وإذ فجأة ...... اختفت! [الأرشيف] - بوابة الثانوية العامة المصرية

مشاهدة النسخة كاملة : وإذ فجأة ...... اختفت!

smsmzeros

07-05-2013, 02:54 PM

وإذ فجأة حوادث القطارات انتشرت. وفجأة الحوادث اختفت!
وإذ فجأة مظاهرات ضد الإعلان الدستوري... والمظاهرات اختفت!
وإذ فجأة كام واحد يتسحل وبمحض الصدفه يتصور.. والسحل اختفى!
وإذ فجأة قايمة بـ 13 الف موظف اخوان في الدولة.... والبلد بتتأخون. والموضوع اختفى!
وإذ فجأة بورسعيد والمنصورة والسويس ولعوا.. والموضوع اختفى!
وإذ فجأة دعوات للعصيان المدني. والعصيان اختفى!
وإذ فجأة حصار للقصر في الاتحاديه... وفجأة الحصار اختفى!
وإذ فجأة احتجاجات فئوية واعتصامات وقطع طرق... والموضوع اختفى!
وإذ فجأة مرسي غير شرعي ودعوات لانتخابات رئاسية مبكرة... والموضع اختفى!
وإذ فجأة مصر هتفلس والاقتصاد هيقع. وفجأة التفليس اختفى!
وإذ فجأة الشيعه دخلوا والتشيُّع هيخش مصر. والموضوع اختفى!
وإذ فجأة القضاة يعلنوا انهم مش هيشرفوا ع الانتخابات... والمقاطعه اختفت!
وإذ فجأة مظاهرات ضد الاستفتاء على الدستور... والمظاهرات اختفت!
وإذ فجأة المحاكم أعلنت إنها هتقفل وهتعلق الشغل... والموضوع اختفى!
وإذ فجأة اقسام الشرطة اعلنت اضرابها... والاضراب اختفى!
وإذ فجأة الاهرامات والنيل والاثار هيتأجروا... والموضوع اختفى!
وإذ فجأة دعولت لمقاطعة الانتخابات البرلمانية القادمة.. والموضوع اختفى!
وإذ فجأة سينا وحلايب وشلاتين هيتباعوا. والموصوع اختفى!
وإذ فجأة المايوه والبيكيني هيتمنعوا وجواز القاصرات. والموضوع اختفى!
وإذ فجأة الدستور مسلوق والجمعيه التأسيسيه باطلة. والموضوع اختفى!
وإذا فجأة حرق لمقرات الاخوان في كل محافظة. والموضوع اختفى!
وإذ فجأة دعوات لنزول الجيش وجمع توقيعات وتوكيلات للسيسي. والموضوع اختفى!
وإذ فجأة طوابير العربيات ونقص السولار وأزمة البنزين. والموضوع اختفى!
وإذ فجأة حرايق في فدادين وحقول القمح هنا وهنا. وبرضوا هتختفي!

وتعبت من المفاجأه ونزلت دمعتي ..

حد عنده تعليق!!!!!؟

السيد درويش

07-05-2013, 03:58 PM

انت كده هتنكد على ناس كتير نفسهم مصر تغرق عشان بيحكمها اخوان واللى يفوقهم مفيش على لسانهم غير اه اصل انت اخوان وخروف ومش عارف نعمل معاهم اييييييييه

sasa2300111

07-05-2013, 04:14 PM

دة فعلا الواقع اللى بنعيشه وزى ما قال الصديق انت كدة بتنكد على اللى عاوزين البلد تغرق علشان بيحكمها الاخوان.

ايمن عبد الرحمن على

07-05-2013, 10:45 PM

واذا فجأة الناس هتفهم هذة الالاعيب وهتختفى
وتعيش مصر بإذن الله فى حصن الاسلام ان شاء الله

هاوى إبداع

08-05-2013, 01:02 AM

هو فاضل بتاع 10 وإذ فجأءه كمان

والدنيا هتظبط

اسكع كلامي وهتشوف :d

سوسو محسن

08-05-2013, 10:30 AM

شكرا لك ونتمنى الكثير من هذا المجهود

الأستاذة هدى

23-05-2013, 03:54 PM

ربنا يزيد دموع القهر فيهم من لا يتقون الله في مصر وشعبها

ويكتر من المفاجآت السعيدة لشعب مصر الطيب يارب العالمين ;)

ابونرمين

24-05-2013, 12:02 AM

modey451

30-05-2013, 11:52 PM

ان شاء الله ربنا يكسفهم ويكشفهم ويفضحهم
كلهم رويبضة لا يريدون لمصر الا الهلاك ربنا يهلكهم