To Be Is To Do
07-05-2013, 04:14 PM
http://www9.0zz0.com/2013/05/07/14/693643119.jpg
السلام عليكم ورحمه الله وبركاته
مبدأياً أنا أخوكم خالد لسه مخلص ثانويه عامه السنه اللى فاتت وأنا حاليا أولى كليه
طبعا أنا حاسس بيكم جدا والله عشان انا من سنه بالظبط كنت فى نفس موقفكم كده الأعصاب متوتره .. الأيام بتعدى هوا .. أخبار بصعوبه الإمتحانات .. ال 15% بتوع الطالب المتميز إللى مش بييجوا خالص دول فى اى امتحان .. ماما وبابا عايزنى طب وهندسه وصيدله .. عندى مشاكل مش عارف ازاكر مش عارف أظبط مواعيد نومى .. المدرسين طالبيين مننا حاجات كتير .. حاجات كتير جدا جدا جدا واقفه قدامنا طيب وبعدين يعنى ؟ حنفضل كده تايهين متوترين قلقانين لا عارفين نزاكر ولا بنام والوقت بيروح والامتحان بيقرب إنه يقترب يقترب يقترب .... :) :)
طب والعمل يا عم الحاج خنقتنا انت داخل تطمنا ولا تقرفنا :( :(
طب اسمع بس حقولك ايه حقولك ايه حقولك ايه .. :) :)
الطلبه فى الوقت ده متقسمه ل 3 انواع
ــــــــــــــــــــــــــــــــــــــــــــــــــ ــــــــــــــــــــ
1ـ طالب كان بيزاكر طول السنه زى الفل ( كتاب المدرسه حاله وكذلك الدليل وكاتب الحاجات اللى وقفت معاه فى اسكتش وحاليا بيبدأ يبص عليها ويراجعها ... الطالب ده خلص مراجعه كل المواد وحاليا بيبص على فنيات أسأله وبيحل امتحانات وبيشوف أفكار جديده )
الطالب ده ربنا حيكرمه جامد جدا على فكره واستمر انك تركز على الفنيات والحاجات الصعبه ونقى أفكار مسائل وحلها وحتلاقى تعبك ده كله يوم النتيجه ان شاء الله بكليه قمه جميله كنت بتحلم بيها :) :)
2_ طالب وسط هاااا بيزاكر طول السنه بس لسه محلش الامتحانات ولا المدرسه ولا الدليل يعنى مزاكر اه بس محلش
انت ربنا حيكرمك برده متخافش والله بس الايام دى بقى تركز على الامتحانات تبدأ تحل كم كبير من امتحانات السنين اللى فاتت واللى يقف معاك ابدأ اكتبه فى اسكتش لوحده بحيث ليله الامتحان تبص عليه سريعا برده لو عندك مزكره او ورق حالل الدليل او المدرسه أبدأ حل فيهم اكيد حيقابلك مسائل كنت حالل زيهم قبل كده .. اكيد حيقابلك افكار مسائل واسئله جديده اعرقف اجابتهم احفظهم او افهمهم على حسب نوعيه الاسئله اكتبهم فى اسكتش برا ليله الامتحان بص عليهم يببقى انت كده جمعت بينن المزاكره طول السنه والحل والمراجعه تيجى ليله الامتحان تراجع وتبص على الاسئله دى وخلاص تدخل تقفل باذن الله باذن الله يعنى
3_ طالب مفتحتش اى حاجه لغايه دلوقتى ( من اول شهر 8 يقول يااااااااااااه ده لسه بدرى ييجى شهر 12 يااااااااااااه ده لسه نص السنه ييجى شهر 2 لا بقى انا من اول 4 حبدا ادح اوباااااااااااااا شهر5 جه لا وايه عدى منه اسبوع كمان .. والحل بقى ... :( :( انا كده ضعت ولا ايه ؟ )
