>>(( امتحانات الثانويه إتسربت ))<< [الأرشيف] - بوابة الثانوية العامة المصرية

مشاهدة النسخة كاملة : >>(( امتحانات الثانويه إتسربت ))<<

To Be Is To Do

01-05-2013, 12:15 PM

" إمتحانات الثانويه إتسربت "

لو لقيت الجمله دى مكتوبه فى اى حته وفعلا لقيت الإمتحانات متسربه على النت وببلاش كمان

ممكن تدخل على عليها وتشوف الإمتحان فعلا ولا حتقول حرام
حتقبل انك تضيع تعب السنه كلها وفى الاخر تاخد ورقه عليها أسأله تحفظها وتدخل تبصمها وتطلع

على فكره امتحان الجبر والفراغيه السنه اللى فاتت انا لقيته على المنتدى هنا قبل ما اروح اللجنه ب ساعتين ... مردتش أبص عليه وروحت اللجنه وحليت مسأله فراغيه كامله غلط وكنت حالل الاختيارى بس ولما روحت بصيت على المنتدى لقيته ان ده فعلا الامتحان بالنص بصراحه اتضايقت جدا يا ريتنى كنت بصيت عليه قبل ما انزل " بس ربنا مش بيضيع تعب مجهود سنه على الفاضى حتى لو حليت غلط فى الورقه .. أهم حاجه إنك عملت إللى عليك وزاكرت طول السنه .... والمفاجأه إنى ألاقى نفسى مقفل ورقه الجبر والفراغيه

الخلاصه : حلك فى الورقه مش بيحدد درجتك دايما .. اكيد حلك سبب فى الدرجه بس أكيد برده تعبك الأيام دى ومزاكرتك بتتدخل فى الدرجه حتى لو كنت حالل غلط فى الورقه ... ربنا مش بيضيع تعبك هدر

فيه ناس كتير بتبقى حاله صح وفى الاخر بتتظلم فى التصحيح .. الناس دى اغلبيتها مش كلها بتبقى مش عامله اللى عليها وممكن تكون زاكرت قبل الامتحان بشهر بس يستحيل يتساووا باللى مزاكرين من شهر 8

بجد وعن تجربه والله ... اللى بيشد حيله وبيزاكر وبيعمل اللى عليه ربنا بيكرمه جامد جدا بس اهم حاجه اعمل اللى عليك الفتره الجايه ... لو كان حلك فى الورقه حلو ممكن تلاقى الدرجه اقل مما كنت متوقع ... متزعلش ... حتلاقى ربنا عوضهالك فى ماده تانيه بالزياده بس الماده التانيه دى انت زاكرتها اكتر فربنا مضيعش تعبك فيها هدر

ربنا معاكم :)

ahmed ali12345

01-05-2013, 12:39 PM

~ Smile 4 Life ~

01-05-2013, 01:42 PM

To Be Is To Do

01-05-2013, 02:12 PM

أنا معاك في كلامك ..
وأنا لو كان حصل موقف زي ده ان الامتحان يتسرب يستحيل اني اشوفه حتي لو كنت متأكده أني هسقط
لاني عارفة كويس اذا ربنا سترها ونجاني حتي في الامتحان ده أكيد هضيع في حاجة تانية
بس اللي مش معاك فيها فكرة اللي بيذاكروا أخر شهر انهم مش بيتساووا مع اللي بيذاكر من البداية
الموضوع توفيق ربنا ثم قدرات..ودي حاجة انا نفسي مريت بيها
السنة اللي فاتت مش هقولك ذاكرت من أخر شهر أنا ذاكرت في أخر أسبوعين
وجبت مجموع أعلي بكتير من صحابي اللي بيذاكروا من البداية وشغالين دح طول السنة
وربنا يعلم اني كنت داخلة الامتحانات باعتبار اني هعيد السنة لكن ارادة ربنا فوق اي شئ
وفي نفس الوقت اكيد ربنا مش بيضيع مجهود اي حد ...لكن بيبقي عارف الخير لكل واحد فين بالظبط

بجد وعن تجربه والله ... اللى بيشد حيله وبيزاكر وبيعمل اللى عليه ربنا بيكرمه جامد جدا بس اهم حاجه اعمل اللى عليك الفتره الجايه ... لو كان حلك فى الورقه حلو ممكن تلاقى الدرجه اقل مما كنت متوقع ... متزعلش ... حتلاقى ربنا عوضهالك فى ماده تانيه بالزياده بس الماده التانيه دى انت زاكرتها اكتر فربنا مضيعش تعبك فيها هدر

