السلام عليكم الاول

عندنا كاتب فى المعهد دبلوم معلمين تم تعيينه كاتب فى الترم الاول


عادى مش مشكله اهلا وسهلا بيه اخ وزميل فاضل

المشكله انه مش بيعرف يعمل اى حاجه لامكافأه ولا بدل ولا حتى خمسين


مش مشكله عادى بكره يتعلم




المشكله اننا لما نقبض المستحقات اللى لينا زى المكافأه او البدل -- بنقبضها بعد معاهد الهند

وبلاد الاسكيمو ماتكون قبضتها


عادى مش مشكله اللى عند الحكومه مش بيضيع


المشكله انه بيلم فلوس علشان يروح للمنطقه فى سوهاج ( من المكافأه او البدل او الخمسين )

عادى مش مشكله كل الناس بتعمل كده

المشكله انه بيلم من الواحد عشره جنيه بحجه المواصلات


عادى مش مشكله المسافه بعيده

المشكله انه لم من اسبوعين خمسه جنيه من كل واحد لتصوير اوراق ههههههههههه


مش مشكله يصور زى ما هو عايز

المشكله ان كارتة شهر خمسه وصلت للمعهد او صورها من المراجع اللى فى المنطقه

ولما طلبنا نشوفها علشان نطمن على الزياده بعد اضافه التلاتين فى الميه

رفض !!!!!!!!!!! اه والله رفض وراسه والف سيف ماحد يشوف اى كارته

السبب يعم الاستاذ ؟؟


ال ايه انتوا مش طالعين مراقبه فى الشهاده يبقى تشوفوا الكارته لييييييييييييييييه !!!!!


المشكله اننا لما بنوقع على استمارات الصرف بنلاقى كوريكتر كتييييير وشطب زى ورقه التلميذ البليد فى الامتحان ... يعنى حاجه متأخره 400 سنه للخلف


يلا بقى قولوا ايه الحل علشان احنا تعبنا اوى ومش هينفع اكتر من كده بصراحه عايزين حل

شكوى للمشيخه

استغفر الله العظيم

ارجموه احسن والاانفوه للهند ههههههههههههه هو ده حال الازهر ياسيدى

توجه للماليات فى المنطقة واسأل عن الموظف المسئول عن معهدكم فى القسم ، واطلب منه تصوير كارتة المرتب ، وهو امر يفعلوه مع اغلب مدرسى وادرارى وعمال المعاهد

بالنسبة للكارتة انت ممكن تتمسك بحقك وتستلم كارتك لما تقبض المرتب . لانك المفروض تقبض بناء علي الكارتة
اما الاداري الجديد دا امسك علية اخطاء كتيرة وبالورق والشهود ... ساعتها هينعدل معاكوا

الاول اشكركم على مروركم العطر وبارك الله فيكم


ثانيا لما بنساله عن اى خبر يخص الماليات فى المنطقه يرد بطريقه تحسسك والله انه بيقبضك من بيتهم


طريقه قديمه اوى وبطلت من زمااان مثلا يقولك - انتوا ماتشبعوش ابدا هههههههههههههههههههه


وليه مثل بيحب يقوله كتير ( اللى ضريان على اكلك -- كل مايشوفك يجوع )


معنى كلمه ضريان للاخوه اللى ما يعرفوهاش يعنى متعود


المهم هو منتدب محلى فى امتحان الشهاده الابتدائيه فى المعهد


وماضى فى استمارات اللجنه كادارى

وفى دفتر الحضور والانصراف مكتوب بالقلم الاحمر امامه ( انتداب محلى للشهاده )



وليه بنت اخت فى الصف السادس



ايه رايكم ؟؟؟




بكنتب فيه شكوى ولا نسيبه المره دى لوجه الله



؟؟؟؟؟؟؟؟؟؟؟؟؟؟؟؟؟؟؟؟

من المفترض يا اخى العزيز انك تقوم بالامضاء فى كارت المرتبات بجانب خانة اسمك وتعرف مرتبك بالتفصيل وهذا من حقك فقد يكون هذا الإدارى ليس لديه علم بذلك رجو ارشاده فى هذا النقطة .

شكوي للشيخ طلعت مدير المنطقة والشيخ جعفر رئيس قطاع المعاهد الازهريه وهما حينفخوة وانتوا يا استاذ الي خلتوه يعمل فيكم كده احنا بنسيبوه يروح المنطقة ميرحش برحته المهم يوم 30 مرتبي في ايدي والا اشتكيه لمدير المنطقه وزمان كان عندينا واحد سكرلاتير لم 1 جنية من كل واحد عشان يجرر استمارة بدل نقدي ويذهب بها الي المنطقه وبعدين اتاخر الاستماره شهرين روحنا اشتكناه في النيابه وواخد جزة 5 ايام واتنقل واتادب وبقي زي الكلب

