Tornadoo1970
10-05-2013, 08:51 AM
http://www.youtube.com/watch?v=dLrOzl-PHdI&feature=player_embedded#t=58s
|
مشاهدة النسخة كاملة : قصيدة الجخ الجديدة..كل ما توعد وعد تطلع بؤ .. Tornadoo1970 10-05-2013, 08:51 AM http://www.youtube.com/watch?v=dLrOzl-PHdI&feature=player_embedded#t=58s شابه 10-05-2013, 11:26 AM انا اخوان .. و كل المسلمين اخوان .. فما اتصنفش اسلامي على كيفك .. حقيقتي اقوى من زيفك .. وصابعي لوحدو بكفوكفك .. و لا اتهزش قصاد خوفك .. يا خوف .. يا جبان .. انا اخوان .. بطيع الله في ملكوتو .. و بدعي يزيدني من فضلو و من قوتو و اصلي و صوم .. و اجاهد نفسي و اصبر عالبلى و احمد و حمدي يدوم .. لانو الرازق الوهاب .. و هو مسبب الاسباب فليه الفضل و المنة و ليه الطاعة .. فما اتبصش لديني نظرة طماعة .. انا ديني لا هو سلعة و لا بضاعة و لا ليه سوق .. لا انا بايع و لا شاري .. ايماني هو رسمالي فاصحى وفوق .. مانيش اخوان على نهجك .. فلم من الدروب همجك .. كفاية شكوك .. مش انت لوحدك الاخوان .. انا اخوان .. بحق الله و بالسنة و بالقرآن .. وقت الجد انا عثمان .. وقت الحرب انا حمزة .. وقت الفصل ببقى فاروق .. انا اخوان على الرحمة و ع التقوى و حب الناس .. لكن عمري ما حتأخون بأخونتك على الصندوق .. عينيكم فيها كل النور و مش شايفة .. غباوة انك تهدد ناس ماهيش خايفة .. بتهدد في مين يا حزين .. ده انا الاها اللي طلقوني.. وديعة و سايحة في الشارع مش ممكن حتخفوني .. حتسمعني .. و غصب عن عينيك الجوز على دماغك حترفعني .. انا الناس اللي عاشت تحت خط الفقر .. و انا الناس اللي ماتت ما التقيتش القبر .. فسيبك من اللي بجاملك و بيهيص .. و ركزلي و اسمع كلمتي كويس .. انا الثورة اللي عملت منك الريس .. انا اللي يادوب من سنتين .. كنا بنتحبس صحبة .. و كنا منتجلد صحبة .. وكنا في الميدان صحبة .. بتبعد ليه و تكتب ع الطريق غربة .. بتمشي في الطريق الصعب وحدك ليه مهملني .. مالو صعبة عليك الشيلة .. حملني .. تلاقيني بعارضك آه .. لكني وراك .. بجدف في السفينة معاك .. اكون ودنك اكون عينك .. اكون جوا في دراعينك .. نبني بلدنا لهوانا مش لهواك .. و خيرنا يبقى جوانا مش جواك .. مش انت تاخدلي في القراراات .. و انا الـ أمسح بايدي .. خراك .. ما تتلققش من الناس اللي بيعارضوك .. ما تتشتتش ؟؟ ماتتسوحش.. بلدنا عايزة ريس وحش يسمع نقدو بودانو ما يتكبرش .. يكون جبار على الظالمين رحيم بينا .. ينام بينا و يقوم بينا .. يمشي يعس في الشارع على الجعانين .. و يفهم اني في الشارع شباب سايرين .. مالحقوش يبقو كارهينك .. فماتزودش نار الكره في قلوبهم .. شباب شايف فلوس بلدو مش بتخش في جيوبهم .. ما تخدعناش ببقين من بتوع حسني يا مولانا .. ورمنا كلام و صدى من الغنى قفانا .. ما تدبحليش حمامة يتيمة على عينها و تقنعني انو ديك رومي .. ما تلعبش انت في المية و تمسح ايدك المبلولة