة فى خانة الفصل الدراسى الثانى وتكرر فى المجموع
امضاء اللجنة :
من
مدير عام التعليم الثانوى
ومديرعام التعليم الاعدادى
ومدير عام التعليم الابتدائى
ومدير عام الإمتحانات
ومرفق المذكرة

الجعدور
04-05-2013, 05:41 PM
الحقيقة انا اليوم قرأت هذا المنشور و سألنى احد المدرسين ماذا تكون نتيجة الطالب الذى يحصل على صفر فى اسئلة الفصل الدراسى الثانى ولكنه يحصل على الدرجات النهائية فى اسئلة المتخلفين ودى تكون درجة النجاح او أكثر فى ورقة الاجابة كاملة حسب المنشور ؟؟؟؟ ارجو الاجابة والتوضيح مع الشكر

sakr_isis
04-05-2013, 06:10 PM
الحقيقة انا اليوم قرأت هذا المنشور و سألنى احد المدرسين ماذا تكون نتيجة الطالب الذى يحصل على صفر فى اسئلة الفصل الدراسى الثانى ولكنه يحصل على الدرجات النهائية فى اسئلة المتخلفين ودى تكون درجة النجاح او أكثر فى ورقة الاجابة كاملة حسب المنشور ؟؟؟؟ ارجو الاجابة والتوضيح مع الشكر
ياخى المذكرر واضحة فى الفقرة 3)
) ترصد الدرجة الكلية للطالب المذكور بعالية )الحاصل عليها فى ورقة الاجابة كاملة فى خانة الفصل الدراسى الثانى وتكرر فى المجموع
يعنى الطالب الذى امتحن الفصل الدراسى الثانى فى الورقة كاملة
اى فى اسئلة الفصل الثانى والمتخلفين معا تعتبر ورقة واحدة
مجموع الدرجات التى يحصل عليها الطالب فى الورقة كاملة
يعنى جاب درجات اكتر فى التخلف وجاب درجة ضعيفة فى الفصل الثانى الورق تجمع كاملة
اذا كان مجموعهم معا يصل لدرجة النجاح اى نصف الدرجة الكلية يعتبرناجح وترصد الدرجة فى خانة الفصل الدراسى الثانى
والمجموع الكلى للمادة

أحمدأبوأسماء
04-05-2013, 06:45 PM
انا فى المعهد رصدنا الصف الاول والتانى والتالت وخلصنا لكن الرابع والخامس اليوم بداية الامتحان وابلغنا الموجه المقيم الانرصد لان فيه تعليمات جديدة لكنهالم تصلنا وان شاء الله هتوصل بعد الامتحانت ما تخلص هكذا الازهر