لا طبعا ضعت ايه انت فاضلك لسه وقت كويس تلحق تزاكر فيه اللى عليك مهو اكيد انت مش طول السنه متعرفش حاجه اكيد المستر كان بيعمل امتحانات كنت بتزاكر اكيد كان فيه واجبات كنت بتحلها اكيد اكيد اكيد بس انت ناقصك شويه دروس فى كل ماده طيب وحعمل ايه ؟ ...خلاص الوقت اللى فاضل ده انت تبدأ تزاكر الحاجات اللى لسه مفتحتهاش ... ورقه حلوه كده وتشوف موادك واكتب ماده كذا ناقصنى كذا وكذا وكذا وهكذا لل 5 مواد طيب والقديم اللى زاكرته اسيبه ؟ ... تسيب مين يا عم الحاج لا طبعا انت حتزاكر الجديد مع مراجعه القديم وحل امتحاانات . ؟ نعم يا خويا !! يعنى احل امتحانات وانا لسه مخلصتش المنهج ؟ .. اه طبعا الامتحانات حتخليك تراجع اللى زاكرته قبل كده طب والجديد اللى لسه بزاكره ؟ .. خلاص انت بتزاكر جديد وتدخل على الامتحانات تحل عليه علطول يعنى زاكرت وطبقت بالحل ..محتاج حاجه تانيه ؟؟؟؟
ميزه حل الامتحانات :
ـــــــــــــــــــ
اولا : بتعرفك الامتحان شكله ازاى بييجى ازاى حجمه ازاى وهكذا ؟
ثانيا بتطبق على اللى زاكرته طول السنه او اللى لسه زاكرته الايام دى
ثالثا : معرفه نقاط ضعفك فين اكيد لما تحل الامتحانات كلها انت كده راجعت المنهج ك حل فقط اكيد مش حتعرف حاجات خلاص ارجعلها وازاكرها تانى وبكده خلاص انا لميت المنهج كله
رابعا وده الاهم : الامتحانات بتكسبك ثقه فى نفسك كبيره جدا ... انا زاكرت وجيت احل امتحانات ولقيت نفسى بحل الحمد لله امتحان كامل لوحدى حتاخد ثقه جامده وحتشيل حته الخوف بنسبه كبيره
خامسا : الامتحانات بتتكرر بشكل مستمر تلاقى السؤال بييجى سنه وسنه يعنى لو حليت الامتحانات دى حتلاقى امتحانك كوبى منهم بكم كبير جدا ان شاء الله
الحاجات اللى اركز عليها :
ــــــــــــــــــــــــــ
متركزش على اى حاجه وتسيب التانيه .. بس انت لما تحل امتحانات حتلاقى مثلا فيه السؤال ده بييجى كتير جدا .. والمساله دى اتكررت اكتر من مره ... التعريف ده الاستنتاج ده بييجوا كتير خلاص وانا براجع حبدأ أتك على الحاجات دى جامد بس مش ازاكر دول واسيب الباقى اكيد لا انا بزاكر كله كويس جدا ومستعد لاى حاجه بس فيه حاجات بتبقى من الحاجات الشهيره فى الامتحانات دى اراجعها كويس جدا
مراجعات المدرسين :
ــــــــــــــــــــــــ
رأئي الشخصى روحها .. طب ليه ؟ .. المدرسين بيبقوا سايبين ساعات حاجات او افكار مهمه يقولوها فى المراجعه والحاجات دى بتبقى مهمه جدا .. المدرسين بيجبروك انك تزاكر حاجات عشان تمتحن عليها الحصه اللى بعدها يعنى انت مجبر تزاكر عشان الامتحان .. المدرسين ساعات فى الحصه بيقولوا فنيات اسأله الحاجات دى مبتتحفظش لا بتتفهم عايزه واحد مركز يفهمها عشان ميتلغبطش
انما لو انت طالب مجتهد وحتقعد فى البيت تزاكر فعلا كما لو كنت مع المدرس خلاااص تمام بس على الاقل صور الورق اللى المدرسين بيدوه للطلبه وحله وحتبقى مخسرتش حاجه