في هدومي .. و مش كل ما توعد وعد تطلع بوق .. ما تشدش فرامل اليد و تطلب مني انزل ازق .. و لما الناس تكون سايرة ما تخطبليش في اتباعك .. و لما تكون مع وزيرة ما تلعبليش في ((( دراعك ))) و لا تسمعني و لا اهلي و لا عشيرتي .. و خيرنا يبقى لبلدنا قبل ما بص على جيرتي .. بلدنا احواض من البركة بعمر النيل .. بلد دفيانة بالقرآن و بالانجيل .. انا اخوان .. انا اخوان .. مش انت لوحدك الاخوان .. انا اخوان و كل المسلمين اخوان .. فما اتصنفش اسلامي على كيفك .. حقيقتي اقوى من زيفك .. ممدوح مصطفى الانصارى 10-05-2013, 01:26 PM ( بلدنا احواض من البركة بعمر النيل .. بلد دفيانة بالقرآن و بالانجيل ..) الاستاذ تورنادو 1970 الاستاذ كفر الشيخ شكرا لحضراتكم على تقديم هذا الابداع والرؤية للشاعر هشام الجخ صوتا وصورة وكتابة واسمحوا الى ان انسخها الى القسم الادبى ahmed ali12345 10-05-2013, 01:34 PM أنا مش عارف مين عمله شاعر ده والله شعرى افضل منه بمرااااااااااااااااااااااااحل بلا غرور المصري أشرف 10-05-2013, 01:37 PM الله عليكم ... كفر الشيخ .... تورنيدو أجمل قصيدة سمعتها للجخ من فترة abmmnn2010 10-05-2013, 03:41 PM رئيسنا المنتخب يبحث عن معارضة منصفة تشارك فى الحكم واتخاذ القرارات مش معارضة لا يخرج من فمها إلا كلمة نرفض ... راجع نفسك يا هشام احنا كلنا لك أحباب ... الخطأ فى الجانبين ... عايزين منك قصيدة بقه عن جبهة الإنقاذ !!!!! محمد محمود بدر 10-05-2013, 10:59 PM جزاكم الله خيرا جميعا مستر الادهم 11-05-2013, 01:58 AM **رداا على قصيدة هشام الجخ انا اخوان** ولما انت من الاخوان ياخي قولي وبهدوءك وبالاحسان تفسرلي تقولي مين بني علمان وتشرحلي وهات لي آيه من القرآن وفرحني تقولي يعني ايه صلبان ومين عالكتف شالوها ومين انتصر للحق وقال لآ وبعدوها ومين في شهوته غرقان وساب اوطان وباعوها ومين اسس ومين علم وجاب شبان يصونوها ومين كان ثار عشان يرفع غبار امه ومين فينا من الثوار نزل لازاحة الغمه ومين اللي دعم بشار وقال انه زعيم قمة ومين كان راح وبسلاحه يحارب فرقه اللمه ويدي الطفل فيها امان بدل يبكي يقول يامه لما لقي اخوه غرقان بدمه حس بالهمه ومين على غزه كان زعلان وع الاوطان وعمر ما كان في يوم يآس ومين اللي بعت قربان لكل جبان ولاعمره بدم الطفل كان حاسس ومين فينا حامل قرآن ومين حامل في اشعارو ومين ردد كلام رحمن ومين ردد كلام قالو ومين اللي انضرب بالنار في عصر الظلم والجبروت وساب بعدو شباب تبني وبتحارب تسابق الموت ومين قدوته ربه ومين قدوته كانت في فاطمه ناعوت بما انك يا عم هشام راجل صايم وبتصلي وطول الليل قيام في قيام خلاص اشرح وفسرلي على منهج بني علمان ومين فيهم بقى قولي على رايته حمل قران وكان ثاير عشان الشرع يحكمنا ومين فيهم قال الخرفان ياريت تشرح تفهمنا نصيحه ليك ياعم هشام تروح تقرآ عن البنا حسن خلف شباب شجعان وراح في شهادة على الجنة وزاح الظلم بالاحسان وشال ياما شرور عنا ولما اسس الاخوان بقو اخوان في شرع ربنا الرحمن ليه انت جاي تكفرنا بقلم احمد القسامي مستر الادهم 11-05-2013, 01:59 AM http://www.youtube.com/watch?v=R2BA7BOsCNA د.