السلام عليكم

نقابة معلمي التربية والتعليم فتحت من حوالي سنة أو أقل الاشتراك لمعلمي الأزهر

90 جنيه سنويا من بداية سن الـ 25

وبالفعل كلنا رحنا واشتركنا

فوجئنا الشهر دا بكلام جديد خالص ان الاشتراك 250 جنيه في السنة ونحسب الفرق عن المدفوع مسبقا ونسدده
واللي مش عاجبه هتيجي استمارات بعد اسبوعين يطلب سحب فلوسه ويستنى لما يبعتوها مصر ويأشروا على طلب السحب والروتين الفارغ دا

طيب هما اخدوا الفلوس دي من 7 ولا 8 شهور واستثمروها وشغلوها وكسبوا اكيد

والاخر احنا لا طلنا تحويشة الفلوس ولا الاشتراك

عاوزين نسأل مدرسي التربية والتعليم هل فعلا الاشتراك في النقابة له مميزات تستاهل 250 جنيه سنويا؟ وهل اشتراكهم 250 فعلا؟

ولو حبينا نرفع قضية على النقابة ايه الاجراءات؟

وجزاكم الله خيرا

النقابه بتاخد مننا الان 7% اساسى 2جنيه و2جنيه شهريا ومن المكافئه واى فلوس بنقبضها بموجب قوانين اجبارى حتى نكون معلمين مهنيين ولم نرى منها اى شيئ يدل على اى شيئ

و الله انا مش عارفة اقول لكم ايه
انتم ايه اللى دخلكم النقابة دى من الاصل
ده احنا فيها بالغصب و الاكراه
انتم مش تسألوا الاول و لو فيها ميزة زاحدة كنا شجعناكم عليها .......

النقابه بتاخد مننا الان 7% اساسى 2جنيه و2جنيه شهريا ومن المكافئه واى فلوس بنقبضها بموجب قوانين اجبارى حتى نكون معلمين مهنيين ولم نرى منها اى شيئ يدل على اى شيئ
شكرا جزيلا.
إذن قرارنا سليم بسحب الأموال.

و الله انا مش عارفة اقول لكم ايه
انتم ايه اللى دخلكم النقابة دى من الاصل
ده احنا فيها بالغصب و الاكراه
انتم مش تسألوا الاول و لو فيها ميزة زاحدة كنا شجعناكم عليها .......
سألنا وخلولنا الدنيا وردي!
يلا اهو درس اتعلمناه ربنا ييسر ونقدر ناخد الفلوس من دون لف ولا دوران.