التوتر والقلق والخوف والرعب والحاجات دى كلها اللى انت ونتى حاسين بيهم دلوقتى ... ده امر طبيعى متفكرش انت بس اللى خايف لا ده زيك الافات طلبه خايفين من الامتحانات
بس صدقونى الامتحانات بتيجى للطالب اللى مزاكر ممكن ساعات بييجى نقطه او 2 فى الامتحان صعبين او عايزين تركيز او او او بتبقى رفايع فى الورقه مش كل الورقه متخفش انت مزاكر متخفش انت مراجع متخفش انت حالل امتحانات كتير متخفش انت مجمع افكار كتير وترّكات كتير ..... متخفش حتدخل الامتحان حتحل كويس جدا لانك اصلا مزاكر وحالل ومراجع
الفتره دى عايزه واحد بارد فى مشاعره ... طيب مش حتلاقى حد بارد الفتره دى الكل قلقان ... عارف والله بس ليه القلق مش انت حليت الامتحاانات وعرفت المستوى الل بييجى بيه الامتحان خلاص يا عم امتحانك شبه الامتحانات دى بالظبط مش بيبتكروا يعنى ان شاء الله
وأخيرا : إفتكر دايما وانت بتزاكر إنك دايما تعمل إللى عليك وإفتكر ان ربنا مش حيضيع لا تعبك ولا تعب والديك على الفاضى وإفتكر دايما الكليه وحلمك اللى نفسك تحققه وأفتكر يوم النتيجه وانت ان شاء الله جايب اعلى من لمجموع اللى كنت بتفكر فيه وشكلك الجميل قدام بابا وماما والعيله الناس كلها وانت فخور بنفسك انا جبت كذا % وحدخل كليه كذا ان شاء الله
وآســــــــــــــــــــــــــف إنى طولت عليكم ... ربنا يوفقكم إن شاء الله :) :)
[/color]
السلام عليكم ورحمه الله وبركاته
مبدأياً أنا أخوكم خالد لسه مخلص ثانويه عامه السنه اللى فاتت وأنا حاليا أولى كليه
طبعا أنا حاسس بيكم جدا والله عشان انا من سنه بالظبط كنت فى نفس موقفكم كده الأعصاب متوتره .. الأيام بتعدى هوا .. أخبار بصعوبه الإمتحانات .. ال 15% بتوع الطالب المتميز إللى مش بييجوا خالص دول فى اى امتحان .. ماما وبابا عايزنى طب وهندسه وصيدله .. عندى مشاكل مش عارف ازاكر مش عارف أظبط مواعيد نومى .. المدرسين طالبيين مننا حاجات كتير .. حاجات كتير جدا جدا جدا واقفه قدامنا طيب وبعدين يعنى ؟ حنفضل كده تايهين متوترين قلقانين لا عارفين نزاكر ولا بنام والوقت بيروح والامتحان بيقرب إنه يقترب يقترب يقترب .... :) :)
طب والعمل يا عم الحاج خنقتنا انت داخل تطمنا ولا تقرفنا :( :(
طب اسمع بس حقولك ايه حقولك ايه حقولك ايه .. :) :)
الطلبه فى الوقت ده متقسمه ل 3 انواع
ــــــــــــــــــــــــــــــــــــــــــــــــــ ــــــــــــــــــــ
1ـ طالب كان بيزاكر طول السنه زى الفل ( كتاب المدرسه حاله وكذلك الدليل وكاتب الحاجات اللى وقفت معاه فى اسكتش وحاليا بيبدأ يبص عليها ويراجعها ... الطالب ده خلص مراجعه كل المواد وحاليا بيبص على فنيات أسأله وبيحل امتحانات وبيشوف أفكار جديده )