عبدالله محمود 11-05-2013, 05:39 AM http://www.youtube.com/watch?v=r2ba7boscna قصيدة رائعة غير أنه ينقصها الإلقاء الجيد , ولكنى فى المجمل أظنها جاءت أكثر توفيقاً من قصيدة الجخ التى تحمل الكثير من تناقضات المعانى والافتراءات التى ترقى إلى مستوى الأكاذيب وللشاعر أن يكذب فى خياله وله أن يحلق بصوره كيف شاء , فأجود الشعر أكذبه ولكن ليس له أن يكذب فى الموضوع فينسب لنفسه محامداً لم ينل شرف الانتساب إليها و يجرد غيره من منجزاته بنفيها أو التشكيك فيها كادعائه أنه كان من رواد معتقلات المخلوع ونفيه مشاركة الإخوان فى فاعليات التحرير أثناء الثورة أو على الأقل محاولة التشكيك فيها فهذا من شأنه أن يُسقط القصيدة , يمنحها أسباب الفشل فى أن تكون تأريخاً صادقاً , فتخبو سريعاً فلا يُلقى لها بالٌ ولا يُعَوَّل عليها . مستر الادهم 11-05-2013, 06:19 PM قصيدة رائعة غير أنه ينقصها الإلقاء الجيد , ولكنى فى المجمل أظنها جاءت أكثر توفيقاً من قصيدة الجخ التى تحمل الكثير من تناقضات المعانى والافتراءات التى ترقى إلى مستوى الأكاذيب وللشاعر أن يكذب فى خياله وله أن يحلق بصوره كيف شاء , فأجود الشعر أكذبه ولكن ليس له أن يكذب فى الموضوع فينسب لنفسه محامداً لم ينل شرف الانتساب إليها و يجرد غيره من منجزاته بنفيها أو التشكيك فيها كادعائه أنه كان من رواد معتقلات المخلوع ونفيه مشاركة الإخوان فى فاعليات التحرير أثناء الثورة أو على الأقل محاولة التشكيك فيها فهذا من شأنه أن يُسقط القصيدة , يمنحها أسباب الفشل فى أن تكون تأريخاً صادقاً , فتخبو سريعاً فلا يُلقى لها بالٌ ولا يُعَوَّل عليها . تحليل ممتاز اخى الفاضل لا حرمنا الله منك وبارك الله فيك مع ملاحظة ان القصيده الموجودة فى الفيديو غير القصيدة المكتوبه أبويوسف 11-05-2013, 09:06 PM http://im41.gulfup.com/x3q0L.jpg مروه 11-05-2013, 09:08 PM حلوه اوى القصيدة سمعتها من يومين كده هو مزودها شويتين بس والله فيها نصايح حلوه اوى شكرا على نقل الفيديو مستر الادهم 12-05-2013, 01:12 AM http://sphotos-d.ak.fbcdn.net/hphotos-ak-snc6/s480x480/179509_577000969000142_1240118412_n.jpg (http://www.facebook.com/photo.php?fbid=577000969000142&set=a.567947306572175.1073741828.187003297999913&type=1&relevant_count=1&ref=nf) فهيد 13-05-2013, 01:43 AM الله علي قصيدتك يا (مستر الادهم ) بجد غايه في الروعة والجمال والاخ هشام الجخ انا من اشد المعجبين بقصائده وخاصة التاشيرة لكن مش عارف ايه اللي خلاه يغير مساره اللي كان ماشي عليه ولا هو بيحب انه يكون معارض في الغلط والصح لكن رأيه يحترم علي الرغم من اختلافنامع