ربنا معاكم :)[/color][/color][/color][/color][/color][/color]

صح تمام منا بقولك اهووو بتتعوض فى ماده تانيه بحاجه اعلى بكتير من المتوقع او بتتعوض فى السنه اللى بعدها اللى بيتظلم ف 2 بيتنصف فى 3 والعكس اللى عايز اوصله ايه ؟ ان كل واحد بياخد حقه ومحدش بيتظلم ك توتال مجموع سنتين مع بعض وكمان برده حته المزاكره اخر شهر مش الغرض منها ارهبكم اكيد فيه كتير بدأ مزاكره صح من اول 4 وفيه اللى بدأ بعد كده كمان اللى قصدى اوصله ان اللى بيزاكر جامد وبيشد حيله فعلا ربنا بيكرمه بجد حتى لو محلش كويس لا قدر الله فى الامتحان

yolanda

01-05-2013, 05:14 PM

ربنا يستر قلبي بيدق عالي أوي الايام دي

عموما ماما بتقولي دايما ان المجموع مش بس حل في الامتحان ده هو مذاكرة و جهد و رضا للوالدين و رضا لربنا ...

ahmed H capo

02-05-2013, 02:44 PM

للعلم السنه اللي فاتت واحد صاحبي جابلي امتحان التاريخ قبلها بيوم
ومبصتش فيه ورمتها في الزباله قلت انا تعبت في المادة وطالما عملت كدة يبقي ربنا مش حيسبني وحيقف جمبي
للاسف جبت 43 واتظلمت جدا ولما رجعت طلعت الورقه ببص لقيته نفس الامتحان بالظبط بس مكنش فيه اسئله صح وغلط

حسن زيرو

02-05-2013, 03:01 PM

ههههههههههه

_Haneen_

04-05-2013, 12:36 AM

صح كلامك جدا
ربنا معانا

إسلام صبري

04-05-2013, 10:22 PM

معاك حق في كل كلمة
إن الله لا يضيع أجر من أحسن عملا
اعقلها وتوكل

ريرى الشعنونة

05-05-2013, 06:10 PM

موضوع رائع

SwOrD OF JusTice

11-05-2013, 02:44 PM

الف شكرررر :d

بس ازاى مبلغتش على حكايه الامتحان على المنتدى دى !!

hema ismaeil

11-05-2013, 04:48 PM

To Be Is To Do

11-05-2013, 05:01 PM

ههههه كلكم بتضحكوا علي نفسكم لان انتم لو لفيتوا الامتحان حتخدوه فعلا وانا لو لفيته حخده عارفين ليه لان البلد كلها بايظه وانا ماليش ذنب ساعتها اللي غلطان يتحمل مسئوليه غلطه حتقولوا ان الغش حرام طيب والدروس الخصوصيه والفلوس اللي بتندفع دي كلها مش حرام وان حياتك تتوقف علي سنه مش حرام وانك تفضل تحفظ زي الحمار وفي الاخر تلاقي ان كل ده غلط في الحياه العمليه مش حرام ونظام التعليم اللي احنا كلنا عارفين انه فاشل مش حرام بلاش نضحك علي نفسنا بقي اي حد حيلاقي الكلمه مكتوبه حته لو مش حقيقي وهو متاكد من ده حيدخل علشان يشوف الامتحان ويقراه

واضح ان خيالك واسع جدا جايز تكون بتتكلم عن تجربه شخصيه ليك او بتتكلم عن نفسك بس متعممش الكلام على كله

اما حكايه ملكش ذنب ساعتها .. لا انت ليك ذنب وعليك ذنب طبعا كون ان حد غلط فربنا حيحاسبه اكيد انما متبررش انك تاخد الامتحان وتبص فيه لمجرد ان واحد غلط ونزله من الاول

اما ان الغش حرام والحاجات اللى انت قلتها دى كلها حرام .. فالغش انت اللى حتتحاسب عليه انما التعليم البايظ حرام .. مش انت اللى حاطط التعليم ده فسيجاسب عليه اخرون