الطالب ده ربنا حيكرمه جامد جدا على فكره واستمر انك تركز على الفنيات والحاجات الصعبه ونقى أفكار مسائل وحلها وحتلاقى تعبك ده كله يوم النتيجه ان شاء الله بكليه قمه جميله كنت بتحلم بيها :) :)
2_ طالب وسط هاااا بيزاكر طول السنه بس لسه محلش الامتحانات ولا المدرسه ولا الدليل يعنى مزاكر اه بس محلش
انت ربنا حيكرمك برده متخافش والله بس الايام دى بقى تركز على الامتحانات تبدأ تحل كم كبير من امتحانات السنين اللى فاتت واللى يقف معاك ابدأ اكتبه فى اسكتش لوحده بحيث ليله الامتحان تبص عليه سريعا برده لو عندك مزكره او ورق حالل الدليل او المدرسه أبدأ حل فيهم اكيد حيقابلك مسائل كنت حالل زيهم قبل كده .. اكيد حيقابلك افكار مسائل واسئله جديده اعرقف اجابتهم احفظهم او افهمهم على حسب نوعيه الاسئله اكتبهم فى اسكتش برا ليله الامتحان بص عليهم يببقى انت كده جمعت بينن المزاكره طول السنه والحل والمراجعه تيجى ليله الامتحان تراجع وتبص على الاسئله دى وخلاص تدخل تقفل باذن الله باذن الله يعنى
3_ طالب مفتحتش اى حاجه لغايه دلوقتى ( من اول شهر 8 يقول يااااااااااااه ده لسه بدرى ييجى شهر 12 يااااااااااااه ده لسه نص السنه ييجى شهر 2 لا بقى انا من اول 4 حبدا ادح اوباااااااااااااا شهر5 جه لا وايه عدى منه اسبوع كمان .. والحل بقى ... :( :( انا كده ضعت ولا ايه ؟ )
لا طبعا ضعت ايه انت فاضلك لسه وقت كويس تلحق تزاكر فيه اللى عليك مهو اكيد انت مش طول السنه متعرفش حاجه اكيد المستر كان بيعمل امتحانات كنت بتزاكر اكيد كان فيه واجبات كنت بتحلها اكيد اكيد اكيد بس انت ناقصك شويه دروس فى كل ماده طيب وحعمل ايه ؟ ...خلاص الوقت اللى فاضل ده انت تبدأ تزاكر الحاجات اللى لسه مفتحتهاش ... ورقه حلوه كده وتشوف موادك واكتب ماده كذا ناقصنى كذا وكذا وكذا وهكذا لل 5 مواد طيب والقديم اللى زاكرته اسيبه ؟ ... تسيب مين يا عم الحاج لا طبعا انت حتزاكر الجديد مع مراجعه القديم وحل امتحاانات . ؟ نعم يا خويا !! يعنى احل امتحانات وانا لسه مخلصتش المنهج ؟ .. اه طبعا الامتحانات حتخليك تراجع اللى زاكرته قبل كده طب والجديد اللى لسه بزاكره ؟ .. خلاص انت بتزاكر جديد وتدخل على الامتحانات تحل عليه علطول يعنى زاكرت وطبقت بالحل ..محتاج حاجه تانيه ؟؟؟؟
ميزه حل الامتحانات :
ـــــــــــــــــــ
اولا : بتعرفك الامتحان شكله ازاى بييجى ازاى حجمه ازاى وهكذا ؟
ثانيا بتطبق على اللى زاكرته طول السنه او اللى لسه زاكرته الايام دى
ثالثا : معرفه نقاط ضعفك فين اكيد لما تحل الامتحانات كلها انت كده راجعت المنهج ك حل فقط اكيد مش حتعرف حاجات خلاص ارجعلها وازاكرها تانى وبكده خلاص انا لميت المنهج كله
رابعا وده الاهم : الامتحانات بتكسبك ثقه فى نفسك كبيره جدا ... انا زاكرت وجيت احل امتحانات ولقيت نفسى بحل الحمد لله امتحان كامل لوحدى حتاخد ثقه جامده وحتشيل حته الخوف بنسبه كبيره