وجهة نظره مستر الادهم 13-05-2013, 02:06 AM الله علي قصيدتك يا (مستر الادهم ) بجد غايه في الروعة والجمال والاخ هشام الجخ انا من اشد المعجبين بقصائده وخاصة التاشيرة لكن مش عارف ايه اللي خلاه يغير مساره اللي كان ماشي عليه ولا هو بيحب انه يكون معارض في الغلط والصح لكن رأيه يحترم علي الرغم من اختلافنامع وجهة نظره بارك الله فيك اخى الكريم وشكراً لمرور حضرتك Tornadoo1970 13-05-2013, 01:40 PM http://sphotos-d.ak.fbcdn.net/hphotos-ak-snc6/s480x480/179509_577000969000142_1240118412_n.jpg (http://www.facebook.com/photo.php?fbid=577000969000142&set=a.567947306572175.1073741828.187003297999913&type=1&relevant_count=1&ref=nf) الاخوان اختصروا التموين و كل مشاكله فى رغيف العيش و اختصروا الرئيس و كل مؤهلاته انه بيصلى يا سيدى اليابان و صلت اعلى مراحل التقدم و الله اعلم ما هى ديانتهم و المانيا معجزة اقتصادية و علمية و ثقافية و رياضية و لا يحفظون القران المهم الاخلاص فى العمل و ان تكون مصلحة الوطن لا مصلحة الجماعه هى الاهم هل وضحت الرسالة مستر الادهم 13-05-2013, 06:08 PM الرسالة واصله من زمان المهم من يعمل بهذه الرسالة على الجميع العمل لمصلحة الوطن وتوفير جهده ووقته فى حروب جانبية لا طائل منها ولن تغير فى شيئ لن تفقد الرئيس منصبه ولن تتراجع بسببها شعبية الاخوان ممهما اوهموا انفسهم بذلك لن تكون مصلحة الوطن بالملوتوف والحرق وال*** ولن تكون بالاشاعات والاخبار الكاذبه والملفقه ولكن مصلحة الوطن ستكون بالعمل والاجتهاد هذا فقط من سيجعل للوطن اسم بين الدول المتقدمه مستر الادهم 13-05-2013, 10:06 PM ﺃﻧﺎ ﺍﻟﻠﻲ ﻧﺰﻟﺖ ﻓﻲ ﺍﻟﺸﺎﺭﻉ ... ﺃﻟﻢ ﺍﻟﻔﺘﻴﺔ ﻭﺍﻟﺼﺒﻴﺎﻥ ﻭﻓﻲ ﺍﻟﻤﺴﺠﺪ ﺃﺟﻤﻌﻬﻢ ... ﻭﺃﻋﻠﻤﻬﻢ ﻭﺃﺣﻔﻈﻬﻢ ﺍﻟﻘﺮﺁﻥ ﻭ ﻳﻮﻡ ﻣﺎ ﺍﻟﻜﻞ ﻛﺎﻥ ﺧﺎﻳﻒ ... ﻳﻘﻮﻝ ﻛﻠﻤﺔ ، ﻛﻨﺖ ﺃﻧﺎ ﺑﺮﻛﺎﻥ ﺃﻧﺎ ﺍﻟﻠﻲ ﺑﻠﻒ ﻋﻠﻰ ﺻﺤﺎﺑﻲ ... ﺑﻮﺭﻗﺔ ﻋﻦ ﻓﻀﻞ ﺭﻣﻀﺎﻥ ﺃﻧﺎ ﺍﻟﻠﻲ ﺑﺤﻀَّﺮ ﺻﻼﺓ ﺍﻟﻌﻴﺪ ... ﻋﺸﺎﻥ ﺃﻧﺖ ﺗﻜﻮﻥ ﻓﺮﺣﺎﻥ ﺃﻧﺎ ﻳﻮﻣﻬﺎ ﺑﻜﻮﻥ ﺗﻌﺒﺎﻥ ﻻ ﺑﺮﻭﺡ ... ﻭﻻ ﺃﻧﺎﻡ ﻭﻻ ﺃﻟﺒﺲ ﺍﻟﻘﻔﻄﺎﻥ ﻋﺸﺎﻥ ﺑﻨﻀﻒ ﺍﻟﺠﺎﻣﻊ ﻭﺍﻟﺸﺎﺭﻉ ... ﻭﺑﻔﺮﺵ ﺍﻟﺤﺼﺮ، ﻭ ﺑﺒﻴَّﺾ ﺍﻟﺤﻴﻄﺎﻥ ﺃﻧﺎ ﺍﻟﻠﻲ ﺻﺎﺣﺒﻲ ﺑﻴﺸﺘﻤﻨﻲ ... ﻭ ﺑﻴﻬﻨﻲ ﻭ ﺑﻴﻘﻮﻟﻲ ﻳﺎ ﺧﺮﻓﺎﻥ ﻭ ﺃﻧﺎ ﺃﺿﺤﻜﻠﻪ ﻭﺃﺳﺎﻣﺤﻪ ... ﻭﻋﺎﺩﻱ ﻣﺎ ﺃﻧﺎ ﺇﺗﺮﺑﻴﺖ ﻣﻊ ﺍﻹﺧﻮﺍﻥ مستر الادهم 13-05-2013, 10:24 PM أنا اخوان.. وكل المسلمين اخوان مقلتش لأ ومين يقدر يقول على مسلم انه انشق ومين يقدر يقول الكل على باطل وهو الحق أنا اخوان ومن صغري وانا اخوان وطول عمري..رضعت العز من بدري بايد اخوان وشايل راسي على كفي عشان ربي,ومش بتهان لا عمري كنت انا خاين ولا بايع ولا مجرم ولا سجان أنا اخوان وطول عمري ف وقت الخوف انا الربان وبعد ما اعدي بحر الصعب انا بتهان وأفضل برضه انا ساكت ومش غلطان فميجيش جخ ويقوللي ده انت جبان أنا اللي حاربت في فلسطين وسال دمي بقالو سنين وجف الدمع ع الاقصى وانا دموعي ليوم الدين وشقوا صدري بسهامهم عشان اخوان برغم الضلمة