اما حكايه الدروس الخصوصيه اللى بتقول عليها حرام .. والله انت المسئول وانت اللى بتروح وتدفع فلوس للمدرس محدش جبرك على كده وفيه ناس هنا مش بياخدوا دروس خالص وماشين مع نفسهم يبقى المشكله من عندك مش فى المدرس لان تانى هو مجبركش على الدرس انت اللى بتروح تدفع ميات بل الوفات بمزاجك

حياتك تتوقف على سنه مش حرام .. برده ده مش مشكلتك ولا انت اللى حتتحاسب عليه لانك مجبر انك تزاكر المنهج الفلانى عشان تمتحن فيه فى اليوم الفلانى عشان تدخل كليه ما يعنى انت غير محاسب على الكلام ده

ومان كل الفساد اللى انت اتكلمت عليه ده . ده معمم عليك وعلى غيرك يعنى شوف الاف طلبه الثانويه محطوطين ف نفس الموقف اللى انت محطوط فيه يعنى محدش مميز عن التانى .. والمساواه فى الظلم ،، "عدل "

متحاولش تبرر الغلط وتعممه على الناس كلها .. ولو فرضا بصيت على الامتحان وكنت حافظه قبل ما تروح اللجنه ممكن فى اللجنه متعرفش تحل حاجه خالص بقدره ربنا سبحانه وتعالى

hema ismaeil

11-05-2013, 11:25 PM

واضح ان خيالك واسع جدا جايز تكون بتتكلم عن تجربه شخصيه ليك او بتتكلم عن نفسك بس متعممش الكلام على كله

اما حكايه ملكش ذنب ساعتها .. لا انت ليك ذنب وعليك ذنب طبعا كون ان حد غلط فربنا حيحاسبه اكيد انما متبررش انك تاخد الامتحان وتبص فيه لمجرد ان واحد غلط ونزله من الاول

اما ان الغش حرام والحاجات اللى انت قلتها دى كلها حرام .. فالغش انت اللى حتتحاسب عليه انما التعليم البايظ حرام .. مش انت اللى حاطط التعليم ده فسيجاسب عليه اخرون

اما حكايه الدروس الخصوصيه اللى بتقول عليها حرام .. والله انت المسئول وانت اللى بتروح وتدفع فلوس للمدرس محدش جبرك على كده وفيه ناس هنا مش بياخدوا دروس خالص وماشين مع نفسهم يبقى المشكله من عندك مش فى المدرس لان تانى هو مجبركش على الدرس انت اللى بتروح تدفع ميات بل الوفات بمزاجك

حياتك تتوقف على سنه مش حرام .. برده ده مش مشكلتك ولا انت اللى حتتحاسب عليه لانك مجبر انك تزاكر المنهج الفلانى عشان تمتحن فيه فى اليوم الفلانى عشان تدخل كليه ما يعنى انت غير محاسب على الكلام ده

ومان كل الفساد اللى انت اتكلمت عليه ده . ده معمم عليك وعلى غيرك يعنى شوف الاف طلبه الثانويه محطوطين ف نفس الموقف اللى انت محطوط فيه يعنى محدش مميز عن التانى .. والمساواه فى الظلم ،، "عدل "

متحاولش تبرر الغلط وتعممه على الناس كلها .. ولو فرضا بصيت على الامتحان وكنت حافظه قبل ما تروح اللجنه ممكن فى اللجنه متعرفش تحل حاجه خالص بقدره ربنا سبحانه وتعالى

