اهلا بكم اخوتى الاعضاء

انا 2 ثانوى وعندى بكرة امتحان فرنساوى وتفاضل وحساب مثلثات وانا خايف من الفرنساوى جدا رغم انى حليت اكبر كمية من الامتحانات بس حاسس انى ضعيف شوية فى الفرنساوى خاصة الكلمات وعلشان كده بفهم الوثيقة بصعوبة واحيانا مش بفهمها ومش بعرف اكتب موضوع تعبير بسبب ان معنديش ثروة لغوية رغم انى كنت بحفظ كلمات طول السنة . اعمل ايه فى باقى اليوم انهاردة؟ واراجع ازاى فى الساعات الباقية دى؟

أولاً متوترش نفسك .. اهدى كدا :)

امتحان الفرنساوي بييجي زي البلونة .. فاااضي من جوا وبيفرقع ع مفيش :)

بص مش لازم تفهم الوثيقة بالظبط .. لو لقيتها صعبة متلزمش نفسك انك تفهم كل كلمة فيها
استنبط معناها من الجملة ككل , واقراها مرة واتنين وتلاتة قبل ما تجاوب اي سؤال عشان في اسئلة فيها بتكون معتمدة ع التفكير مش مجرد انك تنسخ السطر وتحطه زي ما هو

وبالنسبة للموضوع اللي مطلوب منك تكتبه , حاول ف الفترة اللي فاضلالك دي تقرأ مواضيع كنت بتاخدها ف الدرس
او مواضيع من الكتاب
وعود نفسك ع انك تكتبها بأسلوبك غيباً وشوف هتقدر تجمع اكبر قدر من المعلومات والكلمات ولا لأ :)

بس المفروض انك كنت اتعودت ع كدا طول السنة !!