والعتمة وقفت أثور وكنتوا تقولوا اخوانجي وعايش الدور وفاكر انه هيصلح وطن مكسور ومسمعتش ف يوم ليكم,فضلت جسور عشان اخوان أنا اخوان ولا ف عمري في يوم وطيت ولا أكل الرغيف خلاني جنب الحيط ولا كان ليا في الصفقات ولا التزييط وعشت حياتي وشعاري أنا اخوان هتشتم يا هشام اشتم ولا بيهم وتنطح صخرنا براسك وتنزف دم ولا هيهزنا شتايمك ولا يغيرنا يوم الذم ولا هنهتم مكنتش أحب اني اجاريك ف تخاريفك ولا اني أسلم يوم بتصنيفك ده مصري بشرطة وده مصري بدون شرطة وده يا جخ توصيفك..مش الاخوان ولسه برضه ممدوده ايدينا اليك ففوق واصحى يا ولد العم مد ايديك عشان نبني وطنا بجد مش تلبيك واياك تفتكرني عدو...ده انا اخوان بقلم حسام خميس مستر الادهم 16-05-2013, 01:55 AM انا اخوان .. مفيش مانع تكون اخوان ولو حتى انت مش اخوان .. مفيش جامع عليه يافطه .. انا ملاكى للاخوان .. مفيش مصحف انا شفته .. باصدار تانى من القرآن ! ورب الكعبه قلناها وده اسلوب .. حياتنا واحنا خضناها عشان مطلوب.. من الواحد .. ينصر أمته وناسه.. يغمس عرقه من فاسه.. بشرع الدين .. بينا .. أو بناس تانيين ! انا قلت انت مش مسلم ؟؟ طب اقعد طب حنتكلم .. وفهمنى !! يجوز الكلمة ..بدون القصد جت منى !! فلان كافر !! طب اركز طب وفكرنى .. منيش فاكر ! ودور فى الشنط عندك وشوفها وبص وهاتلى الفتوى من عندك وإقرا النص ! وفهمنى ! انا اللى عرفته من ناسي .. انى حرام أكفّر حد مسلم حتى لو عاصى .. غير لو قالى انه ارتد وفى بعض الشروط شوفها , أو اسأل عنها تعرفها , مش الموضوع ! انا الفكره ان اخوك موجوع ! مفيش مانع تعارض ناسي .. اعارض فيك ! وحرفع قبعة راسي واسقف ليك انا وانت وغيرنا فى ثورة التحرير تعبنا عشان يفوق غيرنا ومات عصافير عشان نقدر نقول كلمة كفايه وغور ! فمش حاجى على حقك يا جخ وابور !! انا لو حابب انى اقوم حقوم واحلف ومش حنسى كلامك يوم .. واحنا بنحمى فى المتحف في يوم جمعة غضب بليل .. وشفنا الموت وشفنا الويل .. ومين حببنى فى الكلمة وفى الشعرا وفى القواميس ومين قال شعره يوم مره .. دخل قلبي ومين يا هاويس ؟ انا اخوان .. ومش حنبح في يوم زوري .. واروح احكى على واجبي وعلى دوري ومين خد منى بوكسايه فقام هوبا اترزع فى الارض وانى بحمل الرايه .. انا حامى الحمى والعرض !! انا بعمل عشان مجنون بحب بلادي وبدينى وربي يقّدر اللى يكون .. ويرزقنى ويدينى انا خدت البلد كحلى وحيطة كبيره مسدودة ! وانا وياريته مسموحلى احولها في يوم بيضه ! أبيّض حته من ناحيه .. بتسود فى حتت و حاجات اموت فى كلاب صاحيه .. بتولد لى مئات الافات ! يا عم هشام .. منيش قادر اقول فى كلام .. كتير معروف .. انا اصلا بموت من الخوف .. وانا بحكم ! وخايف من حساب ربي .. وهو بحالى ده يعلم ! يا عم هشام انا اخوان .. منيش لا ملايكة ولا شيطان .. ومش عيب اعترف غلطان .. ولكن لو غلطت فى يوم .. عشان عادى انا انسان .. انا مش حخون .. انا اخوان :) |