مبدئيا يا باشمهندس انا جايب السنه اللي فاتت 98.5 ع شان بس مش تفكر ان انا فاشل وبمجهودي والحمد لله وربنا عارف انا تعبت السنه اللي فاتت قد ايه بس برضو السنه اللي فاتت لما كنت اعرف ان فيه امتحانات متسربه كنت اقعد انزل فيها طول الليل واحل فيها وانا متاكد ان مش هي بس برضو كنت بنزلها وموضوع ان انا ببرر انا مش ببرر وع فكره انا كمان حالتي الماديه كويسه جدا وباخد بدل الدرس ثلاثه في كل ماده بس للاسف غيري مش بيلاقي ياخد دروس لمال تتكلم عن مشكله اجتماعيه مش تبص ليها من منظورك انت وبس لازم تحس بمعاناه الناس اللي بتعاني نفس المشكله معاك ع شان تقدر تتحكم في ايدلوجياتك بطريقه تناسب حلول المشكله يعني تبص للي يقدر واللي مش يقدر وانا مش ببرر برضو بدليل ان سيدنا عمر بت الخطاب رضي الله عنه لما واحد راح يشتكيله ويقوله يا امير المؤمنين ان الاثنين دول سرقوا ناقه من عندي فقالهم انت سرقتوها فقالوا نعم يا امير المؤمنين قال يقام عليهم الحد بس سرقتوها ليه قالوا سرقناها ونحرناها واكلناها فجابوا اللي هما بيشتغلوا عنده وقال له لماذا لا تطعم عمالك وفرض علي اللي بيشتغلوا عنده ان يدفع ثمن الناقه مضاعف لصاحبها وقال له لو اجعتهم ثانيه ساقيم عليك انت الحد ورفض اقامه الحد عليهم وقال مقولته الشهيره ان لا اقيم حدود الله في الشبهات خيرا لي من ان اقيمها لو نظام التعليم والدوله كويس والمدرسين عندهم ضمير محدش حيفكر يغش لانه مش حيبقي محتاج الغش اصلا فكر في كلامي كويس يا باشمهندس اذا صلح رب البيت صلح كل من تحته

To Be Is To Do

12-05-2013, 12:14 AM

مبدئيا يا باشمهندس انا جايب السنه اللي فاتت 98.5 ع شان بس مش تفكر ان انا فاشل وبمجهودي والحمد لله وربنا عارف انا تعبت السنه اللي فاتت قد ايه بس برضو السنه اللي فاتت لما كنت اعرف ان فيه امتحانات متسربه كنت اقعد انزل فيها طول الليل واحل فيها وانا متاكد ان مش هي بس برضو كنت بنزلها وموضوع ان انا ببرر انا مش ببرر وع فكره انا كمان حالتي الماديه كويسه جدا وباخد بدل الدرس ثلاثه في كل ماده بس للاسف غيري مش بيلاقي ياخد دروس لمال تتكلم عن مشكله اجتماعيه مش تبص ليها من منظورك انت وبس لازم تحس بمعاناه الناس اللي بتعاني نفس المشكله معاك ع شان تقدر تتحكم في ايدلوجياتك بطريقه تناسب حلول المشكله يعني تبص للي يقدر واللي مش يقدر وانا مش ببرر برضو بدليل ان سيدنا عمر بت الخطاب رضي الله عنه لما واحد راح يشتكيله ويقوله يا امير المؤمنين ان الاثنين دول سرقوا ناقه من عندي فقالهم انت سرقتوها فقالوا نعم يا امير المؤمنين قال يقام عليهم الحد بس سرقتوها ليه قالوا سرقناها ونحرناها واكلناها فجابوا اللي هما بيشتغلوا عنده وقال له لماذا لا تطعم عمالك وفرض علي اللي بيشتغلوا عنده ان يدفع ثمن الناقه مضاعف لصاحبها وقال له لو اجعتهم ثانيه ساقيم عليك انت الحد ورفض اقامه الحد عليهم وقال مقولته الشهيره ان لا اقيم حدود الله في الشبهات خيرا لي من ان اقيمها لو نظام التعليم والدوله كويس والمدرسين عندهم ضمير محدش حيفكر يغش لانه مش حيبقي محتاج الغش اصلا فكر في كلامي كويس يا باشمهندس اذا صلح رب البيت صلح كل من تحته

كلام جميل وذكرتنى بقصه من اجمل القصص وجزاك الله خيرا على ذلك

بس انا بقولك واحد وسرب الامتحان يعنى ارتكب ذنب انت بتقول عادى لما ابص عليه وان معلكش ذنب لانه هو من الاول غلطان وانا رديت بلا انت كده غلطان انك تبص على الامتحان المتسرب حتى لو كان اللى نزله غلطان وتثرفه غلط انت متبررش غلطك بانك تبص ع الامتحان لمجرد ان حد غلطان ونزله

وكلامى لا يمط لماديات مطلقا ومتكلمتش عن الحاله الماديه فيه خالص بس علقت على كلمه " كلكم بتضحكوا على نفسكم لان انتم لو لقيته الامتحان حتاخدوه " وده تعميم من غير دليل مجرد تعميم اعمى وخلاص .... ده كل اللى انا اقصده بدليل انى مبصتش على الامتحان لما لقيته ولما رجعت لقيته كوبى بيست من اللى كان ع المنتدى وذكرت غرض فى دماغى اوصله انى مكنتش حالل كويس بس ربنا كرمنى يمكن لهذا السبب