خامسا : الامتحانات بتتكرر بشكل مستمر تلاقى السؤال بييجى سنه وسنه يعنى لو حليت الامتحانات دى حتلاقى امتحانك كوبى منهم بكم كبير جدا ان شاء الله
الحاجات اللى اركز عليها :
ــــــــــــــــــــــــــ
متركزش على اى حاجه وتسيب التانيه .. بس انت لما تحل امتحانات حتلاقى مثلا فيه السؤال ده بييجى كتير جدا .. والمساله دى اتكررت اكتر من مره ... التعريف ده الاستنتاج ده بييجوا كتير خلاص وانا براجع حبدأ أتك على الحاجات دى جامد بس مش ازاكر دول واسيب الباقى اكيد لا انا بزاكر كله كويس جدا ومستعد لاى حاجه بس فيه حاجات بتبقى من الحاجات الشهيره فى الامتحانات دى اراجعها كويس جدا
مراجعات المدرسين :
ــــــــــــــــــــــــ
رأئي الشخصى روحها .. طب ليه ؟ .. المدرسين بيبقوا سايبين ساعات حاجات او افكار مهمه يقولوها فى المراجعه والحاجات دى بتبقى مهمه جدا .. المدرسين بيجبروك انك تزاكر حاجات عشان تمتحن عليها الحصه اللى بعدها يعنى انت مجبر تزاكر عشان الامتحان .. المدرسين ساعات فى الحصه بيقولوا فنيات اسأله الحاجات دى مبتتحفظش لا بتتفهم عايزه واحد مركز يفهمها عشان ميتلغبطش
انما لو انت طالب مجتهد وحتقعد فى البيت تزاكر فعلا كما لو كنت مع المدرس خلاااص تمام بس على الاقل صور الورق اللى المدرسين بيدوه للطلبه وحله وحتبقى مخسرتش حاجه
التوتر والقلق والخوف والرعب والحاجات دى كلها اللى انت ونتى حاسين بيهم دلوقتى ... ده امر طبيعى متفكرش انت بس اللى خايف لا ده زيك الافات طلبه خايفين من الامتحانات
بس صدقونى الامتحانات بتيجى للطالب اللى مزاكر ممكن ساعات بييجى نقطه او 2 فى الامتحان صعبين او عايزين تركيز او او او بتبقى رفايع فى الورقه مش كل الورقه متخفش انت مزاكر متخفش انت مراجع متخفش انت حالل امتحانات كتير متخفش انت مجمع افكار كتير وترّكات كتير ..... متخفش حتدخل الامتحان حتحل كويس جدا لانك اصلا مزاكر وحالل ومراجع
الفتره دى عايزه واحد بارد فى مشاعره ... طيب مش حتلاقى حد بارد الفتره دى الكل قلقان ... عارف والله بس ليه القلق مش انت حليت الامتحاانات وعرفت المستوى الل بييجى بيه الامتحان خلاص يا عم امتحانك شبه الامتحانات دى بالظبط مش بيبتكروا يعنى ان شاء الله
وأخيرا : إفتكر دايما وانت بتزاكر إنك دايما تعمل إللى عليك وإفتكر ان ربنا مش حيضيع لا تعبك ولا تعب والديك على الفاضى وإفتكر دايما الكليه وحلمك اللى نفسك تحققه وأفتكر يوم النتيجه وانت ان شاء الله جايب اعلى من لمجموع اللى كنت بتفكر فيه وشكلك الجميل قدام بابا وماما والعيله الناس كلها وانت فخور بنفسك انا جبت كذا % وحدخل كليه كذا ان شاء الله
وآســــــــــــــــــــــــــف إنى طولت عليكم ... ربنا يوفقكم إن شاء الله :) :)
[/color]