اهلا بكم اخوتى الاعضاء

انا كما ذكرت سابقا انى فى 2 ثانوى والسنة الجاية هى اهم سنة اللى هى 3 ثانوى .

واحد من زمايلى قاللى على فكرة والصراحة هى عجبتنى بس عاوز اخد رأيكم فيها والفكرة هى اننا نذاكر مادتين من بتوع سنة 3 ثانوى فى اجازة الصيف ونخلصهم اثناء الاجازة وغالبا المادتين دول انجليزى وفرنساوى وده بغرض تخفيف العبئ اثناء سنة تالتة وبكده نكون شغالين مراجعه وحل امتحانات طول السنة فى المادتين دول وممكن توصل عدد الكتب اللى حنكون خلصناها الى 6 او 7 كتب .

ايه رأيكم فى الفكرة دى؟ هل هى جيدة ام مرهقة؟ ..تحياتى:)

كويسه للى يقدر يستحمل الارهاق


انما اظن ال90% من الطلاب هيزهقوا وهيضيعوا الدنيا فى الاخر

هي فكره جميله بس عايزه
الواحد يكون باله طويل يعني يستحمل بس مظنش
اني في حد بيستني الاجازه علشان يذاكر فيها
واكيد هتيجي في وقت وتلاقي نفسك مليت وزهقت

ده مش احباط ده وجهة نظر
بالتوفيق ان شاء الله

لا اوعى تعمل كده خد اجازتك وافرح فيها واعمل كل اللى بتحبه علشان انت داخل ع سنة مش هتعمل فيها حاجة غير دروس ومذاكرة ولو عملت كده هتيجى ف اخر السنة وتزهق وتضيع مجهود السنة كلها وع فكرة اهم فترة ف الثانوية فترة المراجعة يعنى شهر 4 و 5 وبلاش ييجى الشهرين دول وانت زهقان ونصيحة اوعى تاخد السنة طحن من اولها يعنى ابدأ تدريجى النهاردة ساعة بكرة ساعة ونص علشان برضو متزهقش ف الاخر اعتبر نفسك فى سباق عمرك شفت متسابق من اول السباق وهو بيجرى بسرعة ؟؟ اكيد لا علشان لو عمل كده هيتعب ومش هيفوز الحكاية زى دى بالظبط

ممتازة بس لو قدرت

ممكن تحفظ كلمات من ناحية اثراء اللغة

انا شايفة انها هتبقي مملة جدا
ممكن يكون ده بالنسبة لي مش عارفة!
بس الانجلش والفرنساوي أصلا مواد سهلة ومش محتاجة المجهود ده كله
وليه 6 أو 7 كتب؟؟
يعني الانجلش كفاية عليه مذكرة المستر وملخص واحد أو اتنين بالكتـــــــير لو انت غاوي تحل
والفرنساوي دي اللي منصحكش فيها بأي ملخصات والله مادة تافهة جدااااااااا
كفاية عليك مذكرة المستر وتحل معاها وبكده تبقي خلصت
لان الملخصات بتجيب حاجات كتيييييير ملهاش علاقة بالمنهج والامتحانات
يعني بيرخموا علي الطلبة وخلاص
انت عشان تبقي ضامن الـ full mark في المادتين دول
لازم الاستاذ اللي تاخد عنده يبقي بيهتم بالحل
اما بالنسبة للوقت والمذاكرة فـ دول مش هياخدوا اي مجهود
تقدر تخليلهم كل يومين في الاسبوع تذاكر لكل مادة فيهم ساعتين وخلص الموضوع
يعني حاول تستمع بالأجازة عشان تبقي داخل السنة الدراسية وانت نفسيتك مرتاحة وتقدر تذاكر كويس
بالتــــــوفــــيق ان شاء الله

السلام عليكم
انا كنت بفكر ف نفس الفكرة دى بالظبط بس اختارت مادة الفيزيا وفكرت انى أروح فيها لمدرس ف الأجازة كمان
هى ممكن تكون الفكرة كويسة لحد نفسه طويل وبيصبر
انما الانجليزى والفرنساوى ممكن تحفظ كلمات ف الاجازة وبس

انا من رأي انوا انت في الاجازة مثلا تذاكر الكلمات الانجليزي اكتر وتراجع علي المصطلحات والكلمات تكون مهمة ويكون مثلا مذاكرتك يومين بالكتير عشان متزهقش وتستمتع بأجزتك

اقولك نصيحة بلاش تعمل كدة لانك هتيجي علي الاخر ومش هتقدر تكمل صدقني حتي لو قولت لا انا هقدر مش عارفة ايه بس انا رأيي بلاش خد اجازة الصيف كلها راحة وابدأ من 1/9 بلاش قبل كدة انت لو بدأت من 1/9 تذاكر بضمير هتقفل كل المواد وهتخلص كتب كتير بردو وكل حاجة

منصحكش :)
بص انت هتحتاج انك تشم نفسك شوية بين المرحلتين لأن السنتين بصراحة طحن وربنا يعينكم طبعا

منهج سنة 3 مش سهل .. اذا كان احنا اللي كان بيتشرحلنا مكناش عارفين نذاكره زي الناس :d
فازاي هتذاكروه من قبل ما يتشرح ؟؟ :)
هتبذل مجهووود كبييير ف انك تفهمه لنفسك وإنك تقدر تفهم اللي محتاج فهم وتحفظ اللي محتاج حفظ

فنصيحة مني عيش الأجازة بحلوها ومرها وافرح فيها ,, ووفر الطاقة دي لبدء الدراسة :)
ربنا يوفقك :)