:)

ahmed ali12345

12-05-2013, 03:03 AM

وفيه ناس هنا مش بياخدوا دروس خالص وماشين مع نفسهم

انا اعرف واحد معرفة شخصية
الاب...فلاح
الام...فلاحة+بتبيع خضار...(الشغل مش عيب)
الحالة المادية...اللى جاى اقل من اللى رايح
المسكن....ربنا يكون فى عونهم بجد
الاخلاق....ناس محترمة جدااااا وفى حالهم
الابناء
4 اولاد+بنت
الاول مخلص كلية طب وبيشتغل دلوقتى
التانى ..فى اخر سنة اسنان السنادى
التالت+الرابع توائم...واحد فى طب وواحد فى صيدلة..(رغبه مش مجموع)
البنت ..مش متعلمة

الوسيلة...مذاكرة ليل نهار من كتاب المدرسة..ويروحوا لمدرس المدرسة يشرحلهم...مفيش دروس طبعا

hema ismaeil

12-05-2013, 04:06 AM

اهاااااا فهمت رأي حضرتك يا باشمهندس وانا سعيد جدا ان انا اتكلمت معاك

To Be Is To Do

12-05-2013, 07:47 AM

انا اعرف واحد معرفة شخصية
الاب...فلاح
الام...فلاحة+بتبيع خضار...(الشغل مش عيب)
الحالة المادية...اللى جاى اقل من اللى رايح
المسكن....ربنا يكون فى عونهم بجد
الاخلاق....ناس محترمة جدااااا وفى حالهم
الابناء
4 اولاد+بنت
الاول مخلص كلية طب وبيشتغل دلوقتى
التانى ..فى اخر سنة اسنان السنادى
التالت+الرابع توائم...واحد فى طب وواحد فى صيدلة..(رغبه مش مجموع)
البنت ..مش متعلمة

الوسيلة...مذاكرة ليل نهار من كتاب المدرسة..ويروحوا لمدرس المدرسة يشرحلهم...مفيش دروس طبعا

يا سيدى الفاضل وده اللى انا بحاول أوصله : إننا اللى بنعرض نفسنا لظلم لما بنروح دروس خصوصيه
واكبر دليل على كلامى هو كومنتك " يعنى اللى عايز يتعلم ويتفوق " بيعلم بس هى عمليه اننا بنستسهل او الاهل موفرين كل حاجه واحنا بناخد على الجاهز :d

اهاااااا فهمت رأي حضرتك يا باشمهندس وانا سعيد جدا ان انا اتكلمت معاك

أنا أسعد :d :d ربنا معاك :)[/COLOR][/SIZE][/FONT][/CENTER][/I][/B]

ahmed ali12345

12-05-2013, 08:00 AM

[QUOTE=To Be Is To Do;5267779]يا سيدى الفاضل وده اللى انا بحاول أوصله : إننا اللى بنعرض نفسنا لظلم لما بنروح دروس خصوصيه
واكبر دليل على كلامى هو كومنتك " يعنى اللى عايز يتعلم ويتفوق " بيعلم بس هى عمليه اننا بنستسهل او الاهل موفرين كل حاجه واحنا بناخد على الجاهز :d

اللى انا عايز اوصله بقى ان احنا بندى الثانوية اكبر من حجمها.
دروس. كتب خارجية كتيييييييييييرة مراجعات بالهيل.لازم متابعة من المدرسين.نظرية لازم تتابع مع مدرس علشان بيدى فنيات ومش عارف ايه.رايح من درس وجاى من درس.مذكرات.ورق.توتر.شكاوى.

ملحوظة: ايه علاقة الكلام ده بالموضوع.؟؟ انا دايما كده ادخل اغير الموضوع :p

To Be Is To Do

12-05-2013, 08:10 AM

اسراء سمير00

12-05-2013, 09:24 AM

ربنا يسترها علينا ويعين اهلينا علينا
والله يكون في عونهم والله بس ياريت الواحد يقدر تعبهم
ويعمل الي عليه ربنا يوفقنا كلنا وميضيعش تعبنا وتعبهم