اغلب الاداريين دبلوم معلمين الازهر بس فيهم وفيهم

يا حلاووووووووووووووووووووووووووووووووووووووووووووووة

ربنا ييسر لكم الحال و تصبحوا على الفيزا
لأنه بصراحة المندوب المالي ده شئ محزن
و عموما اكتبوا طلبا جماعيا و اتفقوا على شخص اداري غيره
و اشتكوه و غيروه بآخر
و خليه يشتغل شغله تانية احسن له في المعهد مثلا مسؤول تغذية اي حاجة تاني
و هذه حدثت معنا ، و كان يأخذ من كل راتب 2 و 3 جنيهات لصرفها
و كتبنا شكوى و وقع عليها شيخ المعهد و غيرناه
اتحسر بعدها على الفلوس اللي كانت بتجيله
ربنا معاكم

هههههههههههههههههههههههههههه
معظم الاداريين كدة..حتى اللى فى المنطقة

اخى الفاضل بعيدا عن كل ماذكرت الموضوع اسهل من كل ذلك بكثير على شيخ معهدك تغيره
واختيار مندوب اخر وهذه من سلطات شيخ معهدك
كما ارجو من الاخوة الافاضل عدم التلفظ بالفاظ غير لائقة على زملاءنا الاداريين حتى لو كان فيهم غير امين فى عمله
مثل الصورة التى ذكرها الزميل ففى جميع المهن يوجد كل الالوان والاصناف
واحب اوضح نقطه للزميل أ/ سعد انتم الذين اوصلتم التعامل بينكم الى هذه النقطه وحسب قولك
على كل موضوع عادى بكره يتعلم عادى عند الحكومه مايروحش .... الخ
وسؤالى الاخير اين شيخ معهدك من كل هذه السلبيات ؟؟؟؟

اخى الفاضل بعيدا عن كل ماذكرت الموضوع اسهل من كل ذلك بكثير على شيخ معهدك تغيره
واختيار مندوب اخر وهذه من سلطات شيخ معهدك
كما ارجو من الاخوة الافاضل عدم التلفظ بالفاظ غير لائقة على زملاءنا الاداريين حتى لو كان فيهم غير امين فى عمله
مثل الصورة التى ذكرها الزميل ففى جميع المهن يوجد كل الالوان والاصناف
واحب اوضح نقطه للزميل أ/ سعد انتم الذين اوصلتم التعامل بينكم الى هذه النقطه وحسب قولك
على كل موضوع عادى بكره يتعلم عادى عند الحكومه مايروحش .... الخ
وسؤالى الاخير اين شيخ معهدك من كل هذه السلبيات ؟؟؟؟

بارك الله فيك ايها الاستاذ الفاضل
يجب عدم التلفظ باي لفظ نابي علي اي شخص حتي لو كان عاملا بسيطا
الاداريون مظلمون حقا ومرتباتهم ضعيفة وهم اخوة لنا نحب لنا الخير
والامر بسيط جدا فعلي شيخ المعهد ان يسند الماهيات الي موظف آخر وتنتهي المشكلة بدون ضرر

مشكورمشكورمشكور

عادى مش مشكلة
معظم المعاهد كدا

للامانة عندنا الادارى المسئول عن تحرير الماليات ماشاء الله مخلينا دايما نقبط بعد كل المعاهد ومندوب الصرف لما يروح يصرف شيك ويرجع ان رجع وشه مكشر نعرف فيه فلوس وان رجع بيضحك ومبسوط نعرف ان مفيش فلوس فى البنك او الشيك فيه خطأ ...
والله بجد ماكينة الفيزا كارت احسن من وشه الكر .

تحياتى للجميع


اشكركم ثانية على مروركم العطر واراكم المميزه

المشكله ان الاداريين اللى فى المعهد اناث والمنطقه تبعد حوالى 70 كيلو متر عن المعهد

وليس معقولا ان تسافر الاداريه كل هذه المسافه

وخصوصا لو كانت حامل او فيه مشاكل مع اهل زوجها والخ الخ


الان السؤال الاهم


هل اذا حولنا للفيزا كارت سيحول المرتب وباقى المستحقات كالبدل النفدى والمكاقاه واى مبالغ اخرى تاتى


بعيدا عن المرتب فى استماره منفصله ؟؟


اشكر لكم سعه صدركم وجميل ردودكم

[b]الحل تبعتوه انتداب للهند وبلاد الإسكيموا

الحل هو شكوى جماعيه سعادتك ، والمنطقة مسئوله عن توفير بديل مناسب ، موضوع لم الفلوس ده مش يودى لنيابه ادارية ده يودى السجن كمان ، المشكله مش فى شخصه طبعا المشكله انه مش فاهم شغله .
احنا كان مندوب الصرف كده وكتبنا شكوى من شهر تقريبا واتغير فورا واستشهدنا فى مذكرتنا بمسئولى الماليات فى المنطقة ، ههههه ده كان مطلع عينيهم ، رجع مسك شئون الطلبه ................ريحنا وارتاح

اشكر لكم سعه صدركم وجميل ارائكم


السؤال الان


هل اذا حولنا الى الفيزا كارت سيتم تحويل كل المبالغ التى تاتى مثل المرتب والبدل نقدى والخمسين %


واى مبلغ اخر خارج كارته المرتب

ام التحويل سيتم فقط على المرتب ؟

دا احنا هنا علي كدة في نعيم

الله المستعان